المحاسبه دى عالم كبير بس بيكمل بعضه يعنى اللى ميفهمش ماليه ميفهش شركات يعنى كلها مرتبطه ببعضها
والمحاسبه دى مش نوع واحد لا لها فروع كثير
اولا فى نوع اسمه محاسبه ماليه ودى بتعتبر مبادى المحاسبه بس تعتبر اهم نوع كنت مسميها مفتاح المحاسبه كلها ودى
عبارة عن تسجيل العمليات اللى بتم فى اى شركه او مصنع اى منشاة يعنى ودة بيتم عن طريق اكثر من عمليه حسابيه
اولا بتم عن طريق حاجه اسمها دفتر اليوميه ودة عبارة عن سجل بيتم تسجيل فى العمليات اللى بتم سواء بيع شراء سداد ودة بيتم فى صورة قيود يوميه زى من \ والى
من ح/ البنك
الى ح/ راس المال
دة مجرد مثال وطبعا بيتقيد التاريخ ورقم لكل عمليه
وبعدها بيتم حاجه عمل حاجه اسمها دفتر الاستاذ العام ودة عبارة عن حساب بجانبين جانب مدين وجانب دائن بيتسجل فى كل عمليه لشى واحد يعنى بعمل لكل عمليه دفتر لوحدة زى مثلا لراس المال ودفتر للبنك كل واحد لواحدة انا ضرب مثال بناء على المثال اللى كتبته فى القيد والبنود والعمليات اللى كتبتها فى القيد فوق وبعرف عن طريقه التعامل الللى بيجرى على كل حساب يعنى بعرف المكسب والخسارة لكل حساب لواحدة
وبعدها بعمل حاجه اسمها قائمه المركز المالى (الميزانيه)
ودى عبارة عن جانبين جانب اصول وجانب خصوم وحقوق الملكيه ولازم طبعا الجانبين يكونه متساويين ولو اختلفه يبقى فى عمليه تمت غلط يعنى شرط ان الجانبين يكونه متساويين وطبعا دى بعرف عن طرقها كل الحسابات اللى تمت فى المنشاة وبعرف ايه زاد وايه نقص
وايه كسبته وايه خسرته
وطبعا دة فى كثير من المحاسبات يعنى مش مرتبط بالماليه بس
ثانيا فى نوع تانى اسمه محاسبه شركات ودى بتبقى عبارة عن التعاملات اللى بتم فى الشركات وتعرفنا ازاى ادير شركه وايه شروط الشركه وايه انواععها لانى فى اكثر من نوع للشركات وطبعا بيبقى هدفها الاساسى الربح يعنى تعاملها كله فى الشركات
وفى نوع ثالث اسمه محاسبه اداريه ودى طبعا عبارة عن التعاملات اللى بتم فى الادارت والاقسام
وبيتعامل بيها الشركات بردة والمصانع وغيرة
وفى نوع رابع اسمه محاسبه حكوميه ودى بتستخدمها المصالح الخكوميه والمراكز اللى بتعطى خدمات فقط زى النوادى وغيرها لانى بتتعامل مع الخدمات فقط هدفها تقديم الخدمات وليس المكسب ودى طبعا مبتستخدمش فى الشركات الخاصه ولا المصالح الخاصه
وفى نوع خامس اسمه المحاسبه القوميه ودى تعاملها كله فى شكل قطاعات بعنى مقسمه المجتمع لااربع قطاعات
1/ قطاع حكومى ودى الحكومه
2/ قطاع الاعمال ودى الشركات والمصانع وغيرها
3/ القطاع العائلى ودة طبعا احنه اللى هى الاسر وحياتنا
4\ قطاع العالم الخارجى ودى التعامل اللى بيتم بينا وبين الدول الاخرى
وبنعرف عن طريقها ايه بنكسبه وايه بنخسرة وبنعرف اى قرش اندفع فى ايه وهيجيب كام وليه
فى نوع سادس اسمه المحاسبه الضريبيبه ودى بتتعامل فى الامور اللى بتخص الضرائب واتجاهات الضرائب وامته ادفع وادفع كام وليه
والامور اللى بتتعامل معاها مصلحه الضرائب
فى نوع سابع اسمه محاسبه التكاليف ودى انا بسميها بتاع كله بتتدخل فى كل حاجه يعنى فى الزراعه والصناعه وجابت كام وخسرت كام
وبتتدخل فى المقولات والشركات بس مقسمه لفروع طبعا
كان نفسى اكتب اكثر بس المشكله انى الرد اللى كنت شارح فيه بتفصيل عن كدة راح النت فصل وانا ببعته فتمسح
وفعلا تعبت وانا بكتب مش قادر اكتب اللى كنت كتبه
فكتبت شويه اختصارات كدة عن انواع المحاسبه ولي تكلمه باذن الله فى موضوع المحاسبه وانواعه