لو لم اكن مهندسا ............

السلام عليكم يا مهندسين

طبعا انا محاسب وليا الشرف .. فهل ممكن اشارككم الحوار ؟؟

بصراحة يا جماع ةأمل 90 % من شباب مصر .. أنه يدخل طب او صيدلة او هندسة باعتبار انها من كليات القمة ..

أنا بصراحة أكتر كلية كنت بحبها هى الهندسة وكان نفسي ادخلها ..

لكن بأقول وبكل فخر واعتزاز .. ربنا وفقنى واختار لى الصالح ودخلت كلية التجارة ..

ورغم انى كنت ممكن ادخل كليات كتيرة اعلى من تجارة الا انى فضلت كلية التجارة عن اى كلية ..

ولحد دلوقتى مش شايف غير كليتين فى مصر (هندسة وتجارة) وباعتبار ان المهندسين والمحاسبين شغلهم متقارب جدا خاصة فى مجال الكمبيوتر ..

لكن مقولة (لو لم أكن مهندسا لتمنيت ان اكون مهندسا) انا معترض عليها فى نقطة معينة

انا نفسي اللى يجيب مجموع ويلحق هندسة يبقى مقتنع تماما ومن داخل قلبه حابب كلية الهندسة .. مش لمجرد ان الناس هتشاور عليه وتقول (المهندس فين أهو)

عاوزين ناس تقدر العلم ومن ثم تقدر العمل .. تخلص فيه .. وتبدى ما بوسعها ..

لكن بالصراحة لو حد كان داخل اى كلية من كليات القمة بغرض اللقب .. يبقى صعب انه يكون مخلص لله ..

ربنا يوفقكم يا مهندسي مصر .. يا مهندسي العمار

ان الله استخلفكم فى الأرض واستعمركم فيها .. فاستعمروها وأحسنوا .. ان الله يحب المحسنين ..

اقتباس :

لو لم أكن مهندس......... اممممممممم انا مش مهندسه أصلا بس كان حلم عمري أدخلها لكن قدر الله وماشاء فعل لكن لو كنت دخلتها كنت هندم ندم عمري لأن بجد مافيش اجمل من دراسة الطب بالرغم اني طالبة خايبة هههههههه أختى البتول جزاك الله خيرا على المشاركة معانا و اقدر اقولك ان مافيش اجمل ولا امتع و لا اصعب من دراسة الهندسة و يا ستتى اعتبرى نفسك انك دخلتيها اقتباس : أنا بصراحة أكتر كلية كنت بحبها هى الهندسة وكان نفسي ادخلها .. لكن بأقول وبكل فخر واعتزاز .. ربنا وفقنى واختار لى الصالح ودخلت كلية التجارة .. ورغم انى كنت ممكن ادخل كليات كتيرة اعلى من تجارة الا انى فضلت كلية التجارة عن اى كلية .. ولحد دلوقتى مش شايف غير كليتين فى مصر (هندسة وتجارة) وباعتبار ان المهندسين والمحاسبين شغلهم متقارب جدا خاصة فى مجال الكمبيوتر .. لكن بالصراحة لو حد كان داخل اى كلية من كليات القمة بغرض اللقب .. يبقى صعب انه يكون مخلص لله .. ربنا يوفقكم يا مهندسي مصر .. يا مهندسي العمار اخ عمرو موافقة تماما على رأى حضرتك الانسان اما يجى يدخل كلية لابد يدخل الكلية اللى عاوزها و حببها لان الواحد لو دخل كلية عشان الناس تقول عليه مهندس او دكتور مش هيقدر يبدع و لا يستفيد و بعد كده مش مهم انت دخلت كلية ايه المهم ايه اللى امن عملته فى الكلية و هل تفوقت و الا لا و الاهم انك بعد ما اتخرجت اصبحت انسان ناجح و اللا لا و بالتوفيق دائما اخوتى فى الله و نتمنى المزيد من المشاركات الفعالة

كلام جميل بس احب اضيف انى المحاسبين شاطرين جدا
وفهمين الحياه كويس لانهم اكثر اخطلاط بالناس
ودا طبيعيى

جزاكم الله خيرا

عموما اعتقد انى مهنة المهندس والمحاسب مهنة متقاربه
واغلب الاوقات بيكون شغلهم مكمل لبعضهم
ودا انا ملاحظه فى شغلى

أنا اعتبر ان المحاسب حلقة وصل بين المهندس والمحامي



لكن شتان بين المهندس والمحامى .. فهم لا يتواصلان



المحاسب شغله قريب جدا من المهندس وايضا قريب جدا من رجل القانون ..



هذا على حد فهمى لتجربة من فترة قصيرة فى الحياة ..



مفيش مانع ان الكل لازم يعرف فى كل شئ ..



لكن أثبت لك يا مهندس صفوت عكس كلامك .. أنت مفكرتش تعرف حاجة عن المحاسبة .. ومن هنا بوجه دعوة لسيادتكم .. أن نتشرف بحضوركم الكريم لقسم التجاريين ..



لعلنا نستفيد من بعضنا البعض .. واللى مش عارف يعرف يعنى ايه محاسبة ؟؟



طبعا الدعوة عامة لكل مهندسي المنتدى وخاصة الاخ الكريم ميشو وسوكر وطبعا بقية الاخوة على العين والرأس ..



تذكروا .. كانت منا المبادرة ..

أنا ماكنتش عايز أطلع مهندس

وكنت عايز أخش علوم

وراودتني فكرة المهندس الزراعي

بس ما قعدتش كتير

وبتلح عليا دلوقتي

وبعد شوية حسيت إني عايز أكتب

فزعلت اني ما دخلتش أداب

فرحت مدني

أدبي هندسة

وبقالي 20 سنة مهندس

مش عارف ليه

ولما بانزل للعمال

باتعمد انادي الحداد والسباك يا باشمهندس

والمهندسين بيزعلوا مني

وانا باتعمد كدا

............

الشعب كله (باش مهندس)

ـــــــــــــــــــــــــــــــــــــــ

مريض ذهب للدكتور

الدكتور : مالك فيك ايه ؟؟

المريض : والله يا باش مهندس دراعى مش قادر أحركه

هههههههه..
جميلة يابشمهندس عمرو..

انا بقي مكنتش بحلم ابقي مهندسه خالص
بس النصيب كده بس لما دخلت حبيتها
كتيير وحسيت باحترام الناس ليا
وكمان متخيلتش نفسي حاجه تانيه
انا فخوره كتير بالهندسه
مره خمسه دخلوا كليه الهندسه
اتخرج اتنين مهندسين وتلاته مدينه نصر

قدر الله ماشاء فعل