حد يحب ياخد قرض....

وظيفه البنك انه يمدنا براس المال على هيئه نقديه او فى شكل ائتمان مصرفى

هتقوله ايه اللغريتمات دى من اولها هتكتبى كلام منفهموش لا يبقى بلاش احسن نتكلم احنه هنا مش محاسبين



هقولكم يعنى ايه ائتمان مصرفى هو ان البنك بيفتح حسابا لصالح العميل ليتمكن العميل من السحب فى اى وقت بس طبعا هما محددين حدود للحساب دة وبردة فترة زمنيه محددة وبررة بيتم السداد فى مقابل عائد مادى معين وشروط معينه متفقين عليها


وبرة هقولكم ايه الشروط دى بس بعين احنه لسه بنتعرف

وطبعا البنك مش اى حد كدا بياخد القروض دى من البنوك

البنك بيبقى له نظرة بردة
ايه النظرة دى كمان اقولكم

يعنى ايه بردة يعنى البنك بيقوم بدراسه الموقف الائتمانى للعميل يعنى ايه بردة موقف ائتمانى مش قولنه عايزين كلام سهل ومفهوم حاضر

الموقف الائتمانى يعنى البنك بيتاكد ان كان فعلا العميل اللى طالب القرض دة هيقدر فعلا يدفعه ولا لا

يعنى ايه بردة يعنى هو المبلغ اللى البنك هيعطيه للعميل يعنى القرض وبردة بيتوقف المبلغ دة على حجم الودائع القابله للتوظيف لدى البنك وبردة مدى قدرة العميل على سداد المبلغ

يعنى ايه دة كمان يعنى البنك يكون عارف انت هتاخد القرض دة ليه هتعمل بيه ايه وهيتم استخدامه فى مجال ايه يعنى هتدخله فى استثمارات طويله الاجل ولا قصيرة ولا العميل دة هياخد فى انه يسوع شركه ولا يزود عدد الالات والماكينات اللى عندة

يييييييي براحه انت هتخدينا فى دوكه ايه الفرق بين قصيرة وطويله طبعا فى فرق كبير فى الاجل الطويل يعنى ادخلها فى استثمارات بتستمر اكثر من سنه اما القصيرة لا تزيد عن سنه

يعنى ايه الاخت دى كمان

هى الفترة اللى باخد فيها القرض بتكون محددة طبعا هو لعب عيال وبردة هى الفترة اللى بقوم بالسداد فيها

بس عمله اسم كدة لكل فترة الاولى اللى باخد فيها اسمها فترة السحب والثانيه اللى بسدد فيها وبتكون تقيله اوى على قلبنا مش بندفع بقا اسمها فترة سداد القرض


بس فى حاجه بردة انهم عملوا حاجه اسمها دمج الفترتين اللى ما السداد والسحب احنه قولنا ان كل فترة مختلفه عن التانيه ولها معاد محدد بعيد عن التانى

بس جم وعملوا حاجه اسمها دمج الفترتين ازاى يعنى؟؟؟؟ هدفع وسدد فى وقت واحد امال انا باخد عشان ادفع ساعتها

ايوة بس دة مش للكل طبعا دة للعملاء اللى بياخدة القروض عشان يموله شركه او يعمله توسع فى الوحدات الانتاجيه اه عشان تبقواعرفين الوحدات الانتاجيه دى يعنى ازود الانتاج ولا اجيب مكينات جديدة ولا ازود العمال حاجات زى كدا

بس هما بردة مش ظالمين ايه يعنى ندفع ونسدد فى وقت واحد ياستى بالها احسن


لا ياعم اهم بردة عملوا حاجه اسمها فترة السماح للعملاء ايه زى بتاع شركه اللاتصلات كدا ايوة بس الفرق انهم بيعطوا فترة السماح دى عشان يقدرة ينتجه بردة ويسددة الالتزامات دى امال هما هياخدة القروض ويسددوها بالالتزامات والمصاريف ايه

غويين يدفعه فوائد من غير ميستفيدة

ودة بقى المهم للبنك ماهو مش هيدفع المبالغ دى لله وللوطن كدا انتم عارفين الحكومه ربنا يخليها مبدا الاول انها تسفيد الاول وبعدين تفيد بردة

يعنى بقى العائد المادى دة كمان هو يعنى اللى هيستفيد البنك وايه اللى هيعود عليه من دفع المبالغ دى كلها

اقولكم بقى البنوك دى بتستفاد ايه

ايه دى كمان ياطير اقولك دى بقى بتبقى اهم حاجه عندهم هى مبالغ بياخدها البنك ليه بيسرقونا عينى عينك كدا

لا ياعم هو بياخد المبالغ مش فى صورة غير مباشرة كدا دول ازكيه هما بيخدوها تاته تاته يعنى على المصروفات والعمولات ومصاريف الدمغه والاتعاب القانونيه وغيرها

ودة طبعا اللى بيمثل الايرادات فى البنك وطبعا زى مانتم عارفين انهم بياخدة اكبر من حقهم يعنى بياخدة اكبر من التكلفه الفعليه التى بيتحملها البنك لمنح القرض



وطبعا خلى بالكم مش كل البنوك بتعطى قروض بيختلفه حسب مجموعه حاجات كدا

ايه هى اقولكم طبعا حسب الشروط اللى بيفرضها البنك المركزى على البنوك اللى بتعطى قروض خاصه بقى اسعار الفائدة على البنوك

وحجم الودائع وليه مع بعض كلام كثير فى موضوع الودائع دة اصلها انواع بردة ماشى اصلنا لو اكلمنا على الودائع هنا الموضوع هيطول كثير

ماشى نرجع بقى ونقول ان الودائع لما بتزيد البنك بردة بتفكها علينا بردة وبتعطى قروض كثير

وفى حاجه كمان لما الدوله تكون فى كساد ولا رواج اللى انا احنه مش بنبقى فيه خالص

وطبعا حسب العملاء يعنى عميل زوى جدارة وخبرة واسم فى السوق عايزين قروض نديهم وليه لا يارت كلنا كدا يمكن الحال يتعدل شويه وفى بردة العملاء اللى رغبين انهم يصفه قروضهم يعنى يدفعه ويسددة

ااحنه تعبنا عايزين ناخد بريك شويه حاضر خلاص هانت اخر نقطه قولى ياستى وصدعينا

ايه ياستى الشروط لسداد القرض دى كمان حتى دى لها شروط هما مالهم مااحنه اللى بنسدد ياعم براحه دى عشان مصلحتكم

مصلحتنا ازى يعنى؟؟؟؟؟ الشروط دى بتبقى متفق عليها انت والبنك من الاول عشان تبقوا على نور من الاول

وخلى بالك ايه تانى

ان السداد دة بيتم اما على دفعات او يتم على مرة واحدة ودة انتم بتبقه متافقين عليه من الاول عرفت بقى بينفعك فى ايه