من كلام ابن القيم (1)

اخوانى متابعى البرنامج

بتحية الاسلام أحييكم

السلام عليكم ورحمة الله وبركاته ..

طال انتظاركم وطبتم وماب يومكم ..

ها قد بلغنا رمضان .. فلابد من وقفة ..

ولنبدأ البرنامج بلا إطالة ..

تعريف بسيط

من هو بن القيم ..؟؟

هو الإمام المحقق المتقن الحافظ العلامة الأصولى شيخ الاسلام . .أبو عبد الله محمد بن ابى بكر بن أيوب الدمشقى .. وشهرته (( ابن قيم الجوزية ))

:: من كلام بن القيم ::

قال بن القيم رحمه الله : (لـَمَّا كان للقلب قوتان : قوة العلم والتمييز .. وقوة الإرادة والحب .. كان كماله وصلاحه باستعمال هاتين القوتين فيما ينفعه , ويعود عليه بصلاحه وسعادته) .. انتهى كلام بن القيم رحمه الله ..

أحب بن القيم .. ومن وجهة نظرى الضيقة لا أرى مثيل له فيمن تكلم عن القلب ..فهو افضل من تكلم عن القلوب ..

القلب له قوتان (مفيش تالت) ..

قوة العلم وتكمن فى العقل ..

وقوة الحب وتكمن فى الاحساس ..

لو انت عندك قوة .. يبقى أفضل استغلال ليها هو تقويم قوتك بالكامل .. كذلك القلب ..

أفضل قلب هو اللى يقدر يستغل قوته كلها ..

القلب ممكن يميز الشئ ده بعقله .. ويدرك ان الشئ ده هو الصواب والافضل .. لكن يتبقى الجانب التاني اللى هو الاحساس .. أو مدى ميل القلب للشئ ده ..

ممكن (عقل قلبك) يقولك ان الشئ ده صح لكن (احساس قلبك) مش متقبله ..

كده يبقى القلب سقط منه (نصفه)

بمعنى ؟؟

انه القلب عرف الحق ومعرفة الحق بالعقل .. لكن على الجانب الاخر .. القلب أنكر الحق باحساسه وهواه ..

:: مثال بسيط ::

قال تعالى " صراط الذين أنعمت عليهم غير المغضوب عليهم ولا الضالين"

الله سبحانه وتعالى أخص النصارى بالضلال .. لأنهم أمة جهل ..

وأخص اليهود بالغضب .. لأنهم أمة عناد ..

فالنصارى لم يعرفوا الحق ولم يدركوه بعقولهم (ان كان لهم عقل) .. حتى انهم لم يشعروا به ولم يحسوه ..

أما اليهود فقد عرفوا الحق وادركوه بعلمهم .. لكنهم كرهوا ما انزل الله اليهم وانكروه باحساسهم (ان كان لهم احساس)..

فالنصارى عبدوا بغير علم .. واليهود عرفوا الحق وزاغوا عنه ..

فممكن القلب يحب شئ مش سليم .. وده القلب الاهوج .. بيمشي ورا هواه .. مش عاوز يفكر .. مكسل يبحث عن الحقيقة ..

يبقى القلب ده جاااااااااااااهل

اما القلب اللى بيفكر صح وبيبحث عن اللى يفيده فى حياته .. لكن حين وصوله للحق يحاول ان يبعد عنه علشان هو تقيل عليه .. ومش حابب الشئ ده ..

يبقى قلب مغضوب عليه لأنه انكر الحق ..

تعالوا بقى نفكر ..

لو القلب ده استخدم القوتان الخاصين به مع بعض.. ممكن يوصل لايه ؟؟

يعنى لو القلب عرف الحق قدر المعرفة .. وادرك ان الشئ ده فيه فلاحه ونجاحه .. وده من جانب العقل

وعلى الجانب الأخر .. أحب الشئ ده وبيعمله وهو راضي عن الشئ ده وبيتلذذ من اداؤه .. وده من جانب الاحساس ..

أكيد القلب ده .. قلب أنعم الله عليه .. قلب كامل الاستعمال ..

:: كلمة أخيرة ::

من لم يعرف الحق فهو جاهل ضال ..
ومن عرفه وآثر غيره عليه فهو مغضوب عليه ..
ومن عرفه واتبعه فهو من الذين أنعم الله عليهم ..

:
:
:
فتش عن قلبك ..

شوف انت مين فيهم ؟!
:
:
:

جزاكم رائع الله خيرا أخ عمرو

يبدو ان الحديث عن احوال القلوب لاينتهي

فحقا صلاح القلوب يتبعه صلاح باقي الأعضاء

وحديثك اليوم عن اتباع الهوي ده تقريبا نراه دوما في حياتنا

يعني علي سبيل المثال

تجد أحدا يبحث عن فتوي لا لمعرفة الحق واتباعه وانما للبحث عن ذلات العلماء في الموضوع وايجاد فتوي تناسب هواه

فهذا والله من باب اتباع الهوي واستخدام خاطيء لقوة الاحساس

........موضوع رائع ومتابعين باقي الأجزاء باذن الله

وده أول اتصال تليفونى من الاخت / ياسمين

ربنا يكرمك يارب

والله انت أصبت هدف قوى جدا

البحث عن فتوى الهوى

احوال القلوب ما لها حصر ولا عدد

والآتي أفضل بكثير ان شاء الله

المهم المتابعة

جزاك الله عنا كل الخير

جزاك الله عنا كل خير ياعمرو ..
وبارك الله فيك بكلامك القيم عن ابن القيم..
وده الاتصال التليفونى التالت ...
ونستقبل مع بعض المكالمة الجاية .. ..
الوووو..

بارك الله فيك أخ عمرو

أستمر للأمام ولا تنظر خلفك

جزاك الله خيرا

كل سنة وكلكم طيبين يارب

وتكونوا بالف صحة وسعادة

وشكرا على تواصلكم واتصالاتكم

كنت أنتظر اقبال أكثر من هذا

جزاكم الله خير الجزاء وتبوأتم من الجنة منزلا

thestar كتب:: جزاكم الله خير الجزاء وتبوأتم من الجنة منزلا

اللهم أمين

واياكم اخى

جزاك الله خير يا عمرو

اقتباس :: :: كلمة أخيرة ::

من لم يعرف الحق فهو جاهل ضال ..
ومن عرفه وآثر غيره عليه فهو مغضوب عليه ..
ومن عرفه واتبعه فهو من الذين أنعم الله عليهم ..

اللهم اجعلنا من اتباع الحق
اللهم اجعلنا ممن يسمعون القول فيتبعون احسنه

اللهم امين

اقتباس :: :: كلمة أخيرة ::

من لم يعرف الحق فهو جاهل ضال ..
ومن عرفه وآثر غيره عليه فهو مغضوب عليه ..
ومن عرفه واتبعه فهو من الذين أنعم الله عليهم ..

حقيقة يعنى كل كلمة قيلت فى الموضوع سواء من كلام الامام (بن القيم)

او كلام عمرو حقا تستحق القراءة المتمعنة وليها بجد مليون استفادة وفهمنا يعنى ايه

جزئى القلب اللى هما( عقل القلب) و ( احساس القلب) وعرفنا نفرق كويس

عن اقتدار جزاكم الله خيرا يا عمرو عن الشرح والتفصيل والنقل وننتظر المزيد لا تحرمنا من هذا

الكلام الممتاز فى انتظار باقى الحلقات.............

جزاك الله خيرا ونتمنى المزيد

اقتباس :: من لم يعرف الحق فهو جاهل ضال ..
ومن عرفه وآثر غيره عليه فهو مغضوب عليه ..
ومن عرفه واتبعه فهو من الذين أنعم الله عليهم ..

اللهم أجعلنا ممن يستمعون القول فيتبعون أحسنه

ما شاء الله بجد تفسير سهل جدا ويتفهم بسرعة.
جزاك الله خيرا.

جزاكم الله خيرا

هذا من فضل ربى

واتمنى لو تتابعوا كل السلسلة

فيها فوائد قيمة ودرر ابن القيم ان شاء الله

أعزكم الله

متابعين ياأخ عمرو ان شاء الله كل السلسله والحلقه الأولي جيده جدا ووفقت في أختيار نوع الموضوع كبدايه لحلقات "من كلام ابن القيم" موفق دوما ياأخي.

اعزكم الله اخى م/ احمد

لمتابعة السلسلة اضغط هنا وستجد أكثر من 10 حلقات ان شاء الله

اضغط هنااااااا
سلسلة: كلام ابن القيم ..!

جزاك الله خير يااخي متابع ان شاء الله

ازيك يا عمرو

متابع ان شاء الله

لك وحشة يا د/ محمد والله

احبك فى الله

لك وحشة يا د/ محمد والله

احبك فى الله

» من كلام ابن القيم (5)
» من كلام ابن القيم (2)
» من كلام ابن القيم (6)
» من كلام ابن القيم (9)
» من كلام ابن القيم(10)