معكم على الهواء .. AhMeD ELSaYeD ... اليوم

زائر

تذكير بمساهمة فاتح الموضوع :

.

اعضاء وعضوات شباب العمار

جايب لكم موضوع حلو في نظري وان شاء الله يعجبكم جميعا

وتشاركون فيه ... المهم ما اطول عليكم

الموضوع / معكم على الهواء

موضوع استضافة عضو او عضوة من اعضاء المنتدى

الاستضافة :

لمدة ثلاثة ايام

اليوم الاول

يقدم العضو الضيف كل ما لديه

موضوع معين لديه

موضوع من كتاباته

قصه ويفضل تكون قصيرة

خواطر

قصائد

ابتسامه ونكت

الغاز

المهم له الحرية في اختيار ما يمتعنا به

اليوم الثاني والثالث

يستقبل اسئلة الاعضاء ولهم الحرية ايضا

في توجيه اي اسئلة للضيف

وفي نهاية اليوم الثالث يختار الضيف عضو بعده ليكون ضيف ( معكم على الهواء )

والميكرفون مع البشمهندس AhMeD ELSaYeD

الحلقة السابقة من البرنامج

حنين كتب:: هكمل على طول بقى قبل ما أنسى ههههههههه

12- قولى إيه السر فى ان اول حد يشوفك لاول مرة من غير ما يعرفك

ياخد انطباع انك مغرور شويه ههههههههه بجد ايه السر مع انك حلو وعال ؟؟

ميييييين بقى اللى مغرور

اكيد السؤال ده مش ليا

وممكن نسأل الناس

13- هتخلى زوجتك تنتقب ولا عادى يكفى الخـِمار ؟؟

والله انا مش هفرض عليها النقاب

انا هحببها فيه

لو ربنا كرمها واتنقبت يبقى فضل من الله

لو لم تفعل يكفى الخمار

14 - لو بعد ما اخترت زوجتك لاقيت حد من والديك معترض او انا معترضه ههههههه

هتعمل ايه مع العلم ان مثلا اللى انت اخترتها كويسة اوى لكن حصل رفض من اهلك؟؟

والله لحد الان يا أخت حنين أقدر أقولك

انى فى اجماع على اختيارى الله واعلم بكره فيه ايه

صح المهم بقى رأى أبويا وامى

انتى كنتى مرحله وانتهت ...

يعنى رأيك ملوش وجود .. ههههههههههههههه

15- إن شاء الله يعنى هتدخل اولادك مدارس نموذجية وخاصة ولا هنا فى البلد

مع ولاد عماتهم وخلاتهم ههههههههه؟؟

لا طبعا مدارس نموذجيه

انتى عاوزه اولادى انا يتساو مع اولاد حنين ....ههههههههه

هزلت ولا ايه

مش مهم المدرسه يا حنين المهم نعلمهم

دينهم هو ده المهم

16- ايه الشخصية اللى انت تحب اوووووووى تتكلم معاها مواصفاتها يعنى؟؟

أهم حاجه يكون صبور لانى بتكلم كتييير اوى

وكمان يكون ثقافته واسعه علشان اتعلم منه

وأجمل حاجه يكون دمه خفيف

وايه الشخصية اللى تكره الكلام معاه برضه مواصفاتها ايه؟؟

انه يكون بارد او

مش عاوز يتكلم معايا

او دماغه فاضيه

17- أكثر يوم حسيت انه وحش اووووووى واتمنيت انه يعدى؟؟

مش عاوز افتكره بس أنتى اكيد عارفه

وكانت أمى يومها زعلانه منى أوى

18 - الى اى مدى تقودك ذروة غضبك ؟؟

مش عارف والله بس بتهيالى

لاتزيد عن الكلام مش أكتر لاتخرج للفعل والحمد لله

19 - لو حصل وغلطت فى حد وعرفت انك غلطان بتعتذر ولا لأ؟؟

طبعا انا بكره الخصام

واعتذر فورا لو عرفت انى انا اللى غلطان

20- هل انت اصبحت كتوم ومبتتكلمش خالص نتيجة لجلوسك المفرط قدام الكمبيوتر

ولا انت عادى متغيرتش؟؟

لا والله انا عارف انى مش بتكلم

بس لان مفيش جديد انتى عارفه كل حاجه

هقولك ايه تانى يعنى .. ههههه

بس برده بنتكلم ولا ايه .. هههههههه

21 - ها ......هتجيب هدية لأمك ولا لأ علشان انا ممعييش فلوس فنشترك وكده

ههههههههههه؟

هههههههههههههههههههههههه

فى الرد اللى فوق عاوز استلف منك

خلاص نشترك سوا انا موافق

انا بالكلام وانتى بالفلوس ماشى ...ههههههه
22- لما بتضرب حد مت اخواتك بتحس بالذنب ؟

لا طبعا انا الكبير ولازم أربيهم ..ههههههه

يمكن ابراهيم بس اللى بزعل لما بضربه

اما البنات لا طبعا ...هههههههه

كفاية دول بقى يا هندسة ولو حسيت ان فيه سؤال نسيتة مش هسيبك الا لما تجاوب

قلبى معاك

اخو أحمد رفعت كتب:: بسم الله

م/أحمد السيد

1- دعكت فانوس طلعلك منه عافركوش ...

قالك ليك طلب واحد .... يبقى إيه ؟؟؟؟؟؟؟؟؟؟

أروح احج فورا انا وابويا وأمى

2- ليه بتحب مركز الليبرو فى الملعب ... ليه مش خط الوسط أو الهجوم ؟؟؟؟

والله الكابتن سوكر اكتشفنى فى المكان ده

وكمان تركيبى الجسمانى والعقلى

مش يناسب غير المكان ده بس

وإيه تقييمك لآخر مرتين اللى لعبناهم الأسبوع اللى فات ؟؟؟؟

والله المره الاولى بدعنا وفزنا كل الماتشات

والفضل لله طبعا ثم مجهوداتك يادكتور ...

المره التانيه العدد كان كتييييير

وانت مخدتش راحتك فى اللعب

فلم تبدع فكان الاخفاق .. هههههه

3-تحب رصاصة الشهادة فى سبيل الله تيجيلك فين ؟؟؟؟؟؟؟؟؟؟؟؟

والله لو ربنا اصطفانى لكده

فأنا اتمنى ان تصيبنى فى رأسى

4-انت بتتكلم بـ : احساسك + عقلك ....

وده شىء صعب جدا ... المعادلة دى عملتها ازاى ؟؟؟؟؟؟؟؟؟؟

ههههههههههههههه

والله ما أعرف كلامك كبير يادكتور

هى والله كده ربك بيسترنا بقى

5-عرفتك من زمان ... وانت فى الثانوية العامة ...

ايه اللى اتغير فى أحمد السيد خلال الفترة دى ؟؟؟؟؟؟؟؟؟

يمكن بقيت منوفى شويه

مش أكتر ولو انت شايف حاجه تانيه بقى

اه وزدت عصبيه أكتر

6-العاطفة ... ماذا تمثل لك ؟؟؟؟؟؟؟؟

احساس مهم اوى لاى كاتب زى نوبه حلاتى

يعنى ازاى اكون كاتب او صحفى ومعنديش عاطفه

7-الطاعة والمعصية ... تجربتان ... أيهما كان له الأثر الأكبر فى تغييرك نحو الأفضل ؟؟

علما بأن أحيانا المعصية تكون أول درجات سلم الطاعة لما تثيره فى النفس

من عزم على تغيير ماسبق ....

انا بالنسبه ليا كانت الطاعه لان الايمان يزيد بالطاعه

فبجد انا قربت من ربنا جدا فى سنه تانيه

والحمد لله كانت الطاعه بتزيد الواحد قرب من ربنا

اكتر فبزيادتها يزيد الايمان

فانا اللى كان سبب تغييرى هو الطاعه

انا احبك فى الله

اشهد الله على ذلك

أحبك الذى أحببتنى فيه

وبارك الله فيه

وأنا أحبك أكثر

وللحديث بقية

اقتباس :

والله لحد الان يا أخت حنين أقدر أقولك

انى فى اجماع على اختيارى الله واعلم بكره فيه ايه

صح المهم بقى رأى أبويا وامى

انتى كنتى مرحله وانتهت ...

يعنى رأيك ملوش وجود .. ههههههههههههههه

ههههههههههههههه

فعلا هو ده أخويا اللى عمره ما نكر جميل حد

رأييى ملهوش وجود دلوقتى؟؟؟

ماشى يا احمد باشا بس خليك بقى قد كلامك ده

طالما انت جاوبت على الاسئلة اسأل انا بقى واخد دورى

23- قولى بتعمل ايه لما بتفتكر يوم ما حرقنا التلفزيون وكتمنا السر 3 سنين.....فاكر

ههههههههه؟؟

24- بتحس بإيه لما بتفتكر يوم (البريزة) الشهيرة؟؟

25- لما تبقى عاوز تتعرف على حد عجبك جدااااااا بتعمل ايه ؟

26- موقف حصلك واتمنيت الارض تتشق وتبلعك وقتها بعيد الشر يعنى؟؟

27- هل فيه حد فى حياتك يعرف كل حاجة عنك ولا انت اصلا مش بتقول كل حاجة؟؟

28- أقرب شخص بتفكر فيه لما بتبقى مدايق وتحب تتكلم معاه مين؟؟

29- شايف نفسك مع العصبية مندفع حبتين؟؟؟

30- أكتر فيلم بتحب تتفرج عليه ؟؟

31- الداعية الاسلامى اللى مؤثر جدا وبتحبه جدا؟؟

32- اكتر شيخ او امام فى العمار بتحبه وتحب تصلى خلفه؟

33- لو فجأة واحد وقفك فى الشارع وسلم عليك بحفاوة شديدة كأنه جوز خالتك

وازيك يا احمد وعامل ايه وكده وانت متعرفوش اصلا تتصرف ازاى؟؟

34- لما بتبقى فيه حاجة شغلاك جدا بتسرح وتبقى فى عالم تانى ولا بتبقى عادى؟؟

35- لو انت عارف حد حلو فى وشك ومن وراك مش تمام وبيجيب سيرتك بسوء

وانت عارفه انه كده هتتصرف معاه ازاى؟؟

36- بتحب خلفة البنات أكتر ولا بتميل للولاد؟؟

37- تحب أولادك يتجوزا ان شاء الله ولاد عمتهم ويبقى زيتهم فى دقيقهم ولا هتبقوا زى

الـ...

تمدوا لبره هههههههههههه؟؟ ايه السؤال ده هههههههههه

38- هل عمرك حسيت انك كاره نفسك كده ومش طايق نفسك ولا حد حواليك؟؟

39- نصيحة تقدما لكل حد بيتعامل معاك يعملها لما يلاقيك متنرفز ومنفعل ايه هى؟؟

40- تقييمك ايه لشباب وبنات بلدنا من حيث كل شىء؟؟

جاوب وميرسى ليك

المهم هو عاوز يقعد كتييييييييييييير اوى

مع أخو أحمد رفعت

انا دكتور ايهاب مش عاوز اقعد معاه
دا انا نفسي اقعد معاااااااااااااه كتييييييييييير اوى
بس عاوزك توضح تقصد ايه
حنين انتى بتنتقمى ههههههههههههه

اقتباس :

ههههههه بصراحة أه ناخد فرصتنا شويه بقى

ولازم وحتما ولابد يرد

حنين كتب:: طالما انت جاوبت على الاسئلة اسأل انا بقى واخد دورى

23- قولى بتعمل ايه لما بتفتكر يوم ما حرقنا التلفزيون وكتمنا السر 3 سنين.....فاكر

ههههههههه؟؟

والله انتى بتفتكرى حاجات ...

بلاش تسييح على المنتدى

ياجماعه متخدوش فى بالكم

معلش هى بتهزر .. هههههههه

24- بتحس بإيه لما بتفتكر يوم (البريزة) الشهيرة؟؟

بحس قد ايه ان ربنا رزقنى

بأخت عقلها يوزن بلد الحمد لله

ربنا يبارك فيكى ويرزقك الثبات دايما

25- لما تبقى عاوز تتعرف على حد عجبك جدااااااا بتعمل ايه ؟

بروح اقوله سلام عليكم

طيب انا هقولكم على موقف

فى عندنا دكترو منتدب فى الكليه من هندسه اسيوط

وهو فى قسم حاسبات المهم

انا سمعت من زمايلى اللى فى القسم عن دينه واخلاقه وتواضعه

لدرجه انه ادى الكتاب للى فى القسم بدون مقابل ولوجه الله

بجد انسان ما شاء الله

انا حبيته فى الله من قبل حتى ما أشوفه

المهم انا كنت فى قسم حاسبات

وشفته والله من غير ما أعرف انه هو او حد يقولى عليه

انا روحت عليه وقلتله حضرتك الدكتور زياد

قالى نعم قلتله طيب

انا بحبك فى الله والله

انا يمكن حضرتك مش قسمى بس اللى سمعته

عن حضرتك حبيت انى ابلغك

وزى ما سمعت انك لما تحب حد فى الله روح وقله

وحضرتك نبته طيبه لام وأب طيبين

اسال الله ان يجعل عملك فى ميزان حسناتهم

وهنا والله لاقيت الدكترو فرح جدا لدرجه انى شفت الدموع فى عنيه

وقالى والله انا بحبك فى الله

وبجد يا أخى كلامك بيثبت على الطريق وتؤجر عليه ان شاء الله

وقعد يشد فيا انى ادخل معاه مكتبه واشرب حاجه

انا اعتذرت وقالى انت اسمك ايه قلتله احمد قالى لو

مجتش زرتنى تانى انا هكون زعلان

بجد انتى متتصوريش انا كنت فرحان قد ايه

بس لما بعجب بشخص بروح اقوله بحبك فى الله

26- موقف حصلك واتمنيت الارض تتشق وتبلعك وقتها بعيد الشر يعنى؟؟

هقولك كنا فى قطر منوف المهم كان فى رجل قاعد فى وسط شويه بنات

والبنات مضايقين جدا ومش عارفين يقعدوا انا والله

لله وبنيه صافيه جدا يعلمها الله

قلتله ممكن حضرتك تيجى مكانى وانا هقوم اقف

وتوسع لاخواتى

قام بصلى وقالى لاء مش هقوم قوم انت وقعدهم

قلتله هما قاعدين وخلاص وكمان مكانى مش هيفرق كتير

قالى انا بقولك مش هقوم

طبعا انا سكت بس بجد كنت محرج جدا

لان كلامه كان قدام الناس

بس ربنا يعلم ما كان فى نفسى

27- هل فيه حد فى حياتك يعرف كل حاجة عنك ولا انت اصلا مش بتقول كل حاجة؟؟

اه طبعا فيه ...

هقولك ولا خليها سر ...

حنــــــــــــــين

بجد والله هى الانسان الوحيد اللى تعرف عنى كل حاجه

28- أقرب شخص بتفكر فيه لما بتبقى مدايق وتحب تتكلم معاه مين؟؟

برده حنين .. ههههههه

انتى شكلك عمله ليا عمل

ولا ايه

29- شايف نفسك مع العصبية مندفع حبتين؟؟؟

اه طبعا ادعيلى ربنا يهدينى

واهدى شويه

30- أكتر فيلم بتحب تتفرج عليه ؟؟

الناصر صلاح الدين

بحب طريقه كلام احمد مظهر فيه اوى

بحس انه بليغ اوى فى كلامه فيه

31- الداعية الاسلامى اللى مؤثر جدا وبتحبه جدا؟؟

أكتر داعيه بيأثر فيا

انا شخصيا

الدكتور حازم شومان وبتمنى انى اقابله

والله مره فى حياتى

32- اكتر شيخ او امام فى العمار بتحبه وتحب تصلى خلفه؟

انا بحب جداالشيخ محمد منصور

ربنا يبارك فيه

وبحب أوى اصلى خلف الشيخ يوسف حافظ

بصوته الجميل ده

وبجد والله كمان مشارى العمار

حبيب قلبى واخويا عمرو امام

33- لو فجأة واحد وقفك فى الشارع وسلم عليك بحفاوة شديدة كأنه جوز خالتك

وازيك يا احمد وعامل ايه وكده وانت متعرفوش اصلا تتصرف ازاى؟؟

عادى حصلت والحمد لله

انا امتلك اللباقه اللى تخلينى اخرج

من الموقف بسلاسه

34- لما بتبقى فيه حاجة شغلاك جدا بتسرح وتبقى فى عالم تانى ولا بتبقى عادى؟؟

طبعا لازم اقعد افكر فيها

لدرجه انى ممكن اخس من قله الاكل

ونفسى فى حاجه تشغلنى اليومين دول

محتاج اخس اوى ...

35- لو انت عارف حد حلو فى وشك ومن وراك مش تمام وبيجيب سيرتك بسوء

وانت عارفه انه كده هتتصرف معاه ازاى؟؟

عادى مش هيكون صاحبى

مجرد سلام عليكم مش أكتر

36- بتحب خلفة البنات أكتر ولا بتميل للولاد؟؟

لو البنات هيكون زى أمهم وزى عمتهم حنين

انا عاوز خلفتى كلها بنات ..

بجد والله

37- تحب أولادك يتجوزا ان شاء الله ولاد عمتهم ويبقى زيتهم فى دقيقهم ولا هتبقوا زى

الـ...

تمدوا لبره هههههههههههه؟؟ ايه السؤال ده هههههههههه

لا طبعا احنا اصلا بنموت فى ال...

يعنى لازم نمد لبره ...ههههههههه

38- هل عمرك حسيت انك كاره نفسك كده ومش طايق نفسك ولا حد حواليك؟؟

يووووووووووووووه كتيييييييير جداااااا

39- نصيحة تقدما لكل حد بيتعامل معاك يعملها لما يلاقيك متنرفز ومنفعل ايه هى؟؟

انه يسيبنى شويه لوحدى

انا ههدى والحاله هتمشى

وهيلاقينى بكلمه لوحدى

40- تقييمك ايه لشباب وبنات بلدنا من حيث كل شىء؟؟

والله فيهم خير كتير

ومعلش فيهم شر اكتر

مش عارف ليه

من حوالى اربع او خمس سنين

كان عندنا جيل زى الفل

دلوقتى الواحد بقى يشوف حاجات

بجد قلبه بيبكى قبل عينه

واللى عاوز يعرف اكتر يروح بنها

والحدق يفهم

جاوب وميرسى ليك

ميرسى .. ماشى

مين من الاعضاء توصفهم بالاتى.مثال لكل كلمة

الطيبة
العصبية
اللؤم
براءة الاطفال
خفة الدم
الخنيق
الروش
المهيس
الحقود

[ندعوك للتسجيل في المنتدى أو التعريف بنفسك لمعاينة هذه الصورة]

ينهر ابيض ايه كل دا

احمد بيك نحن معك وصامدون

هههههههههههههههههههههههههههههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

اهلا
حبيب قلبى

[ندعوك للتسجيل في المنتدى أو التعريف بنفسك لمعاينة هذه الصورة]
شوية اسئله كده على السريع

ايه اسعد يوم فى حياتك عدى عليك ؟؟

وايه طبعا اسوء يوم عدى عليك فى حياتك ؟؟؟

خمس سنين فى منوف .. ملخصها بالنسبه ليك ايه ؟؟؟

مين اللى بتقوله ...
1. شكرا
2. حسبى الله
3. واحشنى

ولنا عوده ....

احمد العجمى كتب:: مين من الاعضاء توصفهم بالاتى.مثال لكل كلمة

الطيبة أخو أحمد رفعت
العصبية أخو أحمد رفعت
اللؤم معرفش
براءة الاطفال حنين
خفة الدم محمود البكرى
الخنيق معرفش
الروش أجمد مهندس
المهيس معرفش
الحقود مفيش فى منتدانا حد حقود

eng.msiz كتب:

زائر

المهندس احمد ...شكرا جزيلا على تشريفك لبرنامجنا

والله كانت حلقة رائعة ...اتمنى ان حضرتك تقوم

باختيار العضو التالى لحضرتك....ومرة تانية

شرفتنا

زائر

انا مع الأخت أم مريم ان م/أحمد شرفنا

بس انا رأى ان الحلقة كانت أكثر من رائعة ..

ياريت الكابتن زُهير يدخل يختار حد وياريت ميكونش انا الحد ده

علشان انا مش فاضية للقاءات الهوا دى

دكتورنا الغالى اية الاخبار

أحلى مساء
لأحلى عزيز ( مايتنسي )
زى( البدر ) تشوفه قريب
لكن بعيد ملمسه

يلا يهندس

زائر

يابشمهندس احمد....نداء عاجل

اختار اللى بعدك

السلام عليكم

بجد انا اسف جدا لانى ملتزمتش بالمواعيد

بس معلش كنت مشغول اوى

مع زهير .. هههههههه

وانا لو كان ليا حق الاختيار

فبجد كل اللى موجودين هنستفاد منهم اوى

بس انا حابب يكون بعدى

اخى الغالى

عمرو امام

وهنستنى منه احسن موضوع ممكن نشوفه

هنا وربنا يكرمه

وشكر ا لحسن استضافتك

أختنا الفاضلة

أم مريم

زائر

عمــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــور

الله يسعدك ويحميك ويبارك فيك ويكفيك شر المرض ويسترك ويرزقك بالزوجة الصالحة إلي تسعدك

ويارب أشوفك زي الشيخ أبو أحمد محمد حسان

أنت من الناس إلا بحترمهم أوي ونفس ربنا يبارك يأخي

مين زميلك إلا كانوا في الاعدادية بتحبهم ومكملوش معاك

باك

من الزمن الجميل

احمد السيد

» معكم على الهواء... أخو أحمد رفعت اليوم.........
» منور يادكترة ahmed elsayed elfeky
» معكم علي الهواء ... عمرو امام .... !!!!!!
» معكم علي الهواء ... أحمد منصور ..... !!
» ..معكم على الهواء...حنين...تعليقاتكم؟