كم سنحفظ من القران الكريم

عايزين نبدأ يا شباب ....

محتاجين مجموعة تبدأ مع بعض

الى عايز يبدأ ... و صادق النية ممكن نبدأ مع بعض..... ممكن نعمل دة مشروع البداية .....

فين اصحاب الهمم ... فين الناس الى بتقول مشغول مشغول و مفيش وقت ...

فين الشباب ؟؟؟؟؟؟؟؟؟؟؟؟؟؟؟

اتمنى المراسلة على الخاص فى الموضوع لأن انا عايز ابدأ بس مش هنبدأ لوحدى .......

بسم الله الرحمن الرحيم

ولقد يسرنا القرآن للذكر فهل من مدكر

أولا : كلنا أخوة وأخوات نتمنى بل نريد أن نحفظ القرآن ولكن ما الذى يمنعننا ؟ سنقول الوقت أو سنقول لا نستطيع أو سنقول كذا وكذا..... ولكن هل بدأنا لنعلم إن كنا نقدر أم لا .
المهم أن نبدأ وأعلم أن الله سيعينك .وخذ من تجارب الأخوة والأخوات فى ملتقى حفاظ الوحيين الذين حفظوا فى أقل من شهر دافعا وحافزا لك
المهم أن تبدأ ويكون لك وقت محدد للحفظ يوميا وهدفا تريد أن تصل إليه وهوالحفظ فى مدة تحددها أنت وتلتزم بها .

واعلم ياأخى وأختى الآتى :

إذا حفظت في اليوم 10 آيات تحفظ القرآن في 1 سنة و 8 أشهر و 24 يوم
إذا حفظت في اليوم 15 آية تحفظ القرآن في 1 سنة و 1 شهر و 27 يوماً
إذا حفظت في اليوم 20 آية تحفظ القرآن في 10 شهر و 12 يوم
إذا حفظت في اليوم 1 وجه تحفظ القرآن .. في 1 سنة و8 شهر و4 يوم
إذا حفظت في اليوم 2 وجه تحفظ القرآن .. في 10 أشهر ويومان فقط
إذا حفظت في اليوم 5 وجه تحفظ القرآن .. في 4 أشهر فقط
إذا حفظت في اليوم 10 وجه تحفظ القرآن .. في شهرين فقط
إذا حفظت في اليوم جزء تحفظ القرآن .. في شهر فقط

الآن وبعد أن حددت كم تريد أن تحفظ يوميا ومتى تريد أن تختم لابد لك أن تتعلم كيف تقرأ القرآن بالتجويد لتحفظه كما أنزل على نبينا المختار محمد صلى الله عليه وسلم .

ثانيا : هذا هو برنامج أحكام التجويد حيث يمكنك هذا البرنامج الرائع من تعلم مختلف أحكام التجويد بشكل ميسر.
يمكنك الاستماع إلى الأمثلة بصوت أحد القراء المعروفين ومنهم على سبيل المثال لا الحصر: الشيخ الحصرى، الشيخ المنشاوى، الشيخ عبد الباسط ، الشيخ الحذيفى ......
يتيح لك البرنامج إمكانية التدرب على كل مثال عن طريق تسجيل صوتك ثم الاستماع إلى التسجيل.

حمله من هنا [ندعوك للتسجيل في المنتدى أو التعريف بنفسك لمعاينة هذا الرابط]

ثالثا : استمع لأحد المقرئين المعروفين والذى تثق فيه وترتاح إلىالأستماع إليه لكى تتعلم طريقة النطق والقراءة وأرشح لك الشيخ الحصرى والشيخ الحذيفى
قم بزيارة هذه الصفحة واستمع أو قم بتحميل السور التى تريدها للشيخ الذى تختاره
[ندعوك للتسجيل في المنتدى أو التعريف بنفسك لمعاينة هذا الرابط]

رابعا : قم بتحميل هذين الشريطين للدكتور الشيخ يحيى الغوثانى وهو أستاذ جامعى - دكتوراة فى علم القراءات ومجاز فى القراءات العشر ويمنح الإجازات لمن يقرأ عليه.
كما يمكنك تحميل كتاب

كتاب _ طرق إبداعية في حفظ القرآن الكريم _ الدكتور يحي الغوثاني

[ندعوك للتسجيل في المنتدى أو التعريف بنفسك لمعاينة هذا الرابط]
هذه المادة .. إشراقة تبدد سحباً من اليأس ، وتضعك في مصاف حفظة القرآن ، من خلال وسائل وطرق إبداعية تقودك إلى إتقان حفظ كتاب الله
أعدها وقدمها الشيخ وهي خلاصة تجاربه وخبراته ودوراته في تعليم حفظ القرآن ، يهديها لك لتكون معيناً ومرشدا في حفظ كتاب الله .
عناصر المحاضرة :
- اكتسب مقدرة حفظ الوجه خلال 10 دقائق .
- تعرف على أيسر طرق الحفظ و المراجعة .
- استفد من التجارب و النماذج المعروضة .
- لأجل هذا السبب يخفق الكثير في ضبط الحفظ .
- عندما تصاب بفتور وقت الحفظ افعل الآتي ..
- تعلم طريقة التاءات العشر في الحفظ .
- هناك 25 طريقة للحفظ ، فأيها تستخدم ؟
- تعلم رسم الآيات و قراءتها من لوح خيالك .
- تعلم طرق المراجعة بعد الحفظ والتثبيت

الشريط الأول : [ندعوك للتسجيل في المنتدى أو التعريف بنفسك لمعاينة هذا الرابط]

الشريط الثانى :[ندعوك للتسجيل في المنتدى أو التعريف بنفسك لمعاينة هذا الرابط]

إن شاء الله بعد سماعك لهذين الشريطين ستجد هامتك فى السماء واستعدادك فى أقصى درجاته ولكن بشرط أن تبدأ ولاتؤجل .

خامسا : إن كانت همتك وقدرتك لازالت ضعيفة أنصحك بقراءة هذا الكتاب علو الهمة لمحمد إسماعيل المقدم فهو كتاب رائع ستجد فيه مايسرى عن قلبك ويفتح عقلك .

حمله من هنا [ندعوك للتسجيل في المنتدى أو التعريف بنفسك لمعاينة هذا الرابط]

سادسا : إجعل لك صديقا فى الحفظ يساعدك وتساعده وينافسك وتنافسه

(من الممكن الزوج أو الزوجة أو الأخ أو الأخت .....)

سابعا : قم بالتسميع على شيخ تثق فيه وتعلم أنه مجاز فى القراءة . وإن لم تجد قم بتسجيل صوتك وسمع ماحفظته سواء على شريط كاسيت أو mp3 أو على جهاز الكمبيوتر ثم أستمع إلى ما سجلته وقارن بينه وبين قراءة أحد الشيوخ الكبار .
وهذا هو برنامج FairStars Recorder v2.64 لتسجيل صوتك من خلال الميكروفون أو تسجيل أى شئ لأى عدد من الساعات وبدون حد أقصى .

حمله من هنا :[ندعوك للتسجيل في المنتدى أو التعريف بنفسك لمعاينة هذا الرابط]
وهذه معلومات التسجيل P-Number: U5529740
Serial Number: 20505636296C6865

بهذه الطريقة أخوتى وأخواتى ستستطيع أن تحفظ القرآن الكريم دون أن تنتظر معاونة من أحد فليس هناك حجة بعد الآن . ولكن ابدأ من هذا الوقت الذى قرأت فيه هذا الموضوع ولاتؤجل ولاتسوف وابتعد عن الذنوب والمعاصى فإنها سبب رئيسى فى عدم الحفظ وكثرة النسيان
ولا تنسى أن كل حرف تنطقه عند قراءة القرآن الكريم بحسنة ، وتكتب عشر حسنات ! .. ففي ( بسم الله الرحمن الرحيم ) مثلاً 19 حرفاً .. تحتسب بـ 190 حسنة ! .. فقط عند التسمية 190 حسنة .. فكيف بالآيات ، والتكرار التلقائى مع الحفظ وبعد الحفظ ؟. ( حقاً فرصة العمر ) .. لأن بعض الموازين يوم الحساب قـد لا تحتاج إلا لحسنة واحدة لترجح كفة حسناتها على كفة سيئاتها فينفتح الطريق بفضل الله ورحمته إلى الجنة ! . لا حرمنا الله الطريق الآمن إليها . رزقنا الله جميعاً عونه وتوفيقه والصدق والإخلاص والقبول ، وحسن العاقبة .. اللهم آمين

و فى الختام أسال الله العلى القدير أن ينفعكم بها وأن يعينكم على حفظ كتابه كاملا إنه ولى ذلك والقادر عليه .

ولاتنسونا من صالح دعائكم ودعوة بظهر الغيب لى أن يتم نعمته على بختم القرآن الكريم الذى بدأت حفظه بنفس الطريقة التى سردتها لكم .

والسلام عليكم ورحمة الله وبركاته

منقول .....

بارك الله فيك أخ تامر

وهذا ما نأمل فيه من شخصك الكريم الذي عهدناه سباقاً الي الخير دائماً

وجزاك الله عنا خيراً

وبداية طيبة وكريمة

وفقك الله ..

جزاك الله عنا كل خير

طيب المهم بقى يا بشمهندس ..... ماقولتش هتبدأ و لا اية .......

وما تقوليش الظروف ... دة احنا فى بلد واحدة .....

جزيت خيرا يا إسلام ولكن هدفنا نجمع شباب للمشاركة فى الموضوع دة

يا شباب فين الردود و فين المشاركات منتظريين شباب كتير تنضم معانا ....

معاااااااااااااااااااااااااااااااااك ويلا نبدأ

السلام عليكم

أنا بجد معكم يا جماعة

وأنا إن شاء الله سأحفظ كل يوم ربـــــع .. بداية من سورة البقرة

وبعون الله بعد ما تبدأ فى الحفظ هتلاقوا الهمة بتزيد يوم عن يوم وبتضاعف حفظك ..

انا خلاص هبدأ من النهاردة (مش هستنى بكرة .. كفاية تسويف)

مين هيبدأ بجدية ؟؟

بجد والله فكره جامده

بارك الله فيك

وان شاء الله معاك

اخويا عمرو و اخويا عادل و نور وكل من يحب ان يشترك معانا ... انا بشكركم كلكم على المشاركة و عايزين نبدأ فعلا مع بعض و اية رأيكم نبدأ من يوم الجمعة مع بعض ...23/1/2009 و تحبوا نبدأ من سورة البقرة و لا من من جزء عم .... و تحبوا نحفظ قد اية فى الاسبوع و ياريت نراعى التدرج يا شيخ عمرو ......

بس مازلنا محتاجين ناس تبدأ تانى .... لسة مستنيين ردود تانى و يا ريت يا جماعة تبلغوا ناس تانية تبدأ معانا و اناعارف ممكن يكون فى ناس فعلا بدأت و فى ناس بتحفظ حاليا .... خليهم يدخلو معانا و يتكلموا و يقولوا مشاكلهم الى بتواجههم .....

عايزين نعمل مجموعة كبيرة تبقى على النت تشاركنا فى موضوع الحفظ و طبعا الاخلاص فى القلب و النية صادقة بأذن الله ...... بس تعالوا نستقطب اكبر ناس معانا سواء بمشاركة او اضافة رد و تعليق ......

[ندعوك للتسجيل في المنتدى أو التعريف بنفسك لمعاينة هذه الصورة]

جميل اوووووي حماسك يا اخ تامر

انا معاكم بجد والنيه خالصه لوجهه الله

بس ياريت يبقي خمس ايات كل يوم ده اكبر حاجه عشان بس الواحد يقدر

وان شاء الله ربنا يهدينا ونستمر في الموضوع ده

ونبدء من جزء عما

وياريت نسمع اراء الناس كلها

والكل يدخل ويشارك

انا معاكي يانور انهم خمس آيات في اليوم ومن ارد الزياده ربنا وفقه ويعينه واحنا معاه

بس انا بقول سورة البقرة هي اللي نبدأ بيها
اصل انا كل مره بقول هاراجع علي اللي انا حفظته وانا صغيره وبعد المراجعه ابدأ حفظ جديد
وللاسف كل مره ببدأ بجزء عم واجي علي الاخر وفصل والحماس يروح
ساعة اما بتبقي ها بقي يعني بوصل لجزء تبارك

انا بقول نبدأ بالبقرة وفي نفس الوقت اللي حافظ يراجع علي حفظه
ونحسبها بحد ادني خمس آيات في اليوم
ونعمل موضوع هنا
كل واحد حفظ الخمس آيات يدخل يوميا ويقول انه حفظ
واللي ميقدرش يدخل يوميا يدخل وقت مالفرصه تتاح بس يعمل حسابه انه لما يقول انا حفظت من كذا لكذا يعمل حساب الايام اللي مدخلش فيها
ولو حد راجع يقول انا حفظت كذا وراجعت كذا

وطبعا الناس المعديه دي وبتحفظ بالربع ربنا يوفقها ويدخلوا بردوا يوميا ان امكن يقولوا اللي عملوه
علشان يبقي فيه منافسه وتحفيز
ونتسارع الي مغفرة ورزق من الله
وان شاء الله ربنا سبحانه وتعالي يوفقنا

يااااااااااااااااااااااااااااااااااااااااااااااااااه
وحشني الحماس ده من زمان....
ربنا يبارك فيك يارب ويهدينا جميعا

وانا معاكم طبعا وعندى اقتراحات كتير ومشاريع كمان
باذن الله بعد مااخلص امتحانات هنعمل حاجات كتير جدا

لكن بالنسبه للموضوع ده انا معاكم ومن بداية المصحف الشريف ونبدأ بيوم الجمعه

ربنا يهدينا جميعا

ملحوظه صغيره ..بعد اذن حضرتك تم تنسيق الموضوع بشكل قد يكون أفضل للقاريء

إن شاء الله في اليوم 20 آية وان شاء الله هابدأ في أول فبراير ويوم 13 يناير2010 اسألني عنه ولكن ادعوا لي بالتوفيق في اتمامه وعدم الكسل عنه .
وجزاك الله كل خير عنا جميعا وارجو أن تستمر الحماسة والمواضيع الابداعية الهدّافة من جانبك .

ايه دا وانا روحت فييييين؟؟؟

معاكم طبعا.........
دا الموضوع دا شاغلني جدا وبجد نفسي احفظ قرأن باي شكل
ومحتاجه حد يشجعني .......لاني ببدأ فعلا وبكون متحمسة اوي بس للأسف
مش بداوم........
وانا مع اناهيد .......اللي يحفظ بقدر ما (ربنا يقدره من حفظ)
يدخل ويقول انه حفظ (من كذا لكذا) .......علشان تقوى روح المنافسة والتشجيع بيننا
بجد فعلا ياجماعه محتاجين ناخد بايد بعض في الموضوع دا بالذات اكتر من
اي حاجه.......وربنا يثبتنا ونفضل بالحماس دا واكتر

بجد موضوع في غاية الاهمية ......ربنا يجازيك عنا كل خير
ويجعله في ميزان حسناتك يارب

ما شاء الله .. ربنا يجعله فى ميزان حسناتك اخويا تامر .. الاهم الاخلاص

دلوقتى اللى هيشاركوا بالحفظ

تامر

عادل امام

نور

سوكر

اناهيد

حمادة يوسف

سيندريللا

أخوكم فى الله

يا جماعة كل واحد حسب طاقته المهم انه لا يتراجع

وانا ممكن أقولكم على خطة هى اللى نفعتنى فى الحفظ .. اتمنى أنها تفيدكم ..

بسم الله

دى يا جماعة خطة انا بمشي عليها لتسهيل الحفظ عليا ..

اولا : اخلص النية لله .. وتوكل على الله وهو حسبك .. واعلم انما حفظت فهو فضل ومنة من الله فقط ..

ثانيا : حاول انك تتابع مع شيخ .. ولو مقدرتش حاول تتابع مع أصحابك ..

ثالثا : هتمسك المصحف .. وتبدأ تفسر آية آية من أى كتاب تفسير (وانصحك بمصحف فيه تفسير فى الهامش * أو كتاب تفسير السعدي مش هيزيد عن 15 جنيه ويتميز بسهولة معانية وبساطة الفاظه)

وده لمعالجة بعض ألفاظ القرءان التى يظن بعضها انها صعبة .. لكنها والله سهلة وممتعة جدا ..

رابعا : بعد ما فسرت بعض الكلامات تبدأ تسمع من شريط او تشغل السورة من النت .. انت وراحتك بقى .. تسمعها أكتر من مرة ..

خامسا : امسك المصحف وأقرأ وركز بشدة فى القراءة وأبدأ الحفظ ..

سادسا: أقفل المصحف واقرأ مع نفسك .. وكل ما تقف عند آية علم قصادها فى الهامش بالقلم الرصاص ..

سابعا : تمكن من الحفظ عندك بقوة لأنك هتختبر نفسك حالا بعد قليل ..

ثامنا : اقفل المصحف تمام .. وقوم صلى باللى انت حفظته ركعتين .. وبالشكل ده يبقى انت أختبرت نفسك جيدا فى الحفظ ..

وبالشكل ده كل مرة .. بجد حاجة سلسة وسهلة وبسيطة ..

يتبقى امرين مهمين جدااااااااااا :

- المراجعة

- احكام التجويد

المراجعة يا جماعة أهم من الحفظ نفسه وإلا سيتفلت منك القرآن وهتنساه ..

أما أحكام التجويد .. فأنصحك بشدة أنك تتعلم على يد شيخ .. لأن تعليم القرءان بالسماع .. واوعى تكابر وتقول انك هتعرف تقرأ لوحدك ..

اكيد أنت هتعرف تقرأ لوحدك بس هيبقى فيها اخطاء ..

ملحوظة : (قراءة القرءان باحكام التجويد فرض عين على كل مسلم ومسلمة)

والله المستعان

أيه الحماس والنشاط ده

بجد جزاك الله خيرا

يا أستاذ تامر بجد

أنت عملت روح المنافسة في المنتدي

بجد حاجة مش موجودة في المنتدي من كثير

وأن شاء الله أنا معاكم

زائر

ان شاء الله معاكم
ربنا يجزيكم جميعا كل خير
انا فعلا كنت بدات مع شيخ لكن توقفت من فتره
ان شاء الله هبدا من جديد وان شاء الله نكون مع بعض عشان متخزلش
والله الروح اللى موجوده فى المنتدى اليومين دول حاجه بجد جميله جدا ومثمره
ربنا يتقبل منا صالح الاعمال

السلام عليكم و رحمة الله و بركاتة .....

الواحد سعيد جدا بالى بيقراة و بيشوفة ..... بجد يا جماعة احنا جوانا طاقات كتيرة لكن السلبيات الى جوانا بقت اكتر و دة الى اثر علينا .....

كلامك يا عمرو فى منتهى الروعة و الفاعلية و انا استفدت من النقاط الى انت بتمشى عليها فى حفظك و ربنا يجزيك عنا كل خير بس يا ريت نبدأ تدريجيا لان فى كتير ما يقدرش على ربع فى اليوم و الفترة الاولى عامة بتبقى اصعب فترة فى اى مشروع ..... مش عايزين نفقد اشخاص او اصدقاء فى الطريق ... و ان فقدنا يكونا وصلوا لمرحلة متقدمة فى الحفظ

انا بأيد أناهيد ونور فى كلامهم .... خلينا نبدأ مع بعض بخمس ايات فى اليوم ... يا جماعة المشكلة مش فى البداية المشكلة فى الاستمرارية .... كام واحد فينا بدأ وبعد فترة وقف .....ياريت نبدأ كل يوم ورد صغير و نحافظ علية والى عايز يزيد من الحفظ جزاة الله خير ... يبلغنا عشان يشجعنا ... بس خلونا نبدأ مع بعض بقدر يسير ...

اشكر كل الى هيشاركونا و الى ذكرهم عمرو فى الميل بتاعة .... وياريت كل واحد يبلغ واحد تانى عشان نشترك مع بعض .....

انا بحثت على النت عن جداول للحفظ ولقيت جداول كتير مميزة

انا نزلت واحد وعدلت فى شوية بما يناسب قدراتى .... انا هعرضة عليكم و يا ريت تنزلوة و نبدا بية مع بعض و كل يوم تحفظ قدر من الايات تعلم علية انك خلصتة ..... و نتقابل فى نهاية كل اسبوع نشوف الورد مشى ازاى ....

الجدول خاص بسورة البقرة ....و ان شاء الله سورة ال عمران ... يبقى يعملها احد الأخوة ..خلينا كلنا نشترك مع بعض ..

دى صور من الجدول الى عملناة مع بعض و يا ريت تنزلوة من على اللينك و لو فى اى مشكلة ياريت تراسلنى على الخاص و انا ابعتلكوا نسخة بالأميل

دة الجزء الاول منة

[ندعوك للتسجيل في المنتدى أو التعريف بنفسك لمعاينة هذه الصورة]

ودة الجزء التانى و الاخير

[ندعوك للتسجيل في المنتدى أو التعريف بنفسك لمعاينة هذه الصورة]

و الجدول احنا حملناة على الرابط التالى للى عايز ينزلة و يطبعة و يبدأ معانا

[ندعوك للتسجيل في المنتدى أو التعريف بنفسك لمعاينة هذا الرابط]

يا ريت ننزلة كلنا و نعلقة فى اوضنا ... ونبدأ نحفظ و الى نحفظة نعلم علية ... صدقنى هتبقى سعيد جدا و انت بتشوف نجاحك قدامك
تخيل كمان شهرين تبقى خلصت البقرة انا بقول شهرين لان الى هيبدأ بجدية هيقدر يخلص فى فترة اقل من الى موجودة ...

ياريت تنزلوا الجدولواو اعملوا انتوا جداول و ابدؤا بس المهم انك تقييم نفسك باستمرار

....ياريت نبدأ الحفظ على ايد متخصص ...

و جزاكم الله خير

واسف على الإطالة

إن شاء الله هبدأ لكن بجدول هعمله لنفسي وبإذن الله همشي عليه

وهبلغ النتيجة أول بأول وهشوف مين اللي هيخلص البقرة قبلي

بإذن الله هخلصها أسرع واحد

وكمان هسمعها لعضو من المنتدي إن شاء الله

سوف يتم طباعة الجدوال باذن الله

وجزاكم الله خيرا أخي في الله تامر

يا شباب اخوكم عادل امام دخل المنافسة و اعلن تحدى ........ مين يا شباب جاهز ينافس معاة

مين فينا هيتحدى ..... انا هحاول و بعلن التحدى .......

اخوكم ابو منة نوى خلاص على الموضوع ,.... فين بقيت المجموعة .........

ان شاء الله يا اخ تامر

بجد ارائكم كلها جميله وتحمس الواحد جداااااا

وانا مش هستني لما اخلص امتحانات

وهبدء ان شاء الله من بكره

أنا كمان هبدأ من بكرة إن شاء الله

وأنا بتحداك يأخ تامر بإذن الله

وبكرة الجمعة إن شاء الله وياريت كلنا نبدأ من بكرة وتكون بدايتنا يوم الجمعة

» أذاعة القران الكريم
» مسابقه تحفيظ القران الكريم
» من اعجاز القران الكريم
» انت فى انهى جزء...منافسه فى ختم القران الكريم
» موسوعة القران الكريم منقول