السلام عليكم

زائر

تذكير بمساهمة فاتح الموضوع :

السلام عليكم ورحمة الله وبركاته
اخبار محاسبين المتسقبل ايه
يا رب تكونو بخير جميعا
انا شايفه ان القسم دا نااااااااايم خالص اليومين دول
ففكرت فى موضوع صغنون كده نصحى بيه القسم شويه
وندردش فيه مع بعض (المحاسبين طبعا)
يعنى مثلا انا اسأل سؤال واللى بعدى يجاوب عليه ويسأل هو كمان
انا عارفه ان الموضوع مكرر
بس والله حاسه انه هيبقى كويس ومفيد لنا كلنا كل اللى عنده استفسار او سؤال او حاجه واقفه قدامه يعرضها
وان شاء الله نفيد بعض ونتعلم من بعض ومحاسبنا الكبار يا ريت يشاركونا
واللى عايز يتكلم فى اى موضوع مش شرط سؤال يتفضل

سؤال دايما بسأله انت ليه دخلت كلية تجاره (كنت بتتمنى تدخلها-المجموع هو اللى حكم عليك)

يا ريت لو الموضوع عجبكم ترودو وتسألو وتتناقشوا
ولو معجبكوش بقه
:حزينزي:
ولكم منى جزيل الشكر

موضوع: رد: السلام عليكم الجمعة 27 مارس 2009, 6:38 am

المفاهيم الأ ساسية للمحاسبة القومية

1_الناتج القومى. 2_الدخل القومى. 3_الأنفاق الأقومى.

***الناتج
القومى:_ يعرف بأنه جملة ما ينتج من سلع وخدمات خلال فترة زمنية معينة
نتيجة تفاعل عوامل الأنتاج المشتركة فى العملية الأنتاجية .

$$طرق قياسه:_

1_طريقة المنتج النهائى:_

المبيعات للطلب النهائى
+التغير فى المخزون بسعر السوق

=اجمالى الناتج المحلى بسعر السوق

2_طريقة القيمة المضافة:_

المبيعات للطلب النهائى
+المبيعات للوحدات الأخرى
+التغير فى المخزون بسعر السوق

=اجمالى قيمة الأنتاج بسعر السوق
_ المدخلات الوسيطه

=اجمالى الناتج المحلى بسعر السوق (القيمة المضافة)

ملحوظه/الدرس
ده مهم والدكتور ركز علية قوى واستنوا منى التمارين قريب على ما ارفعها
على المنتدى التمارين باجابتها وكمان تمارين الكتاب اللى مش محلوله

موضوع: رد: السلام عليكم الجمعة 27 مارس 2009, 8:27 am

تسلم ايدك ياعلاء بيه
من اول السنه بنقول هانحدد يومين
عايزين ننجز بقه ولاهو كان كلام

زائر

شكرا يا علاء
وفعلا المحاضره الاولى دى اول محاضره
واساسى جاى فيها سؤال على الاقل فى الامتحان
ويا ريت ترفع التمارين
بس عايزين تمارين افكارها غير مباشره
لأن د/عادل عمره مش بيجيب تمرين فكرته مباشره
بيحب يلف ويدور علشان يشوف الفاهم من اللى بيحفظ

ungel eyes كتب:: تسلم ايدك ياعلاء بيه
من اول السنه بنقول هانحدد يومين
عايزين ننجز بقه ولاهو كان كلام

لا يا شيخ انت عوزينه ابوس ايديكوا الاول والله

كل مرة اقولوكوا وفي الاخر ما لقيش حد فيكوا

Tota كتب:: شكرا يا علاء
وفعلا المحاضره الاولى دى اول محاضره
واساسى جاى فيها سؤال على الاقل فى الامتحان
ويا ريت ترفع التمارين
بس عايزين تمارين افكارها غير مباشره
لأن د/عادل عمره مش بيجيب تمرين فكرته مباشره
بيحب يلف ويدور علشان يشوف الفاهم من اللى بيحفظ

ان شاء الله بس عايزين تعاون لان معظمنا مش بيحضر كله

يعني احمد اتكلم عن الحاسب انا اتكلمت عن المحاسبة القومية

عايزن ادراة الموارد او المراجعة كدة يعني كنوع من المشاركة

زائر

ادارة الموارد مش هعرف افيد فيها

ممكن ان شاء الله محاضرات د/سهير

هحاول اظبطها وانزلها

موضوع: رد: السلام عليكم الجمعة 27 مارس 2009, 1:10 pm

كدة الشغل ولا بلاش

وكدة تمام اوي بس يا ريت مدام هتمسكي المراجعة

يبقي احمد ابراهيم كمان يا ريت

زائر

لأ بلاش احمد ابراهيم
انا اساسا بحضرله علشان الفواصل اللى بيعملها فى المحاضره
لكن بصراحه مش بفهم منه حاجه مبسوط

بس ان شاء الله معايه ورق كويس ممكن استعين بيه

موضوع: رد: السلام عليكم الجمعة 27 مارس 2009, 1:21 pm

طب ما هو الورق المهم

لانه بيقول حواديت الف ليلة وليله

مالوش دعوة بالمنهج بتاعه نهائي

ربنا يسهل ومدام الورق موجود يبقي كل شيء مظبوط

ويبقي كتر خيرك اوي ونشوف حد في باقي المواد وان انشاء الله

انا هحط مجموعة من االمواضيع في التمويل بس هي مادة غلسة اوي

زائر

التمويل ..... دى ارخم ماده

ان شاء الله انزل المحاضرات فى اسرع وقت

موضوع: رد: السلام عليكم الجمعة 27 مارس 2009, 2:26 pm

كدة يبقي تمام بس مش عايزين كسل من اي حد

هو كانه بيذاكر بالظبط

موضوع: رد: السلام عليكم الجمعة 27 مارس 2009, 3:51 pm

معلش ياعلاء انت وتوتا
انا شايف انى رفع المحاضرات مالهاش اى لزمه
لاننا مش هانعرف نزاكرها من ع المنتدى
فلو عايزين الصح يبقى اللى معاه محاضرات او ورق فى اى ماده نتبادله ومحدش يبخل بحاجه
وعلى فكره انا واصحابى متبعين نظام احنا كلنا شاييفن انه كويس والحمد لله بنستفيد منه
كل واحد فينا شايف انه كويس فى ماده معينه بيلخصها ومع المحاضرات والسكاشن بتاعتها مابنحتجش ورق من اى مكتبه خاااااااالص

زائر

والله انا كنت داخله هقول كده بعد ما فكرت ولقيت ان كتابة المحاضرات متعبه
ولو عايزين ننجز بجد اللى معاه ورق فى ماده مختلف عن الورق اللى مع غيره
يديه للتانى وخلاص وبكده هتبقى اسهل
واللى محتاج يسأل فى حاجه او يستفسر عنها نبقه موجودين كلنا ونقدر نفيد بعض
شوفوا اللى يريحكوا .......

موضوع: رد: السلام عليكم الجمعة 27 مارس 2009, 8:07 pm

يا ريت عادي كله مصلحة وخير لينا كلنا

وانا معاكم باذن الله

السلام عليكم

لو سمحتم ياجماعه ياريت نحافظ شويه في ردودنا ..

احنا كلنا ناس محترمه وزي الفل وكلنا اصحاب وحبايب , ياريت نركن كل ده على جنب

ونلتزم شويه في ردودنا . مش بقول ان احنا نجامل بعض او ننافق بعض لا سمح الله..

ومش عاوز حد يقول (هو انت هتعلمنا الكلام ) لا خالص...

انا للاسف مسحت كل الردود اللي مالهاش لازمه خالص..

والاخ The Bird ياريت تلتزم شويه في ردودك انا عارف ان الناس كلها اصحابك

وكلنا حبايب زي ماقلت بس انا شايف ان انت مزودها شويه

وانا كان نفسي ماقلش الكلام ده بس انت للاسف مافهمتش ..

ماشى يااستاذ احمد انا تحت امرك
ولو عاوزنى مكتبش فى منتدى التجاريين انا مقدرش اقولك لأ
بس انت متزعلش

اقتباس :

ماشى يااستاذ احمد انا تحت امرك

ولو عاوزنى مكتبش فى منتدى التجاريين انا مقدرش اقولك لأ

بس انت متزعلش

لا والله انا مااقصدش خالص مش عاوزك تفهمني غلط..

انا لا زعلان ولا حاجه انا عملت كده علشان ماحدش يزعل من حد ....

وانا زي ماقلت ان احنا كلنا اصحاب وحبايب ...

دخولك القسم ده شيء يسعدني انا شخصيا بس زي ماقلت التزام واحترام تجاه اي حد.....

موضوع: رد: السلام عليكم الجمعة 01 مايو 2009, 8:23 am

ايه يجماعه هو المنتدى التجارى جرالو ايه

فين المواضيع

ان لله وان اليه راجعون

زائر

السلام عليكم

الجدول نزل ولا لسه يا تجاريين؟؟؟

ويا ريت لو حد حضر الاسبوع اللى فات

يقولى دكتور بيومى ومحسن قالو ايه فى اخر محاضره

علشان رحت متأخره وملحقتش احضر

موضوع: رد: السلام عليكم السبت 09 مايو 2009, 6:25 pm

اقتباس :: السلام عليكم

الجدول نزل ولا لسه يا تجاريين؟؟؟

وعليكم السلام ورحمة الله وبركاته
هيه الكليه دى بتنزل جداول زى باقى الكليات دا الواحد جاله شلل منها بيبقى فاضل 10 ايام او اسبوعين ولسه الجدول منزلشى ونفضل نسمع كل يوم فى اقاويل الجامعات التانيه جدولها بينزل فى وقت بنكون احنا فيه بنسال عن النتيجه والله حاجه تكسف
ربنا يسهل بيقولو الجدول هينزل منتصف الاسبوع دا او الاسبوع القادم بس دا بيقولوا مبسوط

ربنا يسهل

زائر

ربنا يوفقكم فى :

- الموارد

- المراجعة

- حكوميات مش كده برضه صح

- التمويل

- فيه حاجة كمان بالحاء ههههههه بس مش فاكرها

ياله ربنا يوفقكم

زائر

Ehab كتب:: ربنا يوفقكم فى :

- الموارد

- المراجعة

- حكوميات مش كده برضه صح

حكوميات ايه هههههه اسمها محاسبه حكوميه وقوميه يا دكتور

- التمويل

- فيه حاجة كمان بالحاء ههههههه بس مش فاكرها

-حاسب الى

-وفى كمان ماليه عامه

ياله ربنا يوفقكم
يـــا رب ...بس ايه ده ؟؟ حضرتك مذاكر كويس اوووى

زائر

أعمل إيه بس

ماهو انا لازم أدرس الطلبة بتوعى كويس

أصلى زيكو قابلنى وحكالى على المواد

ربنا يوفقكم

زائر

حلوه ادرس الطلبه بتوعى دى مبسوط

اقتباس :: ربنا يوفقكم

يـــــــــــــــــــــا رب

اقتباس :: ماهو انا لازم أدرس الطلبة بتوعى كويس

طيب انت جبت يادكتور بعض مواد ثالثة طيب هات بقى مواد رابعه كدا مه احنا تلاميبذك برده
تدفع كام واقولك عليهم من غير محد يعرف ومش هقول هنا فى المنتدى انى انا اللى قلتلك مبسوط

» السلام عليكم
» السلام عليكم
» السلام عليكم
» السلام عليكم
» السلام عليكم ..