معكم علي الهواء ... عمرو امام .... !!!!!!

د/ ايهاب قال لى على موقف طريف ايام الكلية .. قال لى ان أحد أقاربه وهو إنسان خلوق جدا .. بسبب ظروف عمله مبيلحقش ينام كويس ..

فبينام فى البيت 4 ساعات + ساعة فى العربية وهو رايح الشغل + ساعة وهو راجع من الشغل = 6 ساعات يوميا

الغريب انى لما اشتغلت بقيت اعمل نفس الموضوع ده ومفتكرش وانا راجع مرة منمتش فيها ..

الأغرب يا جماعة إنى كنت بكلم أحمد مسعد حبيبى الرجل المرح اللى دمه زى السكر .. متقعدش معاه الا لما تضحك .. قالى انه بيعمل كده


الظاهر ان البلد كلها مقضياها نوم .. ومش حاسين (بقيمة الوقت)

((فلا أقسم بمواقع النجوم))

دى آية فى كتاب الله من سورة الواقعة .. تفسير هذه الآية يدهش كل من سمعه ..

ايه المقصود بموقع النجم ؟؟؟؟؟


تخيلو ان كل النجوم اللى حضراتكم شايفينها فى السما دى مجرد خيال او صورة قديمة جدا ..


يعنى ايه الكلام ده ؟؟ لالالالالالالالا الكلام ده كبير قوى


هأقولك يعنى ايه :

تكلمة .....

النجم اللى حضرتك شايفه ده ممكن يكون فى مجرة تانية خالص .. والمسافة بين الارض اللى انت عايش عليها وبين النجم مسافة هائلة تستغرق اكتر من مليون سنة ضوئية حتى تصل إلى هذا النجم ..

وفى لحظة خروج شعاع النجم ليصل إلى الارض ممكن ياخد أكتر من مليون سنة ضوئية حتى يصل إلى الارض نظرا لسرعة النجم الهائلة جدا ..

وأثناء وصول شعاع النجم للارض .. يكون النجم فى مكان تانى خااااااااااالص .. بل وممكن يكون اندثر وانفجر واصبح غير موجود بسبب الغازات الملتهبة فيه ..

يعنى النجم اللى انت شايفه ده .. ممكن يكون فى مكان تانى خالص لا يعلمه إلا الله .. او لا يوجد له أثر أصلا فى يومنا هذا ..


سبحان الله العظيم ..

اثناء خطبة الجمعة .. سمعت الخطيب بيقول ((انت ليه بتتكبر ؟؟ دا انت أصلك نطفة حقيرة نجسة .. ونهايتك جيفة قذرة))


لا حول ولا قوة إلا بالله .. الكلام ده غلط يا جماعة ولا يليق بالإنسان الذى كرمه الله العظيم وأعلى شأنه وقدره .. مهذبر له الكون كله ..

تعالوا نرجع لكلام الخطيب (انت أصلك نطفة حقيرة نجسة) .. نعم هى نطفة حقيرة لصغر حجمها (هى المنى) .. لكنها طاهرة ..

كيف يخلق الله الإنسان من شئ نجس ؟؟

الإنسان فى الأصل طاهر لأنه يولد على ملة الإسلام ..



نصيحة : متخليش لفظ يفوتك من الخطبة إلا لما تسال فيه .. اكتب الاحاديث اللى سمعتها فى دماغك وابحث عن مدى صحتها وطبقها عمليا ..

بالله عليكم يا خطباء المنابر .. أنتم هداة الإسلام .. فاتقوا الله فينا وتعلموا العلم الصحيح قبل إلقاءه على الناس ..

احنا بقى عندنا أسلوب غريب فى الكلام ..


دايما تلاقي الواحد بيقولك انا تعبان جدا جدا جدا .. لمجرد ان دبوس شك ايده مش اكتر

كان فى عهد الرسول والصحابة .. لما يقول احدهم : أنا غضبت .. يبقى وصل لقمة غضبه ..

لما يقول : أنا تعبت .. يبقى وصل لقمة التعب والانهاك .

شايفين الفارق دلوقتى .. احنا بنتكلم كتير عمال على بطال ..


انا جعان جدا جدا جدا .. انا تعبان جدا جدا جدا ..

أنا بحبك جدا جدا جدا .. انا سعيد جدا جدا جدا (فؤاد المهندس)

قال ابن القيم رحمه الله :


لا تسأم من الوقوف على الباب ولو طردت .. ولا تقطع الاعتذار ولو رددت .. فإن فتح الباب للمقبولين فادخل دخول المتطفلين وابسط كف (وتصدق علينا) ..

الله عليك ياعمرو إمام
بجد بجد إنت مختلف
وانا هاسألك طبعاً بس بعد ما أروح من الشغل وأنام ساعتين لأنى مابعرفش أنام فى المواصلات لأن مافيش هنا مواصلات
بس جاوب السؤالده مؤقتاً

ليه ماردتش على رسالتى اللى أرسلتها لك من كام يوم ؟

أحمد منصور كتب:

أيه الكروتة دي يعمنا ! .. إنت كده قلت حاجة ؟؟؟

لا لازم تكتب تاني ...

أخونا الحبيب عمرو إمام الظاهر بيكتب وهو فى المواصلات ياعم أحمد .. استنى لما يروح ياعم عمرو

اقتباس :

أخونا الحبيب عمرو إمام الظاهر بيكتب وهو فى المواصلات ياعم أحمد

هههههههههههههههههههههههه

أيه حكاية المواصلات معاك يعمرو ... بس الأستاذ سميح كاشفك

كلام رائع...وخاصة الختام باحلى كلام لابن القيم

ها يالا مستنيين تفاعلكم من الضيف المتميز/عمرو امام

عايزين اسئلة زى مابقولوا فى الجون ....مين معانا

انا هنا

ده عمرو امام حبيبى


انتظرنى
Soooooooooooooooooooon

هو فين أخونا عمرو إمام ياجماعة ؟