يوميات حد مبسوط جداااا(الحلقة الثانية)

تذكير بمساهمة فاتح الموضوع :

عندما تزاداد العيون بريقا والقلوب خفقانا والناس تلاقيهم بييبصوا من تحت لتحت لبعض

وكل واحد بيتمنى ان التانى يجيله حول علشان مش يشوف العربية

وكل واحد متأهب وقتها وشغااااااال تمرينات إحماء

إعرف ان العربية جاية وظهرت من على البحر هناااااااااك اهى وكل ما

العربية تقرب

كل ما الواحد قلبه يدق اكتر ويقول يا هل ترى امى دعيالى النهاردة وهركب فى العربية

دى وهوصل

متأخر النهاردة ساعة ونص بس عن معادى

يااااااااااااه حلم كبير يارب اجعلها من نصيبى يارب ان شاء الله حتى

فلتر بس يارب اركب ان شا الله حتى اقعد فوق على الشبكة او على العجل بتاع العربية اى

توصيله والسلام

واول ما العربية تعدى منطقة المستودع وتيجى قدام بيت مستر عمرو امام وقتها بقى لازم الكل

يتحرك وانا الحمد

لله اول حد بيجرى ومعرفش بجيب الرشاقة دى منين وقتها لكن بلاقى نفسى صاروخ فى اتجاه

العربية مع

الجموع

الغفيرة اللى واقفة معانا على الموقف واعتقد انها بقت عندى حركة لا اردايه كل لما اشوف

عربية اجرى بصراحة انا

خايفة يجيلى مرض العربيات

بعد كده لما اشوف اى عربية فى الشارع الاقى نفسى بجرى ومنظرى يبقى مش اللى هو ربنا

يستر

وحضرتك طبعا لازم تجرى يعنى اللى هيوقف ويتفزلك ويقولك مش انا اللى

اجرى والكلام اللى احنا مش قده ده مش هيركب ولا بعد بكره كمان لان القانون السائد على

الموقف الصبح

البقاء للأسرع والأقوى والاغلس والابجح سورى يعنى لو معملتش كل دوووووووول يبقى

عليه العوض

المهم العربية جت وطالما العربية جت يبقى سمعنى احلى سلام للهمجية

والوحشية والديكتاتورية والجبرية

وطبعا شهامة ولاد البلد الجدعااااااااااااان ..........والجدعان بس

اللى بتبان اوووووووى فى الوقت ده بحيث تلاقى الرجاله

والشباب كابسين على

العربية ومش بس كده لأ دول بيزقوا البنات كمان والسيدات ................هما دول الشباب

عظيمة يا مصر انا ببقى مبسوطة بيهم اوى وبقولهم ربنا يزيدكم شهامة وجدعنة

وااكتشفت قد ايه صدق مقولة الاستاذة المناضلة نانسى عجرم لما قالت

(ملوك الجدعنة ودى حاجة فى طبعهم )

المهم انى لاقيت شاب تقريبا فى اولى جامعة بيزق واحدة ست فى اواخر التلاتينات راحة

شغلها وبتركب العربية مهروله يا عينى ومتبهدله

انا بصراحة لما بشوف حاجة غلط وشى بيحمر وعنيا بتتحول للون غريب كده المهم قلتله

(انت يا ابنى بتزقها

ليه ؟؟لو مش علشان عيب يبقى علشان هى قد والدتك احنا خلاص هنبيع دمنا ؟؟)

واخدتنى الجلالة بقى ووانا بقول

البؤين دول والست

والشاب

بيبصولى قومت داخله متسحبة بسرررررررعة وانا بتمتم واقول الناس جررالها ايه يا اخوانا

الواد

هيزق ست قد امه يوقعها حسبى الله ونعم الوكيل؟؟؟؟

بس الحمد لله عرفت ألهيهم وشغلتهم وركبت انا لأن ( البقاء للأذكى) ايضا

وايضا فى المشهد ده تلاقى رياضة (تسلق شبابيك العربية )

شغاله اللى ينور والناس اللى ما شاء الله عندها مرونه فى العضلات

فى لمح البصر تكون عبرت الشباك دخولا للعربية

وساعتها انا ببقى واقفة زى فؤاد المهندس الله يرحمه لما كان بيقول (حتة نطه!!!!!)

يا بختهم ذوى العضلات المرنة والاجسام الرياضية والعقول البدنجانيه

وصحيح الحاجة ام الاختراع وممكن تبقى مراة خاله كمان

ومش محتاجة أقولكم ان فى عربية العمار لازم يكون ليك وضع واحد متخذه متتحركش من

عليه ابدا ما يسمى بمدأ الثبات الحركى

لأن انت مش لوحدك فى العربية انت معاك قد 55 راس

والكرسى يدووووووووب واخدكم بالعافية وعمال يدعى عليكم وعلى البرنس فى ساعة واحدة

يعنى لو القاعدة حكمت انك تبص من الشباك هتفضل باصص من الشباك ومش قادر تتحرك

لدرجة تخلى الناس اللى بره تحس انك اول مرة تشوف شباك عربية

ولو القاعدة حكمت انك تبص للسواق هتفضل طول الطرق باصص للسواق لدرجة تخلى الناس

اللى فى العربية

تفكره خطيبتك او ابن الجيران او توم كروز مثلا

فلازم تاخد وضع معين حتى لو دبانه غلسه عاكستك

ووقفت على وشك مش من حقك و

مش هتقدر تحرك ايدك وتهشها والحمد لله البرنس صاحب العربية رصها الرصة اللى هى ولا

اجدعها علبة

سالمون ومشينا وياريتنا ما مشينا

واول لما العربية تجى تحود شمال طالعة على بنها عند البحر كده بصوت ارق

من صوت نجاة

واحن من صوت عبد الوهاب واروع من صوت ثومه يقولك السواق قصدى البرنس (الاجرة

يا حضرااااااااااااااااااات يلا بسرعة

لموا مع بعضكم وخلصونى فى يومكم اللى مش فايت ده شغلانه....... تيييييييييت .......)

انتوا عارفين الباقى بقى ...........

ولو حد علق يبقى سنتة سوحه ومهببه انت بترد على مين يا ابنى

ده البرنس يعنى هو يؤمر واحنا نقول سمعا وطاعة

اه امال مش كفاية بيوصلنا بالـ(Bmw

بتاعه وببلاش كمان ايه يعنى خمسه وسبعين قرش ايه يعنى

دول حتى مبيعملوش اصطباحة ولا يجيبوا كيس لمبادا الواحد يعرف يشق ريقه بيه

فعلا ربنا معاهم السواقين

هييييييه دنيا بقى مبتديش كل حد الى هو عاوزة كله

المهم

اللاند كروزر اللى احنا ركبناها دى لازم توقف قبل امياى وف امياى

وقبل بلتان وف بلتان وبعد بلتان وقبل بنها وف نوعية علشان حبايبنا بتوع نوعية

وبعد نوعية الناس بتوع مش عارفه ايه كده الزراعية واخيرااااااااااااااا

وصلنا موقف العمار فى بنها والسواق بصوته اللى ارق من عصافير الكناريا قال (يلا يا ابله

انتى وهيه بسرعة خفوا نفسكم شويه يلا بقى بسرعة خلصونى !!!!)

فانا قلت فى سرى إسه الحنية دى؟؟

وبتتكلم بلسناك ليه يعم مجنبك مفتاح انجليزى اهو ابطحنا احسن

وفتحنا الباب

اللى بيحتاج رفاعى يعزم عليه علشان يتفتح يا اما رفاعى يا اما تغنيله اغنية

أنا أنا أنا أبريق الشااااااااااااااى

وخرجنا من علبه التونه

هدومنا والكتب بتاعتنا وحاجتنا مطعفشة زى ما يكون خارجين من بؤ الكلب اعزكم الله

واول ما ننزل من العربية بتاع العمار ننطلق كالسهام لرحلة أخرى

ومارثون اخر ومهرجان اكبر الا وهو السزوكى علشان اهرام

ياربىىىىىىىىىىىى كن معناااااااااااا.......... فعلا

ما الدنيا الا موقف كبير

استنونا فى الحلقة الجاية ومعركة السزوكى الفاصلة وصولا الى مبنى الكلية الموقرة

أكاد أجزم أننا أمام تجربة جادة لأديبة بارعة في النقد الموضوعي الساخر وكأنني حال قراءة الموضوع أشاهد مسلسل (ناس وناس) الساخر الذي كتبه أحمد رجب

وتعمقت في المادة التي جاءت أقوي من الحلقة الأولى وأمتطت موجه أعلى من السخرية وذلك لطبيعة الحالة التي وصفتها الأخت حنين وهي بصدق تجربة قاسية جدا ان تكون من ركاب سياراتنا الفارهة الرمسيس وسائقيها العظام

وننتظر رحلة السزوكي كما قال أبو عبد الرحمن

وبارك الله فيك ياحنين ... ودام أبداع قلمك

الموضوع جميل كالعادة

بس المقالة دى لفتت نظرى

مقالة

العربية ومش بس كده لأ دول بيزقوا البنات كمان والسيدات ................هما دول الشباب

عظيمة يا مصر انا ببقى مبسوطة بيهم اوى وبقولهم ربنا يزيدكم شهامة وجدعنة

وااكتشفت قد ايه صدق مقولة الاستاذة المناضلة نانسى عجرم لما قالت

(ملوك الجدعنة ودى حاجة فى طبعهم )

اكيد شباب العمار كلهم جدعان ده لو كلام الاخت حنين بجد مش تريقة

ههههههههههههههههههههههههههههههههههههههههههههه مبسوط

ايه الروعه دى ياحنين بجد كلام فى الصميم
واسلوب اجمل ههههههههههههههههههههههههههههههه
انا عاوزاكى تفضى نفسك اد اسبوع كده وتيجى تجربى مواصلات مصر بقا
اكيد هتعملى كتاب مش يوميات هههههههههههههههههههههههه
ده انا بتبهدل فى اليوم اللى افكر انى انزل فيه العمار وخاصه لو فكرت اسافر الصبح
واروح الكليه علطول من البلد بيبقى يوم مطلعتلوش شمس
اه بروح الكليه بس بلحق اصحابى وهو مروحين اسلم عليهم وارجع
وبحرم اجى البلد الا كل فين وفين
هههههههههههههههههههههههههه
بس انا من رايي ان كل جماعه اصحاب ميرحوش الكليه اول سنه
ويحوشو مصروفهم ويحاولو يدخرو اوى ويجيبو عربيه كاروو
يروحو بيها بدل البهدله
اه هما هيصحو بدرى شويتين تلاته بس
اهى شئ يفى بالغرض بدل الشحططه ووجع القلب
وكلام البرنس اللى زى العثل هههههههههههههههههههه مبسوط

منورة يا أميكا وفينك من زمان

وانا معترفة بصراحة ان اذا كانت بنها فيها مشكلة

فمواصلات مصر هى ام المشاكل كلها

ربنا معاكم ومعانا اهى ايام وبنقضيها وربنا يعين

جميل اوى يا حنين
واضح انك مبسوطه على الاخر
هههههههههههه
دى بجد رحله العذاب
هو دى بقى مشوار الالف ميل اللى بيقولو عليها

انا لو هفتكر موقف للموصلات

فى المظلات ساعه واكتر الناس منتظره وبتذيد كمان فى العدد

تيوتا جديده شرفت من الزحام والخناق الباب انكسر ووقع فى الارض

ساعتها السواق اقعد يسب ويشتم يكافيه شهر قدام

والاخر التويوتا شرفت فى الجراش احسن على شان تحرم ههههههههه

بسم الله ما شاء الله
عندك اسلوب يضحك اى حد
ادامها الله عليك نعمه
والى الامام دائما

هذا الحد المبسوط

تلاحظ لي أنه مبسوط من البساطة عكس التعقيد

أو مبسوط يعني بيضحك ليل ونهار

أو مبسوط من البسطة بتاع السلم يعني مدهوس طالع نازل

أو يمكن مبصوت أي مابي صوت

وفي الخليج معناها لا أريد صوتا ما ابغي صوت

ولكن جدا تخرجها عن هذا المعنى

المهم اليوميات يومياتنا جميعا

دائما مرور حضرتك مختلف يا أستاذ مختار

بالرغم من إنه مر على عرض هذا الكلام سنة

إلا إنى دخلت قرت كل الردود مرة تانية

بعد ما قرأت رد حضرتك

شكرا جزيلا لحضرتك

وأعتقد إنه الحد ده مبسوط بكل التعريفات اللى حضرتك قولتها مش واحدة منهم وبس

» يوميات حد مبسوط جدااااا(الحلقة الثالثة)
» يوميات حد مبسوط جدااااا( الحلقة الاولى)
» كل يوم صفة جديدة ( الحلقة الثانية)
» الرفيق ...والرحلة ( الحلقة الثانية )
» الحلقة الثانية عشر (عضو مفجأة ) 2010