لا انا شاعر ولا حاجه

تذكير بمساهمة فاتح الموضوع :

وبحلم إنى يوم أبقى

عميد الشعر والشعراء

ويوسع حلمي ع الآخر

واروح واتجوز الخنساء

وقلت لنفسي ياد جرب

ونمت وكنت ناويها

قابلت الوحي ف منامي

وقالي وصفه هحكيها

دا هيه حروف وبرميها

على ورقه

أوديها يمين وشمال

وبعديها..

أشوف موضوع

يليق بيها

لا انا شاعر ....ولا حاجه

دي سبوبه

قلم شاطر

يطير ويحط ع الورقه

يروقها

يزينها

بحبة محسنات فارغه

وف الآخر أقول الله

عليك يابني شوية شعر

م الآخر

جميل اللفظ والمعنى

صحيت الصبح من حلمي

لقيت نفسي صحيح شاعر

وبتمخطر على الصفحة

تشلني الناس وتحملني

وتتغزل ف ألفاظي

وتحفظها

بقت للكلمه ميت معنى

دا يفهمها على كيفه

وده يفهمها على كيفه

ولو ساكت يقولوا الله

ده حتى الصمت ليا بيان

وانا ساكت عشان جهلي

يقول الناس ياسيدي كمان

وعينهم تبقى ف عِنيا

وتفهم من عيوني كلام

ساعتها عرفت والله

ده رزق وجي م الرحمن

مسلم كتب :

الصديق الجميل أحمد عبد العزيز

لم يصيبني الفزع من جمال وعزوبة كلماتك لأننا تعودنا منك علي ذلك.

فلايوجد شك أن شعرك يصل الي القلب قبل الأذن.

شاعر وصديق و أخ .

دمت بخير وتقبل تحياتي

مسلم الصديق والأخ والحبيب

يااااااااااااه فينك ياعم من زمان

والله وحشتني جدا جدا جدا

سيبك من القصيدة أنت عارف اننا جامد من زمان هههههههه

من أيام وتفشحط الفشحاط ههههههه

ياريت تتابعني ع الخاص عايز اطمن عليك وعلى أخبارك واعرف فين أراضيك

» كل حاجه عند ويندوز سفن من التسطيب لحد اخر حاجه فيها ارجو التثبيت
» اعدام شاعر
» نهاية شاعر
» شاعر مغاغة ( المحبوس )
» شاعر جميل من العمار