عايزين مستشفى و قسم شرطة وحاجات تانية كتير

تذكير بمساهمة فاتح الموضوع :

خلاص بقى عندنا عضو مجلس شعب من بلدنا

و مش هبالغ وأقول حاجة مش ممكن تحصل زي ما اتقال يقدم استجواب في مجلس الشعب عن اللي حصل في الانتخابات قبل كده ومات فيه 3 شباب من بلدنا
خلينا واقعيين لأن حاجة زي كده استحالة تحصل لأن الكرسي لسة جديد و عضو مجلس الشعب بتاعنا مش هيضحي بيه بسهولة كده لأنه لازم يبقى مع الحزب على نفس الخط وما يعاديهوش علشان الدورة الجديدة عالأبواب ومش عايزين نطلب حاجة واثقين انها مش هتتنفذ

والواقعية بالنسبالي هي الخدمات
وأنا شايف اننا محتاجين مستشفى تلحق مرضانا وتخدمنا وتخدم البلاد اللي حوالينا وأظن دي تيجي بسهولة لأن الكثافة السكانية عندنا زادت قوي وفعلا بلدنا محتاجة مستشفى
و كمان قسم ولا نقطة شرطة وما أعتقدش ينفع بلد كبيرة زي بلدنا ما يبقاش فيها ولا حتى نقطة وأدينا شايفين دايرة البانجو بتكبر والبلطجية بيزيدوا كل يوم عن اللي قبله

ده رأيي وانت كمان قول رأيك و الخدمات اللي انت شايف ان بلدنا محتاجاها يمكن صوتنا يتسمع وتتنفذ مطالبنا لبلدنا

عايزين مواصلات شغالة على طول وبالذات مواصلات مصر

االأخ الفاضل الأستاذ / أحمد سيف الدين

أنا لأسخر من أحد أبدا وأكررها الف مرة وأرحب بفكرتك تماما ومعها
عايزين حوار قومى عمارى خالص لوجه الله.
--------------------------------------------------

ولكن أنا طلباتى خمس نجوم على مستوى العيشة اللى أنا عايشها برضه خمس نجوم

ولن أرضى بغيرها وإلا مش هنتخبهم أبدا

**************************************

وأنا كمان زيك أستاذ مسعد

احلامى فوق طموح الكل لأنى عايش أحسن منكم تماما

وباكل أكل نضيف عنكم

وبنام على سرير ريش نعام

وأجازتى فى نيو جيرسى بس مش بلعب كونكان

بس فى مشكلة مش عندى كلبة تطلع معايا القمر

أجيبها منين ؟أجيبها منين؟

بس هو ده طلبى للنائب

ماليش دعوة انا عايز كلبة تطلع معايا القمر

---------------------------------------------

(وليكن الظاهر خير مما فى البطون )

لاحول ولا قوة إلا بالله

الاخ الفاضل مسعد والحبييب أحمد

حان الوقت لنكون يد واحده من أجل العمار وليعلم الجميع أن الموقف حرج لأن كل يوم يمرعلى

العمار بدون عمل جاد يقلل من فرصتها فى النجاح فى الدوره القادمه

الأخوه الأفاضل

من قبلنا تركونا حتى وصلنا الى ما نحن فيه

لتكن النظره مستقبليه حتى تعيش الطفله الجميله التى تزين المنتدى التى أعتقد انها ابنه الأخ مسعد

عيشه كريمه سبع نجوم

لنعمل ونجد من أجل المستقبل من كل أبناء العمار

لن نعيش حياه خمس نجوم ونترك ابنائنا محرومون

الأخوه الأفاضل

هذه ليست شعارات

اذا توحدت العمار لن يكون فيها يتيم فلقد للحنان

اذا توحدت العمار لن يكون فيها فقير ينتظرون الغريب ليعطف عليهم

اذا توحدت العمار سوف يأتينا الحزب الوطنى طالب من ابنائها عضو لمجلس الشعب

اذا توحدت العمار سوف تتوحد كل القرى من حولنا

الأخوه الأفاضل

حان الوقت لأتى كل فطاحل الحزب الوطنى ليتعلموا من أبناء العمار كيف تكون السياسه

فنحن نمتلك شباب ورجال من أفضل رجال وشباب مصر

الخوه الأفاضل

أكرر هذه ليست شعارات

لنجعل من فرصه نجاح محى عبد العاطى البنه الأولى لمستقبل أبنائنا

وعلى الاخ محى عبد العاطى أن يعلم أن بالشباب سوف يستمر نجاحه

على الأ خ محى عبد العاطى أن لايلتف لمن حوله من أصحاب المصالح وهاهى أيدينا نمدها له

ولتكن العمار فوق الجميع .

أسف على الاطاله

كل عام وأنتم بخير

اقتباس :: اذا توحدت العمار لن يكون فيها يتيم فلقد للحنان

اذا توحدت العمار لن يكون فيها فقير ينتظرون الغريب ليعطف عليهم

اذا توحدت العمار سوف يأتينا الحزب الوطنى طالب من ابنائها عضو لمجلس الشعب

اذا توحدت العمار سوف تتوحد كل القرى من حولنا

اذا توحدت العمار ان شااااااااااااااااااء الله هنلاقي حد من اللي بيتكلموا

حدد لينا معاد مع حضرة العميد نقعد معاه ونطلب احنا بنحب النظام والنظام

بيقول نستأذن الاول ناخد ميعاد تمام كده ولا لأ ؟

هو الكلام مش عاجب مستر مسعد
أشكرك استاذ احمد سيف الدين على روح المحبة لبلدك العمار
سبنا من اصحاب المصالح واصحاب الكلام وخلينا فى العمل الفعلى

الأخ الفاضل / عمر المختار

أحب ان أوجه نظر سيادتكم الى أن الاخ الفاضل أحمد عبد المجيد

هو المسئول عن تحديد الميعاد لأن العميد محى عبد العاطى هو الذى اتصل به وهو ايضا مشكورا

هو الذى فتح هذا الحوار الجيد البناء

----------------------------------

من يرضى الله بسخط الناس يرضى عليه الله ويرضى عليه الناس

ومن يرضى الناس بسخط الناس يسخط عليه الله ويسخط عليه الناس

من يرضى الله بسخط الناس يرضى عليه الله ويرضى عليه الناس

ومن يرضى الناس بسخط الله يسخط عليه الله ويسخط عليه الناس

جزاك الله خيرا ا/ أحمد سيف الدين
وأنا معاك فى كل كلمة كتبتها
وفعلا الموقف خطير والوقت بيجرى ولازم يكون لنا وقفة جادة
وأنا معاكم منتظر الموعد مع كابتن محيى
وفقكم الله وسدد خطاكم
****************************
على فكرة طلباتى الخمس نجوم
بس كلامى كان مجرد مداعبة بين الأخوة
ويأس وعدم ثقة وتشاؤم من عدم تحقيق أى مطلب لنا
ولكن كلامك اليوم
أثر فىّ جدا
وسوف أتمسك معكم بالأمل فى تحقيق مطالبنا وأتمنى وحدة العمار كلها
وفعلا هما اللى هيدورو علينا بعدها على رأى ا/ عمر
********************************
أشكرك وأشكر من مر من هنا وأبدى برايه
وإعذرونى عن المداعبة الثقيلة بتاعة الخمس نجوم
********************************
اللهم أحشرنا مع الفقراء والمساكين
وإغننا بحلالك عن حرامك وبفضلك عمن سواك
********************************

طيب ما احنا هنا بنقول كل واحد يقول وجهة نظره في اللي نفسه لبلده

مطالبنا واحتياجاتنا وأحلامنا سواء اللي ممكن تحقيقها أو الخمس نجوم اللي صعب قوي تحقيقها
و الكلام ببلاش مش بفلوس ولا حتى الكلام مستكترينه على نفسكم
حاولوا واكتبوا رأيكم وأهو تسجيل لأحلامنا مش أكتر حتى لو ما حدش بصلها ولا عبرها

ولو هنقعد مع عضو مجلس الشعب بتاعنا زي ما بتقولوا يبقى بردو المفروض كل واحد يفكر بصوت عالي هنا في المطالب اللي نفسه يقولها علشان نقرب وجهات النظر و نوحد المطالب و نتمسك بيها و نكون فاكرنها من غير تشتيت

كلامك طيب يا استاذ اسلام

انا ليا مطلب واحد ان العضو المحترم يتعلم ازاي خلال الشهور اللي جاية دي

اللي يخليه في دورة 2010 علي نفس كرسيه في البرلمان

وانا متأكد ان ساعتها ممكن الحسابات كلها تتغير

ويمكن ساعتها يلحق يعمل حاجه فعلا مع العلم انه طبعا الكل منتظر الخدمات عشان

نجري وراه ونديله صوتنا في الانتخابات الجايه عشان ينجح او علي الاقل نقف جنيه

السؤال هو نجح ولا هينجح اصلا باصواتنا ؟؟؟

ايا كانت الاجابة بالايجاب او بالسلب فعليه ان يحافظ علي كرسيه اولا ليكون ناجحا

خارجيا في حينها يبدأ حملة الخدمات اللي الكل متخيل ان عضو مجلس الشعب شغلته

حل مشاكل الناس وتوصيل الخدمات لدائرته

امال المحافظين ورؤساء المجالس المحلية عملهم ايه ؟

المهم ربنا يكرمه بس ونقعد معاه وساعتها يمكن يعرف الواقع اللي هو مش شايفه

من كتر تضليل الحاشية اللي حواليه اللي مليون الميه محسسينه ان الحياة بمبي

اللهم ولي من يصلح يا رب ولا تذر علي الارض من الظالمين ديارا

فان كان هذا ممن سيصلحون فزد في اجره وثبت الارض تحت قدميه ووفقه في كل خير

الموضع ده يا جماعة علشان نقول فيه مطالبنا الحقيقية مش احلامنا الوهمية ارجوكم

اللقاء ان شاء الله يوم 15 رمضان بعد صلاة القيام مباشرة

وياريت نحاول نجتمع الاول قبليها علشان نوحد الطلبات

وشكرا

كل حاجة فى بلادنا ناقصة مياة لا عيش لا صرف لا كهرباء لا امن لا امل امل امل مش عايز اقول لا لية لان الامل فى ربنا كبير وبلاش نقول سيادة النائب لان دة حاجة كبييييييييييييييييييرة قوى لكن يجعلو عامر

القاضي

احمد عبدالمجيد كتب:: الموضع ده يا جماعة علشان نقول فيه مطالبنا الحقيقية مش احلامنا الوهمية ارجوكم

اللقاء ان شاء الله يوم 15 رمضان بعد صلاة القيام مباشرة

وياريت نحاول نجتمع الاول قبليها علشان نوحد الطلبات

وشكرا

اخر القعده دى اللى الله اعلم تمت ولا لا
رسيت على ايه
مشكلة المياه اتحلت
مشكلة العيش اتحلت
مشكلة المواصلات اتحلت
ولا المستشفى اتبنت
ولا القسم اتبني
طب حد اهتم
طب انتوا قعدتوا اصلا
اوعى تقول مفيش حاجة من دى حصلت
اوعى مش عاوزين نبقا فى الكلام اسرع من الطيارة
وفى التفيذ زى السلحفاه

عارف كل اللى انت قولته ده

دى بنية اساسية لبلد زى العمار مش هتتعمل عمرها ف 15 يوم

استنى رمضان بعد 15 سنة ونبقى ساعتها نحاسب النائب

وبعدين مش تفرح هيعملوا كبرى للمنشية بحوالى 2 مليون جنيه علشان نوطد العلاقات العمارية المنشاوية [ندعوك للتسجيل في المنتدى أو التعريف بنفسك لمعاينة هذه الصورة]

والناس الجعانة ليها رب اصل ميزانية الكوبرى مالهاش دعوة بميزانية الجوع

ويجعله عامر يارب

لا يا احمد بيه
لاهتتعمل فى 15 يوم ولا فى 15سنة حتى
هنعيش ونموت وبردو زى ماهى وياعالم بردو اللى بعدنا واللى بعدنا واللى بعدنا
هيعيشوا ويموتوا على امل زينا كدا ولا جزء من المشكلات دى تتحل

إحنا عاوزين الأول 3 حاجات مهمة حسب الترتيب

1- إحساس

2- صدق ووضوح (شفايفة)

3- نظر

احساس انت بتطلبي حاجة مستحيلة
احساس ايه مفيش حد بيحس بمشكله حد دلوقتى

دا يدوب مشكلته يمكن كمان بيشوفها بالعافية
صدق ووضوح وشفافية بتطلبي الصدق بقا الكذب فيه موضه ولازم الواحد يبقا فى وشين

للاسف لو حل المشكلات دى واقفة على التلات حاجات دى

يبقا عمر المشكلات دى ما هتتحل

ما أصعب الإحساس المقيد
والصدق الذى يهلك صاحبه
والعيون المعصبة بالغمامات

وحاجة غريبة جدا
ده انتوا شعب (.....) زى العسل هههههههه

شوفوا حنين كتبت ايه رغم ان ناقصها مطلب (الإرادة) وطبقوه بالواقع

هتلاقوا انكم عملتم أكبر جريمة ف حق مصر مش العمار [ندعوك للتسجيل في المنتدى أو التعريف بنفسك لمعاينة هذه الصورة]

ماتلوموش الا نفسكم ومش هنرجع لحواديت انتخابات لأحسن الإشراف القضائى عنيه علينا حتى لو لغوه برده مش هيسبنا وهم الأمل

انتم موهومين باللأمل

على فكرة ده مش رأيى لكن حبيت أوضح وجهة نظر حد بطريقتى

فى احتمال كبير ان مستشفى التكامل الى فى الوحد الصحيه تشتغل وفعلا جابولها الاجهزه وخادوها تانى لأنها كانت فى اوضه بقفل وكانت اجهزه ضخمه وكتيره وصعب ان حد يتحمل مسؤليتها وبيقولوا ان الاجهزه دى هتيجى تانى عشان المستشفى تشتغل وهى كبيره ومبنيه كويس جدا 5 ادوار لكن قسم الشرطه ده الله اعلم بيه

وعيزين كمان نافوره فى اول مدخل البلد
وينكتب عليها منتدى شباب العمار
ولينك المنتدى
يااااااااااااااه حلم صح

اقتباس :: وعيزين كمان نافوره فى اول مدخل البلد

ما بلاش موضوع النافورات ده احنا متعقدين من الكلمة دى [ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههههههه
والله موضوعك الى خلانى اتخيل قدام كل بيت فى بلدنا نافوره
بس دا ممكن يحموا فيهم الجديان
هههههههههههههههههههههههههههههه

كوب ماء صالح للاستخدام الادمى لان المياة الملوثة هى سبب كل البلاوى والامراض
دة مطلبى من عضو مجلس الشعب فى الشهور القادمة

انت كبير ياسلام وجبت من الاخر

تــــــــــــــــــــســــــــــــــلــــــــــــــــــــــــــــم

وضيف عليهم مشكله المواصلات الناس بتتعذب

لازم يشوفو لها حل كمان مع الاوتوبيسات

» عايزين من النوع ده كتير اوى لو سمحتم ....
» فضيحة إجرامية مدوية لعناصر شرطة يفترض أنها تحمي الأعراض فتنهشها .. اغتصاب سيدة منتقبة داخل بوكس شرطة
» قصيدة تانية لتونس
» عودة مسابقة توقعاتك ايه مرة تانية.......
» مستشفى 57357