حوار صريح جدا (الحلقة الاولى )

تذكير بمساهمة فاتح الموضوع :

[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم ورحمة الله وبركاته

ان شاء الله هيكون حوار بين العضو اللى هنستضيفه وكل اعضاء المنتدى والحوار هيكون عبارة عن اسئلة

هتوجه للعضو اللى هنستضيفه وهتكون مدة الاستضافة اسبوع ويالا بينا نبتدى البرنامج

سادتى انساتى سادتى انهارده ان شاء الله اول حلقة من برنامجكم حوار صريح جدا وهيكون اول ضيف البرنامج

هو المهندس أحمد السيد الانسان الخلوق المحترم المهذب انا مهما اتكلمت وقولت عايز 1000 منتدى

علشان اعطيه جزء من حقه اللهم مالا حسد والان مين من المستمعين هيبتدى الاسئلة ؟؟؟؟؟؟؟؟؟؟

[quote="AhMeD ELSaYeD"]

اقتباس :

1-

اقتباس :: 17-لوواحد بيغرق قدامك وانت مبتعرفش تعوم هتعمل ايه ؟؟؟؟؟

هصوت طبعا ... وهلطم وهعمل حاجات كتير

طبعا هعمل ايه يعنى وعلى فكره انا عملت كده

واسألوا احمد مسعد

[size=18]
هههههههههههههههههه...

فكرتنى بمغامرتى فى البحر ياعم احمد ...

والله اول ما قرأتها قعدت اضحك ...

لانى الموقف حصل ليا وكان احمد السيد شايفه وفعدنا نضحك ...

فى بحرنا الغالى كان نفسى اتعلم العوم وقولت نروح انا واحمد السيد ..

وافرجوا على العوم بتاعى ...

بس للاسف انا مابعرفش اعوم وكان نفسى اتعلم لكنى فشلت...

هههههههههههههههه..

المهم ماطولش عليكوا نزلت البحر عشان اعرف احمد السيد انى بعرف اعوم...

ولقيت اطفال سباحة عمالة تصول وتجول فى البحر ..

وان واقف بتحسر مش عارف اعمل حاجة واقف وماسك فى خشبة وعمال ابلبط وخلاص..

وطبعا احمد السيد بيشاهد وعايز يتفرج عليا ...

المهم ضربت بلنس وقولت لواحد فى البحر جايلك يافلان ولقيت نفسى مش عارف ارجع ..

الحقنى ياحمد ..

لقيت صراخ من احمد السيد واد ياحمد ااااااحمد يامسعد وهو واقف معزور مبيعرفش يعوم ..

بس ساعتها مكنتش بعرف اعوم بس دلوقتى بقيت اشوف البحر افتكر الموقف ده..

طلعت على الارض وانا مش عارف اقول ايه بس..

بس قعدت اضحك قوى ..[/size]

هههههههههههههههههههههههههه

انا متخيل منظرك

انت فظيع

سؤال برئ [ندعوك للتسجيل في المنتدى أو التعريف بنفسك لمعاينة هذه الصورة] رقم (1)

دائما في لحظة أثناء العمل أنا بسميها وقت المعمعة

اللحطة اللي الدنيا بتبوظ فيها والنظام بيخترق والدنيا بتهيص

اللحظة دي إحنا دائما بنصادفها في أي عمل جماعي .. إما لتقصير من أحد الأفراد

في تأدية مهمته أو حدوث شيء لم يكون متوقع أو ...

أين يكون أحمد السيد وقت المعمعة ؟؟

يزعق في زمايله علشان الكل ينتبه للمخطيء فيعرفوه ويحسبوه بعد كدا
يسيب هو كمان مكانه ويقعد جنب الحيطة ويقول خربانة خربانة
يحاول يقف في مكانه بثبات وبهدوء يحاول ينبه زمايله علشان الجميع يتصدي للموقف

ولا ياتري أحمد عمل أيه بالظبط في اللحظة دي ..

نشوف إجابة أحمد الأول وبعدين نقول عمل أيه [ندعوك للتسجيل في المنتدى أو التعريف بنفسك لمعاينة هذه الصورة]

وقعت ومحدش سمى عليك [ندعوك للتسجيل في المنتدى أو التعريف بنفسك لمعاينة هذه الصورة]

اقتباس :

أين يكون أحمد السيد وقت المعمعة ؟؟

يزعق في زمايله علشان الكل ينتبه للمخطيء فيعرفوه ويحسبوه بعد كدا
يسيب هو كمان مكانه ويقعد جنب الحيطة ويقول خربانة خربانة
يحاول يقف في مكانه بثبات وبهدوء يحاول ينبه زمايله علشان الجميع يتصدي للموقف

ولا ياتري أحمد عمل أيه بالظبط في اللحظة دي ..

نشوف إجابة أحمد الأول وبعدين نقول عمل أيه [ندعوك للتسجيل في المنتدى أو التعريف بنفسك لمعاينة هذه الصورة]

أولا هو سؤال فى الجون زى ما محمد عبد السلام علق

اولا ده بيختلف على حسب العمل اللى احنا فيه

يعنى مثلا احنا كنا فى معمه المعرض

وكنت وقت المعمه

ببقى دايما بصرخ هنا وهناك علشان كلنا نكون ماشيين سوا

حتى فى اول يوم مش هنسى صرخت فى وش حبيبى البشمهندس أمير

وهو فاتح الباب ولاول مره فى حياتى الاقى امير غاضب اوى

وكمان صرخ فى وشى وقالى والله الباب مقفول ومحدش دخل

لانى ببساطه مكنش ينفع اسيب المكان وارحل

ــــــــــــــــــــــــــــــــــــــــــــــــــــــــــ

طيب تعال بقى للحادثة اللى تقريبا انت بتتكلم عنها [ندعوك للتسجيل في المنتدى أو التعريف بنفسك لمعاينة هذه الصورة]

وهى المسابقة انا والله يومها عملت التلات اختيارات

الاول اتكلمت بهدوء وحاولت اوجه مفيش فايده

سبت الميكرفون ورحت اصرخ فى الناس اللى واقفه علشان

حدي تحرك او حاجه تتغير مفيش فايده

زهقت واضايقت وخفت ازعل حد خصوصا من اهالى الاطفال

روحت قعدت وقولت فى الوقت بتاعى زهقى ده عدم وجودى افضل

والحمد لله العدد كان كافى انه يغطى غياب وغياب الف من أمثالى

عرفت الاجابه يعمنا ولا مش واضحه [ندعوك للتسجيل في المنتدى أو التعريف بنفسك لمعاينة هذه الصورة]

ههههههههههه

إنت فى موقف لا تحسد عليه يا هندسه ربنا معاك

أنا لسه هسأل على فكرة [ندعوك للتسجيل في المنتدى أو التعريف بنفسك لمعاينة هذه الصورة]

احمد السيد حبيب قلبي
هقولك كلمتين يعنى عن شخصيتك بس الكلام دا قبل ما اقرب منك الكلام دا
كنت فاكرك فى الاول متعصب اوى مش بتضحك منطوى
كنت فاكر ههههههه خلى بالك لكن لما قربت منك لقيتك عكس كدا خااااااااالص
واتحول نفورى منك وبعدى عنك الى حب وزى ما يكون عاااارفككككك من زمااااااااااااااااااااان
معلشي بقا اعذرنى انا لما بحب حد بحب اصارحه باللى جوايا علشان اعرف ابص فى وشه
فى كلام سمعته من محمد حسان انى الرسول قال لو بتحب حد فى الله قوله كدا
وانا بحبك فى الله
الاسئله بقا يا جميل
انت ادبست وخلاص فا لازم انتهز الفرصة ومليش دعوه حد قالك تدخل كنت اهرب اليومين دول ههههههههه
1-حياة احمد السيد شكلها ايه ؟
وايه الجديد فيها؟
2- غيرت اسم (ميشو ) لاحمد السيد السبب ايه ؟
3- احمد السيد بعد اوى عن الاقسام الدينيه هنا فى المنتدى ودا مش اقصد بيه بعده عن ربنا لا مقصدشي
بس كتفاعل فى الاقسام دى قل عن الاول ؟ليه؟
4-بتحاسب نفسك ؟ طب لما بتحاسبها بتحاسبها فين ؟ وامتا تحاسبها؟
5- قولى اربع جوانب فى شخصيتى منهم اتنين سلبيين ومنهم اتنين ايجابيين .
6-اوصف الاعضاء دول
ايهاب رفعت
احمد القماح
باهر
احمد زغلول
احمد منصور
عمرو امام
محمود سمير
امير عبد العليم
محمد عبد السلام
على زايد
احمد طلعت
اسلام طلعت
احمد مختار
محمد مختار
كل واحد توصفه لوحده
يعنى مش تقولى كلهم مثلا رجاله مثلا لا
كل واحد على حدا هههههههههههه

ما هى تدبيسة والسلام

ميـــــــــــزو

اقتباس :: 1-حياة احمد السيد شكلها ايه ؟

والله هى زى ما هى والحمد لهل على كل حال

يعنى لفى البيت يا اما مع زغلول او باهر مفيش مكان تالت

اقتباس :: وايه الجديد فيها؟

انى منتظر اقدم اوراقى للجيش ...
ادعولى بالله عليكم ربنا يكرمنا اااااااارب ... [ندعوك للتسجيل في المنتدى أو التعريف بنفسك لمعاينة هذه الصورة]

اقتباس :: 2- غيرت اسم (ميشو ) لاحمد السيد السبب ايه ؟

لسبب واحد غير مقصود

السنه اللى فاتت اللى كان حاضر حفل توزيع جوائز مسابقة القرآن

انا وباهر بس من المنتدى يعنى

اه وكمان الاخوان اسلالم واحمد طلعت

المهم الدكتور على الداعوس كان عامل موضوع بيشكر اللى شارك

وقال فيه بالنص

وأخص بالشكر البشمهندس باهر ( على الرغم من انى باهر كان اسمه سوكر )

وكمان البشمهندس ميشو

او ما قريتها ضحكت جدا وقلت والله لاغيره

ميشو هى ناقصه ... هههههههههههه

3

اقتباس :: - احمد السيد بعد اوى عن الاقسام الدينيه هنا فى المنتدى ودا مش اقصد بيه بعده عن ربنا لا مقصدشي
بس كتفاعل فى الاقسام دى قل عن الاول ؟ليه؟

مين قال كده ان يمكن بقالى فتره مفيش جديد

لكن والله انا مع دخول رمضان

كنت حريص انى انقل حلقات البرامج اول باول

وجه موضوع المشاريع ده بعد الواحد

وعارف والله انى مقصر

بس ان شاء الله فى عودة وعودة جديدة ان شاء الله

اقتباس :: 4-بتحاسب نفسك ؟ طب لما بتحاسبها بتحاسبها فين ؟ وامتا تحاسبها؟

معلش احتفظ بيها لنفسى ياعمنا ...

اقتباس :: 5- قولى اربع جوانب فى شخصيتى منهم اتنين سلبيين ومنهم اتنين ايجابيين .

السلبيات كتييييير والله جدا

ربنا يسترنا اللهم امين

بس اهم اتنين

انى عصبى جدا

وكمان بتكلم كتيييييير اوى او يعنى تقدر تقول رغاي

انا بتكلم بصراحه بس هقولك

بالنسبه لموضوع اكلام

والله واحد زميلى فى الكليه وكمان فى المدينة

مره قالى كلمه جميله اوى وانا من يومها مش ببطل كلام

قال انت غريب اوى لما بتكون عاوز تتكلم ببقى مش عاوزك تتكلم

علشان نعرف نذاكر واول ما بتبدأ بالكلام ببقى مش عاوزك تبطل

فمن يومها بقى مش عاوز ابطل ههههههههههههههه

الايجابيات

ممكن انت بقى او حد تانى شايفها فيا

انا والله مش عارف اشوف نفسى اوى

اقتباس :: ايهاب رفعت

بحبه جدا بحب فى كل حاجه الا العصبيه

لانه بيفكرنى بنفسى

أحبه فى الله

اقتباس :: احمد القماح

ده بقى حبيبى اللى كنت نفسى اعرفه من زمان

بجد والله عارف انت الصاحب الجدع اوى هو ده

مش علشان الذره يا قماح لا والله

انت جدع من غير اى حاجه .. ههههههههه

اقتباس :: باهر
احمد زغلول

أخواتى اللى أبويا لم ينجبهما

ربنا يخليهم ليا ياااااارب

اقتباس :: احمد منصور
عمرو امام

فى معزة واحده بجد لما قربت منهما

أحبيتهما جداااااا وربنا يبارك فيهم

اخوات بجد وربنا يعزهما ياااااارب

اقتباس :: محمود سمير

ده بقى العسل الابيض على رأى عمى زغلول

بجد حاجه كده تحببك ف الحياه

من الشباب اللى يبشر بجيل رائع من شباب الاسلام

ربنا يبارك فيه ياااااااااااارب

وبحبه جدا يمكن من اكتر الشباب اللى بحبهم فى العمار والله

اقتباس :: امير عبد العليم

بشمهندس أمير ده حاجه تانيه خالص قربت منه فى رمضان

ده خصوصا فى المعرض حد بجد خسارة كبيرة انى الواحد

ميعرفوش عن قرب من زمان

ربنا يعزه ياااااااارب ويثبته

اقتباس :: محمد عبد السلام

محمد ولا ريتش مان

ساعات كتييييير بيحدث بنا صدام لكن والله

انا بحبه جدا وبجد اللى يعرف محمد وطيبه قلبه لازم يحبه

ومتزعلش ياعمنا لو كان صدر منى حاجه تزعلك

اقتباس :

على زايد

بص انا وعلى فى اشكاليه كبير بنا لان المسألة

ههههههههههههههه

حبيبى والله ربنا يبارك فيه

اتغييييييير كتيييييير اوى عن ايام ماعرفته اول مره

بس الحمد لله اتغيير كتييييييير للاحسن ربنا يثبته

احبه فى الله

اقتباس :: احمد طلعت

ده بقى حبيب قلبى بجد والله

وصاحبى المحبب لقلبى اوى

ربنا يبارك فيه

هو فيه شويه كسل لو يسيبوا منهم يبقى ايه

من الناس اللى بجد بعتز بصداقتهم جدا

اقتباس :: اسلام طلعت

أبو احمد ولا اقولك أبو عمر

بجد انسان مهذب جدا وأخ غالى اوى كمان

حد كده تحس وأنت بتكلمه انك بتكلم شاب مثقف وواع

تاخد منه نصيحه او ابتسامه جميله

او رد يريح قلبك

وياما استخدمت عربيته انى اوجه رسايل للناس

ههههههههههههههههههههههههه

اقتباس :: احمد مختار

كنت بحبه ايام ثانوى 90 فى الميه

وحبيته ايام الجامعه 70 فى الميه

وأقسم بالله بحبه دلوقتى

مليوووووون فى الميه

من أحب خلق الله على الارض الى قلبى الان

ربنا يكرمه يااااااااارب ويحفظه ويثبته

ويعينه ويجعل كل عمل صالح يعمله فى ميزان حسنات ابيه وأمه

والله العظيم أحبه فى الله

اقتباس :: محمد مختار

معرفوش ... هههههههههه

بص بقى اول لما دخل على المنتدى كان عملى حاله غريبه

ولازم اعرفه مين ده وكان عمل جو غريب كده

يعنى كان عام لغموض على نفسه

لحد ما ظهر وقرب مننا وبجد والله الراجل بكل ماتحمل الكلمه من معنى

عمل موقفين معايا فى عمل الخير السنه دى

يمكن ميخدش باله منهم لكن كانوا

عندى كافيين اوى ان يكون له فى قلبى مكانة والله ومنزلة كبيرة اوى

وانا والله بحبه جدا حتى لو هو شايفنى متعصب ..

ههههههههههههههه

هوريك لما اقابلك اصبر بس ....ههههههههههههههه

سؤل برئ رقم (2)

كثرة الكلام علي الخير اللي ربنا بيوفقنا ليه أظن ده بيهدم ثواب العمل ولن أقول يهدم الإخلاص

لأن الإخلاص نية ولا تهدمه إلا نية

ليه أحمد السيد دائما يستعرض عمل الخير بعد إنتهاءه ألا يخشي أن يهدم كثرة كلامه

عن العمل ثواب العمل ؟؟

وذلك بذكر أسماء المشاركين في العمل .... والأفضل الإبهام وعدم الذكر

بمدح العمل نفسه .... والأفضل هنا الكتمان

بذكره كثيرا .... والأفضل هنا نسيان العمل

كان ايه موقفك مع فاروق حسنى فى اليونسكو؟؟

وكان ايه رد فعلك لما خسر ؟

وماتنساش انه أعطى جايزة الدولة التقديرية للقمنى !!!!!!!!!

وكمان عايز أخد رأيك فى موقف حصلى وهمثله فيك انت؟

انا كنت راكب حاجة زى اللانش فى البحر انا وواحد صاحبى جدا وبحبه جدا وفجأة القارب ده اتقلب جوه بعيد جدا عن الشط ومش بنعرف نعوم وأكتشف أنى علشان أطلع للقارب وأمسك فيه لازم أزيح صاحبى من قدامى وأمسك انا ف القارب ويسيب هو /وهو مش بيعرف يعوم ؟؟؟؟؟؟؟

طيب أعمل أيه ؟؟؟؟؟؟؟؟؟؟؟

مين اللى بتحكيله سرك _من غير أسامى _ ؟

ولو كانت الخلافة الإسلامية موجودة لحد دلوقتى مين اللى انت شايفة يبقى جدير انه يخلف المسلمين؟

طيب اللى انت شيفة يصلح للرئاسة الجمهورية غيرى انا طبعا علشان انا مش فاضى [ندعوك للتسجيل في المنتدى أو التعريف بنفسك لمعاينة هذه الصورة]؟؟؟؟؟

هههههههههههههههههههه
شكلك متدبس اوووووي يا هندسة

لي عودة مع الاسئلة

اقتباس :: سؤل برئ رقم (2)

كثرة الكلام علي الخير اللي ربنا بيوفقنا ليه أظن ده بيهدم ثواب العمل ولن أقول يهدم الإخلاص

لأن الإخلاص نية ولا تهدمه إلا نية

ليه أحمد السيد دائما يستعرض عمل الخير بعد إنتهاءه ألا يخشي أن يهدم كثرة كلامه

عن العمل ثواب العمل ؟؟

وذلك بذكر أسماء المشاركين في العمل .... والأفضل الإبهام وعدم الذكر

بمدح العمل نفسه .... والأفضل هنا الكتمان

بذكره كثيرا .... والأفضل هنا نسيان العمل

أولا فعلا واضح من الاسئلة انها بريئة جدا

المهم موضوع لاحديث على العمل بعد انتهائه ومدحه والحديث عن اصحابه

هو من باب المنافسة فى الخير

او الحث عليه وهذه هى نيتى التى استحضرها قبل اى موضوع

يعنى لما كتبت امتياز انا قصدت اقول ان المنتدى الحمد لله

قربنا من بعض وعملنا كل ده

واتمنيت ان كل الموجودين هنا يكونوا معانا فى اى عمل خير جاى

نعم لابد نسيان العمل والتفكير بما هو قادم

لكن لاتنسى ان الدال على الخير كفاعله

فلعل الله ان يكرم اى اخ كريم بكلامى فيكون معانا ويجعله الله فى ميزان حسناتى

اذكر بموقفين

الاول ان اخى الحبيب تامر فتحى

كان عامل موضوع اسمه كم ستحفظ من القرآن وكان كل يوم يدخل

- حفظه الله - يقول هو وصل لفين ده من باب تشجيع الناس على الخير

الثانى ان سيدنا ابو بكر ما تذكر غزوة احد قط حتى بكى وقال ذاك بوم كله

لطلحة فليس هناك اى حرج ان نذكر من قام بالخير

من باب التشجيع وليس الا ...

هذا ما اعلم وقد أكون مخطأ فى كل ما كتبت

وأعدك بعدم الكتابه او الرد فى اى موضوع فيه عمل خير

ان شاء الله

أولا جزاكم الله خيرا

ثانيا شكرا جزيلا علي ردك اللي أنا كنت منتظره

لإني رديت من خلالك علي أخ عزيز طرح هذا السؤال عليا اليوم

فعلا هو من باب التشجيع والمنافسة في الخير وهذا ليس رأيك بمفردك ولكن انا اشاركك نفس النية والقناعة

اقتباس :

هذه العبارة لا تصدر أبدا من أحمد السيد الذي أعرفه

وعموما ده أخر سؤال برئ مادمت بتزعل وبتناول الأسئلة علي أنها هجوم عليك

ويعلم الله أنها ليست كذلك

أخي أحمد السيد احبك في الله

M7meD A ElSaLaM كتب:

-

اقتباس :: نيجى بقى لاصعب سؤال اتوبيس فيه 10 ركاب اول محطة نزل 3 السؤال اسم سواق

الاتوبيس ايه؟؟؟؟؟؟؟؟؟؟؟؟

السوال مش كدا يا متر [ندعوك للتسجيل في المنتدى أو التعريف بنفسك لمعاينة هذه الصورة] ..كدا غلط ..

لا يامتر مقصود ده على سبيل الدعابة مع المهندس مش كل كده يبقى جد [ندعوك للتسجيل في المنتدى أو التعريف بنفسك لمعاينة هذه الصورة]

5- قولى اربع جوانب فى [color:f4ae="Red"]شخصيتى منهم اتنين سلبيين ومنهم اتنين ايجابيين .

السلبيات كتييييير والله جدا

ربنا يسترنا اللهم امين

بس اهم اتنين

انى عصبى جدا

وكمان بتكلم كتيييييير اوى او يعنى تقدر تقول رغاي

انا بتكلم بصراحه بس هقولك

بالنسبه لموضوع اكلام

والله واحد زميلى فى الكليه وكمان فى المدينة

مره قالى كلمه جميله اوى وانا من يومها مش ببطل كلام

قال انت غريب اوى لما بتكون عاوز تتكلم ببقى مش عاوزك تتكلم

علشان نعرف نذاكر واول ما بتبدأ بالكلام ببقى مش عاوزك تبطل

فمن يومها بقى مش عاوز ابطل ههههههههههههههه

الايجابيات

ممكن انت بقى او حد تانى شايفها فيا

انا والله مش عارف اشوف نفسى اوى

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

على فكرة يا أحمد ميزو بيقولك شخصيتى أنا يعنى شخصية ميزو إنت شايفها إزاى

مش شخصيتك إنت يا فندم

صباح الفل

احمد عبدالمجيد كتب:: كان ايه موقفك مع فاروق حسنى فى اليونسكو؟؟

وكان ايه رد فعلك لما خسر ؟

وماتنساش انه أعطى جايزة الدولة التقديرية للقمنى !!!!!!!!!

وكمان عايز أخد رأيك فى موقف حصلى وهمثله فيك انت؟

انا كنت راكب حاجة زى اللانش فى البحر انا وواحد صاحبى جدا وبحبه جدا وفجأة القارب ده اتقلب جوه بعيد جدا عن الشط ومش بنعرف نعوم وأكتشف أنى علشان أطلع للقارب وأمسك فيه لازم أزيح صاحبى من قدامى وأمسك انا ف القارب ويسيب هو /وهو مش بيعرف يعوم ؟؟؟؟؟؟؟

طيب أعمل أيه ؟؟؟؟؟؟؟؟؟؟؟

مين اللى بتحكيله سرك _من غير أسامى _ ؟

ولو كانت الخلافة الإسلامية موجودة لحد دلوقتى مين اللى انت شايفة يبقى جدير انه يخلف المسلمين؟

طيب اللى انت شيفة يصلح للرئاسة الجمهورية غيرى انا طبعا علشان انا مش فاضى [ندعوك للتسجيل في المنتدى أو التعريف بنفسك لمعاينة هذه الصورة]؟؟؟؟؟

ممكن ترد على الاسئلة دى يابشمهندس احمد ولا تستعين بصديق [ندعوك للتسجيل في المنتدى أو التعريف بنفسك لمعاينة هذه الصورة]

امتى بقى اما يبقى نجم الحلقة ابوحازم

اية التجاهل دة [ندعوك للتسجيل في المنتدى أو التعريف بنفسك لمعاينة هذه الصورة]

ABO7AZM كتب:: امتى بقى اما يبقى نجم الحلقة ابوحازم

اية التجاهل دة [ندعوك للتسجيل في المنتدى أو التعريف بنفسك لمعاينة هذه الصورة]

ان شاء الله بس فين المشاركة بتاعتك ياابو حازم فين الاسئلة [ندعوك للتسجيل في المنتدى أو التعريف بنفسك لمعاينة هذه الصورة]

اقتباس :: كان ايه موقفك مع فاروق حسنى فى اليونسكو؟؟

بجد والله دعيت كتير ان ربنا يوفقه يااااااارب

وكنت مشجعه جدا ولو قدرت اسانده كنت عملت

كفايه انه لو كان فاز كان سبنا ومشى ...

وده لوحده انجاز بحلم بيه

اقتباس :: وكان ايه رد فعلك لما خسر ؟

وماتنساش انه أعطى جايزة الدولة التقديرية للقمنى !!!!!!!!!

حزنت اوى بجد لانى كنت بتمنى انه يفوز

علشان يسيبنا بقى ويريحنا منه ومن كلامه وافكاره وثقافته

بجد والله عيب اوى ان يكون مصر بلد المثقفين والادباء

والمفكرين دول كلهم ويكون وزير الثقافه فيها بقاله 18 سنة

كنت بحلم بواحد جديد بدل فاروق حسنى

اللى كان احد اسباب كرهى للثقافه والله

بس قدر الله وماشاء فعل

موضوع سيد القمنى ده مصيبه لوحده

الكاتب الكداب اللى اشترى الدكتوراه من بره بجد والله

مش عارف على اساس بيتكرم الناس دول والله

اقتباس :: وكمان عايز أخد رأيك فى موقف حصلى وهمثله فيك انت؟

انا
كنت راكب حاجة زى اللانش فى البحر انا وواحد صاحبى جدا وبحبه جدا وفجأة
القارب ده اتقلب جوه بعيد جدا عن الشط ومش بنعرف نعوم وأكتشف أنى علشان
أطلع للقارب وأمسك فيه لازم أزيح صاحبى من قدامى وأمسك انا ف القارب ويسيب
هو /وهو مش بيعرف يعوم ؟؟؟؟؟؟؟

طيب أعمل أيه ؟؟؟؟؟؟؟؟؟؟؟

والله بص بقى ياعمنا ...

انا بحبك اه لكن اكتر من نفسى لا ... هههههههه

طبعا هزقه وامسك انا مش علشان حاجه

غير انى لما اطلع ان شاء الله واعيش هدعيله

وهتصدق على روحه

وهبنى له مسجد وهعمل له اللى هو عمره ما كان هيعمله ليا

ربنا يرحمه بقى .........هههههههههههههه

اقتباس :: مين اللى بتحكيله سرك _من غير أسامى _ ؟

من غير أسامى .. أختى

اقتباس :: ولو كانت الخلافة الإسلامية موجودة لحد دلوقتى مين اللى انت شايفة يبقى جدير انه يخلف المسلمين؟

لا لما يبقى فى خلافه اقولك مين يصلح

بس لحد مايبقى خلينا نفكر كده

هو ممكن يبقى فى خلافه فى الزمن ده او يعنى فى الظروف اللى فيها

دى بجد والله يبقى احسن حل

السؤال مش مين اللى يبقى خليفه يبقى فين مقر الخلاقة ...؟؟؟

اقتباس :: طيب اللى انت شيفة يصلح للرئاسة الجمهورية غيرى انا طبعا علشان انا مش فاضى [ندعوك للتسجيل في المنتدى أو التعريف بنفسك لمعاينة هذه الصورة]؟؟؟؟؟

والله مش موضوع شايف فى ناس كتييييييير اوى

مصر لم تعدم رجالها

انا من وجهه نظرى عمرو موسى

بحب جدا وده رأيى الاستاذ مصطفى بكرى

وليه لاء ميكونش جمال مبارك لو وصل للرئاسة بانتخابات نزيهه

على العموم من هنا ل2011

مش كتييييييير نصبر ونعرف

ــــــــــــــــــــــــــــــــــــــــ

شكرا ياعمنا وأبوس ايدك كفايه سياسه ...

ههههههههههههههههههههه

أ /ماذا تفعل إذا وجدت نفسك فجأة وحيد بلا أصدقاء أختر مع التعليل........

1) سأبحث عن صداقات جديدة بسرعة

2) أعتمد على نفسى ولا داعى لأن أتعلق بأحد

3) عادى ولا هتفرق معايا أصلا
ب / إذا راودك شعور فجأة بأنك تفتقد الطريق الصح ....ماذا ستفعل ؟؟ج/ (الخريطة ليست هى المكان) كم مرة توقعت ورسمت لشىء ولم يحدث ؟؟ دلل بمثالين على الافل

شكراً

ياجماعة مين ضيف الحوار علشان اسئلة

باك

من الزمن الجميل

مررت من هنا

» حوار صريح جدا الحلقة الاولى
» حوار صريح جدا الحلقة 2
» حوار صريح جدا (الحلقة العاشرة) أ/دهب
» حوار صريح جدا (الحلقة الخامسة ) حنين
» حوار صريح جدا (الحلقة السادسة ) أبو حازم