سنة ( أولى ) طب..حملة "أنت لست وحدك"

بسم الله الرحمن الرحيم

[ندعوك للتسجيل في المنتدى أو التعريف بنفسك لمعاينة هذا الرابط]

لو كل الاقسام التعليمية نامت ماينفعش القسم ده ينام
لان ببساطه المنتدى مليان دكاترة[ندعوك للتسجيل في المنتدى أو التعريف بنفسك لمعاينة هذه الصورة]


الموضوع ده هيبقى مخصوص للدكاترة الجدد

يعني اي حد رايح بنها او القاهرة او عين شمس وعنده اي استفسار

احنا تحت امركم

يلا اسألوا قبل ماتغرقوا

( ممنوع الاقتباس لأسلوب الغير وإلاّ التعرض للمسائلة القانونية [ندعوك للتسجيل في المنتدى أو التعريف بنفسك لمعاينة هذه الصورة] )[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذا الرابط]

أولا وقبل كل شىء "بسم الله الرحمن الرحيم "

والصلاة والسلام على أشرف المسلمين سيدنا محمد صلى الله عليه وسلم

أما بعد,,

بإذن الله سآخذكم فى جولة داخل كلية طب بنها حسب رؤيتى المتواضعة جداً

رجعت عشان أصدع دماغكو بكلمتين استحملونى معلش

قبل مانسيب قسم الأناتومى أحب اقولكم شوية ملاحظات عامة كده

_أولاً فى حاجة اسمها كتاب العملى بتشتريه من أول حجرة على الشمال

أول ماتدخل سكشن الأناتومى وهو عبارة عن أوراق فاضية مش مكتوب فيها غير عنوان فى أول

الصفحة بيطلب منك تتكلم عن حاجة أوترسم حاجة زى الهيوميرس أو سكابيولا مثلا

الكتاب ياجماعة بيتسلم فى آخر السنة ولازم يكون كامل عشان تاخد العشر درجات

اللى جايين لك من الهوا من غير أى حاجة ونصيحة لله متسيبش الكتاب ده لآخر السنة

وتقول هاعمله مرة واحدة لألألألألألألألألألألألألألألألألألألألألألأ

بص ياسيدى الموضوع سهل وبسيط الكتاب ماشى مع ترتيب الدراسة يعنى مثلا

انت أخدت محاضرتين هاتتفضل حضرتك تذاكرهم وبعدين هاتتفتح كتاب العملى

لو لقيت أسئلة على اللى انت ذاكرته أكتبها وكأنك بتسمع لنفسك وهكذا

هاتيجى فى آخر السنة تلاقى كتابك كامل والعشر درجات فى ايدك ضامنهم

من إجمالى 50درجة اللى هم 20%من اجمالى درجات المادة 250درجة

اللى بيمثلوا أعمال السنة يبقى أنت كده فاضلك 40 درجةمن أعمال السنة

دول ياسيدى بيتقسموا على امتحانات أعمال السنة اللى هى بتتعمل بعد كل فرع

مايخلص أو بتتعمل على فرعين مع بعض...

يعنى مثلا أول امتحان بيبقى غالباً على المقدمة والطرف العلوى upper limb

عشان كده أنا بقولك ذاكر من الأول حتى لو قراية عشان تعرف تلم قبل امتحان العملى

لأنى مش هايبقى فى وقت ان انت تذاكره كأول مذاكرة لأنك بتكون دخلت فى الفرع

اللى بعده وقت الإمتحان ....على فكرة أنا مش بخوفك ....لأوالله أنا بس بنبهك

عشان متوهش وتلاقى نفسك ضيعت من إيدك أربعين درجة وانت بأقل مجهود وبأقل شد عصبى

كنت ممكن تجيبهم أصل أنا وقعت فى الغلطات دى ومش عاوزك تقع فيها انت كمان ..

يبقى أنت كده معاك قبل ماتدخل إمتحان آخر السنة معاك 50 درجة فى جيبك ..

مش بس كده انت عارف انك ممكن تدخل الإمتحان ومعاك فى جيبك 100درجة مش خمسين بس

....بص ياسيدى ....

انت مش لما بتدخل المشرحة مش بتلاقى جارات ؟؟صح ...تمام

الجارات دى لما تخلصوا العظم بإذن الله وتدخلوا فى ال upper

المعيدين هايبتدوا يشرحوا مثلا شوية عضلات على الأعصاب والشرايين

اللى بتغذيها مثلاً وبعد السكشن مايخلص هايوضحوا الحاجات دى على الجارات

وهاسيبولك الحرية يعنى اللى عاوز يقعد يقعد واللى عاوز يمشى يمشى ..

اوعى تمشى وتقول ها أذاكرهم بعدين أصل الدنيا زحمة وبعدين أنا مش فاهم حاجة

طيب وبعدين طيب ما لمرة الجاية هاتبقى كده برده واللى بعدها كده برده

يبقى انت على كده انت مش هاتذاكر جارات خالص

لأ احضر وشوف الجار مرة واتنين وتلاتة وأربعة متقولش أنا تعبان وهامشى

اتعب دلوقتى بس هاتستريح أوى أوى أوى أى بعدين .... انت عارف ليه

لأن قبل الإمتحان هم بيحددوا ليك يوم أو يومين تذاكر فيهم الجارات يحيث انها ممكن تصفى فى

اليوم على ساعتين فمش هاتلحق تذاكر وتحفظ وانت أول مرة تشوفهم ومع الزحمة والدوشة

مش هاتلحق تعمل حاجة ويبقى ضيعت درجات أول امتحان .......وتقول ياريتنى كنت

ذاكرت الجارات من الأول طب وليه ............

هاتقولى خمسين درجة ازاى هو امتحان العملى مش بيجى فيه عظم

ها قولك أيوة هو احنا مش قولنا نذاكر البون من الأول ...آه صح

طيب يبقى احنا كده فى التمام جارات وبون حافظينهم ...أحمدك يارب

أدينى قلتلك أهه عشان مترجعش تقول ياريتنى زى ما احنا قلنا

وبقينا عاملين زى الشوال المخروم كل ماندخل امتحان نخرج نكتشف ان فى درجات كتير

احنا فى عرض درجة واحدة منها وقعت مننا واحنا مش واخدين بالنا ...

وأول م نقول هانفوق ونراجع اللى فات نلاقينا بدأنا فرع جديد فى الأناتومى

وعندنا امتحان أعمال سنة هستولوجى وبعديه امتحان بايو عملى

ومش عارف امتحان فسيولوجى فى ايه .....وهتلاقى نفسك فى دوامة

بتزقك لقدام دايماً واستحالة ترجعك ورا لحد متلاقى نفسك جوه اللجنة بتمحن امتحانات آخر السنة

طيب وليه مادام أنا فى ايدى الحق نفسى من أول السنة .......!!!!

أما بالنسبة لكتب المذاكرة دى حاجة ترجع ليك بس حضرتك ممكن تشترى كتاب الدكتور سامح

دوس هاتقولى كبير جدا هاقولك عارف عشان كده هاقولك ازاى تتعامل معاه ...

انت بمجرد انك أخدت المحاضرة هاترجع على طول بعد ماتصلى وتتغدى وتناملك شوية

تصحى تعملك كباية شاى فى الخمسينة ,,,وتشربها ...كده كله تمام ....

نذاكر شوية بقى ......

هانفتح كتاب سامح نقراه مرة أو مرتين مش بقول نذاكره .....

وبعدين أنا هادى لحضرتك مذكرة الدكتور كمال تذاكر منها


يبقى القراية من سامح والمذاكرة من كمال

ومتقولش ياعم مذكرات ايه انا هاذاكر من الكتاب

احنا عملنا كده وجينا فى الأخر ملحقناش نلم المادة من الكتاب

واتزنقنا وفى الأخر رجعنا للمذكرة وذاكرنا منها فياريت

متقعوش فى اللى احنا وقعنا فيه ,,,,,,,,

وبالذات الكتب فى الأناتومى مش نافعة خالص لأن الأناتومى كبير جدا

ومش هاتلحق تلمه قبل الامتحان الا من المذكرات .....

أنا قولتلك أهه وربنا شاهد

أحب أقولكم أنا عندى جميع مذكرات كمال لو حضراتكم عاوزينها

وعندى كمان اسطوانة شرح اناتومى ممتازة بتاع الدكتور أحمد مصطفى كمال

ومعايا فيديوهات أوكلاند اللى بيشرح فيها على جثة فريش بجودة ممتازة

بيوضحلك فيها أى عصب وأى عضلة وأى وريد وأى شريان بجد حاجة

جميلة جدا هاتعوضك عن ان مفيش عدنا جثث ....فى طب بنها أقصد.

وعندى كمان صور الجارات كلها اللى فى السكاشن ,,,وكمان عندى نفس الجارات

بس معمولة بالفوتوشوب فوق الممتازة ......

وعندىشرايح ال blood اللى الدكتور هانى بيشرح منها على شاشة العرض كاملة

وبجد هى أسهل بكتير من الكتاب والإمتحان بيجى منها ......

وعندى اسطوانة الشرايح بتاعة الهستولوجى كاملة وبيبيعوها بعشرة جنيه

وهايقولولكوا ان انتم لو ما حجزتوهاش احنا مش هانزلها لأنها محتاجة تقنية كاميرا ديجيتال

وميكروسكوبات متخصصة وكده....

وأصلا الاسطوانة هى هى بقالها 6سنين ومعمولة وجاهزة .........

الحاجات دى جاهزة وتحت أمركم بس كل اللى هاتحتاجوه فلاشة تنقلو يبها بس ياريت متكنش أقل

من أربعة جيجا لأنى الحاجات دى كتير...

ومعاى مذكرات الدكتور حمدى كاملة اللى هى بيتذاكر منها الهستولوجى مش الكتاب ..

وطبعا مذكرات البايو يتاع الدكتور جمال قناوى موجودة فى المكتبة تقدرو تصوروها ..

ودى اللى بيتذاكر منها الكتاب مش بيتذاكر منه..

أما بالنسبة للفسيولوجى فكتب القسم ليس عليها غبار

وهى اللى بيتذاكر منها ماعدا شوية فصول كده هابقى أقول لحضراتكم عليها وهأجيبلكم

مذكرات فيها بإذن الله ...

دى حاجة سريعة كده عن بقية المواد

ولكن بإذن الله هانتكلم فيها بالتفصيل فيما بعد بإذن الله

أستودعكم الله

سلااااااااااااااااااااااااااااااااااااااااام

يتبع..............

عدنـــــــــــــــــــــــــــــــــــــــــــــــــــا

ولكن تحولت موجات البث إلى قسم القسيولوجى

نبدأبالحديث عن مادة الفسيولوجى أولاً

مادة الفسيولوجى دى من أجمل المواد اللى تستمتع وانت بتذاكرها أو تحضر لها محاضرات

وعلى فكرة الفسيولوجى محاضراته مبتتفوتش وخصوصا محاضرات الدكتور علاء التليسى

رئيس القسم بجد راجل شرحه ممتاز وممتع متملش وانت بتسمعه أبداً

بيدخل يشرح CVSبعد الBLOODمايخلص على طول .

خليك فاكر الفسيولوجى مينفعش تسيب فيه محاضرة

أو على الأقل خالص لو حصل ظروف وغبت متجيش المحاضرة اللى بعدها إلا لو انت مذاكر

المحاضرة اللى فاتتك أو على الأقل قريتها وفهمتها .

لأنك لو معملتش كده هاتيجى المحاضرة اللى بعدها ومش هاتفهم ولا كلمة

الفسيولوجى مادة متصلة مرتيطة ببعديها وكله معتمد على اللى قبله .

وبعدين الدكتور علاء يحب يأخد حقه زى ماأعطاك حقك يعنى لو سألك لازم تجاوب

هو بجد والله بعد ماتسمع شرحه وتروح تقرا الكلام اللى قاله مرة واحدة بيلزق فى دماغك على

طول ربنا يباركله يارب .

هاتحس انه كشرى وواخد الموضوع جد حبتين .............

بس هو مش كده خالص بس هو عاوز يشد عليك عشان تركز معاه وتستريح بعدين

وهو اللى قالنا الكلام ده بنفسه بعد ماخلص الCVSوقعد يهزر معانا

راجل بجد طيب جدا وزى العسل

السنة دى هو دخلنا ومن أول السنة بيضحك ويهزر معانا

ما احنا خلاص عرفنا اللى فيها [ندعوك للتسجيل في المنتدى أو التعريف بنفسك لمعاينة هذه الصورة]

أما بالنسبة لعملى الفسيولوجىونظام السكاشن

عندك ياسيدى مجموعة من التجارب بيتعملوا قدامك فى المعمل

وبعدين بتمتحن فيهم فى آخر السنة مع ورق رسم قلب بيسألك عليه شوية أسئلة

رسم القلب موجود فى الفرع اللى بشرحه الدكتور علاء ومتقلقش الموضوع

سهل جد ومش محتاج .

وفى طبعا كتاب الفسيولوجى العملى وهانتبع فيه طريقة أول بأول زى ماعملنا مع الأناتومى

وتوزيعة درجات الفسيولوجى هى نفس توزيعة الأناتومى بالظبط.

أما بالنسبة لدكاترة الفسم فهم دكاترة ممتازين وطيبين جداً

وأنا بعتبر قسم الفسيولوجى أميز وأفضل قسم فى سنة أولى .

بالنسبة للمذاكرة هانذاكر الفسيولوجى من كتاب القسم

ماعدا فصل واحد فى كتاب القسم مش أد كده وهو فصل التنفس

وأنا عندى مذكرة ليه بجد جميلة جدا .......وطبعا هانقرى كتاب القسم برده ...

بس هانذاكر من المذكرة ...

بس لو حضرتك حسيت ان الكتاب حلو فى الفصل ده ذاكر منه ....

آه ...نسيت أقولكم على الدكتورة اللى هاتدخلكم nerve &muscle

الدكتورة ايناس ...

دكتورة ممتازة فى الشرح وبتحب جدا تسأل ممكن تلاقيها فى نص المحاضرة

قامت قايلة طلعوا ورقة واكتبوا السؤال ده .....وحلّوه ....

عشان كده لازم تكون مذاكر المحاضرات اللى فاتت ومركز فى المحاضرة اللى شغالة

وصدقنى هاتستمتع بالمحاضرة بتاعتها جدا بس لو انت مش مذاكر هتلاقيك [ندعوك للتسجيل في المنتدى أو التعريف بنفسك لمعاينة هذه الصورة]

ولو سألتك سؤال ومكنتش عارفه ...هتلاقيك [ندعوك للتسجيل في المنتدى أو التعريف بنفسك لمعاينة هذه الصورة] والناس اللى حواليك

قاعدة ... [ندعوك للتسجيل في المنتدى أو التعريف بنفسك لمعاينة هذه الصورة]

وبتحب الأبحاث بس مش بمعنى كلمة أبحاث يعنى مثلا تلاقى ملحوظة فى الكتاب

بس ملهاش تفسير فتقولك ابحث لى عن التفسير وهاته ليه ...المحاضرة الجاية

وإلى

هنا

تنتهى

نشرتنا

الإخبارية

مراسلكم

محمود

من

داخل

قسم الفسيولوجى

كلية الطب

جامعة بنها


سلاااااااااااااااااااااااااااااااااااااااااااااام

يتبع ,,,,,,,

بإذن الله

[ندعوك للتسجيل في المنتدى أو التعريف بنفسك لمعاينة هذه الصورة]



حصريا لمنتدى شباب العمار

[ندعوك للتسجيل في المنتدى أو التعريف بنفسك لمعاينة هذه الصورة]

محاضرات الدكتور هانى فى الBLOOD

لسنة أولى طب على شرايح باور بوينت ......

وهى متقسمة ل11شريحة مساحتهم كلهم 10.6ميجا بايت

يعنى مش هاتاخد منك عشر دقايق تحميل بالظبط

وبجد الشرايح دى جميلة جداً جداً جداً.....

ودلوقتى جه وقت التحميل ...


[ندعوك للتسجيل في المنتدى أو التعريف بنفسك لمعاينة هذه الصورة]

وبيحاول يخترع طرق جديدة وأمثلة يفهم بيها الطالب وبيعيد كتير جداً

لدرجة انه كان بيدينا محاضرات زيادة فى يوم الأجازة قصدى اللى كان أجازة [ندعوك للتسجيل في المنتدى أو التعريف بنفسك لمعاينة هذه الصورة] يوم السبت

وكان بيقول أهو احنا بنديكو دروس بس فى كليتكم عشان متخرجوش برة وعشان مش يبقى ليكوا حجة

ومع ذلك هاتحس برده ان فيه حاجة نقصاك ....ايه هى مش عارف .....وهاتحس كده انك مش مستريح ..

يارب يكون كان ده احساسى بس مش احساس عام ..

وبعد كده بشوية فصول هايدخلكوا الدكتور حمدى فى فصل "العضلات " هاتحس فى محاضرته

انك مستمتع جدا وهاتخرج حافظ المحاضرة لأنه مربطها بطريقة سحرية حاجة زى الأغانى كده ..

حاجة بجد جميلة ...عشان كده أنا عرفت الناس ليه بتاخد عنده دروس "كورسات " أو دورات " زى ماتحب

تسميها ....سميها ..


وباقى الدكاترة معرفش حد فيهم معرفش حد فيهم لأنى مكنتش بفهم منهم حاجة فمكنتش بحضر ليهم ...

......بس كده .....

ولتانى مرة..... بقولكم اسطوانة الشرايح عندى هى هى بتاع كل سنة ..

اوعوا تشتروها .....

وعندى جارات العملى بتاع الأناتومى عادية وواللى معمولة بالفوتوشوب ....

ومتقلقوش من الهستولوجى ياجماعة هاتعرفوا ان فى آخر السنة انه مكنش بالصعوبة

اللى انت كنت متخيلها المهم متشتتش نفسك ...وذاكر من مذكرة الدكتور حمدى واقرا من الكتاب ...

نلتقى فى قسم البايو ان شاء الله

بس لازم تجيب معاك البلطو لو كنت خايف على هدومك ....

سلاااااااااااااااااااااااااااااااااااااااااااااااااااااام

يتبع....

عدنـــــــــــــــــــــــــــــــــــــــــــــــــــــا

عارف إن بصدع دماغكم وعمالين تقولوا

ماتسكت بقى ىجعت دماغنا ....

معلش إستحملونى شوية ..كمان

أنا عارف إنكم تايهين دلوقتى فى العظم bone

وعليكم إمتحان بعد شهر وعمالين تقولوا

مش فاهمين حاجة وهانسقط...

مش عارفين نذاكر العظم منين ...

كتاب د/ عبد الونيس مش فاهمين منه حاجة

كاتب حاجات كتير أوى عالعظم ...

وإحنا أصلا مش عارفين نحدد لسه ..هى يمين ولا شمال ..

ومحسسنا إن إحنا دكاترة فى المادة ...

عشان كده أنا جاى أقولكم انسوا العظم ده ...

لأنى درجات أول إمتحان عملى فى جيبكم ..

بإذن الله ...

هاتقولولى ياسلام ..دا انت الحياة عندك بمبى أوى..

واللى إيده فى الميه مش زى اللى إيده فى النار ...

أناعارف....بس ..

هاتصدقونى لما تدخلوا ...ع الموقع ده ..

وتشوفه العظم فيه عامل إزاى ..

بجد أكثر من رائع ..

وأدى الرابط ...

بتاع الموقع ..

[ندعوك للتسجيل في المنتدى أو التعريف بنفسك لمعاينة هذا الرابط]


ملحوظة ياجماعة : انت لما بتضغط على أى رقم بيظهر لك

اسم الجزء اللى بيشير اليه فوق الصورة نفسها

وابقوا ادعولى ...لو افتكرتم ...

والسلام عليكم ورحمة الله وبركاته ..

وإلى لقاء قادم ..إن شاء الله ..

سامعكم ..بتقولواااا .....تاااااااااانى ؟؟!!..يانهااااار ...!!! [ندعوك للتسجيل في المنتدى أو التعريف بنفسك لمعاينة هذه الصورة]

انت عمال تكلم من الصبح ....وفى الآخر الموقع طلع تعبان أوى ..

طيب معلش ياجماعة آسف جداً ...حقكم عندى ..

وانا هاصلح غلطتى ....وهانزلكم موقع تانى ..بس جامد بجد ...جداً

وادى اللينك

[ندعوك للتسجيل في المنتدى أو التعريف بنفسك لمعاينة هذه الصورة]


ياجماعة أنا جايب لكم النهاردة جارات العملى

بس مش أى جارات

دى جارات بالفوتوشوب يعنى لا هاتحتاج keyولا غيره ..

بس دى جارات الطرف العلوى بس ..

وإن شاء الله هانزلها تباعاً ..

إن شاء الله ...

وده رابط التحميل ..





[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]


ولاتنسونى من صالح دعائكم ..

معلومة كده ع الماشى ..ومش هتقل عليكم ..

إحنا دلوقتى فى الupper limb

تمام ؟؟؟.........تمام ..طيب

اوعوا ياجماعة تركزوا على العضلات origin &insertion

وتسيب الnerve supply

اللى هو اهم من العضلة نفسها ...

وكمان اوعو تركزوا على العضلات وتسيبو الأعصاب والشرايين ..

يعنى ترتيب الأولوية والأهمية ..

nerves

arteries

veins

muscles

joints

ده بالنسبة للطرف العلوى ..

وللحديث بقية ...