اين مصلحة الفتاة الدراسة أم الزواج

الاستاذ (ABO7AZM) حضرتك طرحت موضوع يعتبر شائك وتختلف فيه وجهات النظر

طبقا لمعايير كثيرة

اولا رغبة البنت فى الزواج وظروفها الاجتماعية
ثانيا قرتها على اتمام الدراسة ومراعاة شئون الزوج
ثالثا كثرة تكاليف الزواج التى تعرقل الشباب عن الاقدام على الزواج

ولكن بناتنا على قدر كافى ووعى من تحمل المسئولية تجاه كل ما سبق ذكره
وانا ارى ان الزواج لا يعيق ابدا اتمام الدراسة طالما ان هناك نية واتفاق على ذلك

اما عن الانصال فمن يتزوج لا يتزوج الا من احب ووجد راحته النفسية معها وتقبل كل
ما تقوم به زوجته ان كان خيرا فهذا افضل وان كانت مخطئة فبالنصح والتوجيه ولكن لا يحدث ابدا هذا الانفصال فى مجتعنا المستقر الاسلامى بهذه الدرجة من السهولة من اول خلاف .
وانا مع التعجيل بزواج البنت لحمايتها من الفتن ومن القيل والقال وربنا يهدى كل بناتنا
الى مافيه الخير والصواب

هذه وجهة نظرى المتواضعة وشكرا

متابعه الحوار

وشايفه ان البنت افضل ليها تكمل درستها الاول وبعدين تتجوز الجواز مش هيطير وبعدين صاحب بالين كذاب وصاحب تلاته منافق

ABO7AZM كتب:

م وائل كتب:

هناك حالات او ظروف كتيرة يكون فيها الجواز افضل للبنت لكن الحاله العامه فهى رايى فيها



الدراسه للبنات مهمه الا انها لها (مش عارف اقول ايه ....... امممم شروط تمشى وهوه شرط واحد)...................
وهوه ان تكون البنت عاقله بمعنى ليست هوائيه (ما ينضحكشى عليها زى ما بيقولوا لنا) وده بيبان طبعا وبالذات عن امها لانها ممكن يتغرغر بيها (اقتباس من احمد حلمى ) وتبقى سهله من اى حد ماعندوش دين وده كله لية لان البنت هتدرس يعنى كلية يعنى بره البلد يعنى اختلاط بالصالح والطالح واللى مش معروفين اخلاقهم وهكذا (انا مش عايز اظهر انى سوداوى لكن هوه ده اللى استلخصه من اللى سمعته وشوفته)الفتاه لو هوائية فالسترة ليها افضل واغلب هذا النوع من البنات يفضلن الزواج عن الدراسه اذا تم . لان اى وحده تسالها تقولك الدراسه حتى لو فى الخطوبة لكن بعد الجواز بينفضواللتعليم


ولو هنتكلم عن اهمية الدراسه !الدراسه مهمه للناس كلها بنات او صبيان وفريضه كمان

استاذ وائل كلامك زى العسل

بس احب انى اضيف حاجة

تعليم البنت افضل لانها لاما تكون متعلمة تقدر تساعد اولادة وتنمى تفكيرهم وذكائهم

الام المتعلمة الحاصلة على تعليم عالى

اى كلية

بتكون انسانة ناضجة متفتحة ومدركة للشئ

شكرا لمرورك

ما اختلفناش  وانا باكد كده  وزياده كمان التعليم مش بس   مواد  دراسيه ,,
التعليم بيطور اسلوب الحياه  و يوسع العقل    والواحد بياخد خبرات  كتييييرة من الناس اللى بيتعلم منهم وبيتحط فى مواقف  بتكون شخصيته     لكن  انا قلت  فيها حالات   حالات حالات    واكيد انت سمعت زيى عن  الحالات دى     

البنت مسيرها لبيت الزوجية والله اذا شغلها يبقى التعليم مهم لكن مش يشغلها يبقى ملوش

لازمة الا اذا اتعلقت الشهادة على الجدار الخالى من البراويز

طيب ياجماعة عايز استفسر عن حاجة:


هو الدراسة للبنت بتبقى فقط علشان تتجوز وتعرف تربى عيالها ؟

طيب ممكن تتعلم ده من حد عرف يربى ولاده تمام وبكده تستغنى عن الدراسة وتوفر عليها تعب 16 سنة تعليم !!!!!!!!

يمكن زى ماقال عمى عمرو دى شهادة بنحطها على الحيط من غير برواز

ولا يمكن زى ماقالت (أميكا) ان التعليم للبنت يؤهلها- دون غيره- لتربية سليمة

السؤال اللى المفروض يسأله ابو حازم وهو :


ماذا بعد تعليم البنات؟؟؟


الزواج فقط !!!!!!!!



؟؟

تماماً مثل الفرق بين ستك وبين والدتك أوبين ستي وبين والدتي
وتماما ك الفرق بين (والدتي ووالدتك ) وبين (زوجتي وزوجتك أو خطيبتك)
فما الفرق بين هذين الجيلين المتباعدين ؟
هو نفسه الفرق بين ستي وامي اللى اتجوزت وقعدت في البيت من غير شهادة وبين زوجتي او زوجتك اللى اتجوزت وقعدت فى البيت بس بشهادة
فما الفرق سؤال مطروح للجميع ؟

الله ينور عليك يا استاذنا

ده اللى أقصده

هتفيد بايه بقه الدراسة طالما بفتخر بشهادة طول عمرى لحد ما موت

طيب ما ستى ماتت من غير شهادة ربت ولادها أحسن تربية وكلهم -زى مابيقولوا-دكاترة ومهندسين

وكأن الدكاترة والمهندسين برده هما اللى بيفيدوا دون التجاريين والمحاسبين والماحمين و........

احنا غيرنا الموضوع خالص ودخلنا فى متاهات تانية

عموما نسيبها دعوة للنقاش والظاهر ياعم احمد انت بس اللى هترد عليا

ABO7AZM كتب:

[quote=

بل الحاصلة على تقدير من شهادة الحياة

هي دي
يعني هذا الجيل ( الام وما علا ) لهن تاريخ من العمل والجهد الشاق مالم تعرفه او تتحمله الزوجة او الخطيبة التى اتت في زمن الرفاهية ( المودرن والاستيل )
واذا وضعت المراة الحالية فى نفس ظروف هذا الجيل السابق لفشلت فشل ذريع
ولكن بالنسبة لعملية التعليم فهذا حقها وهو تطور طبيعي للحياة وهو ما يميزها عن الجيل السابق ( ستي وستك )
وهو ده السبب الذي جعل الاهل يتمسكون فى الطلبات ويقولولك ( ياعم دى معاهه شهادة اسم الله دبلون تجارة ــ بالنون مش بالميم ــ وياسلام لو واخده معهد سنتين بعد الــ 50% بتاع الثانوية ، ويا حظك اللى ذي بعضه لو واخده بكالوريوس او ليسانس ( يقولولك يا ابني ده احنا صرفنا عليها دم قلبنا وانت خدتها على الجاهز وبعدين دى هتشتغل وتقبض ومش هنشوف منها حاجة والله يباركلك فيها واللى يصلى على النبي يكسب وعلى عينك يا تاجر ) تقولش احنا فى سوق العبور ولا فى سوق بنها اللى على اليمين وانت رايح )
ويبقى السؤال الان هو ( هل شهادة الحياة ذي ما وصفها أبو حازم افضل واقوى من شهادة التعليم ؟)

انا بقول شهاده الحياه فى ناس كبار زى جدتى الله يرحمها مش كانت متعلمه بس ماشاء الله كانت تقدر تتعامل باحترام مع الناس ولا احسن واحده متعلمه واديها ربت بابا واعمامى ومشاء الله كلهم اتعلموا اللى تعليم عالى واللى تعليم متوسط وكانت لما تسمعها وهى بتدعى متقولش خالص انها مش متعلمه يكفى انها هى اللى علمتنى الصلاه الله يرحمها