حوار صريح جدا (الحلقة الثامنة )أمير عبد العليم

تذكير بمساهمة فاتح الموضوع :

بسم الله الرحمن الرحيم

سادتى أنسانى سادتى يتجدد اللقاء مع عضو غنى عن التعريف عضو ذو الاخلاق الحميدة عضو دائما الذى

يكون فى قلبه يترجمه لسانه لا يحمل فى قلبه سوى حب الناس لا يحمل الضغينة لأحد لا يتمنى الشر لأحد

ولد الأستاذ أمير عبد العليم فى 20/6/1987 وزاد منتدى شباب العمار نورا عند إنضم إاليه فى

21/8/2008 فتحياتى لهذا العضو الخلوق المحترم والان هيا بنا نبدأ الحلقة مع العضو

أمير عبد العليم

[ندعوك للتسجيل في المنتدى أو التعريف بنفسك لمعاينة هذه الصورة]

منور يا هندسة

فاكر اول مرة كنت شايل فيها حرف t
كان ايه احساسك؟؟؟؟؟؟

واحساسك يوم مناقشة المشروع؟؟

اجمل موقف حصل معاك في شبرا.؟

رأيك في صدقات الكلية؟

الحياة الجامعية مالها وما عليها؟؟؟؟

شايف نفسك ازي بعد 5 سنين؟؟؟

امنية شخصية ؟ امنية للمجتمع كله؟

مين دايما بتشركه في احلامك؟؟؟

امممممممممم

كفاية كده

هههههههههههههههههه

mahmoud elbakry كتب:: منور يا هندسة

ربنا يخليك يا حوده

فاكر اول مرة كنت شايل فيها حرف t
كان ايه احساسك؟؟؟؟؟؟

أحساس روعه ما يتوصفش والله مع أنه كان فيه موقف مضحك أوي بتاع الزمزميه وأحلي حاجه بقي لما تروح البيت وتبدي ترسم بعد ما تأخد سكشن في الكليه وتروح ترسم لوحة أنواع الخطوط أربعتاشر مره ههههههههههههههه

واحساسك يوم مناقشة المشروع؟؟

فرحه لا تتخيلها يكفيك خلصت الكليه وأخدت البكالوريوس
اجمل موقف حصل معاك في شبرا.؟

يوم ما أتعرفت علي عبد الغني
رأيك في صدقات الكلية؟

مش هتخرج منها غير بصديق أو أتنين بالكتير دي وجهة نظري

الحياة الجامعية مالها وما عليها؟؟؟؟

أحسن فتره هتعيشها في عمرك بجد بس يا ريت تستغلها صح يعني مثلا يبقي ليك تلات شلل شله للخروج والفسح وشله للمزاكره وشله تعينك علي الطاعه وتزكرك بربنا ولو أتوجدوا في شله واحده يبقي أنت أنسان ربنا بيحبه

عليها بقي الانفتاح الذايد والاختلاط المحرم

شايف نفسك ازي بعد 5 سنين؟؟؟

مهندس اتخرج بتقدير جيد وسوق العمل مش أوي بسبب الأزمه الإقتصاديه
امنية شخصية ؟ امنية للمجتمع كله؟

ربنا يرضي عني و يرزقني الزوجه الصالحه والذريه الصالحه

للمجتمع ربنا يهدي شباب المسلمين وبنات المسلمين ونعيش في حب وسلام

مين دايما بتشركه في احلامك؟؟؟

مش فاهم السؤال اوي

امممممممممم

كفاية كده

كتير خيرك
هههههههههههههههههه

بتضحك ليه ؟

هههههههههههههههههههههههههههههه

ايه سرعة الاداء دي يا عمنا

ما شاء الله اجابات نموذجية بالنص

اقتباس :: ين دايما بتشركه في احلامك؟؟؟

مش فاهم السؤال اوي

مش اصدي زوجة المستقبل خالص

يعني ممكن وانت بتحلم لنفسك مثلا انه انت بقيت صحاب شكرة مثلا ان شاء الله
بتبقي سايف ناس معاك في الحلم يعني بتحلملهم

مش عارف فهمتني ولا لا
؟؟؟

سيبك من السؤال ده

ايه بقي اللي كان مخليك متنشن امبارح؟

مش انا قولتلك لما اشوفك هبقي أقولك أيه السبب !!!!!

أمير عبدالعليم كتب:: مش انا قولتلك لما اشوفك هبقي أقولك أيه السبب !!!!!

اها انا افتكرته سبب عام يعني

يلا حصل خيييييييييير

تصبح علي خيييير

أولا: السلام عليكم ورحمة الله وبركاته

طبعا بصفتى مذيع البرنامج معايا شوية اسئلة من الاعداد كلها اجبارى لازم يترد عليها وعلى فكرة سهلة خالص والظاهلر كده اكمنك من الادارة الناس خايفة تسأل

1- الفرق بين شخصية أمير فى المنتدى وخارجه ؟

2 - قلمك ام لسانك فى التعبير قلبك ام عقلك فى التفكير؟

3-توافق على وظيفة بجوار بيت الله الحرام ولا عروسة مناسبة بكل المقاييس ؟

4-هو فى حد زيى - هما يطوله - ده انا احسن منهم - هما مين دول-ايش اب لجاب (هل للكلمات دى وجود فى حياة أمير ؟

5- هل تحب اسمك ؟

6-اجمل ما فى الوردة الرحيق واجمل مافى الدنيا الصديق (كام صديق لك )؟

7-لو شخص عزيز عليك جدا احرجك فى وسط جماعة متحبش تتحرج قدامهم والاحراج ده مش عادى (هتسكت )؟

8-ايه رايك (الكذب-النفاق - الانيسياق (واحد ماشى ورا واحد بدون تفكير )-التكبر:؟

9-قصة حياتك فى كلمة واحدة فقط ؟؟؟؟؟؟

10- لو انت رايح الجامعة او شغلك ومتاخر جدا وفجاءة وقعت عليك حلة مية مش ولابد
هتنعمل ايه بالتفصيل ؟؟

11- موقف (محرج - محزن - مضحك )

12-تقول ايه الى كل من ظلمك؟ واللى انت ظلمتهم ؟

13-لوبقيت المنتدى هتعمل ايه ؟؟

14-لوبقيت عضو مجلس شعب هتفيد العمار الزاى؟

15-أكثر المواضيع بتشد نظرك فى المنتدى؟؟

16-احسن قسم فى المنتدى ؟؟

17- ايه رايك فى عمرو البكرى وبصراحة؟

فاصل ونواصل لسه فى أسئلة فى الاعداد

عمرو البكرى كتب:: أولا: السلام عليكم ورحمة الله وبركاته

عليكم السلام ورحمة الله وبركاته

طبعا بصفتى مذيع البرنامج معايا شوية اسئلة من الاعداد كلها اجبارى لازم يترد عليها وعلى فكرة سهلة خالص والظاهلر كده اكمنك من الادارة الناس خايفة تسأل

أنت تسأل براحتك وأنا مش من الإداره يا ريت أبقي في المنصب جده يوم من الأيام [ندعوك للتسجيل في المنتدى أو التعريف بنفسك لمعاينة هذه الصورة]

1- الفرق بين شخصية أمير فى المنتدى وخارجه ؟

مفيش فرق تقريبا يمكن الواحد علي المنتدي بيبقي هادي شويه يتمالك كيف يرد بره المنتدي ساعات بكون عصبي لما حد بينرفزني وكمان بشوف نفسي جوه المنتدي أحسن من بره
2 - قلمك ام لسانك فى التعبير قلبك ام عقلك فى التفكير؟

بص هو مش رد دبلوماسي في التعبير حالات اللسان بيبقي في التعبير وحالات تانيه القلم بكون أقوي وحالات تالته خالص بيبقي الفعل أقوي من الأتنين

أما في التفكير نسبة 40 عقل ونسبة 60 قلب ودي الحقيقه
3-توافق على وظيفة بجوار بيت الله الحرام ولا عروسة مناسبة بكل المقاييس ؟

زوجه صالحه تدخلني الجنه أحسن من السكن جوه الحرم

4-هو فى حد زيى - هما يطوله - ده انا احسن منهم - هما مين دول-ايش اب لجاب (هل للكلمات دى وجود فى حياة أمير ؟

مش مككن تكون الحاجات دي في قاموسي لأني أبسط مما تتخيل

5- هل تحب اسمك ؟

لا بس السبب علشان المسحين بيسموا الإسم ده كتير وأكتر أسم بحبه عمر

6-اجمل ما فى الوردة الرحيق واجمل مافى الدنيا الصديق (كام صديق لك )؟

كتير جدا بس المقربين أربعه

7-لو شخص عزيز عليك جدا احرجك فى وسط جماعة متحبش تتحرج قدامهم والاحراج ده مش عادى (هتسكت )؟

هسكت وأبقي الومه بعدين وخلي رد فعلي طبيعي جدا

8-ايه رايك (الكذب-النفاق - الانيسياق (واحد ماشى ورا واحد بدون تفكير )-التكبر:؟

الكذب أكتر صفه بكرها لأني وأنا في إبتدلئي كنت بكذب كتير

النفاق صفة الضعفاء

الإنسياق لو في الخير أو في الصح يبقي أنت أكيد إنسان محظوظ علشان ربنا بعتلك اللي يساعدك أما لو كان في الشر أو الخطا يبقي أنت غنسان بل شخصيه بلا رأي لا يحترمك الناس

التكبر خرج الشيطان من رحمة ربنا ربنا يعيزنا من الكبر ومن الشيطان عَنْ عَبْدِ اللَّهِ بْنِ مَسْعُودٍ رَضِيَ اللَّهُ تَعَالَى عَنْهُ
قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:
[ندعوك للتسجيل في المنتدى أو التعريف بنفسك لمعاينة هذه الصورة]

لَا يَدْخُلُ الْجَنَّةَ مَنْ كَانَ فِي قَلْبِهِ
مِثْقَالُ ذَرَّةٍ مِنْ كِبْرٍ قَالَ رَجُلٌ: إِنَّ الرَّجُلَ يُحِبُّ
أَنْ يَكُونَ ثَوْبُهُ حَسَنًا وَنَعْلُهُ حَسَنَةً. قَالَ: إِنَّ اللَّهَ
جَمِيلٌ يُحِبُّ الْجَمَالَ الْكِبعسل بَطَرُ الْحَقِّ وَغَمْطُ النَّاسِ

[ندعوك للتسجيل في المنتدى أو التعريف بنفسك لمعاينة هذه الصورة]

أَخْرَجَهُ مُسْلِمٌ.

9-قصة حياتك فى كلمة واحدة فقط ؟؟؟؟؟؟

صعب السؤال ده م مكن تقول جمله ( يارب أدخل الجنه)
10- لو انت رايح الجامعة او شغلك ومتاخر جدا وفجاءة وقعت عليك حلة مية مش ولابد
هتنعمل ايه بالتفصيل ؟؟

مش هروح الشغل أو الجامعه

11- موقف (محرج - محزن - مضحك )

محرج: أول سنه ليا في الكليه كنت مسافر الصبح قابلت واحد صحبي اسمه دكتور محمود المهم ركبنا جنب بعض وكده وقاعدين نتكلم وأخبار الكليه معاك ايه والحياه ماشيه الزاي وأخبار المزاكره المهم قعدنا نرغي المهم جات الساعه الحاسمه دفع الأجره المه انا حلفت والله لأفع يا راجل انت ضيف وأول مره نركب سوا وايه بحلف بحرقه المهم قاعد بدور في جيبي علي الفلوس أكتشفت أني نسيت الفلوس والبطاقه علي المكتب وملكتش في جيبي ولا شلن المهم قولتله هو نت يا محمود حلفت طيب ادفع مش عايز اوقعك في حلفان فبيقولي ليه قلتله بصراحه أصل أنا نسيت الفلوس في البيت وساعتها دفع هو الأجره وأداني 10 جنيه علشان أكمل اليوم في الكليه بس سا عتها كنت في قمة الأحراج [ندعوك للتسجيل في المنتدى أو التعريف بنفسك لمعاينة هذه الصورة]

محزن: يوم وفاة عمي عبد السميع

مضحك : في أولي كليه برده أول أيام الكليه الواحد بيبقي فرحان وي بالمسطره المهم رايح الكليه مره قابلت أستاذ يوسف لطفي العمده هو يعرفني من أيام الإبتدائي المهم يوم رايح الكليه وشايل المسطره قابلني المهم فبقله السلام عليكم رد السلام وقالي أزيك يا باشمهندس قلتله الله يسلمك الحمد لله تمام
بعدها بيومين تلاته لاقني شايل بالطوا المهم قلتله السلام عليكم رد السلام وقالي أزيك يا دكتور شايفني شايل البالطو بعدها بأسبوع كده كان عندي سكشن رسم ومعمل فيزياء المهم شايل المسطره والبالطو فبقله السلام عليكم رد السلام وبقي مش عارف يقول أيه أزيك يا باشمهندس ولا ازيك يا دكتور المهم قالي ازيك يا استاذ ساعتها والله اتقتلت من الضحك وكل لما اشوفه أفتكر الموقف اضحك

12-تقول ايه الى كل من ظلمك؟ واللى انت ظلمتهم ؟

الله يسامحك ربنا يهديك ويهديني ويهدي جميع المسلمين

سامحوني بالله عليكم
13-لوبقيت المنتدى هتعمل ايه ؟؟

!!!!!!!!!!!!!!!!!!

14-لوبقيت عضو مجلس شعب هتفيد العمار الزاى؟

هحاول أخلص كل الماريع اللي واقفه زي الصرف الصحي ومحطة الميه وأحاول أحل مشكله رصف كل الطرق الرئيسيه في العمار لو أنا مقتدرهبني مصنع واشغل فيه كل الشباب العاطل هشغل مستشفي الوحده الصحيه هحاول أتخلص كل المجرمين في البلد ابلغ عنهم الشرطه وحبة توصيات مني عضو مجلس الشعب بقي

15-أكثر المواضيع بتشد نظرك فى المنتدى؟؟

المواضيع الدينيه

16-احسن قسم فى المنتدى ؟؟

القسم الإسامي مع إني كلنا مقصرين في حق هذا القسم

17- ايه رايك فى عمرو البكرى وبصراحة؟

إنسان جدع جدا بيحب الناس نفسه يسعد كل اللي يعرفهم فيه رجولة وشهامة المصريين

بس في مشكله مش بنشوفه كتير زي القماح ربنا يعينه علي الشغل

فاصل ونواصل لسه فى أسئلة فى الاعداد

لا أرحمني شويه يا عم عمرو

محرج:
أول سنه ليا في الكليه كنت مسافر الصبح قابلت واحد صحبي اسمه دكتور محمود
المهم ركبنا جنب بعض وكده وقاعدين نتكلم وأخبار الكليه معاك ايه والحياه
ماشيه الزاي وأخبار المزاكره المهم قعدنا نرغي المهم جات الساعه الحاسمه
دفع الأجره المه انا حلفت والله لأفع يا راجل انت ضيف وأول مره نركب سوا
وايه بحلف بحرقه المهم قاعد بدور في جيبي علي الفلوس أكتشفت أني نسيت
الفلوس والبطاقه علي المكتب وملكتش في جيبي ولا شلن المهم قولتله هو نت يا
محمود حلفت طيب ادفع مش عايز اوقعك في حلفان فبيقولي ليه قلتله بصراحه أصل
أنا نسيت الفلوس في البيت وساعتها دفع هو الأجره وأداني 10 جنيه علشان
أكمل اليوم في الكليه بس سا عتها كنت في قمة الأحراج

ههههههههههههههههههههههههههههههههههههه

ينهر ابيض على الضحك

زائر

الباشمهندس المحترم أمير عبدالعليم

لى عودة قريبة هنا

انتظرنى

عد على صوابعك 365 يوم ياهندسه
على ما الحلقه دى تخلص

هندسه
مين اكتر واحد لفت انتباهك اول مادخلت المنتدى؟
وليه اول مااتعرفت عليه قولت انك بتحسبنى طفل لايتجاوز عمره الـ15 سنه ؟
ههههههههههههههههه

يا جدعان مش لاقيين غير امير اللى تجيبوه [ندعوك للتسجيل في المنتدى أو التعريف بنفسك لمعاينة هذه الصورة]

ههههههههه

منور يا حج .. [ندعوك للتسجيل في المنتدى أو التعريف بنفسك لمعاينة هذه الصورة]

احمد القماح كتب:: هندسه
مين اكتر واحد لفت انتباهك اول مادخلت المنتدى؟

أحمد عبد العليم منصور أيام عادل إمام أصل أنا أعرف أحمد من زمان اوي
وليه اول مااتعرفت عليه قولت انك بتحسبنى طفل لايتجاوز عمره الـ15 سنه ؟

أصل أنت كنت كاتب في البروفيل بتاعك أنك قاعد علي طول في ملتقي النت وكل لما اعدي ألقي ولد صغير كده قاعد ففكرته هو ده أحمد القماح اللي مقيم في السيبر

ههههههههههههههههههه

ههههههههههههههههه

أجمد مهندس كتب:: يا جدعان مش لاقيين غير امير اللى تجيبوه [ندعوك للتسجيل في المنتدى أو التعريف بنفسك لمعاينة هذه الصورة]

ههههههههه

منور يا حج .. [ندعوك للتسجيل في المنتدى أو التعريف بنفسك لمعاينة هذه الصورة]

المعد بتاع الحلقه ملقاش حد فاضي ومش وراه يوميه غير أمير حظه كده بقية الانفار شغالين في المحاره ههههههههههههه

أهلا يا سيدي

هههههههههههههههههههههههه
عسل والله ياهندسه

السلام عليكم اولا وقبل كل شىء انا مش هاقدر اتكلم عن امير لانى اعتقد انى شهاتى هتكون مجروحة وبعدين انا كنت بتكلم انا وواحد بيحبك وجايبيين فى سيرتك
السؤال
ايه رايك يا امير فى الحتة بتاعتكم وهل ليها تاثير علي شخصية امير ولو مش عجباك كنت تحب تسكن فين
واكيد لسا الاسئلة جايه

عليكم السلام ورحمة الله وبركاته

ربنا يكرمك مع أني مفهمتش جمله فوق أنت كاتبها

من وجهة نظري المتواضعه أحسن حته في العمار علشان والله بس ناسها الطيبين اللي عايشين فيها
الناس اللي فيها حاجه مش ممكن الحب الوفاء الإخلاص الشهامه الجدعنه طيبة القلب من الأخر قلبهم علي قلب بعض إلا إن فيها بعض السلبيات زي أي حته تانيه فيها أيجابيتها وسلبياتها

ولكن أنا بتربطني بالحته حاجات كتير أوي كان في خشبه بنقعد عليها علي طول بعض ما نخلص صلاة الجمعه كنا كل جمعه يقعد علي الخشبه دي لا يقل عن 10 أو 15 شاب الموضوع ده من تالته إبتدائي لتانيه كليه وما زلنا نتقابل بعد الصلاه بس للأسف الخشبه دي حد شالها من مكانها

كنت أحب أوي بعد صلاة العشاء اقعد ما أصحابي في الحته علي سلم الجامع ممكن نقعد لأتنين بالليل والله نتكلم ونحكي و نضحك

ناس كده في الحته بتربطني بيهم صداقات ومحبه وتصل والله لأخوه مع انهم مش قريبي بس معايا في الحته كان في واحد الله يرحمه بقي أسمه عمي فوزي فاتح محل بقاله انا كنت بحب الراجل ده جدا وهو كان بيعتبرني أخ لأولاده
بجد لما بيحصل أي موقف في الحته سواء فرح أو شده الناس بتبقي أيد واحده

حتتنا مش بتسمع ليها حس زي حتت تانيه وده من هدوء حتتنا واحترام ناسها لبعض بحس جواها إنها الوحيده اللي لسه محافظه علي عادات وتقاليد الأرياف في كل حاجه والله اللبس المحتشم بعض العادات وأخلاق بنت الريف في هدوء الطباع

أي صفه حلوه وإيجابيه فيا أنا شخصيا فكان السبب فيها بعد ربنا أهلي وحتتي واي صفه سلبيه أو سيئه فيا فمن نفسي ومن الشيطان

عمري ما تمنيت ابقي من حته تانيه غير حتتنا

زائر

مين هيشهد للعروسه

واضح من اجاباتك انك انسان محترم وخلووووووووووق وكمان ما شاء الله تفكيرك وعقليتك بيدلوا على انك شخصيه فاهمه الالتزام صح فربنا يثبتك يااااااااااااااارب. وعجبتنى اوى اجابتك ع سؤال الشغل جنب الحرم ولا الزوجه انت ما شاء الله جمعت فى اجابتك بين الدنيا والاخره ماهو فعلا الزوجه او الزوج الصالح اللى يدخل الجنه نعمه كبيره اوى .وان شاء الله ربنا يرزقك بالشغل ويفرح قلبك بالزوجه الصالحه والذريه الصالحه.وانت ربنا اكيد بيحبك لانه فى ناس كتير بيحبوك.واحسبك كذلك ولا ازكى ع الله احدا

مساء الفل عليك ياأمير الامراء

لو بنت أنت أعجبت بشخصيتها جدا وكنت نفسك تخطبها وفجاءة وبدون أى مقدمات لاقيتها
بعتالك مرسال وبتقولك انا بحبك أيه رد فعلك بالظبط؟؟؟؟؟؟؟؟؟؟؟؟.

طبعا كلنا بنغلط ممكن تقولنا أخر مرة كذبت فيها كانت إمتى ؟؟؟؟؟

أيه شعورك لما فى مرة كده كنت بتزور واحد صاحبك كدة وكان عنده طفل صغير وفجأة وانت بتلاعبه قام ضربك بالقلم قدام اللى قاعدين أيه موقفك ؟؟؟؟؟

فاصل ونواصل

اقتباس :: لو بنت أنت أعجبت بشخصيتها جدا وكنت نفسك تخطبها وفجاءة وبدون أى مقدمات لاقيتها
بعتالك مرسال وبتقولك انا بحبك أيه رد فعلك بالظبط؟؟؟؟؟؟؟؟؟؟؟؟.

GaMeD MoZ Ya M3leM

[ندعوك للتسجيل في المنتدى أو التعريف بنفسك لمعاينة هذه الصورة]

RoD Ya 7oBy

[ندعوك للتسجيل في المنتدى أو التعريف بنفسك لمعاينة هذه الصورة]

حامل المسك كتب:: مين هيشهد للعروسه

لازم أشهد لحتتي يا عم أحمد لو قلت أقل من كده أبقي خاين للعيش والملح

احمد عبدالمجيد كتب:: واضح من اجاباتك انك انسان محترم وخلووووووووووق وكمان ما شاء الله تفكيرك وعقليتك بيدلوا على انك شخصيه فاهمه الالتزام صح فربنا يثبتك يااااااااااااااارب. وعجبتنى اوى اجابتك ع سؤال الشغل جنب الحرم ولا الزوجه انت ما شاء الله جمعت فى اجابتك بين الدنيا والاخره ماهو فعلا الزوجه او الزوج الصالح اللى يدخل الجنه نعمه كبيره اوى .وان شاء الله ربنا يرزقك بالشغل ويفرح قلبك بالزوجه الصالحه والذريه الصالحه.وانت ربنا اكيد بيحبك لانه فى ناس كتير بيحبوك.واحسبك كذلك ولا ازكى ع الله احدا

ربنا يخليك يا أحمد ده زوقك وأدبك والله كل الكلام ده كتير عليا أوي أنا مستهلوش

أحد العبادله (بن مسعود او بن عباس ) كان يقول لو علمتم ما في نفسي لضربتوها بالنعال وهو من هو صحابي جليل وحبر الأمه فما بالك ونحن أهل الذنوب والمعاصي

اللهم أجعلنا من المتحابين في الله وأجعلنا في ظله يوم لا ظل إلا ظله

عمرو البكرى كتب:: مساء الفل عليك ياأمير الامراء

مساء الفل يا عمور

لو بنت أنت أعجبت بشخصيتها جدا وكنت نفسك تخطبها وفجاءة وبدون أى مقدمات لاقيتها
بعتالك مرسال وبتقولك انا بحبك أيه رد فعلك بالظبط؟؟؟؟؟؟؟؟؟؟؟؟.

هبقي أسعد واحد في الكون وهروح أخطبها

عارف الإحساس ده شبيه لأيه يا عمرو

عارف لما تكون بتحب واحد جدا ويبقي نفسك تشوفه أو تسمع صوته فلما يجي مثلا في بالك تلاقيك قابلته أو لما تيجي تتصل بيه علشان تسمع صوته يقلك أنا والله كنت لسه هتصل بيك دلوقتي بص أحساس أكثر من رائع وفرحه وسعاده لا توصف وده واحد صحبك وبتحبه فتخيل بقي واحده إن شاء الله تكون زوجتك

طبعا كلنا بنغلط ممكن تقولنا أخر مرة كذبت فيها كانت إمتى ؟؟؟؟؟

من قريب أوي كنت المفروض هقابل عمرو وهو أتصل بيا تمام قلتله خلاص ماشي أنا 10 دقايق وهنزل
حصل حاجه عطلتني فتأخرت عليه فهو أتصل فبيقولي أنت فين قلتله انا عند الجامع بس للأسف أنا كنت لسه في البيت ولسوء حظي كنت بقفل الباب فسمع صوت الباب بيتقفل ( التزييقه) فبقلي أنت فين فبقله عند الجامع فبيقولي أمال ايه الصوت ده قلتله صوت باب الجامع بيتقفل

قالي أنت في البيت وبتشتغلني بس كان موقف محرج جدا مع إني كذبت بس الكذب ملوش رجلين ولا ادين

أيه شعورك لما فى مرة كده كنت بتزور واحد صاحبك كدة وكان عنده طفل صغير وفجأة وانت بتلاعبه قام ضربك بالقلم قدام اللى قاعدين أيه موقفك ؟؟؟؟؟

عادي مفهاش اي حاجه خالص ده طفل وهعمل نفسي زعلان من الولد علشان يجي يصالحني هنزل بعمري لعمر الولد أحسسه إن اللي عمله غلط ولما يعمل حاجه غلط يتأسف عليها
فاصل ونواصل

وأنا منتظر

أجمد مهندس كتب:

اقتباس :: لو بنت أنت أعجبت بشخصيتها جدا وكنت نفسك تخطبها وفجاءة وبدون أى مقدمات لاقيتها
بعتالك مرسال وبتقولك انا بحبك أيه رد فعلك بالظبط؟؟؟؟؟؟؟؟؟؟؟؟.

GaMeD MoZ Ya M3leM

[ندعوك للتسجيل في المنتدى أو التعريف بنفسك لمعاينة هذه الصورة]

RoD Ya 7oBy

[ندعوك للتسجيل في المنتدى أو التعريف بنفسك لمعاينة هذه الصورة]

يا شريف يا حبيبي أنا مزاكر كويس الحمد لله مخلص كل الكتب الخارجيه ودليل التقويم متقلقش عليا

معندكش سؤال من المراجعات النهائيه [ندعوك للتسجيل في المنتدى أو التعريف بنفسك لمعاينة هذه الصورة]

» حوار صريح جدا الحلقة 2
» حوار صريح جدا (الحلقة العاشرة) أ/دهب
» حوار صريح جدا (الحلقة الاولى )
» حوار صريح جدا الحلقة الاولى
» حوار صريح جدا (الحلقة الخامسة ) حنين