عتاب لبلدى ....للشاعر الأستاذ على منصور فضة ...

السلام عليكم ورحمه الله وبركاته

تواصلا مع حملة

جمع التراث العمارى

ــــــــــــــــــــــــــــــــــــــــ

أحدث قصيدة للأستاذ على منصور فضة

كتبها بعد مباره مصر والجزائر يوم 18 نوفمبر الماضى

وكان من المقرريلقيها فى مهرجان عمار يابلدى

لكن نظرا لظروف شخصيه لم يستطع حضور المهرجان

ـــــــــــــــــــــــــــــــــــــــــــــــــــــــــــ

عتاب لبلدى

مفضلش غير دمعه واحده ف عينى شايلها

خليها ف العين يابلدى وشيلى منديلك

هحتجلهالك ف يوم من عينى انزلها

أصل الهموم راكبه فوق القلب من ويلك

أنا اللى عاشقك ولو جرتى عليا يوم

دايما بسامح وباغزلك مواويلك

يامصر ليه سايبه أولادك يضيعوا ليه

ليه تحرمى المخلصين يتربو من خيرك

واحنا اللى عاشقين صبابا ياما غنينا

وقلنا يا أم الخلود احنا ولاد نيلك

ليه قاسيه ع المحرومين أجيال ورا أجيال

ومغمضة العين عن اللى بغبن سرقينك

عيشين فى ضلك وناكرينك ومش شكريين

لو طال عليك الليل لم قادو انديلك

خدى روحى يا أم الخلود لو الفدا روحى

لو عندى أغلى من الروح كنت أهديلك

احنا الغلابه اللى بنحبك وبنطبطب

وف نن نن العيون يامصر شيلينك

يامصر ليه سايبه ولادك يتوهو ليه

وأنتى العظيمة ونور الفجر فى جبينك

دالام رحمه وفتحه الحضن لولادها

وأنتى اللى سايبه الولاد يمشو فى ظلام ليلك

سايبه الولاد يهربوا منك لحضن الغير

طب أنتى فين يابلدنا يابلد فينك

فرضا طوارىء على أولادك كأنه حصار

هيا الطوارىء مفيش ليها وطن غيرك

يامصر ابنك حبيبك ضميه فى صدرك

هو السند والأمل هو ضيا عينك

هو اللى حاسس بوجعك لو تقولى آه

فكى قيودو بقى وصلحى عيبك

هيصلح اللى انكسر ويجدد العزه

ويعيد شبابك ولو شبتى يصون شيبك

المصرى هو اللى باقى ولو قسيتى عليه

هو ضناكى يابلدى ازاى هيسيبك

يا أم كل الوجود ولو الوجود رافض

انتى اللى باقيه وزايل اسم بيعينك

حضنا زغابه وبتقولى عروبة ودين

ناكرين جميلك وللمعروف جاحدينك

نسيو الشهيد اللى ضحى والفقير بيجوع

وأيد بتتمد وقت المحنة ... خدعينك

بيقولوا أنتى الكبيرة طب هما عملوا ايه

داسو العلم والشرف وبخسه جرحينك

بيكرهوكى لانك فوق رقابيهم

ويحسدوكى بأرضك وبجمال نيلك

أنت العظيمة بناسك وبعلوم أهلك

السلسبيل ميتك والمسك من طينك

دون البلاد كلها رب العباد ذكرك

ومحمد المصطفى أثنا على جنودك

هما الرجال والرحال للمجد والعزه

أنتى الحمى للضعيف والنصر للمهزوم

وأنت العريقة ودول أحداث مش جيلك

فوقى يابلدى وشوفى الدنيا حواليكى

واصحى بقى وارمى حب النوم من عينك

شوفى اللى نايم على جراحو ومالو نصير

مظلوم فى بلده وقلبه لسه بيشيلك

يروح لمين يشكى أوجاعه كأنه غريب

انتى الأمل لو تقومى وتصلبى حيلك

أنتى الامل لو تفتحى حضنك لعشاقك

أنتى الأمل لو بتسقى الكل من خيرك

ـــــــــــــــــــــــــــــــــــــــــــــــــ

شعر

الأستاذ / على منصور فضة

18/ 11/ 2009

( بعد مباراة مصر والجزائر بنصف ساعة )

لأ

والله والله والله

لم ارى جمال كهذا قط

هذا إنفراد منقطع النظير

أين انت استاذي وحبيب قلبي

أحبك .. وأحب قلمك .... أحب تجاعيد وجهك ... وبسمتك

لك الله .......... لم يُقال هذا الكلام من قبل

انا أريد ان اثبت القصيدة ولكن أي تثبيت وأي تهليل يضاهي روعة ما كتبت واهديتنا

انا أريد ان أسترها على جبيني , أفاخر بها معلقات الشعر

انا لا أجد كلماتي ,,, احب ان أردد هذة القصيدة

والآن أقرأها على أصدقائي والفخر يعلوني

م / أحمد السيد

لقد اهديتنا اليوم عروس هذا القسم

واليوم لاتدري مدي سعادتي بنجاح هذا الحلم وتعاونكم الأكثر من رائع

لقد نجحنا ... نجحنا .. اتمنى ان ادعوا الجميع إلى منتدى الأدب وإلى هذا القسم الجديد ويشاهدوا تعاونكم الجميل وأيديكم البنائة للتراث العماري

هذه القصيدة يلقيها غدا

الأستاذ على منصور فضه

فى حفل توقيع ديوان

الأستاذ أحمد يوسف أبو النجا

بكفر شكر

القصيدة بإلقاء

الأستاذ على منصور فضه