اغانى قناه طيور الجنه (اعلام اسلامى راقى)

طيب مانخلى الموضوع دة كله اغانى اطفال

ويثبت وكل اللى عندة اغانى اطفال تتحط هنا هتبقى حاجه جميله اوووى

وكمااااااااااان انا هتابع معاكم لانى بعشق اغانى الاطفال جدا

أبوس إيدك يا محمد كفاية أغاني طيور الجنة
لو عايزني أسمعهملك حرف حرف هسمعهملك
خلاص أحمد ابني جابلي تخلف عقلي من قناة طيور الجنة
تخيل لو قناة شغالة 24 ساعة في بيتك
ما تقدرش تفكر حتى تغير القناة ولا تعرف تضحك عليه و تجيب قناة مشابهة ليها و بردو فيها أغاني أطفال بيعرفها ازاي معرفش
( بابا تليفون قوله ما هو هون - يا بابا سناني واوا وديني عند الطبيب - حياتي كلها لله فلا مولى لنا إلاه - زينو الحرم و الحرم لينا و بأرض الحرم طوفنا و صلينا - لما نستشهد بنروح الجنة - و سارة و حكايتها مع الحارة و جارتها أم إحسان) وأغاني تانية كتير خلاص اتحفظت و بقت دلوقتي مسببة صراع نفسي بيني و بين أحمد ابني و مع اني بقدر أستولى عالرموت إلا ان بردو هو بيفوز لما يعيط و يقولي هات طيور الجنة

أبوس إيدك للمرة التانية بعد ما حكيتلك الأزمة العويصة اللي بيني و بين أحمد
ما تخليش المنتدى كمان أطفش منه
ده كمان ممكن يعرف و يجبرني أدخل المنتدى أشغله أغاني طيور الجنة

فأنا مع رأي الطير الباكي بقوة في اننا نخلي الموضوع ده لأغاني الأطفال عامة
و كل اللي سمع أغنية أطفال حلوة يحطهالنا هنا

اسم القناه طيور الجنه لفت نظرى وانا كمان حفظها كلها والله القناه ديه ليها فضل كبير عليه انها ساعدتنى فى تربيه ادم وادهم بس انا لاحظت انا بتشتغل على D -J فى الافراح الاسلاميه ورائى الطير الباكى حلو قوى واعتقد ان استاذ اسلام مش متابع الاغانى الجديده اللى على طيور الجنه الظاهر انه نجح فى احتلال التليفزيون يا بخته

انا بعشق القناة دى
بسم الله ماشاء الله
شوية اطفال ولااجمل