إيه أول كلمة جت ف بالك ....لما قريت

أيه رأيكم فى دى ؟؟

ع العموم اللى كاتبها واحدة إسمها يارا محمد -مش هتعرفوها - لكن شدت إنتباهى

والقصيدة إسمها: إيه أول كلمة جت ف بالك ....لما قريت

الموت صحى
الموت بيغسل وشه من دمعة عنيك
الموت بيلبس وبثبات ساعته اللى فيها كل شىء .. حاد وصريح
الموت بيتسحب ببطء
حتى الشوارع قفلت بيوتها
وفى هدوء مشيت معاك
البرد
الكحة .. السجاير واحتمالاتها المرعبة
كل دول كانو خلفية أتفه بكتير .. من حدث موتك ببطء

كل واحد أفسد الحلم بطريقته
وانت لسة دبتك فوق الرصيف شلل مؤقت
كل أصحابك أبعد عنك من أحلامك
فارد ضلوعك للحياة فى مناورة للموت البطىء
دايماً طقوس الحزن ديه .. هى هى
اللى تبدأ وحدتك
وتضيع اللذة البريئة لاَخر حبة دخان بيخدروا دهاليز المخ

نفسك تتجرأ ع الأحزان ؟
تبدأ مرة حكاية وتوصل بيها لاَخر فصل
دايماً مشتت بين بدايتك والرجوع
مانت اليتيم اللى انتهى وقت اللقا
لازم تحرر خطوتك من كل أغلالها السخيفة ؟؟؟؟
لازم برغم الانتماء تلقى طريقة للهروب ؟؟
معاك أنا ..
بس لازم من ضمن اللوازم
تكون أد الشعور اللى اتولد .. جوة صالة المغادرة

أرضك مرشوشة بخراطيم الكبت بكل عناية
وشوش مطموسة الملامح بتتحرك فى إتجاه هدف سرابي
وطقوس بتترتب فى جدول روتيني للأحزان اليومية
اَلة كاتبة فيها الألف واللام واقعين ؟
اَه
ماهو كل ده
خروج ضرورى للمواجهة
نهايتة إحساس بالهزيمة
ورغبتين ...
شبابيك الصبح المحتلة .. بتتفتح أهى
ونهاية .. لحظر التجوال .. على أحلامك

[ندعوك للتسجيل في المنتدى أو التعريف بنفسك لمعاينة هذه الصورة]

احمد عبدالمجيد كتب:: إيه أول كلمة جت ف بالك ....لما قريت

احبااااااااااااااااااط [ندعوك للتسجيل في المنتدى أو التعريف بنفسك لمعاينة هذه الصورة]

زائر

هو احباط بس
لاء والكلام كمان كتبه بالاسود
رووووح يا شيخ
ههههههههههه
يا عم تفااااااائل
هى ناقصه [ندعوك للتسجيل في المنتدى أو التعريف بنفسك لمعاينة هذه الصورة]
عمتا هو الكلام جميل

على فكرة ياجماعة "يارا"تقريبا من سننا

لكن بجد بتحترف الشعر دلوقتى وليها حاجات جميلة أوى

وإن شاء الله هنزلهم بعد الإمتحانات

وشكرا على شعوركم بالتشاؤم [ندعوك للتسجيل في المنتدى أو التعريف بنفسك لمعاينة هذه الصورة]

» طرق لراحة بالك.
» خلي بالك على نفسك
» خلى بالك من النمل!!!
» خد بالك من كلامك
» مقلب . خد بالك