حكاية جدى.....

[ندعوك للتسجيل في المنتدى أو التعريف بنفسك لمعاينة هذه الصورة]






انا النهاردة حبيت أقدم لحضراتكم قصيدة جديدة ممكن تكون طويلة شوية بس
ان شاء الله هتعجبكم

بس قبل ما اكتبها احب أقول حاجة مهمة بكل المقدمة اللى فى القصيدة مش
من تأليفى لوحدى

دى ساعدنى فيها الاستاذ محمود

حبيت أكون واضحة وأذكر فضله عليا وعلى القصيدة



ومن هنا تبدأ الحكاية.....



فى ليلة يتجلى فيها الصفاء

والنسيم يداعب البدر فى السماء

جلست فيها مع جدى......

المتيم دائما بالحب والوفاء

صاحب أجمل الأسماء

والساخط على زمن الرياء

والذى يبلغ من العمر.....

خمس وتسعين عاما من العطاء

أتناقش معه فى بعض الأمور

عن زمانه وكيف كان يدور

فأخبرنى بأن العلم نور

وأن القران الكريم دائما

هو الكتاب المسطور

والتقى يحمى من الغرور

والفضائل أغلى من درر النحور

والدين يقى من الشرور

وصفاء القلب يجلب السرور

وان استقامة الحياة دائما

فى ايقاظ الضمير

والصديق بالفعل لا بالظهور

والجار الحق لا يجور

واذا اخترت للنسب رجلا

اختر الأصل والجذور

وفجأة...غلب جدى النعاس

بعد أن قرأ سورة الإخلاص

ثم تلاها بسورة الناس

فجئت إليكم بهذا الإحساس

احكى لكم حكاية جدى

الطفل..الشاب..المسن..الحساس

[ندعوك للتسجيل في المنتدى أو التعريف بنفسك لمعاينة هذه الصورة]

احكى يا جدى..وقوللى يا جدى

قوللى يا أعظم قدوة لوالدى

عن أيامك...عن أحلامك

وانت صغير....ولدلوقتى

كنت ازاى بتربى ولادك؟؟؟

كنت إزاى بتعامل جارك؟؟؟

والفرق ما بين جيلنا وجيلك

واللى اتعلمته من الدنيا

واللى بفضله كان تعليمك

[ندعوك للتسجيل في المنتدى أو التعريف بنفسك لمعاينة هذه الصورة]

ياه يا حفيدتى.....

رجعتينى لحد طفولتى

وقت شبابى ويا عزيمتى

رجعتينى لعهد الثورة

لما العيشة كانت مرة

كنت ساعتها ف عز شبابى

واقف راجل زى أصحابى

اتربينا ع الوطنية

كنا بنحلم بالحرية

اللى سرقها الإستعمار

اللى بظلمه فسد أيامنا

خلى حياتنا يا بنتى مرار

لكن فعلا بالإصرار

ودفعنا كتير من أرواحنا

علشان نبقى بلد أحرار

أيوة يا بنتى

علشان نبقى بلد أحرار

[ندعوك للتسجيل في المنتدى أو التعريف بنفسك لمعاينة هذه الصورة]

أصعب شىء فى الدنيا يا بنتى

هو الظلم.....

ان الناس تستكتر فيكى

حتى الحلم

ان الإنسان هو كرامة

لو هيحارب

مش بالسلم

[ندعوك للتسجيل في المنتدى أو التعريف بنفسك لمعاينة هذه الصورة]

أما عن التعليم فى زمانا

كان كتاب الشيخ رمضان

ويا الشيخ أحمد أبو النيل

أعظم ناس من أهل زمان

اتعلمت وخدت شهادة فى القران

[ندعوك للتسجيل في المنتدى أو التعريف بنفسك لمعاينة هذه الصورة]

أما الجار فى زمانا يا بنتى

عمره ما جار

كان بالفعل أخويا وصاحبى

كان والله رفيقى وسندى

واللى ماعندوش..يلقاه عندى

الغدا عنده..والعشا عندى

ابنى ابنه..وابنه ابنى

[ندعوك للتسجيل في المنتدى أو التعريف بنفسك لمعاينة هذه الصورة]

أما الجار دلوقتى يا بنتى

دايما يكره ليكى الخير

عاوز ياكل حق الغير

عاوز ياخد ولا يديش

عاوز نفسه وغيره مفيش

[ندعوك للتسجيل في المنتدى أو التعريف بنفسك لمعاينة هذه الصورة]

أما حكايتى مع الأصحاب

كان أصحابى زمان اخواتى

وأكتر طبعا م الإخوات

كانت صحبة أساسها الحب

حب وفيه انكار للذات

حب اساسه الخير والود

ومفيش حد يجور على حد

رغم حياتنا ورغم العيشه

رغم الحاله كانت ع الاد

كنا اصحاب كلنا ايد واحده

مبنزعلش ........ مبنغدرش

لما تكون غلطان بيواجهك

قلبه رحيم دايما بيسامحك

لما تكون زعلان بيحسك

ايده بتسبق دايما ايدك

لو ترجعله ...كان بيفيدك

لو يوم تتعب تلقاه جنبك

حابب قربك حابب حبك

[ندعوك للتسجيل في المنتدى أو التعريف بنفسك لمعاينة هذه الصورة]

اما عن الاصحاب دلوقتى

عينى عليكوا يا جيل ليامدى

واللى بيكذب واللى بيفشر

واللى بيحقد واللى يخون

واللى عليه الود يهون

ياه على جيل ليامدى يا بنتى

جيل متعفرت جيل مجنون

جيل عايش لهواه ولنفسه

خيب كل امال وظنون

[ندعوك للتسجيل في المنتدى أو التعريف بنفسك لمعاينة هذه الصورة]

قولى ياجدى بايه تنصحنى

قولى نصيحه عشان تنفعنى

شوفى يابنتى ..يازهرة عمرى

عودى نفسك تبقى عفيفه

تبقى عزيزة ...تبقى شريفه

هيا الدنيا يا بنت الغالى .....

تساوى تعريفه!!!!!!!

عودى نفسك ع الإخلاص

وادخلى جوة قلوب الناس

طهرى قلبك...عيشى لربك

واوعى تخلى الخد مداس

واللى يفرط يوم فى كرامته

تحت الرجلين راح ينداس

حصنى نفسك بالقران

خلى الدين مبدأ وأساس

خلى أمامك دايما قدوة

خلى رسول الله نبراس

جميله قوى
تسلم ايدكى