إسلام
نائب المدير العام
عدد الرسائل : 2667
الحالة : متزوج
تاريخ التسجيل : 09/03/2007
التـقــييــم : 12
 |  موضوع: يكفيني نظرة العرب لينا  السبت 12 فبراير 2011, 11:34 am | |
| كنت على طول أدخل في صدام مع شباب من دول عربية وجهة نظرهم فينا إننا خونة بنقفل المعابر عالفلسطينيين و نمنع عنهم الإمدادات و بنمد اسرائيل بالغاز و الحديد و ما يهمناش غير مصلحتنا
و لما كنا بنتعامل أسوأ معاملة في الخارج ما نلاقيش سفارات تدافع عنا و عن حقوقنا أو تحسس غيرنا إننا لينا قيمة و قيمة كبيرة جدا
دلوقتي بيبصولنا على اننا أبطال وقفنا في وش الظلم و الإستبداد و اتحررنا من اللي كان السبب الأساسي في النظرة دي لينا و بيساندونا و بيحطونا على راسهم و فرحانين وبيقولوا إن حرية مصر يعني حرية الوطن العربي بالكامل يعني عايزينا في المقدمة و الزعامة و الريادة
النهاردة تونس و بعدها مصر و بكرة هنلاقي الجزاير و ليبيا و الأردن و المغرب و غيرهم يعني الوطن العربي هيجدد دمه و حكام الوطن العربي اللي من قديم الأزل في حالة كره و عدم اتفاق فيه أمل كبير لوحدتهم
كره العرب لإخوانهم العرب خطة بتتنفذ باحترافية و للأسف احنا جزء منها
يعني مثلا بعد 25 يناير و اللي شوفته من إعلامنا الفاسد اللي بيزيف الحقايق قلت لنفسي يا نهار أبيض مش يمكن ساعة حوار الجزائر كان الإعلام بتاعنا بردو مضللنا و مصورلنا صورة تانية يتلاعب بعقولنا بيها
أنا فرحان جدا بنظرة العرب لينا دلوقتي و يارب تستمر النظرة دي و يسود الحب بين الشعوب العربية دايما | |
|
