خايف على الثورة

أيوة خايف و من كل قلبي
و بداية خوفي كان مع مظاهرات الشرطة
خطة حقيرة و استمرار للتلاعب بعواطف الناس الطيبة
ابن خالي ظابط شرطة و لما اتكلمت معاه قاللي احنا جالنا نشرة بكده
إننا ننزل و نتظاهر و نطالب بزيادة المرتبات
و يا فرحتي زادت مرتباتهم 100%
أول ناس تزيد مرتباتهم هم رجال الشرطة البواسل اللي قتلوا و خربوا و انسحبوا و اتفرجوا الفترة اللي فاتت
و كأنها مكافأة للصمود و التصدي للمظاهرات و الهروب و المتابعة من البيوت
بيتهيألي لو مرتباتهم محتاجة زيادات ماكنش وقته خالص
توقيت سيء جدا و مشكوك في أمره لأن بعد الإستجابة لمطالبهم مباشرة بدأت الإعتصامات الفئوية
و كل مهنة يتجمع أصحابها و يوقفوا مصالح البلد و يعتصموا و يطالبوا بزيادة المرتبات
و من هنا لازم نخاف
لما أروح مستشفى ألاقي إعتصام و مطالبة بالتثبيت و زيادة المرتبات و سايبين المرضى يموتوا أو حالتهم تتدهور يبقى ازم أخاف
لما ألاقي البنوك قافلة لأنهم عاملين اعتصامات و بيطالبوا بزيادة المرتبات يبقى لازم أخاف
لما ألاقي بتوع البترول معتصمين يبقى لازم أخاف
لما بتوع البنوك و البترول و الشرطة بيطالبوا بزيادة مرتبات يعمل ايه الموظف الكحيان اللي مرتبه ما يجيبش عيش حاف
حاسس ان فيه خطة لتدمير اقتصاد البلد بالإعتصامات الفئوية علشان ساعة الجد نقول ما كنا كويسين و حسني كان ناهب جزء لكن معيشنا بالباقي حلو
و الثورة هي سبب التدهور و سوء الأحوال الإقتصادية
ما هو مش معقول أصلا تكون البلد في حالة اقتصادية خربانة و تخرج فئات الموظفين و العاملين في اعتصامات جماعية للمطالبة بزيادة المرتبات
طيب تستقر الأوضاع شوية و بعدها تزيد المرتبات انما كده احنا بنحمل بلدنا فوق طاقتها و عايزين اقتصادها ينهار و ساعتها يجي المنتفعين اللي هم لسة ماسكين مناصب كبيرة في الدولة و يقولولنا اشربوا بقى بثورتكم

وأنا مرعوب يا اسلام والله العظيم

الناس دى بتشتغل على أعلى مستوى من الدهاء الخبيث وبث السموم فى العسل

دا شئ متوقع جدا

لان رجال الاعمال حسوا انهم مش طايلين سما ولا أرض

زى منصور عامر وغيره

يبقى نطلع بالبلطجية

منفعش

يبقى نستعطف قلوب الشباب وعفا الله عما سلف ومبارك مريض ولازم ندعيله .. وهو أصلا بياكل كفيار وعايش حياته ..

وأمن الدولة شغالة على ودنه ..

أنا مش متخيل ان الجهاز الحقير دا لسه موجود

أقسم بالله العظيم .. أن كل ضباط أمن الدولة هم أقذر رجال فى الدولة

وحسوا ان الطاولة اتقلبت عليهم .. فبدأوا يتحركوا بألاعيبهم الضالة القذرة .. (والله من ورائهم محيط) (ويمكرون ويمكر الله والله خير الماكرين ) ..

لسه أصحاب الكراسى العليا موجودة وبيمكروا مكر كبير و(إن ربك لبالمرصاد)

لسه بشوات الحزب الواطى موجودين ..

دول الناس اللى أجرموا فى حق تاريخ مصر وسودوه .. والله إبليس بيستحى عنهم .. وشيطان الإنس ألعن من شيطان الجن ..

يقول الله تعالى :
(وكذلك جعلنا في كل قرية أكابر مجرميها ليمكروا فيها وَما يمكرونَ إِلاّ بأنفسهم وما يشعرون)

ولسان حالنا يقول ويردد آيات الله عز وجل :
(قل هل تربَّصون بنا إِلا إِحدى الحسنيين ونحن نتربَّص بكم أن يصِيبكم اللّه بعَذاب من عنده أو بأَيدِينا فترَبَّصواْ إنَّا مَعكُم متربصون)

إن شاء الله يكون بعذاب من الله عز وجل .. أو بأيدينا .. احنا ورانا مين غيركم !!؟؟

من حقنا فعلا الخوف على الثورة بعد ان انحرفت عن مسارها الصحيح بالمطالبة بالحرية والغاء قانون الطوارئ ومحاكمة الفاسدين .........الخ ودخلت في مسار خاطئ بان قامت قطاعات مختلفة في الدولة بالمطالبة برفع الاجور والمرتبات ونسوا الهدف من الثورة اقصد تناسوا الهدف
اتمنى ان تنتهي الاعتصامات الفرعية ودفع عجلة العمل حتى لا نتاثر جميعا والا تحيد الثورة عن مسارها الصحيح

ستستمر الثورة ولن ينهزم الشعب المصرى بعد كل ماحققه من انجازات .
وقال سيدنا محمد(عليه الصلاة والسلام)(ولاية صالحة تليهاولاية فاسدة تعقبها ولايةصالحة)ولو درسنا التاريخ لمصرى سنجدهذاوقت الولاية الصالحة (الثانية الذكر)
واكتر دليل على كدا ما شاهده ميدان التحرير من احداث اليوم18/2/2011 من الاحتفال بثورة الشعب المصرى
(/لن نقهر بعد اليوم/)

احساس طبيعي في الفترة دي ولازم نخاف بجد وانا مع خوفك ده يا استاذ اسلام .

والله يا عم اسلام كلام مهم جدا

طيب يا عم اسلام تقدر تحصل على النشره دى ؟

مهو لو حاجه زى دى كشفت الداخليه اكيد ناس هاطير فيها وغير كده الناس هاتهدى عن الاعتصامات الفئويه اللى بيحبها الاستاذ مسعد [ندعوك للتسجيل في المنتدى أو التعريف بنفسك لمعاينة هذه الصورة]

والله من يومين وانا بفكر في كده
الناس دي مش سهل تقع
عربية العادلي اللي كانت واخداه للسجن انضرب عليها نار بغزارة ونجح الجيش انه يخلصه
الموضوع مش سهل
عاوزين يقتلوا الحلم اللي فضلنا مستنيين ولادته كتير اووووووووووووي

اللي بيعمله النظام دلوقتي ده مجرد محاولة اخيرة
ومحتاجين كلنا نقف ضددها
كانت لازم الحكومة ترحل مع رحيل المخلوع
وجوده معناه تأمين للفاسدين وتستر عليهم

والنهاردة رجال الاعمال ومنهم منصور عامر بيوزعوا في دوائرهم منشور يقول انهم مش هايترشحوا لمجلس الشعب وهايفضلوا في خدمة الوطن وكلام من ده
ده زي خطاب المخلوع الاول
استعطاف القلوب

دوسوا علي قلوبكم الفترة دي بس بالله عليكم وبعدين تعاطفوا زي ما انتم عايزين

انا معاك يا عم اسلام

وهذا يعرف في الاستراتيجيات الأمنية

بارتداد الثورة

زي سحب الأمن تماما

هي استراتيجيات يدرسونها

مظاهرات للاعتراف بجميل مبارك

يحرسها الأمن

وتقارير تصل جمال بالتطورات أولا بأول

ولكن الشباب يعي تماما

وكل الطرق تؤدي لميدان الشهداء (التحرير سابقا)

اقتباس :

دوسوا علي قلوبكم الفترة دي بس بالله عليكم وبعدين تعاطفوا زي ما انتم عايزين

» حصاد الثورة والثوار ...بقلم :عماد عبد العظيم امام محرم ............صقر الثورة المصرية
» حصاد الثورة والثوار ...بقلم :عماد عبد العظيم امام محرم ............صقر الثورة المصرية
» خايف
» خايف اصحي مالاقيش مصر
» اية فايدة الثورة