هافـــــــضل أحبـــك يــابلـــدي.....خالد عبد الناصر

[ندعوك للتسجيل في المنتدى أو التعريف بنفسك لمعاينة هذه الصورة]

قصيدة هافضل احبك يابلدى
اتمنى تنول اعجابكم

مكتوب على بابك يامصر
انك بلاد الخير

مزروع تحت شجرك وطرحك
إنك بلاد الخير

محفور جوة نيلك ورملك
مرسوم تحت شمسك وقمرك

انك بلاد الخير

الحب جواكى بيطرح للأمانى كتير
والهم ينساكي....لما حمامك يطير
والحزن يتغمى...من فرح قلبك يغير

لو قلت أنساكى..جايز اكون مجنون
والعمر علشانك ....والله يابلدى يهون

دى النظره جوه غيطانك
بتداوى فيا الاه
رغم قساوة ولادك...واللى غواه الجاه
رغم اللى باعك واللى خانك
واللى ظلمه طال مداااااه

هافضل احبك

رغم العساكر ف الشوارع
كل يوم...عماله تهرس
بإسم سلطة او حصانة
فوق رقابنا راح تدهوس

هافضل احبك

رغم إن حكامك
علمونا إزاى نفلس
علمونا إزاى نهلوس

إن وردة من شبابك
ف الضلام يمشى يهلوس

وعلمونا إزاى ننطق إسمك........من غير نفس
وعلمونا إزااااى نكتم جوا منا الحس
جوا من الهمس

بس اللوم مش ليكي يابلدى
دا مهما هانشكي .....كان مين بيحس ؟

بس خــــــــــــــــــــــلاص
كل اللى ظلمنا إنداس
كل اللى سرقنا إنداس
كل اللى دبحنا إنداس

أصل العروسة ف عز طوبة قالت...إرحل ياباير
وفككت قيد الحمـــــــام...بالنصر كانلك *كان لك* طاير

كتب بإسمك يابلدى...ثورة بتطرح بشاير

ثورة وقادوها الشباب
ثورة وفتحت ببانها.....للحساب
ثورة قادت كل عتمة...ونورت عقل اللى غاب
عقدت حبال المحبة...بالود للاحباب

خلت مسيحي ومسلم....بالوحدة يمحوا الضباب

خالد عبد الناصر

يســــــــــــــــــــــــــتكمل

no one can replay
Why that?

جميلة

بالتوفيق ياخالد

دام

احساسك الجميل

القصيدة فعلا جميلة..

تسلم ايدك..وبالتوفيق ان شاء الله..

وردة بلادى__اسيرة الاحلام

شكرا على الرد الجميل واتمنى انها تكون عجبتكوا بجد

وردة فلة شمعة منورة.........
خالد لا اجد من الكلمات ما اعبر به عن اعجابى بكلماتك واحساسك المبدع
نصيحة من اخت اكبر استمر فى نجاحك واحساسك الجميل.
تحياتىbent el_3amar ,,,,,,,,,,,

انت ما شاء الله عليك يا أستاذ خالد ..

قصيدة جميلة ...

ياريت نشوفلك اعمال كتيير عشان نقدر نتابع معاك إبداعك

موفق إن شاء الله يا خالد

استمر ,,,,

أبن أختي الغالي
مش هقولك حاجة
علشان أنت عارف...خاله بيجامله والحاجات دى

محمد يحيى كتب:: أبن أختي الغالي
مش هقولك حاجة
علشان أنت عارف...خاله بيجامله والحاجات دى

ههههههههه

لأ يا أستاذ محمد لازم تقول ,,, بس خليك صريح وموضوعى

محمد يحيى كتب:: أبن أختي الغالي
مش هقولك حاجة
علشان أنت عارف...خاله بيجامله والحاجات دى

الرساله وصلت ياخالى العزيز بس كان نفسى تقول حاجة كدا ولا كدا

وعلى العموم
انا مستنى راي اللجنة الادبية علشان تبقى الفيصل

» من غير ملامح *.خالد عبد الناصر.*
» طيـــر الســلام "خالد عبد الناصر"
» تغطيه لحالة الشهيد خالد سعيد ...الجنازه ..واقوال الجيران ..وبراءة خالد
» كلمة فى تاريخ عبد الناصر حبيب المصرين
» الله يجازيك ياعم عبد الناصر ...الأبنودي