برنامج بلدى .. والعودة ؟

كيــــــــــف نستفيد من حماس شباب العمار الهائج بعد ثورة 25 ونوظفه فى عمل وطنى لخدمة البلد وياريت ننزل الشارع ونخلى كل شاب يقول نفسه ف ايـــــــــــــه يلاقيه فى بلده وماكانش موجود قبل كدا .ونحاول نوصل صوت الشباب عن طريق شاشة برنامج بلدى

انا رايى لو فعلا الحماس والنشاط الى عند بنات واولاد كتير فى العمار يستغل بطريقة افضل ,ودا عن طريق تنظيم حملات بقيادة فريق (؛بلدى) تنزل الشارع وتتكلم مع الشباب وتوعيهم انهم يقدروا يشاركوا ويغيروا .
واهم حاجة بتمنى دى تكون اول ظهور او اول عمل لبرنامج بلدى (بعد عودته) ؛ان يوعوا الشباب بعمل كارنيه النادى (جمعية شباب العمار)
وانا وفريق عملى هنحاول نفعل الموضوع دا(للجانب النسائى).
والله الموفق.عودة طيبة ان شاء خالقى...
تحياتى
bent el_3amar ,,,,,,,,,,

رأيى أهو ياهندسة
وهاتشوف بيان تفصيلى لرأيى فى ردى على موضوع اللقاء مع الدكتور / صلاح عبدالعظيم .. وقد كدت انتهى منه .

إنزل للناس .. اللى مايعرفوش عن منتدى شباب العمار حاجه ..
ولا عندهم اجهزة كمبيوتر .. ولا بيعرفوا النت .. ولا اللغط والزغط .. واسألهم .. عن فكرهم وتوجههم .. كلم ناس كتير .. فى الغيطان .. كلم البنايين والعمال .. كلم الناس اللى على القهوة .. وبين الفكر بتاع المجاميع وصل لفين .. وازاى من خلال الفكر ده هاتتبلور صورة مصر الجية وواقعها السياسى .. إسأل الناس عن رأيهم فى الانتخابات واللى هايترشحوا وازاى هايختاروا مرشحم .. ده علشان تكتشف الجوانب السلبية اللى لسه فى المجتمع .. وتلحق تحمل حملة حقيقية لمعالجتها .. قبل ما نلاقى الحزب الوطنى فى ثوب جديد هو اللى ماسك المحليات وهو اللى بينجح فى مجلس الشعب .. واوعى تقول لى كلام الناس اللى حلمها وسع قوى وفكروا إن الفكر اتغير بين يوم وليلة عند الجميع .. ده كلام مش مظبوط لحد ما نشوفه واقع عملى بيخرج من رأى الناس ويتختم بختم الاقتراع ونجاح من يستحق النجاح فعلا .. أما عن الشباب اللى بينفذوا مشاريع بشكل عملى .. فدول ما فيش خوف عليهم ولا منهم .. لأنهم على الطريق الصحيح ولديهم وعى ..
إنزل دور وقيم الوعى فى العمار من جديد .. وارسم خطة بناء على كده لرفع الوعى .. اللى هنا على المنتدى والمجاميع المنضمة ليهم على أرض الواقع ماهماش نسبة فى الناس فى اللى فى الغيطان واللى قاعدين فى المجالس المحلية وفى ماكينة الميه و...... و ......... الحقوا الناس .. الناس مارست الديمقراطية فى أمريكا بعد الثورة ب 220 سنة .. فحذار من الغرور بقول الناس فاقت .. اللى فاقوا كل يوم بيثبت إنهم قليلين قوى بالنسبة للمجموع .
لازم احتاوء الناس وبيان فكرهم وتوعيتهم قبل مانلاقى واحد جاى من بره البلد بيعيد دفع التمن والنفوس الضعيفة كتير .
مرة تانيه .. المجاميع التى تعتمدون عليها غير حقيقية
وهانبين ده فى وقته إن شاء الله .. ومش 300 أ و400 أو 500 عضو فاعلين همه اللى هايحسموا كل ده .. الحزب الوطنى يحفر حفره
بسرية تامه .. فاستشعروا الخطر .

والله يا مصطفى انا شايفه انا فى ناس كتير فى العمار مش حاسه باى حاجه والاعضاء اللى على المنتدى مش هما بس اللى هيحدد مصير البلد فى ناس كتير لازم تفوق زى ما قال الاستاذ سميح الناس اللى القهوه والناس اللى فدمغهاانها تعيش يومها وخلاص وانا برضه اتفق مع حنين لازم كل الناس تشارك برائيها حتى اللى مش فاهمين حاجه تفهمهم وتوضحلهم الصوره وتاخد رائيهم ممكن فى الناس ديه تلاقى حاجات يمكن تصلح البلد بجد ( يوضع سره فى اضعف خلقه)

انا رأى يا مصطفى تبعد عن موضوع الانتخابات مؤقتا لحد ما الخطوط العريضه تظهر وتنزل تتكلم عن مشاكل البلد ونحلها ازاى بس المره دى وجه كلامك لاصحاب المشاكل مش الجمهور ... كلم السواقين رأيهم حل مشكله الموصلات ايه ..... روح للخبازين وخد رأيهم نحل مشكله التنظيم ازاى ....... روح لبتوع الميه والكهرباء ودردش معاهم برده .

كلم الناس دى عشان تلاقيهم بيتفاعلوا معاك ويدوك حلول عشان مايحسوش انهم مهمشين ويحسوا انهم لهم دور برده ولازم يعملوه .

وربنا يوفق يا هندسه .

انا مع راى مستر حمدى
فعلا يا بشمهندس مصطفى لازم تقرب للناس دى بجد وتحسسهم انهم ليهم راى فى كل حاجة بتحصل ولازم يعبروا عن دا.
واكيد حضرتك هتستفيد من نزولك دا.
وربنا يوفقك ان شاء الله يا بشمهندس .
ننتظر نقطة البداية.
تحياتى
bent el_3amar ,,,,,,,,,,,,,

ياريت يا مصطفى تتكلم عن دور الاخوان فى المساهمه بنسبه كبيره ب كلمه (نعم) للتعديلات الدستوريه
و تتكلم عن ان كتيــر من الناس شايفه ان دى حاجه غلط و اللى عملوه و انهم خدو الديــــن شعار يرهبو بيه الناس ده مبيمثلش اى ديمقراطيه خصوصا ان البلد بتصم عدد كبير من الاميه اللى انصاعت لكلامهم
و ده من راييى