الفصل النهائي في قائمة الهيكل الاداري بالمنتدي .. متجدد

اسمحولى اقول رأيي فى التشكيل الادارى او التسلسل الادارى اللى موجود حاليا

او اللى تم قبل كدا

انا جاى يومين هوجع دماغكوا انا عارف بكلامى بس فى مقاييس او هنعتبرها عادات من المفروض منخرجشى عنها

( العادات اللى المفروغ منها احنا فى قريه والمنتدى يعتبر اساسه البلد مينفعشي بنت تمسك اكبر من مشرفه & بتكلم على اساس عادات البلد مش اكتر مينفعشي كل واحد عنده مشكله يدخل يكلم البنت اللى ماسكه اداره واكيد ناس هتخلق مشاكل علشان تتكلم طبعا لو اختى فى المكان دا مرضلهاش كدا )
طبعا شريف مفيش خلااف عليه

وحكايه انه يمسك مدير متاخر كدا دا طبعا فيها ظلم ليه

لانه المفروض كان يمسك اداره من بدرى اوى

واللى شريف هيعمله فى الفتره اللى هيمسكها دى مع احترامى لكل اللى مسك اداره

شريف هيكون مختلف جدااااااااا وهتلاحظوا دا ان شاء الله

اولاا طقم الاشراف العام انا هتكلم عليه على المستوى الادارى وليس كمستوى شخصى او اى جانب تانى

المستوى الادارى فقط

يمكن اللى يمتلك الحكمه انه يسمك مشرف عام فى اللى موجدين دلوقتى هو الاستاذ محمد عبد الرحمن

مع احترامى للباقيين

يمكن قريت كذا موضوع تم حذفه من المشرفين العوام واعضاء بتشتكى كتييييييير

مستغرب جدا انى احمد القماح مدخلشي ادارى ازاى مع شريف

اى نعم هو بيضحك وبيهزر كتير جدا

بس لما بيبقا عليه ضغط او بيبقا فى مكان يبقا مطلوب منه حاجة بيبقا قدها

يومكن احمد مسك مشرف عام لمده تقرب من3 سنين

فبجد اهدار لحقه فى انه يتم استبعاده بالطريقه دى

ويمكن من الناس الامناء جدا على لوحه الاداره

انا اللى اتعاملت معاه فى النقطه دى

وبجد نفسي لما ارجع الاجازه الجايا الاقى احمد مع شريف

وطقم المشرفين العوام

مش موفقين فى اختيارهم بعكس كل مره كانت الاداره

كانت بتختار الناس اللى بدير المكان اللى هنا

كان بيبقا فى اكتر من واحد يقدروا يديروا المكان دا بحكمه وعقل وبامانه

وكان بيتم الاختيار من بينهم للامثل

لكن المرة دى

بعدتوا عن مقاييس الاختيار نهائي وتم الاختيار على اى اساس اانا مش مش فاهم

انا بقوول الكلاام دا

من حبي للمكان دا

لانه جمع ناس كتير جدا مع بعض وعرفهم على بعض وبقوا اصحاب جدا

ومازال بيجمع ناس كتير من خلاله

فهزعل جدا لو المكان دا انتهى اى مبقاش حد يدخله زى الاول

لانه مازال بيجمعنا


اتمنى محدش يزعل من كلامى وخصوصا المشرفين العوام

مبروك للبشمهندس شريف وانا متاكده انه هغير جو المنتدى

وحمد لله على سلامتك يامحمد ولا اقول يا دفعه
وانا معاك جدا جدا فى موضوع احمد القماح لانه بجد روحه طيبه جدا فى المنتدى ونادر جدا لما بيزعل حد

ان شاء الله المنتدى هيوصل للافضل والافضل

بالتوفيق ان شاء الله للجميع

منور الدنيا كلها ياعم محمد ووحشنا جدا

الاختيارات جميعها لها اعتبارات محدش يعرفها غير اللي بيختار...بمعنى ان بحط 10 مشرفين مثلا عاوز منهم اتنين....برتبهم حسب الكفأة وبنطلب منهمم ...فكثير منهم بيعتذر

وفي اسباب تانية كتير ماينفعش تتكتب ع العام


المهم ...هو اداء المهمة على اكمل وجه واعتقد حتى هذه اللحظة المهمة المستهدفة متحققة بنجاح كبير جدا من العناصر الموجودة حاليا

اما شكل المنتدى وخطته فدى لازالت محل دراسة من المدير التنفيذي

ومن هنا يبدأ الحكم على الادارة

ومنور الدنيا كلها يادفعه

الله يسلمك يا مدام مروه واكيد شريف هيغير طبعا

الله يسلمك يا عم باهر

واحشنى والله

بالتوفيق يا حبي المهم المكان يفضل مجمعنا محدش يخرج منه

ومن تميز لتميز ياجميل