احزروووووووا من الخمس البائسين

بسم الله الرحمن الرحيم

السلام عليكم ورحمة الله وبركاته

خمسة أنواع من الكلام لا ينبغي أن يقال للطفل أو أمامه

هناك الكثير من الكلام والحديث الذي يجب أن ينتهي الناس من قوله أمام الطفل

أو تردده للطفل ومنها::

-1-أنت غبي: - لا تقل هذه الكلمة له أبداً ، فذلك ينقص من شأنه أمام أقرانه،

ومن الممكن أن تنشأ عقد نفسية في رأسه حول هذه الكلمة.

-2- كلمات السب أو اللعن: - لا تقل ذلك أمامه ، ولا تشتم أحدا أمامه ، فتلك

الكلمات البذيئة تبني له شخصية مهزوزة غير محترمة.

-3- تمني الموت للطفل: - لا تقل له “لو أنك مُت حين ولدتك أمك " أو ماشابه

ذلك ، مما يعطيه الحسرة على نفسه ، وتكرهه لذاته، ومن الممكن أن يدعوه ذلك

للإنتحار.

-4- أنت كسلان ولا تصلح لشيء: - فهذه العبارة خطيرة جداً ، إن قلت للطفل ذلك

فستعطيه عدم الوثوق بنفسه بأنه يستطيع أن يمل شيء أو يدرس بشكل أفضل.

-5- استخدام “لا" كثيراً:- لا تستخدم هذا التعبير “لا تفعل ... لا تفعل ...

لا تفعل كذا وكذا .." بل استعمل عبارة أخرى ، مثل " أعتقد أن تلك الطريقة

هي الأنسب والأحسن وأنت تستطيع أن تعملها" فذلك سيدعمه على عمل . نعم إن

الطفل كتلة من المشاعر و الأحاسيس وهو يفوق الإنسان الكبير في ذلك وهذه

الكلمات تولد في شخصيته الضعف والجزع من الشيء وعدم المحاولة للنجاح

والتفوق في مجالات الحياة .. على الوالدين أن يزرعوا في أبنائهم قوة

الشخصية .. حبهم له .. وهذه الكلمات المؤثرة لا تبين سوى مدى كراهيتهم لهذا

الطفل ..

شكراً لك اخت أسما على الموضوع القيم حقاً

موضوع بناء .

ومشاركة بسيطة

ورجاء من كل الأمهات والآباء

ماتخوفوش ولادكم بأمنا الغولة.. أو العفريت ..أ والحقنة
أو من الضلمة .. أو ... حاجات كتير عارفينها كلنا .. علشان يطلعوا فرسان
مش ديول خيول .

ماتخوفيش الولد بأبوك هايضربك لو عملت كذا .. خلي تعاملك مباشر معاه .. بصفتك الأم ومحل التوجيه .

ماتختلفوش سوا قدام الولاد بقدر الإمكان

ماتخليش زوجتك نبهت على الطفل بشىء وتستهتر بده
أطلب من الطفل يسمع كلام أمه بهدوء .. والعكس برده

كافىء ابنك وبنتك لما يحققو نجاح
أنا عن نفسى بعمل الآتى
وبضرب عصفورين بحجر فى نفس الوقت
لما ابنى وبنتى يحفظو سورة من القرآن .. بدى كل واحد 10 ريال
مكافئة .. واعرفهم ان دى مكافئة يحوشوها .. علشان يعملوا بيها شىء أكبر .. وفى نفس الوقت أديهم مصروفهم العادى ..
مش لازم 10 جنيه .. ممكن جنيه واحد .. بس تعرف الطفل إن لكل اجتهاد نصيب فى العطاء المقابل .. وتعلمه بالطبيعة إن النتيجة الحلوة
تبدأ باجتهاد .. بعد كده اللى حوشوه تجيب لهم بيه شىء ملموس يستمتعوا بيه .. وتعرفهم ان ده بالفلوس اللى حوشوها من اجتهادهم .. يعنى الدروس تبقى علمى .

عود ابنك أو بنتك على إن الاعتراف بالخطأ .. مش سبب للعقاب .. لأ .. سبب لللنجاة من العقاب .. بإنك لما يقفل الباب على صباع أخوه مثلا .. توجهه مش تضربه .. وتفهمه النتيجة ملموسة .. تورية نتيجة الغلط ده فى إيد أخوه مثلا .. أنا جربت ونجحت التجربة .. ولما بسأل مين قفل الباب على صباع زياد .. يرفع محمد إيده ويقول أنا .. أنا مش بحكى حكاية .. انا بنقل صورة كمثال واقعى علشان تكون أقرب للذهن .. الكلام المرسل مابقاش يجيب نتيجة .

ما تعاملش البنت زى الولد .. دايما كون لين الجانب معاها أكتر .. بدون ماتحسس
الولد بده .. لأن البنت بطبيعتها تربيتها أسهل من تربية الولد .. ومطيعة أكتر منه ..
وحساسه أكتر فى أغلب الأحوال .

لما يجيلك مولود جديد .. طريقه علمها لى صديق أكبر منى .. ومخلف أكتر منى ..
لما اتولدت بنتى ياسمين .. ومحمد لسه صغير طبعاً .. قال لى قبل ماتروح البيت بالبنت .. اشترى هدية .. وحطها على ياسمين وادخل بيها البيت .. وقول للولد
أو للطفل الأكبر .. اختك أو اخوك جايب لك أيه .. طبعا تكون هدية مناسبة للسن .. مش تجيب دبابة لطفل عنده سنتين مثلا .. أنا جربت ونجحت التجربة مع عيالى كلهم والحمد لله .. ده بيخلى الغيره بين الأولاد تنعدم .

تساوى العطاء والهدايا .. بيخلق بينهم سلام .. وسلام مع المجتمع

مافيش مانع بل مطلوب تهادى زوجتك قدامهم وتأكلها لقمة بإيدك قدام الأطفال .. وتقول الله طعم الملوخية يجنن .. علشان يتعودا يدو لبعض وللغير .. هاتلاقيهم بيأكلو بعض .. ويدوا لبعض وللغير .. وده بيقلل الأنانية عند الأطفال .

لما يعارضك - مش يعاند - طفلك وده فى الغالب بيبدأ من سن 4 سنوات وحسب
ذكاء ومهارة الطفل اللى انت بتكون سبب رئيسى فى تنيمتها .. ما تعملش زى الحزب الوطنى .. خليه يعارض .. ووافق على معارضته من حين لآخر .. بس فى الصح بس .. وبين ليه الغلط .. وان صمم .. وجه تفكيره لناحية تانيه إيجابيه .. بدون ماتحسسه إنك بترفض .. إعامل ليه خيار تانى .. ودعم كلامك باللى يخليه
يوافق على الاختيار اللى قترحته .. بس لازم تنفذ

لو عندك طفل بيضربك لو قلت ليه اسكت وهو بيغلس عليك لأى سبب أو وانت قاعد قدام الكمبيوتر مثلاً .. وعنده أقل من 3 سنين مثلاً .. سيبه يضربك .. مش هايجرالك حاجه .. ولما يبدأ يركب الجمل ويفهمها إبقى فهمو .

وكفايه كده . . لأنى نسيت كتبت فى أول ردى أيه .
وشكرا لسعة صدركم لكلامى غير المرسل .

ميرسى يا ا/ سميح ع مرور حضرتك.

هى مشاركة بسيطة اه بس المهم عندى ان الناس تعرف كدا،الطفل اكتر شئ حساس ف الدنيا

لازم نتعامل معاه بكل حرص ورقى ع عكس امهات وابهات كتير.

ASMAA MO7Y

الموضوع فعلا قيم يااسماء جداا..

وشكرآ ليك بجد يا أ /سميح علي الاضافة الهامة اللي أضافتها..

حضرتك قولت فعلا كل حاجة وياريت نتعلم ونغير من مفاهيمنا..

تسلم ايدك يااسماء..

اسيرة ميرسى ع مرورك ف موضوعى يا جميلة ،لكى منى كامل احترامى.

ASMAA MO7Y

» ما هو سر مواعيد الصلوات الخمس ؟؟؟
» الخمس قواعد الأساسية لنجاح البيتزا الإيطالية
» لماذا سميت الصلوات الخمس بهذه الأسماء