لعـــــــــــــبة الماچــــيك /m\

[ندعوك للتسجيل في المنتدى أو التعريف بنفسك لمعاينة هذه الصورة]

مساء الخير او صباح الخير حسب الوقت اللى بتشوفونى فيه

النهارده معانا لعبــــــــــه جامده جدا وممتعه جدا ويارب نشارك فيها كلنا لانها هتزود الترابط ما بينا وهتعرف كل واحد على حقيقته (هنقع فى بعض م الاخر)
[ندعوك للتسجيل في المنتدى أو التعريف بنفسك لمعاينة هذه الصورة]
وعلاقة كل واحد بالتانى ف المنتدى

خلصنا ياعم وقولنا اللعبه ايه؟

[ندعوك للتسجيل في المنتدى أو التعريف بنفسك لمعاينة هذه الصورة]

ثوانى بس
قبل ما اوضح ايه هى اللعبه
فى بس شوية احتياطات قبل ما تلعب عشان لاقدر الله لو وقعت اتعورت ما تجيش تمسك فيا
انا قلت اهه اللهم بلغت
[ندعوك للتسجيل في المنتدى أو التعريف بنفسك لمعاينة هذه الصورة]
اولا:
لازم تكون صريح ومش بوشين
[ندعوك للتسجيل في المنتدى أو التعريف بنفسك لمعاينة هذه الصورة] Laughing

ثانيا:
بتتقبل النقد بشكل حلو يعنى يكون عندك سيلف ديفينس
[ندعوك للتسجيل في المنتدى أو التعريف بنفسك لمعاينة هذه الصورة]
ثالثا:
كارت الشاشه بتاع دماغك لازم يكون عالى عشان اللعبه صعبه بجد
[ندعوك للتسجيل في المنتدى أو التعريف بنفسك لمعاينة هذه الصورة]
اخيرا/
لو انتا عندك اى مرض من امراض الشيخوخه زى السكر القلب الزهايمر الخ الخ...
تعالى عندنا واحنا نعالجك وفرفش معانا شويه
اللعــــــــــــــــــــــــــــــبه
نيجى بقى لمفهوم اللعبه
[ندعوك للتسجيل في المنتدى أو التعريف بنفسك لمعاينة هذه الصورة]
اللعبه عباره عن ان احنا هنختار واحد من الاعضاء هو اللى هيتكلم بمعنى ان احنا هنتفق على عضو هو اللى هيبدأ اللعبه وكل واحد مننا هيبعتله رساله خاصه برقم يعبر عنه
والعضو اللى هنبعتله الرسايل هيبقى أسمه (الماجيك)

بمعنى ان انا هبعت للماجيك اللى هو العضو اللى هيتكلم رساله فيها رقم 9 مثلن يبقى انا اللى هيمثلنى رقم 9

بمعنى اخر انا مابقتش كريم انا بقيت 9

والماجيك ده هيقول انطباعه عنى

او مميزاتى وعيوبى

او كلمه وحشه ف حقى

او كلمه حلوه ف حقى

اى حاجه
الميزه ف اللعبه دى ان انتا تقدر تقول كل اللى انتا عاوزه من غير ماحد فينا يعرف انتا بتتكلم عن مين وده الجزء الشيق ف اللعبه

كدا اللعبه خلصت يالا

عاوزين مشاركتكم
ومين هيبقى اول ماجيك معانااااااااااااا ؟؟
[ندعوك للتسجيل في المنتدى أو التعريف بنفسك لمعاينة هذه الصورة]

اقتباس :: الميزه ف اللعبه دى ان انتا تقدر تقول كل اللى انتا عاوزه من غير ماحد فينا يعرف انتا بتتكلم عن مين وده الجزء الشيق ف اللعبه

طب هتختار عضو امتي طيب..

الواحد ماصدق وعايز يبعبع.. [ندعوك للتسجيل في المنتدى أو التعريف بنفسك لمعاينة هذه الصورة]

الناس بس تاخد بالها من اللعبه وبعدين هنخـــــــــــــتار الماجيك

جامده الفكره والله يا كريم انا عندى ناس كتير عايزه اقولها حاجات كتييييييييييييير بس مش لاقيه الفرصه

بس انا كدا اطمنت هطلع اللى جوايا صبرك عليا

marwa كتب:: جامده الفكره والله يا كريم انا عندى ناس كتير عايزه اقولها حاجات كتييييييييييييير بس مش لاقيه الفرصه

بس انا كدا اطمنت هطلع اللى جوايا [ندعوك للتسجيل في المنتدى أو التعريف بنفسك لمعاينة هذه الصورة]

كلها بكرا ولا حاجه يا مدام مروه وهتبعبعى براحتك اهم حاجه
عاوزين دم
صبرك عليا

معااااااااااااااااااااااااااااااااااااااااك ياكريم
ومنتظر
وععلى فكره لعبه جاااااااااااااااااامده بس
ربنا يستر ومش عايز دووووووووووووووور
ههههههههههههه

ايون كدة يا بوب يا كبير
هو دا الكلام التمام
انا معاك يا ريس لو عاوز حكم رايه
هههههههههههههههه
[ندعوك للتسجيل في المنتدى أو التعريف بنفسك لمعاينة هذه الصورة]

لا فكره جامده عموما دايس معاك فى اى حاجه

جامدة جدى اللعبة دى يا كريم انا لسا اخدة بالى من التوبيك ,,

بس حلو والله واتمنى اكون ماجيك نمبر 1،،ومتابعة

معاك حتى لو مش الماجيك،،عجبنى التوبيك

تمام يا كريم اهو دا الشغل .....

الى مزيد من النشاط يا بشمهندس .. ورغم ان انت قلتلى (اسماء طير انت)

بس يلا المسامح كريم ....تقبل مرورى.

ASMAA MO7Y

mohamed reda كتب:: معااااااااااااااااااااااااااااااااااااااااك ياكريم
ومنتظر
وععلى فكره لعبه جاااااااااااااااااامده بس
ربنا يستر ومش عايز دووووووووووووووور
ههههههههههههه

ياعم انا اللى معاك

a7med maher كتب:: لا فكره جامده عموما دايس معاك فى اى حاجه

بيس يابرنس

mo7med sabry كتب:

ايون كدة يا بوب يا كبير
هو دا الكلام التمام
انا معاك يا ريس لو عاوز حكم رايه
هههههههههههههههه
[ندعوك للتسجيل في المنتدى أو التعريف بنفسك لمعاينة هذه الصورة]

لاأ انا عاوز راجل بجلبيه
تنفع ؟؟

ASMAA MO7Y كتب:

جامدة جدى اللعبة دى يا كريم انا لسا اخدة بالى من التوبيك ,,

بس حلو والله واتمنى اكون ماجيك نمبر 1،،ومتابعة

معاك حتى لو مش الماجيك،،عجبنى التوبيك

تمام يا كريم اهو دا الشغل .....

الى مزيد من النشاط يا بشمهندس .. ورغم ان انت قلتلى (اسماء طير انت)

بس يلا المسامح كريم ....تقبل مرورى.

ASMAA MO7Y

ههههههههههههههههههه
هنفسن اهه
وبعدين طير انتا دى حلوه على فكره مش وحشه
اوعى تزعلى على فكره

مش احنا قولنا يا كريم مفيش بين الاخوات زعل .. انا مش زعلانة منك..

لك منى كامل احترامى........

لاأ انا عاوز راجل بجلبيه
تنفع ؟؟

*
ما انت عارف مش بلبس جلابيات
[ندعوك للتسجيل في المنتدى أو التعريف بنفسك لمعاينة هذه الصورة]
المهم انا راشق معاك وخلاص

KAREM كتب:

marwa كتب:: جامده الفكره والله يا كريم انا عندى ناس كتير عايزه اقولها حاجات كتييييييييييييير بس مش لاقيه الفرصه

بس انا كدا اطمنت هطلع اللى جوايا [ندعوك للتسجيل في المنتدى أو التعريف بنفسك لمعاينة هذه الصورة]

كلها بكرا ولا حاجه يا مدام مروه وهتبعبعى براحتك اهم حاجه
عاوزين دم
صبرك عليا

فين اللعبه يا كريم عدى يومين اهه

ياجمـــــــــــــــــــــاعه الماجيك وصل
وان شاء الله هتبقى العضوه
أسماء محى عبد العاطى

عشان عيد ميلادك يا اسماء
ياريت الكل يبعت رقمه لاسماء وان شاء الله أسماء تستقبل الارقام النهارده وترد على بكرا كدا

الماجيك هيتغير لما تتوقف الاعضاء عن ارسال الرسائل الخاصه
ممنوع العضو يرسل رقمين ليه هو رقم واحد من (1-100)
وياريت الرسائل يكون فيها الرقم وبس
وياريت الماجيك يرد بناء على الارقام بس وعدم التنويه عن شخصية صاحب الرقم

ولو الماجيك وصله عضوين بنفس الرقم ينوه واحد منهم انه يبعتله رقم تانى
وانا ان شاء الله بالتنسيق مع الماجيك هعرف الارقام المحجوزه منه واحدثها ف اللعبه اول بأول عشان الناس تختار أرقام غيرهــــــــــا

ولع الدنيا يابوووووووووووووووووووووب

فكرة لذيذة يا كريم.......بالتوفيق ان شاء الله

ربنا معاكى يا أسمااااااااااء مبسوط

رقم (1)

دى البسكوتة بقى يا جماعة ، حبيبة هارتى بجد، رقيقة وجميلة ، وشخصية بجد طمووووووووووووووووووحة

بتاخد كورسات كتييير، وبتحب اصحابها

نفسها تفضل تهيس طووول الوقت

فرحانة اوى بصحوبيتها ، هى بس عصبية شوية ولما الجنونة بتطلع بتبقى فظيعة

متسرعة شوية ،، غامضة بردو ،

ومن ناحية النشاط مش هقدر اوصف مش هيكفى

بحبها اوى اوى اوى

افكارها قريبة من افكارى شوية ،

بتحب اغانى الافراح الى هى زى اغنية (حجرين ع الشيشة).

ويارب نفضل حبايب طول العمر واصدقاء.

رقم (8 )

حد محترم اوى خلوق جدا لسا عارفاه انهردة

اخ فاضل ، وذو فكر ، واحنا

اولاد كار واحد

وسالنى كام سؤال عن الدراسة كدا جاوبت بس طبعا

مش تمام اوى علشان كنت لسا واخداهم ف المحاضرة امبارح

ووالدى كان بيحب والده جدا

وانا وعدتو بعلبة كنز وقطعة جاتو..عيد ميلادى بقى .. وشكلو هيبقى عيد ميلاد جامد

وان شا الله بيت ابويا هيتخرب(ههههههه)

حد محترم وهادى وبيتقبل الاراء بدبلوماسية جدا..

رقم (3)

انا كل مابشوف الشخص دا بحس انى مستريحة اوى والله

نور بيطل من وجهه ع طول ومريح كدا وابتسامتو جميلة ، ودايما بيشجع البنات

ع فعل الخير ،وان شا الله زوجتو تبقى عضو معانا ف الرابطة(فتيات العمار)،

وهو الى دايما لما بتكلم معاه وانا مخنوقة وشايلا الدنيا ع راسى ، قلبى بيهدى وبحس ان هو

بجد اخ كبير ليا ،، ربنا يبارك فيه ويخليه لبيتو وزوجتو....

وبالنسبة لعيوبو.....امممممممممم..مش هقول مفيش بس من غير مجاملة هو بيبقى

حريص جدا انو مش يزعل حد منو ودا انا ملاحظاه..

بيحب عصير المانجا ،،والشوكولا ،،

وساعات ييجىى متاخر عن مواعيدو.............

رقم(7)

دى بقى ياجماعة بنوتة اجدع من كدا مش شوفت ،ائدب من كدا مش حصلى الشرف

ههههههه،ايه الكلام الغريب دا..بس انا هقول بصراحة

انا اول مادخلت المنتدى مش كنت طيقاها وكنت بتعامل معاها وانا عصرا ع نفسى مليون

لمونة او غيط ليمون اه والله كانت خنيئة كدا ورزلة،،،،

وراحت رادة ف موضوع كدا كنت عاملاه وبعد كدا انا قفلت منها نهائى ،وقلت

اسيبنى منها خالص ،وفعلا

لغاية لما عرفتها ف الحقيقة بس من كلام اصحابنا عليها وكلمتها ع الفيس ،،وكدا يعنى.

وبقينا دلوقتى اعز من اعز الاصحاب .. وتخيلوا انا لسا مش شوفتها ع الحقيقة حتى الان..

وهى عيبها من وجهة نظرى متسرعة شوية ف الحكم ع الاشياء شوية...

وياريت تعرف انى بحبها جدا (ما محبة الا بعد عداوة)

وقصيرة ههههههههههه [ندعوك للتسجيل في المنتدى أو التعريف بنفسك لمعاينة هذه الصورة]

ما شا الله المنتدى كلو هيبعتى رسايل خير خير انا هروح الجامعة واجى ويكون رسايل

جاتلى اكتر ،، وانا هظبط تلاتة معايا يا ويليهم لو حد عرفهم بعد ما

اكتب ارقمهم وشخصيتهم،،منتظرة مسدجاتكم يا جماعة

اقعدوا بالعافية....