صور البنات على الفيس بوك لية؟؟؟

تذكير بمساهمة فاتح الموضوع :

هل أنتِ ممن تقبلين أن تضعى صورتك على الفيس بوك؟

أم لا تقبلين؟

فى الفترة الأخيرة أصبح هناك تساهل كبير فى وضع الفتاة لصورها على الفيس بوك

فى بنات موافقة انها تضع صورها على الفيس بوك وكأنة أمر طبيعى

عادى ولية لأ مااصحابى عارفين شكلى وانا واثقة فيهم!!!

طب مسألتيش نفسك ان دا حرام قبل مايكون ضد تقاليدنا؟

غض البصر,, طب ازاى وأنتِ بتشجعينا على كدا!!

والم تنتبهى الى مدى خطورة وضع الصور ع النت؟

مفكرتيش ان صورتك تكون عرضة للاستغلال الرخيص

على المواقع المشبوهة من قبل أصحاب النفوس ِالمريضة !!!!!!

أختِ الفتاة انتِ لا تعلمين مافى سرائر الأخرين

قد يكونوا من أصحاب النوايا السيئة

طب لية أحط نفسى ف موقف مش صح وأرجع أقول أصل نيتى كانت سليمة!!

بصراحة هنا مقدرش أقول انا مثقفة ومتفتحة وعادى لما ا حط صورتى

إذا جعلت نفسك دودة تزحف على الأرض لا تلوم من يدوسك بحذائه

قال الرسول صلي الله علية وسلم سيأتي زمان على امتي القابض فيه على دينه كالقابض على الجمر

والعلماء قالوا ان هو دا الزمان

يرضيكى كدا ياللى حطة صورتك لأى حد يشوفها كدا ( ياللى مشوفتش شوف)

فين غيرتك على دينك وعلى نفسك ؟

لو ليك أختك ترضى تحط صورتها على النت عادى كدا ؟

طب ترضى انك ترتبط بواحدة متساهلة كدا بحجة انها متفتحة ونيتها كويسة؟

اللهم أهدى بنات الملسمين

اللهم آمين

هل البنات لما تحط صورهم على الفيس بوك ده انتو شايفينو صح ولا غلـــط؟؟؟؟

انتظر مشاركتكم بكل جدية؟

اسيرة الاحلام كتب:

موضوع جميل ياوردة ربنا يبارك فيكي..ويارب كل واحدة حاطة صورتها

علي المدعوء ده تشيلها..

ربنا يهدي بنات المسلمين أجمعين..

اللهم آمين..

رد كافى

دعوة عامة للتعلم من أمهات المؤمنين

من وحي هذا الموضوع الجميل

أحسست فراغاً داخلنا في موضوع المرأة ومن هي

وكيف تعيش في بيت الإسلام

مع اننا جميعاً لنا بدل الأم أمهات المؤمنين

سلسلة سيرة أمهات المؤمنين لكل البنات والرجال

تعالو نتعلم صح

نتعلم من بيت النبوة

من أمهاتنا الاتي لم نعرفهم بعد

رابط الموضوع لمن يريد المتابعة والتواصل
[ندعوك للتسجيل في المنتدى أو التعريف بنفسك لمعاينة هذا الرابط]

[quote="marwa"]

شاب طيب كتب:

marwa كتب:

شاب طيب كتب:: تنزل صور فرح ايه بس يامروة ووأولاد ايه

اما انتى عليكي كلام ياساتر عليكي

احنا بنقول مافيش فيس بوك اصلا وعايزين ننسيهم

اصلا حرام عليك يا طيب مش كفايه حبستهم فى البيت مدام البنت محترمه وبتستغل الفيس صح ايه المشكله مبسوط

[

---------------------------------------

هداوة

بالهداوة الهداوة ياحبيبي على راي نانسي عجرم

مش ممكن لازم البنات دى تطفطم عن الفيس بوك :\\

------------------------------------

البنت المحترمه على عينا وعلى رسنا من فوق ولها من كل تقدير واحترام

بس ولو ولو

نو وش بنت على الوش بوك صبرك عليا

ايدك معانا يامروة فى الحمله دي الله يعطيكي الف عافية

حاضر والله يا جماعه بنتنا محتاجين الهدوء فى التعامل مش اننا نشد عليهم يعنى احنا نحاول نقولهم زى ما الاستاذ عبد الرحمن قال كدا وهما اكيد يقتنعوا لكن نقولهم الفيس لالا وخلاص انا مش معاك يا طيب مبسوط

مش ممك لازم البنات دى تطفطم عن الفيس بوك

هههههههه

والله يا وردة بلادي الاغرب فى الموضوع الكومنتات اللى بتبقى على الصور دي من الشباب
بتبقى قصايد شعر حتي لو البنت مش اوي فالجمال [ندعوك للتسجيل في المنتدى أو التعريف بنفسك لمعاينة هذه الصورة] مش فاهم ليه ؟؟؟
لا وفى ردود لازم تلاقيها زي el pic de cute awiiiiii
و زي بجد انتى ملاك
و انتى بريقه اوي
و هي لا بريقه ولا نيله و يمكن تكون واخده بشله فوشها كمان
لا بقى وفى بنات بتبقى مختلفه شويه
تحطلك مثلا عنيها بس و عامله مقص كده بصوابعها على عنيها [ندعوك للتسجيل في المنتدى أو التعريف بنفسك لمعاينة هذه الصورة]
و ياسلام على بقى اللى بتصور الكونفرس و تحطه على الفيس [ندعوك للتسجيل في المنتدى أو التعريف بنفسك لمعاينة هذه الصورة]
مش فاهم انا بتحط صورتها الشخصيه كونفرس؟؟؟
ممكن عشان هي فعلا كونفرس
حد يفهمني اخوها موقفه ايه لما واحد من اصحاب الهانم الكيوت يدخل ويعمل كومنت على الصوره؟؟
مش فاهم انا الناس دي جتتها نحست؟؟!!

تسمحولي اقول رأي

الخطأ فينا احنا مش في الفيس بوك

البنت اللى حطه صورتها ع الفيس بوك دي للى الكل مش عاجبه الموضوع علشان الشباب و

الكومنتات طيب ما هانم شخصيا فى الشارع و الجامعة و ذي اللعبة الكل بيتفرج عليها

و لا الاختلاط ماهى الهانم بردو اصحابها ولاد و عادي جدا

ثوانى ثوانى ثوانى محدش يفهمنى غلط

انا اقصد ان الحكاية مش فى الفيس بوك بس و ان البنات اللى بتتكلموا عنهم دول

مش الفيس بوك بس دهم كده و اتحداكم انى الاقي بنت محترمة حاطة صورتها

او اى بنت بترفض الاختلاط فى الجامعة و فى الحياة العامة و ضايفة شباب ع الفيس بوك

الحكاية كلها فى البنت نفسها مش في صورة الفيس و لا ع المنتدى و لا ع التويتر و لا اي

حاجة فى الشخصية من جوه لو هى .........و لو هى محترمة فهى مش هتقبل كده

ـــــــــــــــــــــــــــــــــــــــــــــــــــــــــــــــــ

ع الهامش ردأ / محمد عبد الرحمن رائع

ع الهامش بردو ارفض كل الاراء اللى بتمنع الفيس ككل و ده اسمه هروب من مواجهة المشكلة

ع الهامش بردو ارفض كل الاراء اللى بتمنع الفيس ككل و ده اسمه هروب من مواجهة المشكلة
---------------------------

وايه الجديد بقى امحنا بنقول الكلام عائد بصورة غير مباشرة خالص خالص على ان البنت هيه السبب

ده الجديد

لا فى بنات بتبقى وثقه فى الى هيه بتعمله والى يغيظ اكتر انها تقول انا لما اكون عايزة حاجه بعرف اخودها واقدر احافظ على نفسي والغريب انها متعرفش تاخد اسبرينة مدوبينها فى كبايه شاى

ماشي ربنك ياسهلها

يا فندم انا اقصد انها هى كده فى الطبيعة و علشان شخصيتها كده بتحط صورتها ع البروفايل

و غيره انا اقصد ان الموضوع مش موضوع فيس

الموضوع فى ثقافتها نفسها

و بيتهىء لى انى قرأت ردود كتيرة كلها بتقول ان المفروض البنات متدخلش الفيس اصلا

فبقول مينفعش نقول كده

لأنه مينفعش نبعد عنه و ده اللى عجبنى فى رد أ / محمد عبد الرحمن على عكس ردود تانية

بتقول وهم يدخلوه ليه أصلا؟؟؟؟!!!!!!!!

ليه من بعدش عنه ؟؟؟

يانور

يا فندم مينفعش

طيب هو احنا ليه منبعدش عن التليفزيون ؟

ليه منبعدش عن النت عامة ؟

ليه منبعدش عن القنوات الفضائية ؟

و ليه منبعدش عن الراديو ؟

و ليه منبعدش عن ...................؟

و ليه منبعدش عن ...................؟

و ليه منبعدش عن ...................؟

و ليه منبعدش عن ...................؟

مش كل دول تكنولوجيا مفيدة و ضارة في نفس الوقت نرجع للبداية الثقافة ثم الثقافة

كـــــــــــــامل احترامى

الفيس بوك يختلف من حيث كونه منتدى للتعارف فقط ومتابعه الاخبار

طب البنت مش كفايه عليها مواقع الاخبار للاخبار والياهو للتحدث مع

الاصحاب المقربين ومنتدى العمار على شان مقصص ريشه الادمن اول بأول

المهم يانور كبرى دماغك

لا ياشاب طيب احنا هنا مش بنمنع دخول البنات على الفيس

بالعكس التواصل كويس لكن بايجابية طبعا

احنا هنا بنقول صور البنت لية ع الفيس

مش بنحجم دخولها ع الفيس

تمام يامروة جزاكى الله خير

ورده بلادى كتب:: لا ياشاب طيب احنا هنا مش بنمنع دخول البنات على الفيس

بالعكس التواصل كويس لكن بايجابية طبعا

احنا هنا بنقول صور البنت لية ع الفيس

مش بنحجم دخولها ع الفيس

تمام يامروة جزاكى الله خير

--------------------------------
طبعا مبسوط

والله انتى هيك هيك هيك

وردة ابعدى عنى السعادي انتى حره صور البنات على الفيس بوك لية؟؟؟ - صفحة 2 275234

أستاذ محمد عبدالرحمن أرفع لك القبعة على هذا الرد ارائع

الخصوصية شئ جميل جدااا

لكن زى ماحضرتك وضحت فى أخر جزء ان الكارثة فعلا فى صورة البروفيل

شكرا جزيلا لكم جميعا , أرائكم جميلة وفيها غيرة على الاسلام والمسلمين

رد المقنع حلو جدا وعجبنى بصراحة

منورين ياجماعة

أى ميديا غلط انها تتحط ع الفيس بوك حتى لو الاكونت مقفول ومش بيشوفه غير واحد او اتنين او او

حصل قبل كده وفى حد هيك على الموقع وسرب معلومات لناس بما يعادل 4 جيجا واتنشرت فى كل المواقع الاجنبيه واللى متابع يعرف الكلام ده

علشان كده نصيحه لأى حد مينشرش اى معلومات عنه فيها نوع من الخصوصيه او عن شخصيته او صور ليه او فيديوهات

وعموما الاخطر فى الكلام ده الصور وكلنا عارفين ممكن يتعمل عليها ايه ،، والتخوف مش من البلد عندنا بس لأ ممكن حد من برا
كمان الحجات دى مفيش عليها رقابه غير الضمير وفى ناس معدومة الضمير

انا عن نفسى مش بحب احط صور ليا

ياريت الناس تتفهم الكلام كويس وتحس بخطورته

هل صورة بنت على الفيس بوك معيار لــ :

التدين أم للأحترام

؟

أعتقد معيار للتدين فقط

لكن قد تكون على أعلى قدر من الاحترام

ولكن محتاجة للتوعية .. وليس للتجريح

أحيى رد أخويا أ/محمد عبدالرحمن

وأحيى صاحبة الموضوع وكثير من الردود على الطرح والحوار التوعوى

ولكن فيه بعض الردود فيها تجريح

ولنتذكر قول القائل :

( من كان منكم بلا خطيئة فليرمنى بحجر )

ربنا يهدينا كلنا

وشكراً على الموضوع مرة أخرى

،،

شكرا وردة بلادي على الثناء الذي لا أستحقه بل تستحقيه انت

موضوعك زي ما قال د/ إيهاب موضوع توعوى

وفي رأيي انه دعوي
وواجب على كل من قرأه ان يرد في هذا الإطار
وآخد من كلام أخويا إيهاب:

ايـــهاب رفعت كتب:: هل صورة بنت على الفيس بوك معيار لــ :

التدين أم للأحترام

؟

أعتقد معيار للتدين فقط

لكن قد تكون على أعلى قدر من الاحترام

ولكن محتاجة للتوعية .. وليس للتجريح

مسأله جوهرية في النقاش نظرتك إيه للبنت اللي وضعت الصورة على البروفيل
أكيد في مشكلة في الفهم الديني لكن الجزء الدعوي في الموضوع وكلام د/ إيهاب واضح
إنو يا جماعة ممكن تكون البنت دي محترمة جداً بس غايب عنها المفهوم الديني اللي يولد الفهم الصحيح
وما قاله د/ إيهاب هو مفتاح النقاش

فممكن نرد بشتيمة وتجريح نبقى مش بناخد بإيدها
لا بالعكس بنزقها لما هو أبعد
وده مش حوار ولا دعوة

ديننا علمنا في آداب الدعوة بعض نقاط منها:

1- وجوب الأمر بالمعروف والنهي عن المنكر (بفتح موضوع جميل زي ده)

وجاء دليل ذلك في قوله تعالى :
" ولتكن منكم أمة يدعون إلى الخير ويأمرون بالمعروف وينهونعن المنكر وأولئك هم المفلحون "

وقال الله تعالى مبينا فضل الدعوة إليه : " ومن أحسن قولا ممن دعا إلى الله وعمل صالحا وقال إنني من المسلمين "

وقال صلى الله عليه وسلم : ( من دل على خير فله مثل أجر فاعله )

2- الدعوة بالحكمة والموعظة الحسنة
وذلك باستخدام الكلمة الطيبة والموعظة الحسنة ، قال تعالى :
" ادع إلى سبيل ربك بالحكمة والموعظة الحسنة وجادلهم بالتي هي أحسن "

وعليه يا جماعة كلنا خطائون وخير الخطائين التوابون

الهدف من المنتدى ومن كل دخولنا عليه لازم يكون ما سبق في الدعوة بالأمر بالمعروف والنهي عن المنكر
بالحكمة والموعظة الحسنة والجدال بالتي هي احسن
في لعبنا وضحكنا وجدنا
وفي السياسة والإقتصاد و.... وكل ما كان وسيكون
حتى نؤجر
يجب أن نأخد بيد من شرد بكل حكمة وذكاء

المتدينين مش وحشين ولا رخمين ولا مكشرين
المتدينين بيعرفوا يتفاهموا ويتحاوروا ويقنعوا ويقتنعوا
غيروا الصورة الخطأ بتغيير سلوك كل واحد فينا
وإبدأ بنفسك
قال تعـالى في سـورة الرعـد : (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)

كلام جميل جداا

ياريت نأكد على كلام أ محمد عبدالرحمن فى كيفية النصح

والمعالجة بالأمر بالمعروف والنهى عن المنكر

فكل ابن آدم خطاء وخير الخطائين التوابين

موضوع من وجهتى أنه لايستحق الخلاف ويستوجب النصح
وقد أرى أن النصح هنا مر على من لم يفعل ذلك
فليكن النصح أيجابيا أكثر ولتقمو بأنشاء صفحة عالفيس بوك
لمحاربة تلك الظاهرة .
ـــــــــــــــــــــــــــــــــــــــــــــــــــــــــ
فلسنا بحاجة أن نخرج عن مضمون الموضوع وسياقه
كما رأيت من الأخت أسيرة الاحلام تقول ( المدعوء ده )
والاخ شاب طيب يقول (الله يقطع البتاع ده )
ولسان حال المخلوع يقول منك لله يانظيف قد نلتمس له العذر ونعلم سويا لماذا
لكن أى عذر لكم ؟؟؟هل هو نفس العذر ؟؟؟؟
أعتذر لتعليقى عالردود وخشية أن أكون أخرجتكم عن المضمون لكنها كلمات أستوقفتنى
وتقبلو مرورى المتواضع

انا اتفق معك فى هذا الموضوع لانه يمسنا جميعا للآننا مسلمين ومجتمع شرقى
وقد امرنا الله عزوجل بأن نستر عورتنا فجسد المرأه عوره.

وبما أن الصدقه جاريه فالسيئه جاريه ايضا
فأذا وضعت بنت صورتها على اى موقع ثم توفت وصورتها مازالت موجوده فتأخذ على ذلك سيئات وهى متوفيه
لآنا الشباب سوف ينظرون لهذه الصوره فيفتنون بجمالها.
ربنا يهدينا جمعيناحتى نكون من اهل الجنه انشاء الله.
ربنا يقوى ايمانك
وجزاك الله خيرا فينا وجعل هذا فى ميزان حسناتك.

اكيد طبعا صور البنات دة حاجة مفروغ منها وكل بنت عارفة سمعتها وكلام الناس بيقى رايح فين وجاى منين ورد على كلام خيرى انى الاولاد عادى هو اة عادى بس فى جماعة بيحاولوا يثيروا معظم البنات برضوا لانى الاثارة مش للبنات بس : \

الساجد كتب:: موضوع من وجهتى أنه لايستحق الخلاف ويستوجب النصح
وقد أرى أن النصح هنا مر على من لم يفعل ذلك
فليكن النصح أيجابيا أكثر ولتقمو بأنشاء صفحة عالفيس بوك
لمحاربة تلك الظاهرة .
ـــــــــــــــــــــــــــــــــــــــــــــــــــــــــ
فلسنا بحاجة أن نخرج عن مضمون الموضوع وسياقه
كما رأيت من الأخت أسيرة الاحلام تقول ( المدعوء ده )
والاخ شاب طيب يقول (الله يقطع البتاع ده )
ولسان حال المخلوع يقول منك لله يانظيف قد نلتمس له العذر ونعلم سويا لماذا
لكن أى عذر لكم ؟؟؟هل هو نفس العذر ؟؟؟؟
أعتذر لتعليقى عالردود وخشية أن أكون أخرجتكم عن المضمون لكنها كلمات أستوقفتنى
وتقبلو مرورى المتواضع

[color:3dfb=blue]أخى الساجد شكرا جزيلا لمرورك

فعلا تم انشاء صفحة ع الفيس بوك من اول مالموضوع نزل على المنتدى والحمد لله كان له مردود جميل جداا

فعلا العيب مش فى الفيس العيب فى بعض مستخدمين الفيس

شكرا لك

محمود يونس كتب:: انا اتفق معك فى هذا الموضوع لانه يمسنا جميعا للآننا مسلمين ومجتمع شرقى
وقد امرنا الله عزوجل بأن نستر عورتنا فجسد المرأه عوره.

وبما أن الصدقه جاريه فالسيئه جاريه ايضا
فأذا وضعت بنت صورتها على اى موقع ثم توفت وصورتها مازالت موجوده فتأخذ على ذلك سيئات وهى متوفيه
لآنا الشباب سوف ينظرون لهذه الصوره فيفتنون بجمالها.
ربنا يهدينا جمعيناحتى نكون من اهل الجنه انشاء الله.
ربنا يقوى ايمانك
وجزاك الله خيرا فينا وجعل هذا فى ميزان حسناتك.

اشكرك اخى المسلم على غيرتك على الاسلام والمسلمين

شكرا لمرورك الطيب

السيد الجزيرى كتب:: اكيد طبعا صور البنات دة حاجة مفروغ منها وكل بنت عارفة سمعتها وكلام الناس بيقى رايح فين وجاى منين ورد على كلام خيرى انى الاولاد عادى هو اة عادى بس فى جماعة بيحاولوا يثيروا معظم البنات برضوا لانى الاثارة مش للبنات بس : \

نفوس بعض من الناس مريضة لازم الحذر طبعا

شكرا جزيلا لمرورك وطرحك

الموضوع شيق جدا

وليا تجربه علشان كده انا حبيت انى اتكلم

انا واحده من الناس كنت منزله صور زواجى بس لما زوجى اتضايق بامانه حذفتها وندمت جدا انى نزلتها اصلا

» الفيس بوء
» تم حجب الفيس بوك
» الفيس بوك Facebook
» قاطع الفيس بوك
» الفيس بوك ماله