محمود احمد عبد الفتاح شــاعـر عمـاري
عدد الرسائل : 364 العمر : 60 المكان : العمار الحالة : متزوج الهواية : الشعر تاريخ التسجيل : 24/10/2008 التـقــييــم : 0
| موضوع: نتعاطف ليه وياه؟؟؟؟ الإثنين 18 أبريل 2011, 9:56 pm | |
|
الصبح صبح صبحنا....وأدان الفجر جمعنا
بشباب الثورة فرحنا....م خلاص رجعت كرامتنا
****
كلنا عزم واصرار.....نمحى فساد الأشرار
يرحل حسنى ونظامه....ونسيب شعبنا يختار
افرحوا يا شباب الأمة....انزاحت عنا الغمة
وهاترجع تانى الوحدة....ونعيش كلنا أحرار
****
ضحى بأحلام أولادنا....وبكدبه ياما خدعنا
ولا مرة حس وجعنا....والظلم وصل لمداه
نتعاطف ليه وياه؟؟
****
هانا وظلمنا كتير....موتنا فى التحرير
وحبيب العادلى بظلمه....كان ولا أجدعها وزير
عيشنا ف عهده عبيد....وسقانا المر صديد
م الباشا نظيف وحكومته....لسعادة الباشا عبيد
وحوادث ولا على بالهم....وكتير ماتوا يا ولداه
نتعاطف ليه وياه؟؟
****
علمنا الجبن يا عالم....وحرمنا من الحرية
والشعب بطبعه مسالم....محتاج جرعة حنية
لو كان ربنا بيحبه....كان بص علينا شوية
لكن بقساوة قلبه....موت فينا الوطنية
وكفاية ان احنا فى عهده....الغش اتعلمناه
نتعاطف ليه وياه؟؟
****
فاكرين اللص شارون....الظالم والملعون
بحلف وبرب العزة....كان أكتر من فرعون
هو اللى قتلنا ف صبرة....وشتيلا ودمر غزة
وتعالى وشوفوا نهايته....متحنط جوة تابوت
لنفس طالع ولا نازل....ولا عايش ولا بيموت
له عزره بإنه يهودى....مش مسلم ذى صاحبنا
مش قادر أفرق بينهم....هو اللى بظلمه جناه
نتعاطف ليه وياه؟؟
****
كنا عايشين كادوه....والعمر كمان سرقوه
ف طابور العيش بنموت....والشلة بياكلوا جاتوه
يا جماعة ضميركم فين؟....دول بردوا بنى أدمين
والله دا شعب غلابة....وحالتهم ذى الطين
يالله أمرنا لله....نتعاطف ليه وياه؟؟؟!!
****
سممنا بيوسف والى....جوعنا ببطرس غالى
وبأمن الدولة قتلنى....والتهمة ان انا اخوانى
يرضيكم كدة يا اخوانى....المسلم يبقى الجانى؟؟!!
سجنونا وهانوا كرامتنا....دهسوا على حرمة بيتنا
وفساد ورشاوى يا صاحبى....ولا خافوا ربنا فى علاه
نتعاطف ليه وياه؟؟
****
سعدون يا ابن أم بهية....راح فين حزب الملوخية
الريس فى العنبوكة....ومراته مدام مبروكة
هتروح محو الأمية
****
عنده من العز ياما....والشعب فقير ويتاما
وعميل صهيونى أمريكى....لباراك ولبوش وأوباما
حواليه مصاعير وديابة....والدنيا صبحت غابة
واحنا مساكين وغلابة....والمر إحنا شربناه
نتعاطف ليه وياه؟؟
****
يا فلول الحزب الوطنى....جبتولى الحسرة ف بطنى
غيرتوا فصيلة دمى....من ( O ) بقى فيروس ( C )
لكن من بعد الثورة....ودعنا العيشة المرة
والدنيا بحالها بتشهد....على انى مواطن مصرى
لو عاوزين حسنى مبارك....بتمنى تروحوا وراه
ال كانوا بيغنولوا....على إن احنا اخترناه
لكن وبعون الله....صممنا وحبسناه
نتعاطف ليه وياه؟؟
****
يا شباب الثورة يا غالى....إنتم رمز التغيير
حققتم كل أمالى....وأملنا فى التعمير
يا ولاد السد العالى....انتهى عصر التزوير
ربنا دوما يحفظكم....وتعيدوا لمصر الخير
والخوف احنا كسرناه...نتعاطف ليه وياه؟؟
****
| |
|
a7med maher عماري محترف
عدد الرسائل : 3526 العمر : 32 المكان : العمار الحالة : مرتبط الهواية : ر تاريخ التسجيل : 02/08/2008 التـقــييــم : 5
| موضوع: رد: نتعاطف ليه وياه؟؟؟؟ الثلاثاء 19 أبريل 2011, 7:08 am | |
| الله عليك يا استاذ محمود قصيده رائعه
| |
|
أسيرة الأحلام عماري أصيل
عدد الرسائل : 7302 تاريخ التسجيل : 11/05/2010 التـقــييــم : 17
| موضوع: رد: نتعاطف ليه وياه؟؟؟؟ الثلاثاء 19 أبريل 2011, 1:17 pm | |
| - اقتباس :
يا شباب الثورة يا غالى....إنتم رمز التغيير
حققتم كل أمالى....وأملنا فى التعمير
يا ولاد السد العالى....انتهى عصر التزوير
ربنا دوما يحفظكم....وتعيدوا لمصر الخير
والخوف احنا كسرناه...نتعاطف ليه وياه؟؟
جميلة جداا..
تسلم ايدك والله يا أ /محمود..
| |
|
M7md Sbry مشرف منتدي أخر روقان
عدد الرسائل : 4261 العمر : 34 المكان : بلدى الحالة : ربنا يسهـــــــــــل الهواية : ______________ تاريخ التسجيل : 09/06/2007 التـقــييــم : 1
| موضوع: رد: نتعاطف ليه وياه؟؟؟؟ الثلاثاء 19 أبريل 2011, 6:27 pm | |
| كلام جميل يا استاذ محمود تسلم ايدك
| |
|
احمد فتحي شــاعـر عمـاري
عدد الرسائل : 1683 العمر : 41 المكان : بينكم الحالة : متزوج الهواية : الشعر -القراءة تاريخ التسجيل : 18/10/2008 التـقــييــم : 2
| موضوع: رد: نتعاطف ليه وياه؟؟؟؟ الثلاثاء 19 أبريل 2011, 6:49 pm | |
| | |
|