لنا الله

لمن يتهم كليه الطب بانها شئ معقد وغير مفيد فان هذا الكلام خطاء جدا خطاء اوي خطاء بعنف واليكم الدليل

هذه صفات تكتسبها من كونك في كليه الطب

المثابره : هي انك تبقي قاعد في الصيف بتذاكر عشان عندك امتحانات وأصحابك بتوع هندسه طالعين علي مارينا

المثاليه : وانك وبرغم انك عارف ان اصحابك طالعين علي مارينا .. الا انك قاعد تذاكر ولا بتحقد ولا بتنق عليهم

الثبات : هو اللي انت بتعمله وانت داخل امتحان شفوي مع دكتور )
Malignant )

التعدديه : هي كم الدروس اللي بتقرر انك هتدخل من غيرها الامتحان


القوميه : هي انك وبرغم انك طول ال 6 سنين شغال شتيمه ولعن في طب الا انك اول
ما حد يسألك لو رجع بيك الزمن هتكتب ايه أول رغبه .. تقوم ترد بكل سذاجه طب!!!!


الوطنيه : هي الحاله اللي بتصيب الأطباء أول ما يشوفوا عقد عمل في الكويت


الأخويه : هي الحاله اللي بتصيب طالب طب أول ما واحد صاحبه يطلب منه ورق الكورس


الذكاء .. هي انك تجيبها من قاصرها وتعرف ان طب مبيأكلش عيش وتشوفلك شغلانه تانيه