من خلال المنتدي كسبت صديق فعلا وانت ؟؟؟

دائما ما يجمعنا المنتدي علي صفحاته لنتناقش ونتحاور ونفك عن نفسنا شوية ولكن للمنتدي هدف اساسي وهو التعارف وبالفعل دعوت عضو لا اعرفه من قبل الي بيتي لتناول كوب شاي وتبادلنا اطراف الحديث واتفقنا ان نختلف ونتجادل ونتناقش في كل شئ وطلعنا بعد كده اصحاب ارجو من الله ان تدوم العلاقة القائمة ع الاحترام والحب والود دائما والا تقطع واتمني ان يستثمر الاعضاء وجودهم ع المنتدي والتعارف ع ارض الواقع افضل واحلي واجمل وتبقي رسالة المنتدي وصلت للجميع ونجحت با متياز في مد جسور التواصل الفعلي بين اعضاؤه.
طيب انت هاتعمل ايه ؟ هل هتدعو عضو دخلت معه في نقاش واختلفت او اتفقت للنقاش ع ارض الواقع والتعرف اكثر واكثر عليه ؟
طيب انت مستني ايه ؟

موضوع جاااااااااامد يا حماده ووالله اكيد الواحد بيعمل صداقات وعمتا كل الناس الى على المنتدى اعرفهم كويس وبينا صداقه واكيد تتطور للافضل ان شاء اللله ونفسى والله اى شخص متعرفتش عليه عن قرب ان شاء الله اتعرف عليه اكتر
طب ما تيجى نعمل يوم تعارف يا كبير للى ميعرفش حد كويس مقعدش معاه متكلمش معها كتير وجها لوجه وتبقى عملت حاجه شديده كدا وقربت الناس من بعضها اكتر فكر وقلى واانا معاك فى اى حاجه

لا حول ولا قوة الا بالله

كسبتك طبعا

خسرت أستاذ إسلام لانه ظلمنى بوجود دكتور ايهاب فى الليلة الموعودة :)

عملنا تصويت و نتيجته كانت بالإجماع إن الدكتور إيهاب هيروحله منابه لحد باب بيته في أي عزومة مستقبلية حفاظا على أرواح و منابات المعازيم

والله كسبت بنات كتير هنا

ولسا هعرف ان شا الله

اكيد طبعا كسبت المشاركه مع كل
اعضاء المنتدى الكرام

انا بردو كسبت اصدقاء
بس.............كسبت
ضعف النظر
من كتر القاعدة عالنت
كركر

ربنا يبارك فيك يا استاذ اسلام وانت شخص نقي ومحترم ومكسب لأي شخص يعرفك عن قرب وفعلا لازم يتم التعامل مع د/ ايهاب وهو شخص جميل باننا نوفر له سبل الراحة ونبعد الدخان عن عنيه ونبعت له منابه ع البيت .....معاك ياهندسة في طرح الموضوع وهيبقي بجد جااااااامد جدا تسلم افكارك ....بشمهندس كريم مش قادر امسك نفسي من الضحك ع تعليقك ..وهو ده هدف المنتدي يا اسماء واكيد الاصدقاء يضيفوا لحياتنا ونضيف لحياتهم وفكرهم ...ربنا يبارك فيك ياعم محمود بس نفسي تتعرف ع ارض الواقع علي اعضاء اكتر واصدقاء ...سلامة عيونك وبحذرك وبقولك سيبك من النت والمنتدي وخد الك من عنيك بس مش تاخد بالك منها قوي يعني.شكرا لكل من مر وشارك واكرر اتمني ان نكسب اصدقاء ونتعرف علي بعضنا البعض ع ارض الواقع فعلا وانا معاك يابشمهندس احمد في موضوع ومتبنيه جدااااااااااااااا

كسبت كتير جدا

وأعم مكاسبى فى المنتدى أنى عرفتك يا محمد

سعيد بك

مهما اختلفت معك

.سلامة عيونك وبحذرك وبقولك سيبك من النت والمنتدي وخد الك من عنيك بس مش تاخد بالك منها قوي يعني
[ندعوك للتسجيل في المنتدى أو التعريف بنفسك لمعاينة هذه الصورة]

كسبت ناس طبعآ..

واتعرفت علي ناس أكتر..واللي مابينا دلوقتي ود وحب واحترام..

ربنا يديمه ان شاء الله..

كسبت ناس كتير جدا

مش بس كده كمان كسبت أفكار ووجهات نظر مختلفة

وكفاية أنت يا أ/ محمد

رغم أختلاف وجهات النظر

انا اعتقد دائما ان الاختلاف هو من يجمع بيننا وليس الاتفاق علشان كده عايز زوجة المستقبل مختلفة في الاهتمامات والشخصية وحاجات كتير _ههههههههههههههههه انا عارف لسه بدري _ .......ربنا يبارك فيك يا استاذ عمرو انت رجل محترم بشهادة الجميع واختلفنا تحت سقف واحدعالي وكبير يعتبر محبة ......ماشي ياشاعر بس خد بالك منها برده ......عمرو البكري عايزين نشرب مع بعض شاي بالياسمينشكرا للكم مجددا

كسبت ياعم محمد ناس كتير اوى اوى اوى وفى ناس نفسى اقابلهم واتكلم معاهم واتناقش كمان ونختلف فوجهات النظر وحاجات كتيييييييييييييير

تسلملى يابن عمى

اكيد كسبت
اللى يطلع من هذا الجمع خاسرا فلا يلومن الا نفسه وليراجع نفسه فى اختياراته
فعلا والله اخر مكسب لي كان من افضل المكاسب ان لم يكن افضلهم
ربنا يديم علينا المحبة

ربنا يجمعكم على الحب
فى الدنيا وفى الاخره
احبكم فى الله

ياااااااااااااااااااااه

الحمد لله كسبت شخصيات مثقفة و ثقافة شخصيات جميلة ربنا يبارك فى الجميع

أكيد كسبت

كسبت حاجة اكبر من الصداقة

طبعا كسبت ناس كتير قووووووووووى

والحمد لله

الي احمد عبدالعليم منصور مبرووووووووووووووووك ومبارك ما ربحت واتمني أن يكون د/ محمد منصور ابلغك سلامي

هنا أكتشفت ذاتى

أكتشفت عالم مليئ بالدهشة والأسرار

أكتشفت سر الحياة وهو التواصل

كسبت خيرة من أطيب الخلق

اللهم بارك لى فيمن أحبهم وبارك لهم فى صالح أعمالهم

وأخيراا كسبت الواقع

ورده بلادى كتب:: هنا أكتشفت ذاتى

أكتشفت عالم مليئ بالدهشة والأسرار

أكتشفت سر الحياة وهو التواصل

كسبت خيرة من أطيب الخلق

اللهم بارك لى فيمن أحبهم وبارك لهم فى صالح أعمالهم

وأخيراا كسبت الواقع

مش عارفة اخرة الشعر معاكى ايه واقع وخبرة

كل حياتك شعر ف شعر حتى اكلك فيه شعر [ندعوك للتسجيل في المنتدى أو التعريف بنفسك لمعاينة هذه الصورة]

» أهداء الي زغلول المنتدي .كل سنة وانت طيب
» صفحة المنتدي ع الفيس...والمتواجدون في المنتدي
» سؤال : انت لك كام صديق؟؟؟؟؟؟؟؟؟؟؟؟؟؟؟؟؟؟؟ظ
» مداعبة صديق ...
» هي فعلا باظت .......بس