موقف ايجابى

موضوع: موقف ايجابى الثلاثاء 17 مايو 2011, 8:39 pm

تذكير بمساهمة فاتح الموضوع :

السلام عليكم ورحمة الله وبركاته

بصوا يا جماعه من باب إحياء روح الايجابيه اللى افتقدناها كثيرا . كل واحد يحكى على موقف ايجابى عمله بعد الثورة وموقف ايجابى نفسه يعمله

وانا هبدأ بالموقف ده . بعدنجاح الثورة على طول روحت اطلع فيش من مديرة بنها المهم وصلت هناك الساعه واحده وثلث بعد عشر دقايق بالظبط الموظفين طلعوا وبدءوا يطردوا فينا كنا تقريبا 10 اشخاص خدوا بالكم الكلام ده كان بعد الثورة على طول والداخليه مشدوده تماما والساعه لسه ما جتش 2 والمفروض ان شغلهم للساعه 5 بعد كلام كتيير و زق وكلام بايخ الجوا بدء يتكهرب قمت على طول مطلع الموبيل وبدءت تصوير دقيقتين والجو هدى وهاتوا صور بطاقتكم يا جماعه وتعالوا الصبح وهتخشوا اول ناس اوكيه وروحت اول ما روحت قمت مقدم شكوى على موقع وزارة الداخليه وكتبت فيه بياناتى كلها ورقم تليفونى الارضى وكل حاجه حتى الرقم القومى وقلت اللى حصل تانى يوم اتصل بيا عميد _حته واحده _ اتصل على الارضى واستفسر على اللى حصل حكيتله وقلتله انا مصور فيدوا باللى حصل المهم اعتذر جدا وخيرنى انى اروح عنده فى قسم مصر الجديده واطلع الفيش فى ساعه وانا عنده او انى اروح العباسيه واتصل بيه وويطلعلى الففيش وانا واقف او اروح بنها واتصل بيه وهوه هيتصرف مع الناس اللى فى مديرية بنها شكرته جدا وقلتله شكرا جدا لحضرتك انا هروح بنها الفجر واحجز مكان بدرى ومش هتصل بحضرتك وقلتله انا كتبت شكوى مش علشان اطلع الفيش انا كتبت الشكوى علشان اللى حصل فى المديريه مش طريقة محترمه يتعامل بيها مع المواطنيين اللى هما شباب وقلتله انا كنت خايفالموضوع يكبر اكتر من كده وعلشان كده انا كتبت شكوى وعدنى بان المعامله هتتغير تالت يوم طلعت على بنها بدرى جدا وحجزت مكان وكان زحمه جدا كنت رقم 44 مع انى كنت هناك الساعه 7ونص استنت الدور ورحت كام مشوار ورجعت على الساعه 9 لقيت دورى قرب ولقيت لمعامله غاية فى الذوق والاحترام ووقفوا واحد مخصوص لترتيب الصف ويدخل الناس بالدور والكلام بقى جميل جدا وبطريقة ظريفه ويا جماعه تعاونوا معانا واحنا تحت امركم وهنخلصكم كلكم و كتبواورقة كبيرة ان معاد انتهاء الدوام الساعه 2 مش الساعه 5 لان وردية واحده اللى شغاله والحياه بقيت جميله

الموقف اللى كنت اتمنى انى اخده انى لما رجعت كان قدامى تقريبا 8ارقام او 7 المهم لقيت واحد قريبى شغال هناك قالى تعالى قلتله مفيش مشكله انا هستنى دورى غلبنى فى الكلام ودخلنى قبل دورى وانا والله ما كنتش عايز لكن اللى حصل كنت اتمنى انى كنت خلعت منه بطريقه ظريفه واستنى دورى.

السلام عليكم
معلشى يا جماعه غيبت كتيير لكنى جيت حمد لل على سلامتكم

حصل امبارح موقف بيتكرر معايا كتيير لكن امبارح عملت حاجه بعد الموقف خدوا بالكم منها
الموقف هوه مشهد فى عربية العمار اللى جايه من المظلات وكنت مروح بدرى يعنى مفيش زحمه والحمد لله
معايا تلاته اصحابى قاعدين ورايا المهم واحد قاعد فى الكرسى اللى جنب السواق وبيشرب سجائر وقافل الشباك ( راجل جامد شكله ) لابس نضاره سودا وبدله وعامل فيها حاجه جامده -جامد على نفسه طالما الواحد صح ما يهمهوش -
المهم انا بتخنق من ريحة السجاير شميت الريحه طلبت منه بعد اذنك افتح الشباك وطلع السجاره بره علشان الدخان _ خدوا بالكم انا اساسا مع انى قايله لو سمحت وبعد اذنك تساهلت فى حقى اللى هوه المفروض محدش يشرب سجاير فى العربيه_ ومع ذلك سعادة البيه قام فاتح الشباك حته كده 3 سنتيمتر او 5 علشان ما اظلمهوش طلبت منه نفس الطلب مع زيادة ان المفروض يا استاذ تطفى السجاره اساسا سعادة البيه معملشى حاجه اتنرفزت جدا وزعقت للاسطى تامر السواق وقلتله يوقف العربيه ويحل مشكلة السجاير اللى شغاله دى قام البيه فتح الشباك كله وبقى يطلع الدخان بره

ده موقف بيتكرر كتير مع انى غلطت ان انا اتنرفزت وزعقت ما كنشى لازم كده
المهم مش ده الموقف اللى يلفت النظر ده بيحصل كتيير المدهش ان واحد من اصحابى اللى ورايا واحنا بنتكلم وبنقول ان طالما انا كنت بتكلم صح ليه ماحدش ساندنى واتكلم معايا مع الراجل ده قام قالى ان سر نرفزتى وكلامى ده ان انا بنتقم لنفسى لنفسى علشان الراجل ده ما رديش يسمع كلامى - انا رديت على صاحبى كويس وعرفته انى ما انتفمتشى لنفسى انا ما حقرتش الراجل انا كان كلامى ليه حضرتك وبعد اذنك

الشاهد ان الناس بتتهرب من الايجابيه بزرائع واهيه ( حلوه زرائع دى )

» ايجابى ام سلبى؟
» قولولي أعمل ايه..موقف بايخ ..!!
» موقف زبالة
» موقف غريب ..
» قل موقف محرج حصل معاك