عاشق لنور الشمس....عاشق فى قلبى الخير
بهرب من ظلام الامس....بستنى النهار والطير
يلمسنى شعاع الشمس....يسحرنى غنا العصافير
افرح طول حياتى واحب....عايش فالحياه دى امير
بحب..ايوه من قلبى....عليكى قلبى ما يخبى
لا لحظة شوق ولا حيره....ولا قلبك يسيب قلبى
وبدعى الدنيا تجمعنا....فكل مكان وكل زمان
ويبقى الحب ليه معنى....وننسى دموعنا والحرمان
وبيكى قلبى مش عايش ....ده طاير فالسما وطايش
يغنيلك ....ويحكيلك ....لغيرك انتى مش عايش
وقولى كلمه واتمنى....هتلقى جوابى مستنى
وقلبى شايفك انتى الروح....وليكى انتى ده بيغنى
على عبدالرحمن