أيه اللى هيحصل ؟

تمام كلام كويس ،، طب ايه الى هيحصل لو الست اشتغلت وخدت بالها من بيتها ؟؟

فيها ايه يعنى لما الست تشتغل ،، هى بتتعلم واهلها يدفعوا دم قلبهم علشان تقعد ف البيت

تخلف وتربى وتأكل وتخلى بالها من طلبات جوزها !!

هو دا العلام ،،

هى الست دى مش عندها طموح وبتكافح وبتذاكر وبتتبهدل ف الكورسات وكل دا

زيها زى الراجل بالظبط ،، يبقى من حقها تشتغل وتحقق اهدافها

والست ممكن تشتغل ف منصب يفيد بلدها جدا والامثلة ع كدا كتير اوى ،،

وبعدان من وجهة نظرى ان شغل الست حاليا بيساعد الراجل ع اعباء الحياه اقصد المصاريف وكدا ،، بس كدا

تمام ،، ليه تقعد ف البيت ومش تشتغل !!؟؟ وليه تتعلم بقى وجامعة ورايحة جاية وحورات ادام مش هتشتغل؟؟

اقتباس :

بس دراسة المرأة مش كلها علشان بيتها هى المهندسة او الدكتورة مثلا او اى دراسة تانية مجالها تربية الاولاد

الوحيدة اللى دراستها هتفيدها فى تربية اولادها هى المدرسة فقط

فيه كام مهندسة وكام دكتورة ؟

وبعدين التعليم مش بيفيد فى تربية الاولاد حتى لو الست مش مدرسة ليه بقى هتابع دروسهم

لو فيه دواء تعرف تقرأ بتاع ايه

تعرف تقرا الجرايد

وغيره

نور الإسلام كتب:

اقتباس :

لو فيه دواء تعرف تقرأ بتاع ايه

تعرف تقرا الجرايد

وغيره

حرام عليك يا استاذ عمرو بقى افضل ادرس بحتة و تطبيقية علشان اقرأ الجرايد

طيب ليه الست متسعدش الراجل فى المصاريف و الراجل ميسعدش الست فى البيت و تربية الاولاد

حتى علشان يكون فى مشاركة فى تربية الاولاد و ميكونش فى فجوة بين الابناء

و ابائهم و يكون الاباء فى نظر الابناء مصدر المصروف و بس

تحياتي

يعنى انتى يا أستاذة نور مسكتى فى كلمة جرايد خلاص مجلات [ندعوك للتسجيل في المنتدى أو التعريف بنفسك لمعاينة هذه الصورة]

وبعدين الست هى مسئولة مسئولية كاملة عن البيت وعن تربية الاولاد بحكم أنها أكثر تواجدا من الرجل

والراجل مسئول مسئولية كاملة عن نوفير الاحتياجات الخاصة بالبيت والزوجة والاولاد+ مساعدة الزوجة فى تربية الاولاد

فطبعا لما تشتغل أكيد شغلها هيأثر على بيتها وعلى أولادها ومحدش يقولى طبيعة الشغل أقل شغل من الصبح للساعة 2

وبعدين ايه تساعد الزوج هقول لحضراتكم على حاجة الست لما بتشتغل المرتب اللى بتاخده بتصرفه على نفسها الزاى بقى

أولا اللبس

ثانيا مصاريف لو فيه موصلات

والاكل التيك أوى

لكن لو قعدت فى البيت هتساعد جوزها الزاى بقى ؟

اللبس والموصلات اللى كانت بتصرف عليهم مرتبها مش هيبقوا موجودين

لو قعدت مع اولاده تتابع دروسهم هتوفر فلوس الدروس الخصوصية

لو مسكت أيدها شوية من مصاريف البيت هتساعد جوزها

لما جوزها كدا يجى من الشغل تعبان ويلاقى زوجته مستنياه وعاملة الاكل غير لما يجى يحضر لنفسه والحاجات دى بفلوس

وبعدين ياريت تشوقى الدرجات العلمية اللى وصل ليها الاجيال زماااااااااااان وشوفى دلوقتى

مش هيبقى فى بطاله فمصر

اه وربنا

اقتباس :

بيقوله ان المرأة نصف المجتمع ؟

اكيد المرأة نص المجتمع ،،

اقتباس :

يعنى لو الست قعدت فى البيت والشغل بقى للرجالة بس ؟

مش القصة ف كدا يا ستذ عمرو ،، فيه شغل مش ينفع يشتغل فيه الا ستات ودا كتير

حاجة تانية ف ستات كتير جدا جدا بيوفقوا بين شغلهم وبيتهم ،،

وبنجاح ملحوظ جدا ف الاتنين

اقتباس :

أولا مشكلة البطالة هتنحل

ازاى بس يا جماعة دا كلام !!

اقتباس :

مش هيبقى فيه أختلاط

يعنى هو الاختلاط ف الشغل بس يا أستاذ عمرو ،، ماهو الاختلاط ف الجامعة

وف كل مكان ف الدنيا ،،

اقتباس :

محلات المكياج والبرفانات الحريمة هتقفل

هى الست بتحط مكياج وبرفان بس وهى خارجة ،، مافيه ستات كتير جدا بتحط كدا ف البيت

او لو ف مناسبة ويكون الست واصحابها وقرايبها وكدا يعنى ،،

اقتباس :

الموضوة هتنتهى

بردو الموضوه ف العمل بس يا أستاذنا !!

اقتباس :

البناطيل الجينز والبرموده ولتونيكات والدريلات والفيزتات مش هتبقى موجودة

هو دلوقتى حضرتك يا استاذنا بتتكلم ف احوال البنات

ولا شغل المرأة ؟؟!!

اقتباس :

الموصلات مش هتبقى زحمة

بيتهيألك الرجالة هما الى بيزحموا الموصلات والولاد كمان ،، صدقنى وانا مجربه كل يوم

_______________________________________________

اقتباس :

أولاد متعلمين

يعنى لو شتغلت مش هيتعلمو ،، هما بيروحو المدرسة والدروس اذا كان فيه

وبيتعلموا ،، فين المشكلة بقى ؟؟ وكدا كدا الامهات

بتهتم بالمتابعة ودا ف البيت مثلا تتابع معاهم امتحانتهم وواجبتهم

زى ما حصل معانا ،،

اقتباس :

بيت نظيف ومرتب

هقولهالك تانى ،، مش ف كل الحلات الست الى بتشتغل تهمل بيتها ،،

ومش ف كل الحالات الست الى قاعدة ف البيت ومش بتشتغل تكون نضيفة ف بيتها ،، مش شرط صدقنى

اقتباس :

زوجة مبتسمة (مش تعبانة مش الشغل(

طيب ماهى بتساعد الراجل علشان العيال كمان مش يتنكدوا ويضربوا بوزهم ،، والحياه تبقى تمام

لكن حكاية ان الست بتبقى متنكده دى ،، مش عارفة والدتى مش كدا

او كل الى اعرفهم بيشتغلو بيهتموا ببيتهم وواجبات زوجهم وكل حاجة خاصة بالاطفال وكدا

اقتباس :

لسة فيه تانى

منتظره ردك يا أستذنا ،، تقبل رأيي

منتظره حضرتك يا أستاذ عمرو ،،

اقتباس :

مش القصة ف كدا يا ستذ عمرو ،، فيه شغل مش ينفع يشتغل فيه الا ستات ودا كتير

حاجة تانية ف ستات كتير جدا جدا بيوفقوا بين شغلهم وبيتهم ،،

وبنجاح ملحوظ جدا ف الاتنين

طيب ممكن مثال للشغل اللى ينفع بس للستات ومينفش الرجالة

وأنا عارف كويس جدا انى فيه ستات بتوفق بين الشغل والبيت بس الموضوع نسبة وتناسب والنسبة الاكبر مش بتوفق بين الشغل والبيت

اقتباس :

أولا مشكلة البطالة هتنحل

ازاى بس يا جماعة دا كلام !!

أقولك الزاى شوفى البطالة عندنا قد أيه ونسبة العاملين من الستات قد أيه وتخيلى أن كل الشغل أصبح للرجالة فقط

هتلاقى حد عاطل صعب جدا وان كان موجود حد عاطل هتبقى نسبة صغيرة جدا

اقتباس :

محلات المكياج والبرفانات الحريمة هتقفل

هى الست بتحط مكياج وبرفان بس وهى خارجة ،، مافيه ستات كتير جدا بتحط كدا ف البيت

او لو ف مناسبة ويكون الست واصحابها وقرايبها وكدا يعنى ،،

هقولك على حاجة هو كل يوم فيه مناسبة ولا أيام محدودة زى الافراح وأعياد الميلاد وغيره صح

لكن الشغل كل يوم صح ولا لا

يبقى على الاقل النسبة هتقل

اقتباس :

الموضوة هتنتهى

بردو الموضوه ف العمل بس يا أستاذنا !!

الموضة أتعملت ليه طبعا للجماعة اللى بيخرجو كتير والخروج أكتر ليه أكيد وهما راحين الشغل هتقولى فترة التعليم فيها خرروج كتير أرد واقولك هما يمكنا 4 سنوات مش أكتر والموضة كل يوم صح

اقتباس :

البناطيل الجينز والبرموده ولتونيكات والدريلات والفيزتات مش هتبقى موجودة

هو دلوقتى حضرتك يا استاذنا بتتكلم ف احوال البنات

ولا شغل المرأة ؟؟!!

مش فاهم يعنى ايه احوال البنات هما البنات اللى بيلبسوا كدا بس؟

اقتباس :

الموصلات مش هتبقى زحمة

بيتهيألك الرجالة هما الى بيزحموا الموصلات والولاد كمان ،، صدقنى وانا مجربه كل يوم

ما انا بقول كدا بدل الزحام مايبقى بين الرجالة والحريم الست تقعد مكرمة فى بيتها ومتركبش موصلات هتلاقى الموصلات فاضية وحتى لو فيه زحام مش هيبقى زى وجود ستات

اقتباس :

أولاد متعلمين

يعنى لو شتغلت مش هيتعلمو ،، هما بيروحو المدرسة والدروس اذا كان فيه

وبيتعلموا ،، فين المشكلة بقى ؟؟ وكدا كدا الامهات

بتهتم بالمتابعة ودا ف البيت مثلا تتابع معاهم امتحانتهم وواجبتهم

زى ما حصل معانا ،،

معاكى أقولك على حاجة

نقسمها سوا

الست بتروح شغلها الصبح وليكن الساعة 8 هتقوم من 7 تجهز الفطار وتصحى الاولاد علشان المدرسة وتعمل الفطار

واللى رايح شغله رايح واللى رايح المدرسة رايح هتيجى الساعة 2 عايزة تنظف البيت عايزة تعمل غدا صح ده لو منمتش ساعة ولا حاجة فين الوقت اللى هيقى للاولاد

اقتباس :

بيت نظيف ومرتب

هقولهالك تانى ،، مش ف كل الحلات الست الى بتشتغل تهمل بيتها ،،

ومش ف كل الحالات الست الى قاعدة ف البيت ومش بتشتغل تكون نضيفة ف بيتها ،، مش شرط صدقنى

طيب ماهى بتساعد الراجل علشان العيال كمان مش يتنكدوا ويضربوا بوزهم ،، والحياه تبقى تمام

لكن حكاية ان الست بتبقى متنكده دى ،، مش عارفة والدتى مش كدا

او كل الى اعرفهم بيشتغلو بيهتموا ببيتهم وواجبات زوجهم وكل حاجة خاصة بالاطفال وكدا


انا عايز أقولك حاجة ياأسماء الموضوع بيقى نسبة وتناسب يعنى لو فيه موضوع فيه السلبية اكتر من الايجابية يبقى الغلبة للسلبية يعنى لو عندك قفص تفاح سليم وشكله حلو وبقى فيه كام تفاحة مصابين هيعمل ايه فى القفص؟ هيبوظ كله

تانى هام حياة الريف غير حياة المدينة يعنى الواحدة لما تكون شغالة هى من ارياف هتلاقى والدتها تسيب معاها العيال او حماتها لكن فى المدينة الست اللى بتبقى لوحدها دى هتعمل ايه




_____________________________________________________________

هل هيجى اليوم اللى ترجع فيه النقاب

هل هيجى اليوم لما نفتح التلفزيون نلاقى كل اللى عالى الشاشة شباب ورجالة

هل هيجى اليوم كل الوزرات والمناصب المهمة تبقى رجالى بس


هل
هل
هل

Baher Hokkam كتب:

بصراحة الكلام محبط بالنسبالي جدا وخصوصا البنات

نفس الجمل

اقتباس :

"تشتتغل عشان تساعدني"
"انا هشتغل لو هيجي على بيتي الشغل يبقى اقعد في البيت"
الاختلاط - الميكياج وغيره

ياجماعه هناك بيوت الزوج ناجح جدا والزوجه ناجحه جدا والاولاد ناجحين جدا وبيوت طيبة جدا جدا جدا ومش استثناءات
دول كتير جدا

الموضوع يختلف من بنت للتانية وهو ده الفيصل

في بنت من دلوقتي عارفه انها هتخلص وتتجوز وخلاص ودي قمة السلبية الطبيعية ...يعني هم كده
وفي بنت تقول ان هشتغل ولو هقصر على بيتي يبقى هقعد في البيت وده عدم تحديد الطريق وعدم ثقة ودول بيبقوا بيضحكو ا على نفسهم بالطموح وحاجات كتير جدا مش بتعجبني شخصيا

وفي بنت هدفها شغل ودراسة وذذات وفي السكة ييجي بن الحلال اللي يساعدني واساعده والاتنين يكملوا ويساعدوا بعض في كل حاجه كل حاجه ودي الزوجة

هي ام وست بيت وكل حاجه لكن هي كمان روح وفكر وطموح وحلم


عندي والله كلام كتير في الموضوع ده ولكن عشان مطولش عليكم

هناك نماذج امامي قمة النجاح في الشغل والتربية والاخلاق والتدين التدين التدين

الموضوع نسبة وتناسبوانا عارف ان فيه بيوت ناجحة فى كل الجوانب زى ماحضرتك قولت لكن الاكتر منه بيوت بتكون غير ناجحة

يعنى النسبة الاكبر بيوت غير ناجحة والاقل ناجحة الغلبة للاكثر

يبقى كده عمل المرأة بيأثر على بيتها طالما الجانب السلبى أكتر

اقتباس :

طيب ممكن مثال للشغل اللى ينفع بس للستات ومينفش الرجالة

الامثلة كتير اوى ،، مدرسة اسلامية للبنات مش بتشغل غير ستات بس ،، محلات الخياطة ووو النسائية الى مش

ينفع يشتغل فيها غير بنات ،، دكاتره النساء والتوليد علشان فيه ستات مش بتقبل تولد

غير ع ايد دكتوره ست ،، الممرضات ملائكة الرحمه ،، الصالات الرياضية للسيدات اكيد الى هتدربهم ست زيهم

وشغل تانى كتير اوى بس دا الى جه ف بالى دلوقتى ،،

اقتباس :

وأنا عارف كويس جدا انى فيه ستات بتوفق بين الشغل والبيت بس الموضوع نسبة وتناسب والنسبة الاكبر مش بتوفق بين الشغل والبيت

وجهة نظر تحترم ،، لكن انا مش بحسبها كدا لان فيه أمثال كتير اوى قصادى بتوفق كويس وأكتر من الستات الى بتقعد ف البيوت

اقتباس :

أقولك الزاى شوفى البطالة عندنا قد أيه ونسبة العاملين من الستات قد أيه وتخيلى أن كل الشغل أصبح للرجالة فقط

هتلاقى حد عاطل صعب جدا وان كان موجود حد عاطل هتبقى نسبة صغيرة جدا

هو فين الشغل دا يا استاذ عمرو هو فيه حد بيتعين أصلا ولا بنات ولا ولاد ،، وبعدان ف اى مكان بتلاقى نسبة عماله الرجاله اكتر

اقتباس :

هقولك على حاجة هو كل يوم فيه مناسبة ولا أيام محدودة زى الافراح وأعياد الميلاد وغيره صح

صح تمام ،، لكن انا مش قصدت كدا بس مش المناسبات يعنى بس ،، فيه ستات بتهتم بنفسها ف اى وقت وهى ف البيت

وكمان ف وجهة نظرى الست الى بتشتغل مش بتكون فاضية تحط ميك أب وبرفيوم وهى رايحة الشغل

اقتباس :

لكن الشغل كل يوم صح ولا لا

صح تمام ،، يعنى يا أستاذ عمرو الست الى قاعدة ف البيت مش لما بتيجى تخرج بتحط الحاجات دى زيها زى الى بتشتغل ؟؟

اقتباس :

الموضة أتعملت ليه طبعا للجماعة اللى بيخرجو كتير والخروج أكتر ليه أكيد وهما راحين الشغل هتقولى فترة التعليم فيها خرروج كتير أرد واقولك هما يمكنا 4 سنوات مش أكتر والموضة كل يوم صح

هقولهه لحضرتك تانى مش الست الى بتشتغل بس بتهتم بالموضه ،، دى الستات الى ف مصر كلها

بتشتغل او لا ،، لانها حاجة طبيعية ان الست تهتم بالموضه

اقتباس :

مش فاهم يعنى ايه احوال البنات هما البنات اللى بيلبسوا كدا بس؟

ههههه يا استاذنا اقصد المرأة عموما لكن غلطة منى معلش ،،

هى كل الحكاية ان حضرتك بتتكلم ف الجانب الاكبر عن لبس المرأة والى بيحصل اليومين دول

بس الى انا مستغرباه ليه تربطه بالشغل للست !!

بتشتغل او لا هتشترى لبس وايا كان قدر احترامه او لا مش بيتوقف ع عمل المرأة ،،

وهتقولى علشان بتخرج وكدا ،، طيب ماهى الست الى مش بتشتغل بتخرج ،، وممكن كل يوم كمان

ماهى فاضية بقى بتخلص كل حاجة وراها بدرى وتخرج ،،

اقتباس :

ما انا بقول كدا بدل الزحام مايبقى بين الرجالة والحريم الست تقعد مكرمة فى بيتها ومتركبش موصلات هتلاقى الموصلات فاضية وحتى لو فيه زحام مش هيبقى زى وجود ستات

مستغربه جدا بجد ،، هى الست دى مش زيها زى الراجل ليها صفات انسانية زيه ،، طموح وجهد وشقى ونجاح وتواصل ووو

ليه بنحجم المشاركة ع الراجل بس ؟؟

اقتباس :

معاكى أقولك على حاجة

نقسمها سوا

الست بتروح شغلها الصبح وليكن الساعة 8 هتقوم من 7 تجهز الفطار وتصحى الاولاد علشان المدرسة وتعمل الفطار

واللى رايح شغله رايح واللى رايح المدرسة رايح هتيجى الساعة 2 عايزة تنظف البيت عايزة تعمل غدا صح ده لو منمتش ساعة ولا حاجة فين الوقت اللى هيقى للاولاد

هى بعد الساعة اتنين هتنام ع طول لتانى يوم ،، اكيد لا وهتنام مثلا ساعة بعد الغدا وتصحى ع 5 زى ما كان بيحصل مع والدتى

وتصحى بقى تتابع ولادها وهيبقى ف وقت لحاجات كتير صدقنى ،،

مش الولاد بس لا دا ممكن تنضيف البيت وعمايل اكل لتانى يوم ووو حاجات كتير

اقتباس :

انا عايز أقولك حاجة ياأسماء الموضوع بيقى نسبة وتناسب يعنى لو فيه موضوع فيه السلبية اكتر من الايجابية يبقى الغلبة للسلبية يعنى لو عندك قفص تفاح سليم وشكله حلو وبقى فيه كام تفاحة مصابين هيعمل ايه فى القفص؟ هيبوظ كله

فعلا الموضوع نسبة وتناسب متفقة معاك ،، ومن وجهة نظرك ان الجانب السلبى اكتر وان العكس ،، وبحترم وجهة نظرك

اقتباس :

تانى هام حياة الريف غير حياة المدينة يعنى الواحدة لما تكون شغالة هى من ارياف هتلاقى والدتها تسيب معاها العيال او حماتها لكن فى المدينة الست اللى بتبقى لوحدها دى هتعمل ايه

تمام معاك ،، لكن ف المدن ف بدائل ،، أولا ف امهات ف المدينة زى الريف وفيه كمان حضانات روضة كويسة جدا

وانا شايفة ان شغل الست ف المدينة اسهل من الريف ،، ف الريف هتستهلك وقت اكبر وموصلات اكتر لكن المدينة لا ،،


____________________________________________________

اقتباس :

هل هيجى اليوم اللى ترجع فيه النقاب

بتمنى من كل قلبى والله العظيم ،،

اقتباس :

هل هيجى اليوم لما نفتح التلفزيون نلاقى كل اللى عالى الشاشة شباب ورجالة

ياريت بجد ،، الحمد لله كدا بعدنا عن قضية شغل المرأة ،،

اقتباس :

هل هيجى اليوم كل الوزرات والمناصب المهمة تبقى رجالى بس

ياريت لان المرأة بتتبهدل ف العمل دا ،، بعيدا عن عضوية مجلس الشعب لانى مقتنعة بكدا جدا ،،

اقتباس :

هل
هل
هل

ايه الهلات دى كلها يا أستاذنا [ندعوك للتسجيل في المنتدى أو التعريف بنفسك لمعاينة هذه الصورة]


حابة بس أقولك الى فهمته من كلام حضرتك يا أستاذ عمرو ،، حضرتك عايز زمنا دا يرجع لايام الاسلام الاولى و

ان المرأة ترجع زى زمان وانها متظهرش ع حد وووووو ،، دا من حقك

وانا من داخلى بتمنى ان الزمن دا يرجع

لكن حاليا مش هينفع اوى احنا ماشيين ع النهج دا من زمن كبير جدا ،، شغل المرأة ومشاركتها ف شتى مجالات الحياه

فمش هنقدر نغير دا بالمطلق صدقنى ،، لكن كل واحد فينا الى يقدر عليه يرجع الزمن دا بنفسه ،،

مش بقول شغل المرأة بس لا ف كل شئ ،،

واذا كان ع اللبس فأنا بتمنى انه يقارب ديننا أكتر من كدا ،، ويارب انا اعمل كدا

دا الى فهمته من كلام حضرتك ،، تقبل رأيي