الاستاذ رامى بربش تراجع عن الترشح فى انتخابات مجلس الشعب 2011

[ندعوك للتسجيل في المنتدى أو التعريف بنفسك لمعاينة هذه الصورة]

الخبر ده موجود على صفحه دعم رامى بربش لانتخابات مجلس الشعب 2011
من حوالى ساعتين مش عارفين ده خبر نهائى وقرار نهائى ولا ايه

عاجل : قرر الأستاذ رامى بربش تراجعه عن الترشح لانتخابات مجلس الشعب القادمة وقرر ان يقتصر دوره خلال الفترة المقبلة على خدمة أهالى المنطقة الخدمة التمنوية والخيرية عن طريق تواجده ومشروعاته بعيدا عن الانتخابات وما يتعلق بها ...يأتى هذا بعدما تقدم صباح اليوم ببلاغ للنائب العام فى وزير الصحة الأسبق حاتم الجبلى بتهمه اهدار المال العام فيما يتعلق بقرار إغلاق مستشفى التكامل بالعمار وباقى قرى مصر

كان من المقرر أن يجتمع الأستاذ رامى بربش مساء الغد الأثنين بمنزله مع مجموعة من شباب العمار يمثلون مختلف الحركات والجمعيات الشبابية بالعمار وكان الهدف من اللقاء مناقشة كافة الافكار الخاصة بانتخابات مجلس الشعب القادمة ولكن نظرا لقرار الاستاذ رامى صباح اليوم بعدم خوض الانتخابات تم تحويل برنامج اللقاء ليكون لقاء خاص بمشكلات وقضايا تخص العمار وهو لقاء مفتوح لكل شاب من شباب العمار يود ان يتواجد للمناقشة فيما يخص العمار ومشكلاتها على صعيد العمل العام ونتمنى ان نخرج من اللقاء بما يفيد العمار وينفعها ان شاء الله ونظرا لتغير هدف اللقاء من هدف
انتخابى لهدف عام لزم التوضيح للجميع

[ندعوك للتسجيل في المنتدى أو التعريف بنفسك لمعاينة هذا الرابط]

خيرا فعل

اقتباس :: عاجل : قرر الأستاذ

عاجل[ندعوك للتسجيل في المنتدى أو التعريف بنفسك لمعاينة هذه الصورة]

يا شريف انت لازم تبين الفرحه اووووووووووووووووووووووووى كدا ههههه ياعم مش كدا

هو اكيد ليه اسبابه خاصه ان شعبيته زادت فى العمار طبعا معظم الاعضاءء هتستغرب من كلمه شعبيه بس للاسف احنا هنا فى عالم مغلق بعيد بعض الشىء عن ارض الواقع

ولا تعليق على انسحابه فاعتقد انه اخذ الخطوه صح فى المكان الصح

واعتقد انه لو رشح نفسه فى اى مكان غيير العمار كان هينجح

وانا منتظره عضو مجلس الشعب اللى يقدر يتماشى مع العمار يمكن يكون فى الافضل من رامى ووقتها اهنى اهالى العمار بقدرتهم الخارقه لحسن اختيارهم لعضو مجلس الشعب

مبروك عليكم انسحاب رامى بربش

بس ليه سؤال اخير ليه كل من يحاول يخدم العمار يواجه مشاكل وصعوبه فى استمرار خدامته ؟

بالتوفيق للجميع

اقتباس :: هو اكيد ليه اسبابه خاصه ان شعبيته زادت فى العمار طبعا معظم الاعضاءء
هتستغرب من كلمه شعبيه بس للاسف احنا هنا فى عالم مغلق بعيد بعض الشىء عن
ارض الواقع

حضرتك احنا مش بعيدين عن ارض الواقع ولا حاجه المنتدى صوره مصغره من

ارض الواقع اللى حضرتك بتتكلمى عنه ،، اما بالنسبه للشعبيه لو زادت فعلا زى ما بتقولى ... يبقى هو ليه انسحب ؟؟

مش بتهكم عليه والله لكن حاسس ان الكلام متناقض علشان كده بسأل

اقتباس :: وانا
منتظره عضو مجلس الشعب اللى يقدر يتماشى مع العمار يمكن يكون فى الافضل من
رامى ووقتها اهنى اهالى العمار بقدرتهم الخارقه لحسن اختيارهم لعضو مجلس
الشعب

كلنا بنتمنى انه يبقى حد كويس اللى هايمثلنا ان شاء الله ،،

اقتباس :: مبروك عليكم انسحاب رامى بربش

أ/ رامى كان ممكن لو نزل الانتخابات ينجح او يسقط ،، حضرتك عممتى

انه احنا رافضين نزوله من البدايه وده غلط انا ممكن اكون معارض لأسباب لكن فى غيرى موافق عليه ..

اقتباس :: بس ليه سؤال اخير ليه كل من يحاول يخدم العمار يواجه مشاكل وصعوبه فى استمرار خدامته ؟

مين قال كده ؟؟

اى حد بيحاول يخدم العمار اهلا وسهلا بيه طبعا ،، لكن اى حد عاوز العمار تخدمه مش سهل تلاقيه فعلا لان الحمد لله كلنا عارفين مين عاوز يخدمنا ومين عاوزنا نخدمه.

بالنسبه للشعبيه لو زادت فعلا زى ما بتقولى ... يبقى هو ليه انسحب ؟؟

والله انا مقدرش امثل رامى بربش بس اعرف من ضمن اسباب انسحابه انه مش حابب اتقسام اللعمار بسببه ومش عايز يسبب اى مشاكل يمكن عشان زى ما قولت ان شعبيته زادت فدا اثر على المعترضيين عليه فزادوا من ضغطهم عليه وراى ان الخطوه دى اثبتت ان رامى مكنش داخل الانتخابات كغطاء سياسى ليه او انه متنظر خدمات من العمار

واكيد يا بشمهندس عمرك ما هتلاقى الكمال فى عضو مجلس شعب لان الكمال لله واحده

اى حد بيحاول يخدم العمار اهلا وسهلا بيه طبعا ،، لكن اى حد عاوز العمار تخدمه مش سهل تلاقيه فعلا لان الحمد لله كلنا عارفين مين عاوز يخدمنا ومين عاوزنا نخدمه.

انا اللى بقول كدا لو تلاحظ يا بشمهندس الاستاذ جمال اسماعيل واجه مشاكل رغم انه حاول يخدم فى العمار

حتى العمل الخيرى واجه مشاكل فى العمار

ومن وجه نظرى لان فى ناس موجوده بس عشان تعترض وعشان تقول ده صح وده غلط لكن لو قلنا يالا نشتغل بيبقوا كلهم مشغوليين

انا لامست كل اللى انا بقوله ده بنفسى ومش نقله رائى اى شخص

اما بالنسبه للمنتدى فانا بتكلم على ان المنتدى مش بيدخله الناس الغلابه اللى محتاجيين مساعده يا بشمهندس كل اعضاء المنتدى مرفهيين بيدخلوا للترفيه انا عايزه اسمع صوت الطبقه المعدومه اللى تحت الارض الطبقه اللى احنا بمنثلهم بثقفتنا ووواعينا الطبقه اللى بدور على قوت يومها اتمنى اننا نركز تفكرينا عليهم وازاى نقدر نوفرلهم كل احتيجاتهم ولو حتى مش هنقدر نساعدهم نسيب اللى يقدر يساعدهم ونشجعه وندعمه

ولكن فكرنا بقى سياسى بحت من غير نظره اجتماعيه وسيايه فى وقت واحد

اتمنى اكون قدرت اوصل لحضرتك وجه نظرى يا بشمهندس شريف

كلامك مظبوط يا مدام مروه فعلاااااااااا الفتره الاخيره فى انتقادات موجهه فعلا لاستاذ رامى بربش وبصوره كتيره وانه داخل مصلحه وبيعمل الاعمال الخيريه عشان المجلس
اهو الراجل ساب كل حاجه وقال جملتين حلوووووووووويييييين انه مستمر فى العمل الخيرى زى ما خطط له وفعلا يحترم على كده ووالله احسنله ان ميدخلش تبع البلد دى
وبعدين احنا رجعنا انتخابيا لدائرة طوخ انا ساااااااااامع كده ابقوا قبلونى بقا لو العمار دى شافت مرشح تانى لسنيييييييين
وبعدين فعلا الناس مخنوقه من كتر المرشحين من البلد دخلين يخسروا بعض ولا ايه مش فاهم والله العظيم ريح دماغه
وفى كلمه اتقالت مره ومليون مره قبل كدا
فى كذا حاجه المنتدى ما بيمثلش الى الناس الى عليه مش كل شباب العمار ياريت نفهم دى فى شباب قد الى ع المنتدى الف مره وعمرهم مادخلوا المنتدى
وده سر ان فى ناس بتاخد موقف من المنتدى والكل عارف كدا عشان بيتقال قدام ده راى شباب العمار يبقى كل الشباب رايهم كدا وده مش صح اساسا

زائر

اللى عاوز يخدم البلد هيخدمها سواء عضو فى مجلس الشعب او لاء

وبكره الامور هتبان

اقتباس :: حضرتك احنا مش بعيدين عن ارض الواقع ولا حاجه المنتدى صوره مصغره من

ارض الواقع اللى حضرتك بتتكلمى عنه ،،

طيب بعيدا عن الإنتخابات وأستاذ رامى وقراره وحيثيات القرار ده

عاوزة بس أعقب على جملتك يا باشمهندس

المنتدى موقع على الإنترنت بيسموه واقع ( إفتراضى) والمفروض إنه لما تيجى تعمل استبيان مثلا

أو تحب تعمل مناقشة وتاخد نتايج فى الآخر أو عاوز تعمل مسح لحاجة معينة أو تعرف رأى الناس وتطلع بنتيجة عمليا وعلميا صح

متبقاش معتمدة على واقع افتراضى زى المنتدى هنا لأنه مش بيمثل الواقع

أيوه : المنتدى لا يمثل الواقع

ولا حتى صورة مصغرة منه

ولولا إن المنتدى لبلدنا وإحنا من البلد ما كان بقى فيه أى صدى لأى حاجة هنا

ـــــــــــــــــــــــــــــــــــــــــــــــــــــــــــــــــــــ

يعنى هل لو الناس هنا بتحبك كلها ده يديك هنت إن كل الناس بتحبك ؟؟

هل لو عملنا تصويت على حاجة وخدنا نتيجة ما هل النتيجة دى صح ومعبرة عن الواقع بشكل كافى؟

أعتقد لأ خاصة وإننا معظمنا مش كلنا طبعا هنا سننا متقارب وبنمثل شريحة محدودة أوى

اللهم ولى أمورنا خيارانا ولا تولى أمورنا شرارنا

إن لم يكن الأمر خدعة سياسية للتهدئة

فلنا أن نقول ..ان الرجل ..صدق وعده

والتقدير لكل من يريد توحيد الصف , ويساهم في رأب الصدع , ويزرع ولا يتعجل الحصاد

حتى لا نعود إلي نتيجة العمار المعتادة

(( دائرة العمار الكبرى ....لن ينجح أحد ...))

أحمد صلاح هلالى كتب:: اللى عاوز يخدم البلد هيخدمها سواء عضو فى مجلس الشعب او لاء

وبكره الامور هتبان

مع احترامى الشديد ليك يا استاذ احمد انا عن رائى رامى لو استمر فى خدمه العمار يبقى منتهى الظلم ليه على الاقل انه لما اتبرع بالاسعاف ووفى بوعده وبدل ما كان اتبرع بقطعه الارض للدوله كان احتفظ بيها لنفسه ولاهله ولكن هو كان بيثبت حسن نيته

ياريت لما احكم على شخص احط نفسى مكانه واشوف اذا كان حكمى عليه فى عدل ولا ظالم

يعنى انا كمرشح اقدم لاهلى وبلدى من قبل تفكيرى فى فكره الانتخابات كل المساعدات اللى اطلبت منى وفى الاخر اهلى وبلدى تتهمنى اتهمات باطله ليس لها اى دليل او اثبات الا ان كله كلام فى كلام وعمر ما حد دخل بيت رامى بربش وقاله فوت علبينا بكره بالعكس يمكن كان بيقدم مساعدته من غير ما حد يطلبها منه

كل فعل رد فعل يا استاذ محمد

اقتباس :: والله انا مقدرش امثل رامى بربش بس اعرف من ضمن اسباب انسحابه انه مش حابب
اتقسام اللعمار بسببه ومش عايز يسبب اى مشاكل

ربنا يبارك فيه اذا كان ده غرضه [ندعوك للتسجيل في المنتدى أو التعريف بنفسك لمعاينة هذه الصورة]

اقتباس :: يمكن عشان زى ما قولت ان شعبيته زادت فدا اثر على المعترضيين عليه فزادوا
من ضغطهم عليه وراى ان الخطوه دى اثبتت ان رامى مكنش داخل الانتخابات
كغطاء سياسى ليه او انه متنظر خدمات من العمار

شعبيته زادت واثر ع المعترضين فزاد ضغطهم عليه ؟؟؟!! ازاى مش فاهم ؟؟؟

بالنسبه لإنسحابه اعتقد ان التحليل ليه سابق لأوانه

اقتباس :: انا اللى بقول كدا لو تلاحظ يا بشمهندس الاستاذ جمال اسماعيل واجه مشاكل رغم انه حاول يخدم فى العمار

مش هاقدر اتكلم عن حاجه معرفش حيثيتها بصراحه ،، ممكن أ/ جمال يكون واجه مشاكل تقبال اى حد مش شرط فى العمار او مشاكل يمكن حلها بس بصعوبه او ...

اقتباس :: حتى العمل الخيرى واجه مشاكل فى العمار

ومن وجه نظرى لان
فى ناس موجوده بس عشان تعترض وعشان تقول ده صح وده غلط لكن لو قلنا يالا
نشتغل بيبقوا كلهم مشغوليين

انا لامست كل اللى انا بقوله ده بنفسى ومش نقله رائى اى شخص

فى ناس مش بتحب تشارك بس بتعمل خير من غير ما حد يعرف ..

وفى ناس تانيه بتبقى مشغوله فعلا ومحدش يقدر يلومها

بالنسبه للتقييم بعتقد انه مفتوح للجميع انا لو شفت

حاجه غلط اقول عليها غلط ولو شفت حاجه صح اقول عليها صح

وبعلل بأسباب ممكن تكون مش واضحه للمجموعه اللى شغاله ومحدش بيكون حاطط مصلحه لنفسه فى كلامه علشان كده بيتكلم

اقتباس :: اما بالنسبه للمنتدى فانا بتكلم على ان المنتدى مش بيدخله الناس الغلابه
اللى محتاجيين مساعده يا بشمهندس كل اعضاء المنتدى مرفهيين بيدخلوا
للترفيه انا عايزه اسمع صوت الطبقه المعدومه اللى تحت الارض الطبقه اللى
احنا بمنثلهم بثقفتنا ووواعينا الطبقه اللى بدور على قوت يومها اتمنى اننا
نركز تفكرينا عليهم وازاى نقدر نوفرلهم كل احتيجاتهم ولو حتى مش هنقدر
نساعدهم نسيب اللى يقدر يساعدهم ونشجعه وندعمه ولكن فكرنا بقى سياسى بحت من غير نظره اجتماعيه وسيايه فى وقت واحد

لا لا مش ترفيه ولا حاجه اكتر من 80% من اهل العمار عندهم نت وبيقدروا يدخلوا ،،بالنسبه للطبقه اللى محتاجه مساعده فعلا وفى واحد عاوز يساعدهم

لو الدنيا كلها وقفت قصاده هايقدر يساعدهم برضه ..ده كلام مفروغ منه لا سياسه ولا غيره هايقدروا يوقفوه

اقتباس :: المنتدى موقع على الإنترنت بيسموه واقع ( إفتراضى) والمفروض إنه لما تيجى تعمل استبيان مثلا

أو تحب تعمل مناقشة وتاخد نتايج فى الآخر أو عاوز تعمل مسح لحاجة معينة أو تعرف رأى الناس وتطلع بنتيجة عمليا وعلميا صح

متبقاش معتمدة على واقع افتراضى زى المنتدى هنا لأنه مش بيمثل الواقع

أيوه : المنتدى لا يمثل الواقع

ولا حتى صورة مصغرة منه

ولولا إن المنتدى لبلدنا وإحنا من البلد ما كان بقى فيه أى صدى لأى حاجة هنا

طيب الكلام ده بناء على دراسه علميه ولا ايه ؟؟وتعقيبك على المنتدى بس ولا اى موقع الكترونى ؟

اللى فهمته انه تعميم بأن المواقع اسمها (واقع افتراضى ) طيب الاستبيانات اللى بتتعمل على النت دى بتسميها ايه ؟

البى بى سى بتعمل استفتاء دايما من قديم الازل على النت وبتبث نتائجه على المحطه بدون تغيير وبتبقى فى امور شائكه جدا عن الواقع

كذلك الفيس بوك فيه تقييم ليه هو ذاته ...

حنين تفرق ايه فى المنتدى عن الواقع ؟؟ ليكى هنا رأى وهناك رأى ؟

حتى لو كلامك مبنى على اساس علمى ...الواقع بيقول غير كده

اقتباس :: يعنى هل لو الناس هنا بتحبك كلها ده يديك هنت إن كل الناس بتحبك ؟؟

هل لو عملنا تصويت على حاجة وخدنا نتيجة ما هل النتيجة دى صح ومعبرة عن الواقع بشكل كافى؟

أعتقد لأ خاصة وإننا معظمنا مش كلنا طبعا هنا سننا متقارب وبنمثل شريحة محدودة أوى

عينه عشوائيه نتيجتها لا يعتد بيها لكن تؤخذ بعين جديه ،، غير كده

مجلس الشعب بتاعنا الاصوات كان لا تتعدى الـ 25% من الاصوات اللى مفروض تنتخب ...ليه بيأخذوا بالنتايج دى

مع انها غلط تماما

هايقلك برضه عينه عشوائيه ودى النتيجه

زائر

اقتباس :: انا عن رائى رامى لو استمر فى خدمه العمار يبقى منتهى الظلم ليه على الاقل انه لما اتبرع بالاسعاف ووفى بوعده وبدل ما كان اتبرع بقطعه الارض للدوله كان احتفظ بيها لنفسه ولاهله ولكن هو كان بيثبت حسن نيته

[quote]

وهل هو متبرع بيها علشان الانتخابات ولا علشان المصلحه العامه اللى ربنا هيجازيه خير عنها وتبقى فى ميزان حسناته

هو احنا يا أ/ مروه بنعمل الخير علشان الناس ولاعلشان ربنا

بدل ما تقولى استمر يا ا/ رامى وربنا هيبدل خير مما تنفقه فى سبيله مثل الصحابه وغيرهم

تقولى ظلم ؟؟؟

ايه الظلم اللى فيها راجل ربنا مثلا زود رزقه فكان فى عون الناس وسخر نفسه فى خدمتهم

ولا تأمريه انه يبقى شحيح وماسك على الدنيا

رد ماكنتش اتوقعه من حضرتك نهائى

[quote="أحمد صلاح هلالى"]

اقتباس :: انا عن رائى رامى لو استمر فى خدمه العمار يبقى منتهى الظلم ليه على الاقل انه لما اتبرع بالاسعاف ووفى بوعده وبدل ما كان اتبرع بقطعه الارض للدوله كان احتفظ بيها لنفسه ولاهله ولكن هو كان بيثبت حسن نيته

اقتباس :: وهل هو متبرع بيها علشان الانتخابات ولا علشان المصلحه العامه اللى ربنا هيجازيه خير عنها وتبقى فى ميزان حسناته

هو احنا يا أ/ مروه بنعمل الخير علشان الناس ولاعلشان ربنا

بدل ما تقولى استمر يا ا/ رامى وربنا هيبدل خير مما تنفقه فى سبيله مثل الصحابه وغيرهم

تقولى ظلم ؟؟؟

ايه الظلم اللى فيها راجل ربنا مثلا زود رزقه فكان فى عون الناس وسخر نفسه فى خدمتهم

ولا تأمريه انه يبقى شحيح وماسك على الدنيا

رد ماكنتش اتوقعه من حضرتك نهائى

لا يا شيخ احمد احنا بنعمل لربنا وربنا الاعلم بالنوايا بس ايه الفرق من انى اعمل لاهلى بلدى وان اعمل لبلد غريبه عنى

هو احنا لو جلنا راجل غريب فى العمار ولف على خمسين اسره وادهم مرتب شهرى وعمل وعمل رد فعلنا هيكون ايه هنشكره ونقوله ربنا يجازيك كل خير وهنجاول اننا نشجعه عشان يستمر فى عطائه لاهلنا وبلدنا

لكن مش هنروح نبحث فى ذكريات طفولته ومرهقته ونقوله انت وانت وانت

وانا بعتذر لو خانى التعبير واكيد حضرتك عارف ان كلامى مش المقصود بيه ان احبط اى عمل خيرى للعمار بالعكس انا فعلا نفسى العمار تكون مدينه ضغيره بكل مميزاتها بس مش عارفه ليه قبل كل فتره انتخابات البلد تتقسم زى ما يكون فى عقد نفسيه بنحاول نفرضها على بعض

وعلى فكره يا استاذ احمد انا واثقه ان رامى هيستمر فى مساعدته للعمار واعماله الخيريه لانه لو كان بيسمع كلام حد كان سمع كلام اهله ان محدش هيقدر اللى بيعمله ورغم كل المبالغ اللى لايتوقعه حد فهو مش ندمان عليها لان زى ما حضرتك قولت ده رزق من ربنا واكيد ربنا هيضعفله رزقه على قد نيته

بس بنحاوليش نحتوى الموقف بكل حب وتعاون وثقافه

قال النبى صلى الله عليه وسلم ( افضل الناس كل مخموم القلب صدوق اللسان )

ومخموم القلب ( التقى النقى الذى لا غل فيه ولا حقد ولا حسد ) علشااااان خاطر رمضان

ده كان كلام حضرتك فى توبيك اخر

وبعتذر مره تانيه لو خانى التعبير فى توضيح وجه نظرى

زائر

علفكره انا لا مع الراجل ولا ضدده ولا اصلا بحب السياسه

كلامى كان كلام عام ولا شايل من حد وبفش غلى فيه

انا بتكلم بوجهه عام بس مبسوط

أحمد صلاح هلالى كتب:: علفكره انا لا مع الراجل ولا ضدده ولا اصلا بحب السياسه

كلامى كان كلام عام ولا شايل من حد وبفش غلى فيه

انا بتكلم بوجهه عام بس

حضرتك فهمت كلامى لتانى مره غلط انا مش قصدى فى حضرتك كدا خالص بالعكس انا بحترمك كدا وعارفه ان رغم عصبيتك انك انسان صافى ومحبوب من كل اللى حواليك

كل الفكره انى كنت بستشهد بكلامك مش اكتر

انا اعتذرت لحضرتك كتير ودى اخر مره مبسوط

الا صحيح الخبر نزل اليوم السابع ولا لسه

بالتوفيق للجميع وربنا يولى من يصلح لهذه البلد ..... ورامى مجدى قد اختار القرار الصائب وليتنا نراه مستقبلا كنجيب ساويرس بسياساته ليس ك أ حمد عز بسلطاته . ونتيجه النموذجين معروفه للجميع .

لماذا كل هذا الجدل ولماذا النقد فقط لــ رامي دون بقية المرشحين ؟

هوا من حقة يترشح وأنت من حقق تنتخبة أو متنتخبوش

لماذا لا نستفيد نحن أهالي العمار من موسم أنتخابات مجلس الشعب ؟

هوا أية المانع مثلا لما تسيبوا مرشح يفيد البلد ونستفيد منة ومش بضرورة هوا يستفيد منا أنا مش عارف !!!!

طيب رامي مش نافع حد يقدر يقولي مين طيب من وجهة نظرة ينفع ؟

للعلم فقط أنا من أشد المعارضين لترشيح رامي ولكني أحترمت حقة في الترشيح وأرجوا من الجميع أحترام هذا الحق حتي ولو كان هناك أخطاء مقصودة أو غير مقصودة .

انا احتج

مساء الفل ياعم عمرو ..... اولا ياريسنا ماحدش سلبه حقه فى الترشح ولكن يبقى حق النقد مكفول للجميع مادام المرشح اقدم بنفسه على هذه الخطوه ووضع نفسه امام الجمهور .

ومادام لازلنا نتكلم عن عن خدمات المرشح وما سوف يقدمه واللى يدفع اكتر يكسب فأظن ان منصور عامر كان أولى با صواتنا جميعا عن غيره .

الثوره أتت لتغير جميع الافكار والثوابت فنحن لا حاجه لنا بمرشح يخلص لنا ورقه او يجيب لنا موافقه نحتاج لمشرع و سياسي محنك ليدير البلد فى

المرحله القادمه وكفانا ماقدمه مرشحى الخدمات فى طيله الاعوام السابقه .

نحن لا نشخصن المسأله لان النتيجه محسومه فى البلد ولن ينجح احد منهم .

مساء الورد حمدي باشا .....أولا: نعم النقد مكفول للجميع ولكن أنت تتحدث عن أي نقد النقد البناء أو النقد الهدام وهل مايحث حاليا لــ رامي من أي أنوع النقد في وجهة نظرك ولماذ النقد فقط لـــ رامي هل لعدم وجود مرشحين غيرة أو لأنة هوا الوحيد النشيط فيهم والمتفاعل مع الأحداث ويريد أن يعرف عن نفسة بخلاف الباقين النائمين في الذرة .

ثانيا : أنا طرحت سوال
لماذا لا نستفيد نحن أهالي العمار من موسم أنتخابات مجلس الشعب ؟
هوا أية المانع مثلا لما تسيبوا مرشح يفيد البلد ونستفيد منة ومش بضرورة هوا يستفيد منا أنا مش عارف !!!!

أنا أقصد من هذا السؤال أنة أنت لو جالك مرشح يريد أقامة بعض الأعمال المفيدة للبلد تقولة لا ونقعد نتريق علية علشان أخطاء من وجهة نظري بسيطة وغير مقصودة سيبة يعمل الي هوا عوزة وأنت أعمل برضة الي أنت عايزة ودور علي مرشح محنك غيرة ليدير البلد في المرحلة القادمة محدش هيقولك لا.

أنت تقول نحن لا نشخصن المسألة لان النتيجة محسومة في البلد ولن ينجح أحد منهم فهل هذا رأي كل أبناء العمار وأيضا أليس هذا سلب لحقوقهم في الترشيح .

في النهاية أنا أكرر أنا من أشد المعارضين لترشيح رامي ولكني أتمني أن نحترم حرية أي شخص في ممارسة حق مكفول لة دون التجريح والأستهزاء بة .

مساء الفل ياعم عمرو اتمنى تكون الصوره وضحت لك بعد مكالمتنا .....وربنا يولى من يصلح يابو نسب .

خسارة والله

» الاستاذ رامى بربش نورتنا
» طرح لمرشحى العمار فى انتخابات مجلس الشعب
» انتخابات مجلس الشعب وتكهنات حولها
» الان..برومو حلقة انتخابات مجلس الشعب
» مرسوم قانون انتخابات مجلس الشعب والشورى الجديد