الفقرا اولاٌ ---

موضوع: الفقرا اولاٌ --- السبت 18 يونيو 2011, 5:04 pm

تذكير بمساهمة فاتح الموضوع :

عادة انا مش من النوع اللى بيحب ينقل ويلزق

بس فى نوته فى الفيس بوك فى تقريبا 8 ساعات علق عليها حوالى 2000 وعملها لايك بتاع 5 الاف

[ندعوك للتسجيل في المنتدى أو التعريف بنفسك لمعاينة هذه الصورة]

ما هو أول ما يتبادر إلى ذهنك عندما ترى هذه الصورة؟

المعتاد هو انهمار سيل من تعليقات السخرية من قبيل "مين كنج الرومانسية ده؟" "مين البرنس ملك السرس؟"

.. والكثيرين جدا منا في الفيس قد رأو صورة شعبان وصباح بكل ما تستدعيه دائماً من افيهات،

بل إن هناك الآن صفحات مخصصة للضحك على صور وأفعال هؤلاء العالم البيئة السرسجية مثل هذه الصفحة

[ندعوك للتسجيل في المنتدى أو التعريف بنفسك لمعاينة هذا الرابط]

التي تجاوز عدد أعضائها الـ 23 ألف ..

المفاجأة اللطيفة المختلفة قليلاً هذه المرة أن صاحب هذه الصورة، كنج الرومانسية، البرنس ملك السرس

هو الشهيد محمد عبدالحميد برصاص الشرطة يوم جمعة الغضب عند قسم الزاوية الحمراء!

كنت أذكر نفسي وأبقي شعلة الحقد المقدس مشتعلة في قلبي بالمرور على صور الشهداء

عندما لفت نظري أن نسبة كبيرة فعلاً منهم هم من (العيال السرسجية)،

الشباب أبناء المناطق الشعبية والعشوائية الفقيرة الذين الذين تكشفهم ملابسهم الرخيصة ومحاولاتهم للتأنق

أو ادعاء الرومانسية بنظرات متأملة متشبهين بمن يرونهم في التلفزيون أو في شوارع المناطق الأرقى .. فلنشاهد معاً:

[ندعوك للتسجيل في المنتدى أو التعريف بنفسك لمعاينة هذه الصورة][img][/img][img][/img]

[ندعوك للتسجيل في المنتدى أو التعريف بنفسك لمعاينة هذه الصورة]

الشهيد احمد محمد سيد

19 سنة - وحيد أبويه على أربع بنات

هذا هو ما كتبه أحد معارفه تحت صورته:

(امه حزينه ولكل ينتظر قضاء ربنا لانها تسارع الموت وهى امنيتها الوحيده

بانها تشوف صورت ابنها فى التلفزيون واليوم كان فى تكريم للشهداء فى بنى سويف وذهب ابوه

وهو سعيد لانهم هيكرمو ابنه قالوا ليه اسم ابنك

مش معانا لاتتخيلو الصدمه والبكاء واخذا يصرخ دم ابنى راح هدر

ارجو الاهتمام لان اسره هذا الشاب فقيره جداجدا ولكن هى

لاتريد غير ان يكرمو ابنهم والناس تقول بانه دافع علشانه بروحه هذا هو مطلبهم الوحيد ارجو ان تساعونى)

[ندعوك للتسجيل في المنتدى أو التعريف بنفسك لمعاينة هذه الصورة]

شهداء شارع أبو سليمان - الاسكندرية

[ندعوك للتسجيل في المنتدى أو التعريف بنفسك لمعاينة هذه الصورة]

الشهيد سيد فرج مسعود - العائل الوحيد لأسرته

[ندعوك للتسجيل في المنتدى أو التعريف بنفسك لمعاينة هذا الرابط]

الشهيد سامح عبدالفتاح محمد

21 سنه - كليه تجاره جامعه عين شمس

قتل بالرصاص أثناء محاولته انقاذ أحد المصابين أمام قسم الحدائق

[ندعوك للتسجيل في المنتدى أو التعريف بنفسك لمعاينة هذه الصورة]

الشهيد محمود حلمى

27 سنة - الأسكندرية - خطب قبل الثورة بشهر وكان من المقرر أن يتزوج في مايو -

استشهد في ميدان المنشية برصاصة في الرأس

[ندعوك للتسجيل في المنتدى أو التعريف بنفسك لمعاينة هذه الصورة]

لزوج وزوجته استشهدا في مركز الواسطى

بمحافظة بني سويف تاركين ثلاثة أيتام

[ندعوك للتسجيل في المنتدى أو التعريف بنفسك لمعاينة هذه الصورة]

الشهيد محمود على حجاب الشويحى

23 سنة - الأسكندرية - خريج معهد ايطالى لعلوم الحاسب الالى

استشهد يوم جمعة الغضب برصاصة في الرأس

[ندعوك للتسجيل في المنتدى أو التعريف بنفسك لمعاينة هذه الصورة]

الشهيد محمد نيازي - 16 سنة - الكوم الأحمر

[ندعوك للتسجيل في المنتدى أو التعريف بنفسك لمعاينة هذه الصورة]

الشهيدمحمود خليل

23 سنة - 10عنوانه: حارة ابو زيد متفرع من شارع الصبان بالشرابية

اصيب بطلقتين يوم الجمعة 28 وتم العثور عليه بعد 3 اسابيع

[ندعوك للتسجيل في المنتدى أو التعريف بنفسك لمعاينة هذه الصورة]

الشهيد إمام كمال محمد عبد الله

أسرته فقيرة جداً ووالده متوفي وهو عائل أمه واخواته

العنوان: 2 شارع أحمد الصاوي -جزيرة دار السلام-القاهره

[ندعوك للتسجيل في المنتدى أو التعريف بنفسك لمعاينة هذه الصورة]

عبد الرحمن كمال فتحي

18 سنه - قتل برصاص الشرطة أمام قسم عين شمس

[ندعوك للتسجيل في المنتدى أو التعريف بنفسك لمعاينة هذه الصورة]

الشهيد خالد علي - دمياط

[ندعوك للتسجيل في المنتدى أو التعريف بنفسك لمعاينة هذه الصورة]

لماذا لا نرى أبداً صور أي واحد من هؤلاء وأمثالهم؟

لماذا لا يتم التركيز أبداً عند الحديث عن (شباب الثورة) أو (شهداء الثورة)

إلا على أمثالنا فئة شباب الطبقة المتوسطة/البرجوازية الصغيرة المتعلم الأنيق الذين خرج منهم شباب الائتلافات و6 أبريل؟

لماذا غاب عن تحقيق المصري اليوم التاريخي إياه الذي تحولت صور الشهداء الذين ظهروا فيه

إلى أيقونات بصرية أي صورة لأحد هؤلاء؟ هل لأنهم (بيئة) أو (سرسجية)

فلا يصح أن يكونوا من (الورد اللي فتح في جناين مصر)؟

على كل حال هم لم يهتموا طوال حياتهم بالورد، لأنهم اهتموا بالأهم: الخبز.

*****

إنا نُحِبُ الوَرد

لكنَّا نُحِبُ الخُبزَ أكثر

ونحبُ عِطْرَ الوَرد

لكن السَنَابلَ منهُ أطهَر

محمود درويش

*****

يستفزني دائماً ذلك الجدال السخيف الذي يدور من حين لآخر حول دور كل قوة سياسية

أو تنظيم شبابي في الثورة، ولا بد من الشجار حول أهمية دور 6 أبريل وحول اليوم الذي بدأ الاخوان المشاركة فيه

وهل حقاً تأخروا ثم ركبوا موجة الثورة، وما مدى دورهم يوم موقعة الجمل

وهل لو غابوا لسقط الميدان وانتهت الثورة ...الخ الخ،

لكن لا يتحدث أحد تقريباً عن الدور الأهم وهو دور (العيال السرسجية) في حماية الثورة والتصدي لقوات الشرطة

واحراق سياراتهم وأقسامهم خاصة يوم 28،مع أنه فعلاً ربما لولا هذا لما سقطت الداخلية في بضع ساعات!.

للأسف لم أحضر جمعة الغضب في القاهرة كما كنت أنتوي لاعتقالي وقتها،

لكن ابن خالتي حكى لي شهادته عن ما حدث يوم جمعة الغضب،

وبالتأكيد ما شاهده هو نموذج لما تكرر في كل مكان في مصر ..

كان قد نزل للتظاهر السلمي المعتاد مع مجموعة محدودة من أصدقاءه،

صلوا الجمعة في مسجد السيدة عائشة وبمجرد بدايتهم الهتاف انهالت عليهم قوات الأمن بالضرب وقنابل الغاز والرصاص

و.... "وأنا وأصحابي جرينا ندور على حتة نستخبى فيها،

والرصاص وقنابل الغاز دخلو بلكونات البيوت فلقينا الناس أهل المنطقة عمالين ييجو وهما بيهتفو

(***** أمك .. يا مبارك) (حكومة وسخة .. يا ولاد الوسخة) و ( ولاد الـ ****** .. باطل)،

وكل واحد نازل بسنجة ولا بمطوة واللي يطول عسكري أو ظابط يغزه،

والستات من البيوت كل واحدة منزلة سبت، كنت فاكرهم بينزلو خل طلعو بينزلو قزايز غاز

والعيال تعملها مولتوف وترمي على العربيات والعساكر، مفيش ساعتين تلاتة وكان كل العربيات ولعت والعساكر والظباط هربو والقسم اتحرق!"

صديق آخر من الجيزة حكى لي قصة مشابهة

"...قلت أنا لازم أنزل النهاردة أضرَب وأضرِب، لقيت عيال المنطقة نازلين بعد الصلاه فنزلت معاهم طلعو عيال سيس

أول ما العساكر يضربوهم وياخدو منهم كام واحد ويضربو قنابل الغاز يرجعو يجرو،

شوية ولقيت عيال الطالبية - منطقة شعبية قريبة - جايين قلت بس هما دول ..

الواد منهم يضرب الترامادول - أقراص مخدرة - وينط فوق المدرعة يجيب العسكري اللي فيها وينزل بيه!

.. شوية وعرفو يسحبو العساكر على المنطقة عندهم وفي ثواني كانو حلقو عليهم من قدام وورا والعيال من فوق السطوح

ترمي طوب ومولتوف، مفيش ساعة وكانت الداخلية كلها هربت والظباط قلعو هدومهم قبل ما يجرو ملط!"

ونفس المحتوى تقريباً حكاه د.محمد سليم العوا أمامي عن شباب شبرا الذين أتو بالعصي والمطاوي وكسر الرخام ليدافعوا

عن مرافقيه من شباب مدينة نصر عند مدخل التحرير من ناحية فندق هيلتون رمسيس

.. وهناك من حكى لي أيضاً عن مشاركة أبناء شبرا والدويقة في الدفاع عن الميدان يوم موقعة الجمل.

هؤلاء لم يخرجوا ليطالبوا بالدستور - سواء كان أولاً أم آخراً- ولا بالانتخابات،

لم يخرجوا لتكون مصر ليبرالية أو مدنية أو إسلامية أو مهلبية! ..

خرجوا فقط للأسباب التي تلمس واقعهم .. أسعار الطعام والملابس والمساكن التي ترتفع بجنون،

أمين الشرطة الذي يوقف ميكروباص أخيه ليسرق منه خمسين جنيهاً،

الضابط الذي أخذه تحري وعذبه لأيام بلا ذنب، أخته التي لا يملك نقوداً (ليجهزها)،

عمه الذي تم تسريحه معاش مبكر بعد خصخصة المصنع، ابن عمه الذي خسر كل شيء في أراضي شباب الخريجين

التي مات فيها الزرع عطشاً بعد تفضيل أراضي الكبار،

خالته التي ماتت بالسرطان ولم يجدوا لها سريراً في المستشفى الحكومي ...الخ الخ الخ

في مشهد يلخص كل شيء في هذا الفيديو

- عند 5:50 -الذي يصور حرق قسم السيدة زينب يطلب مصور الفيديو -

الذي يبدو من صوته وأسلوب كلامه أنه من الطبقة المتوسطة المتعلمة -

من أحد الشباب الذي يبدو أنه ابن المنطقة الشعبية أن "ياخد باله من ضرب النار"

فكان رده التلقائي "عادي .. خلاص معادتش فارقة أموت ولا ماموتش"

.. لم يقل له "كله يهون عشان مصر" أو "أموت شهيد فداء الاسلام"

.. لا تنظير أو (كلام كبير) من أي نوع، ليس الوطن أو الدين أو حتى الكرامة ..

فقط الشعور العدمي بأن حياته بهذا الوضع البائس لا تختلف كثيراً عن موته ..

هل كان يتصور أنه سيأتي يوم يقول فيه البعض أن عدم وضع الدستور

أولاً هو خيانة لدماء الشهداء، ليرد عليهم فريق (الانتخابات أولاً) بأننا نحن أكثر من قدم الدماء والتضحيات دفاعاً عن الثورة؟!

*****

الحق أقول لكم:

لا حق لحى إن ضاعت

فى الأرض حقوق الأموات

لاحق لميت إن يهتك

عرض الكلمات !

وإذا كان عذاب الموتى

أصبح سلعة

أو أحجبه أو أيقونه

أو إعلانا أو نيشانا

فعلى العصر اللعنة،

والطوفان قريب !

الأبطال

بمعنى الكلمة

ماتوا لم ينتظروا كلمه

مادار بخلد الواحد منهم

- حين استشهد -

أن الإستشهاد بطوله

أو حتى أن يعطى شيئاً

للجيل القادم من بعده

فهو شهيد لا متفلسف

ماذا يتمنى أن يأخذ

من أعطى آخر ما يملك

فى سورة غضب أو حب ؟!

نجيب سرور

*****

بالنسبة لهؤلاء - الممثلين لـ 40 % من المصريين تحت خط الفقر، منهم 12 مليوناً

يعيشون في العشوائيات و 1,5 مليون يعيشون في المقابر -

كل الصراع حول الدستور والانتخابات ونظام حكم البلد عبارة عن كلام جرايد

لا يمثل أي شيء إلا بقدر تأثيره المباشر جداً على فرص عملهم ورواتبهم وظروف معيشتهم، وهو ما لا يبدو أن أي

من الفرق المتصارعة يهتم به فعلياً، والنتيجة أن قطاعاً كبيراً جداً من الناس يشتمون الآن الثورة والثوار

والسياسيين جميعاً بعد ارتفاع أسعار كل السلع تقريباً هذه الأيام - وهو ما شكل خيبة أمل كبرى

عند عامةالشعب الذي ظن أن الأسعار إن لم تنخفض فستثبت -

وبعد المزيد من انسداد سبل الرزق، على حد تعبير سائق الميكروباص الذي نقلت عنه

في تدوينتي السابقة "والله فيه ناس تعبانة وأغلب من الغلب مش لاقيين ياكلو والعشرة جنيه

تفرق معاهم بس انتو مش عارفين .. أنا راجل أعرف أجيب القرش لكن الناس الكبيرة

اللي عدا الستين سبعين سنة ومش بيشتغل وعايز يجيب دوا يعمل ايه؟ ..

وفيه ناس كانو عايشين أرزقيه على باب الله دلوقتي بعد الثورة - أستغفر الله العظيم - حتى باب الله معادوش لاقيينه!"

لم نسمع صوتاً لأحد من (النخبة) معترضاً على ارتفاع الأسعار ..

من قلبوا الدنيا عند إشاعة تعرض ناشطة للضرب لم نسمع لهم صوتاً للتضامن

مع معتصمي مخيمات مدينة السلام، بل ربما أدانهم البعض فهم أصحاب (مطالب فئوية) ..

كان عليهم أن يخرسوا وينتظروا في الشارع أو عشش الصفيح إلى أن ننهي خلافتنا الأهم من تفاهاتهم!

في التسعينات كان أردوغان يحضر مؤتمراً لممثلي المنظمات الإسلامية،

وبدلاً من أن يقول أنه سيعمل على (تطبيق الشريعة) أو (نشر الروح الاسلامية في النسيج المجتمعي)

قال لهم أنه سيعمل على حل مشكلة الصرف الصحي في اسطانبول، ليضج الحاضرون بالضحك!

لكن هذا فقط ما أوصله وأوصل تركيا بالتبعية إلى ما هم عليه الآن،

لا ينتخب الأتراك حزبه لأنه إسلامي بل لأنه من أثبت قدرته على حل مشاكلهم اليومية الواقعية ..

ليس لدينا أردوغان مصري حتى الآن للأسف ...

لدينا فقط العواجيز النخبويون المملون الذين مازالوا غارقين في تنظيرات

(إسلامية/علمانية) و (الدستور أولاً/الانتخابات أولاً)، ولهم جميعاً أقول:

الفقراء أولاً

وللتوضيح ردي على الرد السابق لكلامي لا على موضوع الفقرا أولاً

محمدعبدالرحمن كتب:: وللتوضيح ردي على الرد السابق لكلامي لا على موضوع الفقرا أولاً

انا فاهم وعشان كدا رديت على حضرتك انتا خدت موضوع الجروب بشكل شخصى طغى على تقييمك للموضوع انا كان نفسى تتجاهل تمام موضوع الجروب وترد ع المحتوى وتبدى رأيك كفرد عادى لا ينتمى لاى جروب

KAREM كتب:

محمدعبدالرحمن كتب:: وللتوضيح ردي على الرد السابق لكلامي لا على موضوع الفقرا أولاً

انا
فاهم وعشان كدا رديت على حضرتك انتا خدت موضوع الجروب بشكل شخصى طغى على
تقييمك للموضوع انا كان نفسى تتجاهل تمام موضوع الجروب وترد ع المحتوى
وتبدى رأيك كفرد عادى لا ينتمى لاى جروب

خلي اللي في نفسك لنفسك وإعملوا يا عم كريم

ومن حقي أن أرد على الجزئية التي أريدها وده خيار شخصي بحت

مسألة بشكل شخصي وطغى على تقييمي أرجع وأقولك انا مبقيمش الكلام لتاني مرة

وحكمك على رأيي مجروح لأنك خارج الموضوع أساساً

انا داخل لنقطة محددة وللعضوية الرمزية مش لحد تاني ومش طرف في الجدل الذي تحدث عنه الأخ رؤية جديدة

وكلامي موجه له وليس لك ولو سمحت تحترم ده

رؤية جديدة كتب:: الناس لسه بتتكلم على
الاشكال الضالة اللى عند مجلس الوزرا ويطلعو صور ويقولك دول شكل ثوار
!!!!!!!!!!!!!!!!!!!!
احب اقوله ايوه هما دول الثوار هما دول اللى اشكالهم مش عجباك
هما دول اللى اشكالهم زى اشكال الناس اللى فوق دى
هما برده اللى اشكالهم خليتك تعمل جروب (شباب العمار المؤيدين للتيار الاسلامى )
هما دول اللى بجد احسن منى ومنك على الاقل مش مستخبين ورا كيبورد ولا قاعدين مرحرحين بيقولو ده ثوار وده مش ثوار
ولو حتى ياخى شكلهم مش عاجبك على الاقل دول بنى ادمين حتى حرام قتلهم ماهما عملو
دى حرمت الدم اكتر من حرمة الكعبة
وانته فى جروب زى دى احترم على الاقل اسمها و تخلق باخلاقها
احنا بجد فى ازمه اللى هايقول كلمه حلوه يقولها مش هايقول يقفل بقه ويسكت

محمدعبدالرحمن كتب:: تتكلم من عضوية رمزية وبترد على حد مذكرتش إسموا في موضوع مذكرتش هو إيه

كلام غامض وغريب ومش مفهوم للقارئ العادي أو لواحد زيي في الجروب اللي ذكرته

لو الهدف الشخص كان أولى الكلام يبقى في رسالة ليه

لو الهدف الناس يبقى لازم يبقى في توضيح

لشخصك الأول

ثم للموضوع

ثم لحوارك مع مين

وإلا إسمحلي الحوار مش مركب معنى

!!!!!!

أرجو أن أسمع رداً من الأخ الفاضل رؤية جديدة على أسألتي

شوف يا استاذ محمد
فى الجروب فى عضو جايب كذا صورة لناس اشكالها (غلط ) من وجهة نظره
وبيقول هما دول الثوار اللى عند مجلس الوزرا وهما دول عيينة البنات الموجوده
فحبيت افكره انهما دول برده اكتر ناس ماتت وكان بيقصودو يموتهم علشان برده يقولو بلطجية
عموما
اللى اختار انه يسكت ده حقه بس ياريت يسكت خالص بقى
ثانى حاجه العضويه الرمزيه دى حريتى انا وموضوع يتعلق بيا انا لوحدى

رؤية جديدة كتب:: شوف يا استاذ محمد
فى الجروب فى عضو جايب كذا صورة لناس اشكالها (غلط ) من وجهة نظره
وبيقول هما دول الثوار اللى عند مجلس الوزرا وهما دول عيينة البنات الموجوده
فحبيت افكره انهما دول برده اكتر ناس ماتت وكان بيقصودو يموتهم علشان برده يقولو بلطجية
عموما
اللى اختار انه يسكت ده حقه بس ياريت يسكت خالص بقى
ثانى حاجه العضويه الرمزيه دى حريتى انا وموضوع يتعلق بيا انا لوحدى

شوف يا سيدي

الأصل إن اللي في الجروب يترد عليه في الجروب

ثانياً حضرتك مسألة يسكت ويتكلم لا أنا ولا إنت من حقنا نقولها ولا نصادر حرية حد إنو يقول اللي هو عاوزو

رغم إني مختلف معاه زيك بالظبط لكن إسمحلي كلاموا أو سكوتوا مش بتاعتك ولا بتاعتي

مش لمجرد عرضه لرأي مخالف لرأيك يبقى نعمل فيها قيمين على الناس ونقول يتكلم أو يسكت

عموماً حقك فعلاً تعمل العضوية اللي تحبها

لكن ببساطة لما حضرتك تعمل جلب لموضوع من مكان لمكان

عن حد معين يبقى من حقي أسألك إنت مين وهوا مين وإيه الموضوع

وإلا يبقى إسقاطك مش حيادي ومش واضح

وأظن سمة الحوار الراقي الوضوح

وأظن إنك بين الرد في الجروب أو مكالمتوا على الخاص

لأني لا أظن إنو لما يعجبك حاجة في الجروب هتجبلبها هنا وتشكر فيها

ولو دي بقت طريقتنا يبقى هرفع حاجة في جروب الفيس وأستنى الرد في منتدى شباب العمار

وده أمر مش طبيعي ولا منطقي

هو يا استاذ محمد المشكله عندك ان الكلام ده فى الجروب ولا مش فى الجروب
طيب
لسبب بسيط انا مش عضو فى الجروب
ثانيا يسكت لان ده الطبيعى زى ماناس كتير عملت عندكو فى الجروب وانا محترم ده جدا
الفكرة بقى لما تكون المشكلة من وجهة نظرك هو الكلام ده هنا ليه ومش هناك ليه
وكان الاولى زى مانته متفق معايا ان الكلام ده مش طبيعى كنت ترد وتقول لا مينفعش يتقال كلام زى ده
مش ترد بعد ماقريت الكلام هنا وفى بوست والتانى لا
وانته جاى تكلمنى انته مين ومفروض ومش مفروض
ومش مسألة اختلاف فى الرأى دى مسألة احتقار لبنى ادمين حتى لو لوكانو بلطجيه مايتصوروش بالشكله ده فى جروب يقال ليها جروب اسلامى
يبقى كل مايتضمنها المفترض انه يحمل طابع اسلامى
وعلشان ميتفهمش كلامى ان ضد الجروب بالعكس بس الفكرة زى ماقيل الكفر في العالم يقع نصف أوزاره على متدينين بغضوا الله إلى خلقه بسوء كلامهم أو سوء صنيعهم

رؤية جديدة كتب:: هو يا استاذ محمد المشكله عندك ان الكلام ده فى الجروب ولا مش فى الجروب
طيب
لسبب بسيط انا مش عضو فى الجروب
ثانيا يسكت لان ده الطبيعى زى ماناس كتير عملت عندكو فى الجروب وانا محترم ده جدا
الفكرة بقى لما تكون المشكلة من وجهة نظرك هو الكلام ده هنا ليه ومش هناك ليه
وكان الاولى زى مانته متفق معايا ان الكلام ده مش طبيعى كنت ترد وتقول لا مينفعش يتقال كلام زى ده
مش ترد بعد ماقريت الكلام هنا وفى بوست والتانى لا
وانته جاى تكلمنى انته مين ومفروض ومش مفروض
ومش مسألة اختلاف فى الرأى دى مسألة احتقار لبنى ادمين حتى لو لوكانو بلطجيه مايتصوروش بالشكله ده فى جروب يقال ليها جروب اسلامى
يبقى كل مايتضمنها المفترض انه يحمل طابع اسلامى
وعلشان ميتفهمش كلامى ان ضد الجروب بالعكس بس الفكرة زى ماقيل الكفر في العالم يقع نصف أوزاره على متدينين بغضوا الله إلى خلقه بسوء كلامهم أو سوء صنيعهم

أولاً انا معنديش مشاكل خالص المشكلة عندك وفي طرحك

ثانياً يشرفني متابعة الناس من خارج الجروب وده علامة جيدة ويشرفني أكتر دخولهم وردهم مباشرة

ثالثاً برضو لو قال إيه مش من حقك تسكتوا ولا حتى تقول كدة لأن حق الرد مكفول ليك في مكان الحدث

ومن إرتضى السكوت ده حقوا ومن إرتضى الرد برضو حقوا وأحترم وجهة نظروا حتى لو مختلف معاه

رابعاً: ترد في مكان الشخص مش موجود فيه أصلاً فتثير علامات إستفهام حول الغرض من كلامك

خامساً انا قولت أختلف معه فقط وهجومك بإني رديت لأن حصل رد كلام برضوا إسلوب غير مناسب في الحوار

وفوقية منك ملهاش مقومات وليس لإتهامك وزن عندي لأرد عليه

ردي ورد باقي المديرين على الخوض في هذا الأمر بشكل عام بالذات موجود ومثبت بالوقت

سادساً بالأصول طبعاً أقولك المفروض

لو هترد ترد في نفس المكان أو في رسالة للرجل

أو تعرف نفسك وتعرفوا لو رديت على العام في مكان جديد علشان أقدر أحترم طرحك

وكمان ترد في مكان هو معاك فيه مش في وادي آخر والشخص ده ميقدرش يرد عليك

مسألة نقدك للجروب الإسلامي وهي بيت قصيد موضوعك وقولك:

مايتصوروش بالشكله ده فى جروب يقال ليها جروب اسلامى )
يبقى كل مايتضمنها المفترض انه يحمل طابع اسلامى(

ده رأيك الخاص ولا ينسحب على أحد واللي يعرض يعرض ونرد بشكل محترم وفي نفس المكان وبلا فوقية ولا إستعلاء

ولا سحب للحوار من مكانه وعرض تصورات من عندنا لشكل جروب يبقى إزاي

لقد تم تفهم الامر يا أ/محمد حصل خير ياباشا

تمن فتح الموضوع بعد فلترة اغلب ردوده ............ارجو الالتزام بادب الحوار وااخلاق اولا وشمول الردود عما تم عرضه في موضوع الفقرا اولا وعمل مواضيع منفصلة ومستقلة لمناقشة امور اخري ومواضيع اخري غير موضوع الفقرا اولا.... شكرا لتعاونكم وتفهمكم موقفنا

رؤية جديده نود معرفتك
انت شخص يشرفنا جميعا معرفته علي العلن
وادرك ان رمزية الاسم تكون مطلوبة للتأكيد علي المحتوي والرسالة
لكن يسعدنا اكثر التعرف عليك اعتقد يسعد الاستاذ محمد نفسه ان يعرفك شخصيا ويسعدني كذلك

أكيد يا م/أحمد يسعدني ذلك

والخلاف هنا محدود ولا يؤثر على فترة نقاش طويلة سادها الإحترام والود مع الجميع

دمتم بود جميعا نتراحم فيما بيننا ونعذر بعضنا