حيره شديده ،، ماذا تفعل لو كنت مكانى ؟؟

محتاره جدا ،، الى مترشحين للرياسه حاليا

البرادعى ، موسى ، العوا ، و و و و

انا اقتنعت بالبرادعى لفتره طلع عليه كلام ع الفيس وبالمستندات

وقرأت عنه واتناقشت مع ناس كتير ف الموضوع دا

وكنت وقتها بفكر برضو ف موسى ،، عجبنى فكره وقيادته للامور

وطبعا زى ما حصل مع البرادعى لقيت اليوم السابع

وكومنتات كتير ع الفيس ضد موسى بكل الاشكال والصور ،، مش كدا وبس

من يومين كانو بيتكلموا عن العوا بجد الكلام عجبنى جدا وف وقتها قومت من القاعده

وبحثت عنه ف النت وفضلت ساعتين اقرأ ،، وبعدها اكلم دكتور عندى ف الكليه

الاقيه بيقولى كلام ضد العوا ومتفق مع البرادعى

دكتور كمان يقولى العوا انسان محترم لكن موسى هيظبط كفة الامور ..

طيب ماذا تفعل لو كنت مكانى ؟؟!!

بجد محتاره ومشتته لدرجه انى ساعات بختار وبتبع فكر اى شخص من الاشخاص دى

والاقى كلام مضاد تانى يوم عليه !! العيب دا فيا انى مش بتمسك برأيي ،،

ولا العيب فين بالظبط علشان اتلاشاه وافكر صح ..

طيب ما انا هعمل ايه ،، انا عايزه اختار الاصلح ؟؟ هل من جيب ..

انا مع سياده المستشار مبسوط

سديهيه لكل مواطن يا خرابي

من وجهه نظرى الشخصيه انى لسه مظهرش اللى انا هنتخبه

دول كلاهم بيشروا غسيلهم قدامنا وهى مصلحه عشان نعرف مين فيهم الحلو ومين الوحش

وان كنت ف الاول برشح حمدين والبسطويسى بس ادينا بنتفرج وبنسمع لحد مانقرر

رأيك يحترم ،، يا سلام بقى لو اعضاء العيار التقيل يردوا عليا ويناقشونى ،، منتظره

لعلهم يرون الموضوع ويفيدونى ،، منور يا أخ زيكو ..

لسة شايف الموضوع دلوقتي

بصراحة هقولك بعمل إيه

بعد الثورة الدنيا إتفتحت على البحري والكل داخل سياسة

كل التيارات

وإحنا مجرد مستقبلين لحد ما تييجي الإنتخابات ونختار

اللي عليا إني أفتح دماغي للكل وأصفر العداد مع الكل ونسيت الأفكار السيئة التي زرعها النظام السابق في رؤسنا

إلا حاجات تمس الفكر والمعتقد خدت بالي منها وبراجعها

دلوقتي كل التيارات وكل المرشحين بيعرضوا نفسهم وفكرهم علينا

وانا ليا مبادئ معينة هي معايير إختياري وأكيد كل واحد ليه معاييروا اللي ربنا هيسألوا عليها

نسمع الكل ونقيم الكل وناخد قرارنا

والمنتديات المحترمة زي منتدانا بيحصل فيها نقاشات على التيارات والمرشحين

بتبقى فرصة كويسة لتبادل الأفكار ومعرفة الحقائق

مع العلم أننا لن نتفق بالكلية على أحد

الحاصل سيكون في أقصاه إجماع لتيارات أو أفكار متشابهة خلف مرشح يعبر عنهم

وفي الآخر كل واحد متابع اللي بيحصل يقدر من خلال ذلك فرز المرشحين والأفكار والتيارات وحسب رؤيته

وقرارو الحر اللي برضو ربنا هيسألوا عليه يرشح من يراه الأفضل

صلي ع النبي الاول يافندم وخدي نفس عميق ويلا بينا نتكلم :
تعالي بينا نتفق اولا علي ان دورك كمواطنة مصرية في هذا الوقت هو مساعدة الجيد ومساندته ووصوله للحكم او مجلسي الشعب والشوري الي جانب وقوفك مانع امام من لا يصلح .
اتخاذ قرارك يتوقف علي استقراء عميق منك الي جانب استعادة المخزون الفكري والثقافي بتاعك كل هذا من اجل اتخاذ قرار من اجل اختيار مستقبلي.
لابد من رسم شجرة اتخاذ قرار خاصة بيكي ولابد من النظر اولا للاساسيات التي لابد ان تتوفر اولا ثم التفضيل بينهم في المميزات فرئاسة الجمهورية هي وظيفة ولها متطلبات وتحتاج الي مهارات.
ركزي علي مميزات كل من تقدم اولا دون النظر للعيوب اولا.
انتي الان تقفي في مرحلة تذوق الطعام فتذوقي كل وجبة جيدا واعطيها حقها حتي يصدر قرار داخلي عادل.
التأني في الاختيار فدائما الحديث عن واقع هو اصدق حديث بمعني لو اختارنا فلان وفي نهاية المطاف لم يتقدم رسميا للانتخابات فماذا فعلنا شغلنا حاضرنا بالحديث عن مستقبلنا فلم نعش حاضرنا ولم نفكر صح في مستقبلنا.
اذا جلسنا سويا نتناقش سوف اقنع الجميع بانهم كلهم يصلحون وايضا استطيع ان اقنع الجميع بانهم كلهم لا يصلحون الفكرة في من يتحدث اليكي يعني خدي الاراء كلها من ثقافات مختلفة وجمعيها في عقلك وعبري عن رأيك من منظور فكرك ولا تدعي اصحاب الخبرات والمؤهلات العلمية والاصدقاء هم من يدفعوكي لاختيار بل اجعليهم جزء يشكل خبرتك ويشكل جزء في حسن الاختيار.
زيتونة الموضوع : لسه بدري يا اسماء ولو مهتمة بجد لازم تتابعي الاخبار بجد علشان لايحدث ما لايحمد عقباه

لابد أن ننتظر لنرى ما ستظهره الأيام
مازال في الوقت متسع حتى تأتي انتخابات الرئاسة
وهناك الكثير ممن يريد الترشح للرئاسة
فربما يظهر رجلا جديدا يكون أفضل من الجميع ونتفق عليه جميعا
فلا داعي للحيرة الآن
اختلاف الرأي لايفسد للود قضية
تقبلوا مروري

محمدعبدالرحمن كتب:: لسة شايف الموضوع دلوقتي

بصراحة هقولك بعمل إيه

بعد الثورة الدنيا إتفتحت على البحري والكل داخل سياسة

كل التيارات

وإحنا مجرد مستقبلين لحد ما تييجي الإنتخابات ونختار

اللي عليا إني أفتح دماغي للكل وأصفر العداد مع الكل ونسيت الأفكار السيئة التي زرعها النظام السابق في رؤسنا

إلا حاجات تمس الفكر والمعتقد خدت بالي منها وبراجعها

دلوقتي كل التيارات وكل المرشحين بيعرضوا نفسهم وفكرهم علينا

وانا ليا مبادئ معينة هي معايير إختياري وأكيد كل واحد ليه معاييروا اللي ربنا هيسألوا عليها

نسمع الكل ونقيم الكل وناخد قرارنا

والمنتديات المحترمة زي منتدانا بيحصل فيها نقاشات على التيارات والمرشحين

بتبقى فرصة كويسة لتبادل الأفكار ومعرفة الحقائق

مع العلم أننا لن نتفق بالكلية على أحد

الحاصل سيكون في أقصاه إجماع لتيارات أو أفكار متشابهة خلف مرشح يعبر عنهم

وفي الآخر كل واحد متابع اللي بيحصل يقدر من خلال ذلك فرز المرشحين والأفكار والتيارات وحسب رؤيته

وقرارو الحر اللي برضو ربنا هيسألوا عليه يرشح من يراه الأفضل

شكرا جزيلا ع الاستجابه والاهتمام أ/محمد ،، ربنا يجازيك خير

ورأيك هادى ويحترم ،، وبجد استفدت .. شكرا

muhamad yusif allam كتب:: صلي ع النبي الاول يافندم وخدي نفس عميق ويلا بينا نتكلم :
تعالي بينا نتفق اولا علي ان دورك كمواطنة مصرية في هذا الوقت هو مساعدة الجيد ومساندته ووصوله للحكم او مجلسي الشعب والشوري الي جانب وقوفك مانع امام من لا يصلح .
اتخاذ قرارك يتوقف علي استقراء عميق منك الي جانب استعادة المخزون الفكري والثقافي بتاعك كل هذا من اجل اتخاذ قرار من اجل اختيار مستقبلي.
لابد من رسم شجرة اتخاذ قرار خاصة بيكي ولابد من النظر اولا للاساسيات التي لابد ان تتوفر اولا ثم التفضيل بينهم في المميزات فرئاسة الجمهورية هي وظيفة ولها متطلبات وتحتاج الي مهارات.
ركزي علي مميزات كل من تقدم اولا دون النظر للعيوب اولا.
انتي الان تقفي في مرحلة تذوق الطعام فتذوقي كل وجبة جيدا واعطيها حقها حتي يصدر قرار داخلي عادل.
التأني في الاختيار فدائما الحديث عن واقع هو اصدق حديث بمعني لو اختارنا فلان وفي نهاية المطاف لم يتقدم رسميا للانتخابات فماذا فعلنا شغلنا حاضرنا بالحديث عن مستقبلنا فلم نعش حاضرنا ولم نفكر صح في مستقبلنا.
اذا جلسنا سويا نتناقش سوف اقنع الجميع بانهم كلهم يصلحون وايضا استطيع ان اقنع الجميع بانهم كلهم لا يصلحون الفكرة في من يتحدث اليكي يعني خدي الاراء كلها من ثقافات مختلفة وجمعيها في عقلك وعبري عن رأيك من منظور فكرك ولا تدعي اصحاب الخبرات والمؤهلات العلمية والاصدقاء هم من يدفعوكي لاختيار بل اجعليهم جزء يشكل خبرتك ويشكل جزء في حسن الاختيار.
زيتونة الموضوع : لسه بدري يا اسماء ولو مهتمة بجد لازم تتابعي الاخبار بجد علشان لايحدث ما لايحمد عقباه

عليه الصلاة والسلام ،، فعلا دورى حاليا هو مساندة الصالح والوقوف ضد من لا يصلح ودا الحمد لله بعرف اعمله ف وجهة نظرى

بس اكيد كل يوم بتعلم ازاى اعمل كدا كويس ومن غير الانحياز لاى فكر غير فكر أسماء محيى فقط ..

والله انا الفتره الى فاتت من ساعة الثروه وانا مركزه جدا مع كل الاحداث وبسجل كل حاجه ف اجنده خاصه بيا بأسلوبى

موجود فيها كل الاحداث الى حصلت من 25 يناير لغاية ردى دا ،، وبجد قبل كدا مكنش ليا اهتمام كبير

بالسياسه ومتابعتها لكن من ساعة الثوره والحاله الفكريه بتاعتى اتغيرت ..

معاك لازم الواحد يرسم متطلباته ايه ف مهنة الرئيس او مهامه والحاجات دى ،، ودى من وجهة نظرى كفيله بالاختيار ..

التركيز ع المميزات اولا وليس العيوب اولا ،، أكتر كلمه عجبتنى ..

وفعلا لازم نشاهد دون الوقوف عند شخص معين حاليا وبعدها نفاجئ بالانسحاب ،، تمام جدا بجد ..

وانا مش بنساق ورا فكر قريبى او دكتورى او او او انا بمشى ورا دماغى دايما ،، المشكله ان الفتره دى المشى ورا الدماغ بتاعة الواحد

بقى مجهد اوى ،، لانك كل ما تقول الشخص دا كويس ف 1 و 2 و 3 ومش كويس ف 1 و 2 و 3

تلاقى واحد بيعكس الكلام والواحد دا افقه منى ف السياسه 1000 مره ،، وهكذا بقى ف كل المرشحين ،، بس فعلا زى ما انت قولت يا محمد

انى اسمع واقرأ واجمع داتا للمعلومات عن كل حاجه بتحصل وعن المرشحين الحاليين ،،

وف الاخر هقدر اميز مين الى يصلح ومين الى مش يصلح ..

حاضر هتابع ،، وربنا يولى من يصلح ..

بجد شكرا يا محمد استفدت بشكل كبير واستمتعت جدا بالمناقشه دى ،، تانى مره شكرا ..

محمود شاهين كتب:: لابد أن ننتظر لنرى ما ستظهره الأيام
مازال في الوقت متسع حتى تأتي انتخابات الرئاسة
وهناك الكثير ممن يريد الترشح للرئاسة
فربما يظهر رجلا جديدا يكون أفضل من الجميع ونتفق عليه جميعا
فلا داعي للحيرة الآن
اختلاف الرأي لايفسد للود قضية
تقبلوا مروري

فعلا مازالت هناك فتره كبيره ،، وعلينا التمهل ..

رأيك يحترم وشكرا لمرور حضرتك ..

مش مهم هنرشح مين

المهم المبدأ والاساس اللى هنختار عليه ايه ؟؟

وايه هى اهدافك وافكارك اللى نفسك اللى تختاره ينفذها ويحققها

المشكله والحيره فعلا اننا مكثنا على مدى نص قرن من الزمان

ندرس الحضاره الغربيه والدين على انه شئ هامشى

فاللى بيطلع معندوش اساس دينى

ممكن نقول على مرشح دا كويس وانه وطنى واول ما يمسك الرئاسه

على قدر وطنيته على قدر ما بنهب من البلد

والمشكله الحقيقه فى فتنة السلطه والمال والجاه اللى بيتعرض ليها رئيس الدوله

فلو هو معندوش قدر من الايمان ومن العقيده تدفع اغراءات الشيطان له ولفتنة

السلطه والمال والمنصب هضيع وهيبقى زيه زى اللى ضحى لاجل وطنه لاجل ما يعود النهار

( محمد حسنى مبارك) ما كان وطنى وبيحب البلد وحارب من اجلها وراجل سياسى وراجل جيش

فكل دا ملوش لازمه ادام الفتن واغراءات الشيطان

المهم انه يبقى رجل يعرف ربنا يرى عليه علامات الصلاح والتقوى اينعم احنا

مطلعناش على الغيبيات علشان نعرف دا كويس ولا لاء ولكن هناك علامات بتظهر

وعن نفسى هقارن بين كل المرشحين واشوف مين اللى ناوى يعمل بشرع الله ومين

اللى عنده اكبر قدر من الايمان ومين اللى ربنا مش هيحاسنى علشان انتخبته

ولحد دلوقتى اكتر واحد طلع هو الدكتور حازم من وجهة نظرى الضعيفه ويمكن بكره يطلع من هو

افضل منه هختاره

هذيان:-

المؤسسات أهم وأولى من التفكير في الأشخاص أياً كانت مواقعهم؛

إذا نجحت مصر في بناء مؤسسات قوية على أسس راسخة ستمثل الضمانة الأساسية لكبح جماح

أي طاغية محتمل أو ظالم متوقع.

وإذا لم تنجح فإن العبرة التي تصرخ بها أحداث الثورة في وجه الجميع أن:-

الشعب موجود "حي"/ فاعل رقيب ولن يسكت مجدداً لفترات طويلة.

عن نفسي لا أرى أهمية لوجود منصب الرئاسة؛ وهذا رأي غير سياسي؛ ولكنه حلم - والحلم

من الشيطان - أرى فيه المجتمعات تتطور - كما فعلت طوال التاريخ - للتجاوز مرحلة

الدولة القومية إلى درجة أعلى وأرقى من التنظيم السياسي والاجتماعي.

ابو حذيفه السلفى كتب:: مش مهم هنرشح مين

المهم المبدأ والاساس اللى هنختار عليه ايه ؟؟

وايه هى اهدافك وافكارك اللى نفسك اللى تختاره ينفذها ويحققها

المشكله والحيره فعلا اننا مكثنا على مدى نص قرن من الزمان

ندرس الحضاره الغربيه والدين على انه شئ هامشى

فاللى بيطلع معندوش اساس دينى

ممكن نقول على مرشح دا كويس وانه وطنى واول ما يمسك الرئاسه

على قدر وطنيته على قدر ما بنهب من البلد

والمشكله الحقيقه فى فتنة السلطه والمال والجاه اللى بيتعرض ليها رئيس الدوله

فلو هو معندوش قدر من الايمان ومن العقيده تدفع اغراءات الشيطان له ولفتنة

السلطه والمال والمنصب هضيع وهيبقى زيه زى اللى ضحى لاجل وطنه لاجل ما يعود النهار

( محمد حسنى مبارك) ما كان وطنى وبيحب البلد وحارب من اجلها وراجل سياسى وراجل جيش

فكل دا ملوش لازمه ادام الفتن واغراءات الشيطان

المهم انه يبقى رجل يعرف ربنا يرى عليه علامات الصلاح والتقوى اينعم احنا

مطلعناش على الغيبيات علشان نعرف دا كويس ولا لاء ولكن هناك علامات بتظهر

وعن نفسى هقارن بين كل المرشحين واشوف مين اللى ناوى يعمل بشرع الله ومين

اللى عنده اكبر قدر من الايمان ومين اللى ربنا مش هيحاسنى علشان انتخبته

ولحد دلوقتى اكتر واحد طلع هو الدكتور حازم من وجهة نظرى الضعيفه ويمكن بكره يطلع من هو

افضل منه هختاره

شكرا لمرورك ،، وربنا يجازيك خير ..

عبد الغني عبده كتب:: هذيان:-

المؤسسات أهم وأولى من التفكير في الأشخاص أياً كانت مواقعهم؛

إذا نجحت مصر في بناء مؤسسات قوية على أسس راسخة ستمثل الضمانة الأساسية لكبح جماح

أي طاغية محتمل أو ظالم متوقع.

وإذا لم تنجح فإن العبرة التي تصرخ بها أحداث الثورة في وجه الجميع أن:-

الشعب موجود "حي"/ فاعل رقيب ولن يسكت مجدداً لفترات طويلة.

عن نفسي لا أرى أهمية لوجود منصب الرئاسة؛ وهذا رأي غير سياسي؛ ولكنه حلم - والحلم

من الشيطان - أرى فيه المجتمعات تتطور - كما فعلت طوال التاريخ - للتجاوز مرحلة

الدولة القومية إلى درجة أعلى وأرقى من التنظيم السياسي والاجتماعي.

معلش بقى يا عمو انا بس مش فاهمه بعض كلمات الى حضرتك قولتها زى مثلا هذيان ؟؟

وكمان حكاية رئيس الجمهوريه من عدمه دى !! ازاى طيب ؟؟

فأنا برشح الدكتور العوا او حازم صلاح ابو اسماعيل

_ايهما سيبقى_فنحن نحتاج من يتق الله فينا وثرواتنا

من لا يغره الشيطان ببخس الفضه

لا ضمانا مني للغيب وحاشا لله

بل من باب التسديد والمقاربه

موضوع فعلا من على باب مصر

(لله درك وصديقاتك عنقود المستنيرات في العمار وأفتخر)

احمد محيي عبد العاطي كتب:: [color=darkred
[/color]
اما موضوع الرئيس القادم

فأنا برشح الدكتور العوا او حازم صلاح ابو اسماعيل

_ايهما سيبقى_فنحن نحتاج من يتق الله فينا وثرواتنا

من لا يغره الشيطان ببخس الفضه

لا ضمانا مني للغيب وحاشا لله

بل من باب التسديد والمقاربه

موضوع فعلا من على باب مصر

(لله درك وصديقاتك عنقود المستنيرات في العمار وأفتخر)

الله يخليك يا دكتور ،، ريحتنى والله

شاكر لمسة الاحترام في المنتدى

[/quote]

معلش بقى يا عمو انا بس مش فاهمه بعض كلمات الى حضرتك قولتها زى مثلا هذيان ؟؟

وكمان حكاية رئيس الجمهوريه من عدمه دى !! ازاى طيب ؟؟

[/quote]

"هذيان" عنوان/ وصف لما كتبته بعدها ... ولأن "الجواب يبان من عنوانه"... أظن أنني ضربت عصفورين بحجر واحد وأجبت على السؤالين... وربما كان هذا الظن هذياناً.

انا بردوووووووو
مش عارف اختار مين
عشان حاسس انهم كلهم ماينفعوش
او الشخص المناسب لم يظهر حتى الان
ولكن.......
ممكن حد منهم ينفع

الصبر

والله بعد ما تشهده مصر على كل الأصعدة دلوقتى

والخوف والقلق _الطبيعى _ اللى عند كتير من المصريين

مفيش غير إننا نصبر شويه على كل حاجة

ونحس بس شويه بالمسؤلية

نفسى نحس بالمسؤلية

وبنا يحفظ مصر

حنين كتب:: الصبر

والله بعد ما تشهده مصر على كل الأصعدة دلوقتى

والخوف والقلق _الطبيعى _ اللى عند كتير من المصريين

مفيش غير إننا نصبر شويه على كل حاجة

ونحس بس شويه بالمسؤلية

نفسى نحس بالمسؤلية

وبنا يحفظ مصر

يسلم فمك يا حنين ..

انا فيه شخص أشار اليه زيكو .. حمدين صباحى

مش مهم هانتخبه ولاّ لأ .. المهم إن المرشحين فيهم النوعية دى

فيديوهات صوت وصوره لمواقفه من زمان

سياسة خارجية

الشىء المشترك فيها جميعاً هو صدق الرجل ووطنيته وغيرته على دينه وعلى القضية الفلطسينية

وهو أول عضو مجلس شعب كسر الحصار الاسرائيلى على غزة بذهابه اليها

YouTube - ‫حمدين صباحي يلتقي قيادات حماس في قلب مدينة غزة.mpg‬‎

__

موقفه من غلق معبر رفح

YouTube - ‫حمدين صباحي الإدارة المصرية شريك رئيسي في حصار غزة ولابد من فتح معبر رفح فوراً‬‎

__

موقف قوى ضد القصف الصهيونى لإخوانا فى فلسطين

الموقف كان داخل مجلس الشعب رغم أنه تعرض للمقاطعة من رئيس كجلس الشعب أكثر من مرة

ويطالب بغلق السفارة الإسرائيلية ،، وتبرع بالمكافأة بتاعته اللى من المجلس لفلسطين

YouTube - ‫حمدين صباحي يطالب من داخل البرلمان بطرد سفير(اسرائيل) من مصر‬‎

__

وهو على رأس من فضحوا النظام علانيةً فى قضية تصدير الغاز الى اسرائيل

وتحدى فيه مفيد شهاب ووزير الوزراء ووزير البترول بوثيقة اسرائيلية

YouTube - ‫حمدين صباحي يفضح جريمة تصدير الغاز المصري المدعم لـ(اسرائيل)‬‎

__

يرفض فى مجلس الشعب اتفاقية أمنية مع أمريكا

YouTube - ‫حمدين صباحي يرفض عقد إتفاقية أمنية مع أميريكا.mpg‬‎

سياسة داخلية ورقابة

ده لينك وهو بيستجوب يوسف والى أيام ماكان وزير زراعة وفى إيده خريطة

وازاى انتفض على تعليق يوسف والى وعلى كمال الشاذلى

YouTube - ‫حمدين صباحي وإستجواب يوسف والي عن سرقة وتوزيع أراضي الدولة

__

موقف من بيان الحكومة عن الأسعار والغلاء

بيقول : يشرفنى أن أرفض بيان الحكومة .. لأنها حكومة الغلاء + حكومة الفقر + حكومة الفساد

+ حكومة البطالة + حكومة تدنى الخدمات + قانون الطوارىء + التدخل الأجنبى فى شئون مصر

YouTube - ‫حمدين صباحي رفض بيان الحكومة داخل البرلمان المصري2005‬‎

__

استجواب عن الفقر فى مجلس الشعب

YouTube- ‫حكومة الفقر الوطني(1)أستجواب لنائب الكرامة حمدين صباحيHmden‬‎

YouTube - ‫حكومة الفقر الوطني(2)أستجواب لنائب الكرامة حمدين صباحيHmden‬‎

__

موقفه الصريح من الحكام العرب من قبل الثورة بسنوات

YouTube - ‫حمدين صباحي الحكام ملهمش لازمة‬‎

__

كان ليه موقف أيام ما كان فى كلية الإعلام وكان نائب رئيس اتحاد الطلاب

مع الرئيس السادات رحمه الله ضد اتفاقية كامب ديفيد

YouTube - ‫حمدين صباحي والسادات‬‎

__

كل ما سبق مقتطفات صغيرة

من يريد الإستزاده فليستمع الى هذا الحوار المطول بينه وبين أ/يسرى فودة

عن ترشحه للرئاسة

YouTube - ‫حمدين صباحي و الرئاسة-يسري فودة-آخر كلام-16مارس2011‬‎

رجل محترم أحبه وأحترمه

وأرفع له القبعة دوماً

،،

السلام عليكم جميعا

صلوا على سيدنا محمد ....

أراء حضراتكم كلها سليمة .. و ده شيئ مشرف جدا لأن عندنا ناس بالفكر العالي ده ..

إحنا نختار الشخص المناسب لمصر .

مصر مستهدفة من جميع الدول بما فيهم الدول العربية ..

إذن من يرأس مصر لابد أن يكون شخص يخـــــــــــــاف (( الله )) لابد أن يعرف قيمة (( مصــــر )) لابد أن يعرف أن (( مصــــر )) بلد لها

سيادة رغم أنها كانت معدومة السيادة في عهــــد النظام السابق ( الفاسد )...

من يرأس مصــــر لابد أن يكون شخص محنك و ذكي فوق العادة .

من يحكم مصر لابد ألا يكون له أي إنتماء سياسي أبدا ،، لابد أن يصنع روح المحبة و التعاون بين الشعب . أقصد بين المسلمين و المسيحيين .

لأننا شعب واحـــد و نعيش في بلـــد واحد (( مصــــــر ))

لابد أن يعرف قيمة المواطن المصري و يعطيه حقه مهما كان مسيحي أو مسلم ..

سوف يجيئ دور الشعب المصري أن يختار .. و أنا قلت مواصفات الشخص الذي يريده الشعب المصري أن يكون رئيس له .

إذا لابد أن نختار الشخص المناسب الذي توجد به هذه المواصفات ..

و لكن علينا أن نصبر القليل كي نختار الرئيس المناسب لنا كشعب و ليس لمصر .. لأن مصــــــــــــر فوق الجميـــــــــــــــــــــــع.

الموضوع ده كان من سنة فاتت

وآخر رد فيه كان من حوالي 8 شهور

حاسس المشهد وقتها كان أقل حدة وأقل تمزقاً للأفكار والتيارات

لكن أعجبني جداً لما فتحتوا ولقيت عندي رغبة في تجديده

مع سؤال هل زالت الحيرة

هل قررنا أم مازلنا في الحيرة

اقتباس :

مع سؤال هل زالت الحيرة

هل قررنا أم مازلنا في الحيرة

من ايام قليلة جداا
بالنسبة لى لم تزول الحيرة
ولكن بعد السماح لايمن نور بخوض الترشح لانتخابات الرئاسة
زالت عنى الحيرة تماما وجاء المرشح الذى كنت انتظره
حتى ان كان عندى نسبة كبيرة من اليقين انه لم ينجح
ولكنى اراه افضل المطروحين على الساحة الان ...

» ماذا تفعل لو..............
» ماذا تفعل لو
» ماذا تفعل لو.؟
» ماذا تفعل عندما ؟
» قولي ماذا تفعل لو ................................؟