نتقابل ف التحرير ...8 يوليو 2050

تذكير بمساهمة فاتح الموضوع :

ممكن تسأل نفسك يعني ايه ثورة ؟ طب انت عايز وحابب الثورة ولا لأ !
طب انت من اللي بيدعوا علي اللي ف التحرير وبتقول قفلوا حال البلد ربنا يوقف حالهم...والا انت بتتدعيلهم ؟
طب معلش هكرر سؤالي تاني انت عايز ثورة بجد تغير ولا نص نص حاجه علي ماقسم يعني كده ؟
يعني اهه برضه قدام الناس وقدام العالم ونفسك اهو تبقي عملت ثورة بتعرج برجليها
والباقي ان شاء الله هيتحل مع الوقت... وموضوع وجع الرجلين هيخف مع الزمن...والزمن علمنا فحكمته انه اللي
ميربهوش ابوه وامه ...بكره الزمان هيربيه.....ومن باب التربية نبقي ف سنة 2050و العسكري بياخد رشوة منك ؟
وابنك بيلف علي شغلانة بعد مااستوي من القعدة بعد التخرج ومش لاقي....ومن باب التربية برضه انه أبو دبورة لما
يكش فيك تخبي عنيك ف الارض زي البنت المستحية وتقول حايده ماهو البــاشا....ومن باب التربيه أن زوار الليل يوجبوا مع ابنك علشان خاطر بقين ع النت
طب اذا كانت اجابتك مع فريق اللي بيدعوا علي اللي ف التحرير بقولك نتقابل في التحرير 8 يوليو 2050
ماهو انت برضه سواء دلوقتي او بعد 40 سنة هتروح ؟
طب بالذمة مش أحسن توفر علي نفسك تعب الشيخوخة وامراضها ووقفتك وانت مكحكح ف التحرير ومتعكز علي ابنك
ونازل تقول كرامة ...حرية ...عداله اجتماعية .....يعني كلاكيت تاني مرة ...مع اني "الشوت" ممكن يجي من مرة
واحدة والمشهد يبقي روعة وانت تبقي بطل الشباك....واوعدك بايرادات تفوق كل المواسم بس هاتها من اول لقطة
بيقولك درجة حرارة الارض بتزيد كل سنه يعني وقفتك ف 2050 هتكون عند درجة حرارة 50... طب مش يبقي الجو أحسن اليومين دول!
طب تنزل دلوقتي وتبقي قدام ابنك بطل لما يكبر ويعرف انك خدت له حقه وعيشته من غير مايبقي زيك محروم...
معلش الكلمة القاسية ...بس الحقيقة أنك محروم....طفل محروم وشاب محروم وعايز تكمل عمرك محروم ....شايف
الحرية دايما طشاش ...راضي بقليلك من باب القهر اكتر منه الرضا.....سامع عن التقدم سمع بيوش .....والكرامة عندك مقطوشة
وانت عامل فيها سبع الرجال ليه تعيد المشهد تاني وانت فايدك تكون " مهند" وهنقبلك رجاله قبل الستات من غير نفسنة ....
8 يوليو 2011 مش عشان دستور ولا انتخابات ...دي بقت عشان ثورة شعب بتضييع ....بقت عشان غراب معشش شارب وراضع فساد ف كل البلد ....
8 يوليو عشان شهيد مات عشان يخلي حضرتك بطل من ورق ....عشان قاضي مرتشي وفاسد ...عشان رئيس جامعة الصبح
وبعد الظهر مرشد في أمن الدولة...عشان مصيف شرم الشيخ المفتوح ...وبراءة ظباط القتل.....عشان ثورة مضادة
عايزة تاكلنا وترجعنا القمقم تاني ......أرجوك تقرا الفاتحة للشهدا وتروح علي اقرب مكتبة او موقع جوجل واقرا
يعني ايه كلمة ثورة ارجوك بلاش تنزل في 8يوليو 2050 وتخلي المخرج يقول كلاكيت تاني مرة.....

muhamad yusif allam كتب:: نااااااااااااااااااااااازل ان شاء الله

جهز لنا خطبة سياسيه يانجم...

كان نفسى أكون هناك ،، ربنا معاكو ان شا الله ..

بصراحة كنت من أكبر مؤيدي النفخ في المجلس العسكري وحكومة شرف لحد ما نوصل للصندوق الإنتخابي

وكان نفسي الإمور تعدي بدون مشاكل أو ضغط

لكن للأسف مسابوش لينا خيار آخر

غياب الشرطة أصبح علامة إستفهام كبيرة

والمحاكمات الهزلية

وحاجات تانية كتير كلها تفقع

الإمور أصبحت ضبابية ربنا وحدوا علام آخر القصة دي إيه

بقى آخر أمل الميدان وكان نفسي الإمور متوصلشي لهذا الحد

ربنا يحمي وصر ويحمي الثورة

الشيخ حازم صلاح أبو إسماعيل قال في لقاءه مع عمرو أديب

المصريين عملوا 6 ثورات في 200 سنة وده رقم مهول

(المصريين عندهم القدرة على الثورة لكن للأسف معندناش وعي الحفاظ على الثورة)

وبصراحة في اللحظة دي وعي الحفاظ على الثورة هو الخروج للميدان

محمدعبدالرحمن كتب:: (المصريين عندهم القدرة على الثورة لكن للأسف معندناش وعي الحفاظ على الثورة)

وبصراحة في اللحظة دي وعي الحفاظ على الثورة هو الخروج للميدان

الله يفتح عليك انت خلصت الاشكالية كلها ف الكلمتين دول....ربنا يحمي ثورتنا ويكملها علي خير

ASMAA MO7Y كتب:: كان نفسى أكون هناك ،، ربنا معاكو ان شا الله ..

نفسك معانا ودعواتك ان شاء الله

التغير فى المواقف للأفضل شىء محترم

1/2 موقف مشرف خير من موقف كامل مخزى

:

جريدة اليوم السابع

السلفية و"النور" في جمعة المصير

الأولى - جمعة "الثورة أولا" توحد القوي السياسـية الإخوان والسلفيون يتراجعون عن المقاطعة‏

..

الموضوع هنا أثبت أن الشىء الوحيد الذى نذوب فيه جميعاً

:

روح الثورة

..

نتقابل طوال اليوم في الميدان وننتظركم في تمام 9 مساءا في مركز الشاب من اجلي اولي ندوات حملة الوعي السياسي حما الله مصر والمصريين..

هانمشى مع بعض ولا هانروح كل واحد لوحده

؟؟

الجماعة هاتحمينا كلنا هناك

قولت إيه يامهندس أحمد ،، قولتوا إه ياجماعة

؟؟

معنديش مانع بس اعتقد كل واحد منسق مع مجموعه وكان مهم التنسيق من بدري...المهم يادكتور ايهاب تبقي جنبي بكره لزوم ضربه كده ولا كده ولاحالة اختناق واخوك يروح فيها اونطه من غير اسعافات ...مساك فل

احمد فتحي كتب:

marwa كتب:: 8 يوليو 2011 مش عشان دستور ولا انتخابات ...دي بقت عشان ثورة شعب بتضييع ....بقت عشان غراب معشش شارب وراضع فساد ف كل البلد ....
8 يوليو عشان شهيد مات عشان يخلي حضرتك بطل من ورق ....عشان قاضي مرتشي وفاسد ...عشان رئيس جامعة الصبح
وبعد الظهر مرشد في أمن الدولة...عشان مصيف شرم الشيخ المفتوح ...وبراءة ظباط القتل.....عشان ثورة مضادة

مؤيده جداااااااااا

واجب علي كل من يحمل بطاقة رقم قومي مكتوب فيها مصري

صحيح وان شاء الله لو ابو ادم وادهم مش ف الشغل نقابله هناك
انا عارف انه بيروح التحرير كتير....شكرا علي مرورك الجميل

حتى لو عنده شغل اكييد هيروح وربنا يهديه ويخدنا معاه

احمد فتحي كتب:: معنديش مانع بس اعتقد كل واحد منسق مع مجموعه وكان مهم التنسيق من بدري...المهم يادكتور ايهاب تبقي جنبي بكره لزوم ضربه كده ولا كده ولاحالة اختناق واخوك يروح فيها اونطه من غير اسعافات ...مساك فل

بإذن الله هاتلاقينى جنبك فى المستشفى الميدانى

احنا مالناش صحة على الجرى ههههههه

ربنا يباركلك يا مهندس أحمد

انت السبب فى اننا نتحمس للخروج بكرة

تحياتى

،،

ربنا يحميكو يا جماعه يارب ،، وربنا يسترها ويبعد عنكم أى اذى يارب ..

ربنا معاك يابشمهندس أحمد مفجر ثورة 8 يوليو.. [ندعوك للتسجيل في المنتدى أو التعريف بنفسك لمعاينة هذه الصورة]

ربنا معاكم كلكم إن شاء الله..

[ندعوك للتسجيل في المنتدى أو التعريف بنفسك لمعاينة هذه الصورة]

نصف ثورة يعنى مقبرة

مسعد النجار كتب:: نصف ثورة يعنى مقبرة

؟؟

حقا
للثورة شعب يحميها
والرهان على صبره وقوة تحمله

والله انا ما فاهمه أى حاجه من كلام حضرتك يا استاذ مسعد مره قولت

اقتباس :: نصف ثورة يعنى مقبرة

وعملت لحضرتك علامات استفهام ع أساس توضحلى العباره أكتر

الاقى حضرتك رادد تانى بعدها ومفهمش الكلام بردو

معلش بقى انا بحب أفهم الكلام بالذات من النوع دا ،، هتعب حضرتك معايا معلش مبتسم

صباح الخير يا أسماء
حالى حال الجموع يرى أننا لا زلنا فى منتصف الطريق
وهذا يعد قبر للثورة فما قدمه الثوار من تضحيات لا يتناسب مع مكتسباتهم اليوم ولا يرقى لطموح أى مصرى
وما حدث اليوم فى كل ربوع مصر أكد على أن الثورة لها شعب يحميها
ربما يمر من هنا أحد الكبار ويمتعنا بنظرة استكشافية للأحداث
ياجاااابر ؟

مسعد النجار كتب:: صباح الخير يا أسماء
حالى حال الجموع يرى أننا لا زلنا فى منتصف الطريق
وهذا يعد قبر للثورة فما قدمه الثوار من تضحيات لا يتناسب مع مكتسباتهم اليوم ولا يرقى لطموح أى مصرى
وما حدث اليوم فى كل ربوع مصر أكد على أن الثورة لها شعب يحميها
ربما يمر من هنا أحد الكبار ويمتعنا بنظرة استكشافية للأحداث
ياجاااابر ؟

صباح الفل يا أستاذنا ،، شكرا لاهتمام حضرتك ،،

وكلامك صح جدا وبجد ربنا يحمى مصر من الى انا شوفته انهرده ،،

وياريت الاستاذ سميح يلبى ندائتنا ،، يا جـــــــــــــــــــابر ..

بشكر أخويا الكبير مهندس أحمد على إنه كان سبب فى زيادة الوعى بينا هنا على المنتدى

جميل إن يكون حب مصر عند أحد إخوانا بهذا الشكل الفيــّاض اللى وصلنا كلنا

تحية قوية الى الشعب المصرى العظيم الذى أمّن الميدان فى ظل غياب تام للشرطة والجيش

تحية للشعب المصرى العظيم الذى ملأ أركان الميدان

تحية للــ 7000 سنة حضارة المحفورة فى عقول المصريين

تحية للمهندس أحمد فتحى ، وأستاذ مسعد ، وأستاذ محمد شعيب ، وأستا أحمد أنس ، وأستاذ أحمد يوسف أبوالنجا ،

وابن حتتى أحمد سالم ، تحية للشيخ محمد عجاج ، وللأستاذ هانى

تحية لكل مصر

[ندعوك للتسجيل في المنتدى أو التعريف بنفسك لمعاينة هذه الصورة]

الثورة والحل مع الروح الجديدة

» يوليو لسيدة الشولي
» مليونية آخر يوليو.. مطالب ومحاذير
» العمار 2050 ؟!!
» مصر سنه 2050 حووووارر مش ممكن ........
» بتوع التحرير