الدورات التأهيلية للمقبلين على الزواج ,,, للنقاش الجاد

بسم الله

السلام عليكم

أتمنى تكونوا جميعا بصحة وسعادة أنا حبيت أدردش شويه معاكم استحملونى بقى

فى الحقيقة أكيد فيه مننا كتير أوى يسمع عن ما يسمى بـــ ( الدورات التأهيلية للمقبلين على الزواج)

ودى ظاهرة مش جديدة أوى يعنى لكنها حاليا منتشرة بشكل كبير وفيه إقبال عالى جدا عليها

أنا شخصيا أسمع عنها من أكتر من سنتين وتابعت منها دورة كانت بتتقدم على قناة الرسالة

وظهرت يمكن من منطلق إن الزواج خطوة من أهم بل هى أهم خطوة ممكن الإنسان يقرر ياخدها

ومسؤلية مش كتير بيبقى متخيلها أو فاهمها ومثلا نلاقى بنات كتير متخيلة إن الجواز

هو عبارة عن فستان أبيض وفرح وهيصة وخلاص وبعد كده للأسف بيبقى مشروع مش ناجح بالمرة

طيب إيه هى الدورات دى وإيه لزمتها؟؟

هى عبارة عن دورات تأهلية لمن هم فى سن الزواج لتوضيح وتأصيل المعنى الحقيقى للزواج وقيمته

وإزاى هتبدأ وهتبدأى تتعايش وتتعايشى مع إنسان جديد فى جو جديد وتتفاعل مع ميول وطباع الشخصية دى بشكل فعال

وإزاى تتحمل وتتحملى المسؤلية دى لغاية ما تصولوا سوا بأسرة كاملة لبر أمان

محققين أهدافكم وأحلامهم هما كمان نفس الوقت بحيث يبقى فيبه بيت وأسرة زى ما بيقولوا

satisfied family

مستقرة بصورة قوية جدا فتحقق هدف بعيد وهو ترابط اجتماعى فى المجتمع اللى إحنا عايشين فيه

طيب السؤال دلوقتى

هل إنت وأنتِ مع ولا ضد الفكرة دى,,,,,, طيب شايفينها مهمة ولا أى كلام؟

هل لو قدامك فرصة ووقت ممكن تقدم على خطوة زى دى ولا هتكبر دماغك وتقول زى ما تيجى تيجى؟

هل لو نظمنا بشكل محترم دورة من دول فى "العمار" الموضوع هيلقى إقبال ولا لأ من وجهة نظرك؟؟

ـــــــــــــــــــــــــــــــــــــــــــــــ

شاركونا الحوار

اقتباس :: هل إنت وأنتِ مع ولا ضد الفكرة دى,,,,,, طيب شايفينها مهمة ولا أى كلام؟

فكرة التأهيل في حد ذاتها جميلة

اقتباس :: هل لو قدامك فرصة ووقت ممكن تقدم على خطوة زى دى ولا هتكبر دماغك وتقول زى ما تيجى تيجى؟

ممكن

اقتباس :: هل لو نظمنا بشكل محترم دورة من دول فى "العمار" الموضوع هيلقى إقبال ولا لأ من وجهة نظرك؟؟

الامر جيد جدا ولكن كما تعودت من بلدنا ان الاقبال هيكون ضعيف

حلوه أوى الفكره دى يا حنين
بس بصراحه أول مره اسمع عنها
أنا أسمع عن خط (جوزنى شكرا) ده إعلان فى التليفزيون والله مش بهزر
أنا شايفه إن نجاح أى علاقه فى الدنيا مش محتاج ولا دورات ولا غيره والله
هى حاجه واحده بس واللى بيها نقدر نكون ناجحين فى أى علاقه
هى (حسن الخلق)
تقبلى مرورى

اقتباس :: هى (حسن الخلق)

بـــــــــــس جمله مفيده جدا

ومع ذلك لو اتعملت الدوره فى العمار مش هتنفع

لان الناس هتفهم معناها زى ما بيفهمو معنى كلمة دكتور نفسانى

اقتباس :: ومع ذلك لو اتعملت الدوره فى العمار مش هتنفع

لان الناس هتفهم معناها زى ما بيفهمو معنى كلمة دكتور نفسانى

تمام هو ده اللى هيحصل بالظبط
وتلاقى الناس أو الستات عمومابيتكلموا (شوفى يا أختى البت مسروعه على الجواز ) وكلام من ده كتير
لكن لو بره البلد ممكن تنجح جدا

والنبى طب وماله حتى الزواج هيعملولو تأهيل
هههههههههههههههههههههههههههههههههههههههههههههههههههههههههههههههههههه
جديده
نيس والله تغيير بردوا عشان الشباب اتخنقت

محجوز للرد ،، ايوا بقى يا حنه ،،

طيب ياااااااااااريت فكرة ممتازة ياحنين

وهتلاقى متابعه كويسه جدا على فكرة

ودى
حاجه مش تريقه ولا تسليه عشان الناس تتريق عليه فيها اكثر مشاكل الزوجيه
واللى بتنتهى بالطلاق بسبب ان البنت مش مؤهله

للزواج اصلا

مش مدركة يعنى
ايه مسئوليه بيت والاولاد وزوج وعائله ودة السبب الاول فى فشل العلاقات
وانتهائها بالاشكال المؤسفه

اللى بنشوفها وبنسمع عنها

ودى كانت السبب الاول فى انتشار الطلاق الفترات اللى فاتت ودلوقتى

ياريت فعلا يبقى فى دورات لكدا حتى للتوعيه ونعرف فعلا امته نبقى مؤهلين لكدا

ونعرف البنات ان الزواج مش مشاكله فستانى لازم يكون شكل بتاع مرات عمرو دياب ولا اليسا فى كليبها الجديد

الدورات دى هتوعى كل بنت وهنعرفها يعنى ايه زواج ومسئوليه واسرة وبيت

لانى دة اهم شى لازم تكون كل بنت واخدة فعلا فيه تاهيل ودورات

اقتباس :: هل إنت وأنتِ مع ولا ضد الفكرة دى,,,,,, طيب شايفينها مهمة ولا أى كلام؟

فكرة كويسه اه مهمه علشان الناس تشوف وتعرف يعنى ايه ارتباط ومسئوليه

اقتباس :: هل لو قدامك فرصة ووقت ممكن تقدم على خطوة زى دى ولا هتكبر دماغك وتقول زى ما تيجى تيجى؟

لا هقدم بدام حاجه لمصلحتى

اقتباس :: هل لو نظمنا بشكل محترم دورة من دول فى "العمار" الموضوع هيلقى إقبال ولا لأ من وجهة نظرك؟؟

ممكن يكون الاقبال مش كبير

اقتباس :: لأن الناس هيفهمو معناها زى ما ببيفهمو معنى دكتور نفسانى

ممكن,,,

بس أنا شايفة إنه لو محصلش إقبال مش هيكون بسبب نظرة الناس قد ما هيكون بسبب الكسل

وعدم الإهتمام خلى بالك إنه الدورات دى للشباب والفتيات فاللى هيحرص عليه

هو المهتم بتطوير نفسه لكن اللى مكبر دماغه هتبقى ولا فارقه معاه ودول ما أكثرهم

ـــــــــــــــــــــــــــــــــــــــــــ

اقتباس :: [center]
ودى حاجه مش تريقه ولا تسليه عشان الناس تتريق عليه فيها اكثر مشاكل الزوجيه
واللى بتنتهى بالطلاق بسبب ان البنت مش مؤهله
للزواج اصلا مش مدركة يعنى
ايه مسئوليه بيت والاولاد وزوج وعائله ودة السبب الاول فى فشل العلاقات
وانتهائها بالاشكال المؤسفه
اللى بنشوفها وبنسمع عنها
ودى كانت السبب الاول فى انتشار الطلاق الفترات اللى فاتت ودلوقتى

ياريت فعلا يبقى فى دورات لكدا حتى للتوعيه ونعرف فعلا امته نبقى مؤهلين لكدا

تسلمى يا طير أهو هو ده الوعى اللى إحنا محتاجينه بجد

ربنا يوفقك

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

طيب كده ابتداءا من رد م / باهر ودهب ومحمد صبرى وكل اللى مروا

الناس كلها مرحبة ومحبذة الفكرة

هل مجرد تشجيع فكرة ولا لو حصل هتبقوا أول الحاضرين؟؟

حتى الان مجرد تشجيع

لكن لو في دورة فعلا وعندي وقت والمحاضر جيد اكيد هكون متحمس للحضور

حنين هو كان كلام يطلع عليه النهار يتبخر

ولا ايه [ندعوك للتسجيل في المنتدى أو التعريف بنفسك لمعاينة هذه الصورة]

[

color=darkblue]

طب يبقى البيت لزمته ايه

[/color]

فكرة جميلة جدا

وفعلا مع اللى بيحصل اليومين دول من حالات الطلاق وهدم البيوت قبل ان تبنى لازم يكون هناك تأهيل للمقبلين على الزواج

ومعرفة حقيقة الزواج من الناحية الواقعية وليس من الناحية الخيالية .

شكرا على أفكارك ياحنين

» اشكال ستاير للمقبلين على الزواج تحفة
» هام للنقاش
» موضوع للنقاش
» صدق او لا تصدق (للنقاش)
» موضوع للنقاش........................؟؟؟؟؟؟؟؟؟؟؟؟!!!!!!!!!!!!!!!!!!