اعضاء منتدى شباب العمار فى رمضان

[ندعوك للتسجيل في المنتدى أو التعريف بنفسك لمعاينة هذه الصورة]

ازيكم يا بنى ادمين
كل سنه وانتم طيبيين

ورمضانكم كريم جميل لذيذ وكل الحاجات الحلوه دى رمضان
رمضان يجمعنا مع شباب العمار واعضائه

ورمضان معاكم اكيد مش عادى

رمضان مع شباب العمار واعضائه غيـــر

صنـــــآع السعاده وقمه السعاده واحنا متجمعين

وعلشان نتجمع كلنا مع بعض ومن غير ما نتقابل

هنعرف كل عضو عمل ايه وصام ازاى وفطر ازاى

وضرب حلو ايه وصلى فين كمان ويومه كله مشى ازاى

من خلال التوبيك اللى هيجمعنا دا

هنختار كل يوم عضو من الاعضاء الجامدين اوى اللى معانا

وهيدخل العضو دا يحكلنا من اول السحور

اتسحر ايه طبعا صلى الفجر ولالا والمسجد اسمو ايه كمان هههههههههههه >>> هع

نام امتى وصحى امتى راح شغله ولا قعد فى البيت ولا خرج فين
نصيب القرآن من يومه كان ايه

البنوتات طبعا هتقولنا نزلت السوق امتى وجابت ايه وهل هى اشتركت فى الجريمه وطبخت الاكل ولا لا

وربنا يسامحها فى الجريمه اللى هتعملها فى الناس اللى هياكلوا من اديها

هتحكولنا فطرتو ايه وعملتو ايه بعد الفطار مباشره

اتفرجتوا على مسلسلات ايه

صليتو التراويح ولالا والمسجد كان اسمو ايه برضو وكام ركعه

من الاخر يعنى هتحكولنا كل اللى حصل فى يومكم بلتفصيل الملل اوى ههههههههههه

اليوم كله هيبقى مع العضو يدخل فاى وقت يسجل اى مشاركه زى ماهو عايز

لحد ما نعلن اسم العضو اللى بعديه

يعنى لو العضو حصل فى يومه حاجه وحب يدخل يقولها انا دلوقتى عملت كذا ....
وكمان شويه يدخل يقول انا دلوقتى بعمل كذا ....
عايزين كاننا حاطين كاميرات مراقبه فى بيوتكم ههههههههههههه

التوبيك مش فكرته انك تحكلنا يومك اللى فات
التوبيك فكرته انك تعيش معانا اليوم نفسه
يعنى نبقى معاك اون لاين وكل ما تلاقى وقت فاضى
تدخل تقول انا بعمل كذا دلوقتى ونبقى كاننا شايفينك
ورمضــآن كريم وان شاء الله التوبيك وفكرته تعجبكم

وانتظروا ...قبل رمضان بيوم بعد صلاه التراويح هنعلن لكم مين العضو اللى اختارناه

علشان يقولنا يومه هيمشى ازاى ابتداء من قبل السحور

وطول اليوم لحد بعد الفطار علشان نختار العضو اللى بعديه

انتظــــــــــــــرونا

كل عام وانتم بخير

كل سنه وانتم طيبين

يارب بس الناس تقول اللى كلته مش اللى نفسهم ياكلوه اعضاء منتدى شباب العمار فى رمضان 765277578

نيسس توبيك يا سولوم
معاك يا مااااااااااااااان فى اى حاجه دوس انت وهتلاقينى وراك

كل عام وانتم بخير
اللهم بلغنا رمضان

كل سنه وكلكم بخير وسعاده ،، موافقه ع الفكره جدا مبتسم

تمام يا حبـــى

ويز يو يا كبيـــر

دوس بس و انا معــاك

كل سنه وأنتم طيبين
الموضوع ممتاز جدا
متابعه معاكم إن شاء الله

الموضوع فكرته تحفة بجد..يخرب عقلك يااسلام ايه الشغل الجامد ده.. Shocked

انا موافقة علي شرط أكون معاكوا بقي والنبي...

[ندعوك للتسجيل في المنتدى أو التعريف بنفسك لمعاينة هذه الصورة]

تمام يا معلم تسلم ايدك يا كبير

معاك باذن الله
[ندعوك للتسجيل في المنتدى أو التعريف بنفسك لمعاينة هذه الصورة]

ان شاء الله سوف يتم الاعلان
عن اول عضو معانا يوم الاحد القادم
بعد صلاة العشاء

مساء الخير عليكوا
ان شاء الله هنبدا من بكرة موضوعنا
واول عضو هيكون معانا انهردة علشان يحكيلنا
كل اللى عمله بكره من اول السحور لغاية بعد
صلاة العشاء هوووووووووووووووووووو

KAREM

يلا ياكريم عاوزينك تحكلنا على كل حاجة هتحصل معاك بكرة
بالتفصيل الممل

تا تا تا تاااااااااااااااااا

تمام يا سولوم الفكره جامده جدا ان شاء الله نبدأ من بكره وتكون الفكره حلوه

كل سنه وانتوا طيبين

الله اكــــــــــــــــــــــــــــــــــــرم.....ياسلم

وكل سنة وانتوا طيبيبن

انا جيــــــــــــــــــــــــت اهه زى ما انتو عاوزنى
وهبتدى من أول الســـــــــــــحور
فى مسحراتى عدى وسمعت الطبله دن دربن دربن انا كنت صاحى وتقريبا كله كان صاحى مش عارف ايه لزمة المسحراتى بس يعنى عاده قديمه وخلاص
المسحراتى ندى عليا من البلكونه (أصحى ياكريم عشان تاكل الشيكى دودو)
أمى صحيت على صوت المسحراتى مش عارف ازاى
وحضرت السحور وهو عبارة عن :
(فول ده أساسى -جبنه -زيتون كلاماتا -سلطه -زبادى )
كلنا كلنا وشربنا الشاى وقعدنا نسمع قرأن الفجر
انا بصراحه قعدت ع النت وحاطط جمبى ازاة مايه عشان اى لحظة غدر أكون شربت
مدفع الامساك ضرب مش عارف ليه بصراحه أسمه كدا لو حد عارف يقول ويريحنى
بس عادى بابا قالى زمان لو أى مدافع ضربت ولا تتحرك ولا تعمل حاجه سواء مدفع الافطار أوعى تبتدى تاكل
او مدفع الامساك اوعى تبطل اكل
المهم انا كنت واكل خيار مخلل كتير قعدت اشرب ف مايه كتير اوى
لحد ما الفجر اذن
دخلت أتوضيت ونزلت جرى ع المسجد (العلاميه )
مالقتش مكان بصراحه ودى عادة اول يوم وانا عارف بكرا هيقلو هيقلو لحد يوم 5 رمضان ولا حاجه بيبقى الامام واربع رجاله وراه
المهم صليت ف حته متر ف متر ده حتى اللى ادامى خبطنى كذا مره وهو بيركع وانا بقول ف دماغى عادى رمضان بقى والتسامح والكلام الحلو ده
المهم خلصت صلاة وسلمت ع الناس كلها وانا خارج من الجامع بجد تحس ان احنا ف صلاة جمعه حاجه غريبه نس كتير فحت
المهم اتمشيت مع مجموعه من الاصدقاء وروحت بيتنا
وقعدت قريت 20 صفحه من القران الكريم (اصل انا ناوى ان شاء الله ربنا يعنى اقرا كل يوم 20 صفحه ) ربنا يكرمنى وأختمه
خلصت قرأة وقعدت ع النت شويه
وشويه وهخش أنــــــــــــــــــــــــــــــــام

ورجعتلكم تانى :
صحيت من النوم على الساعه 2 الضهر كدا
صليت الضهر
وقعدت بصراحه ادام التليفزيون شويه عشان أعيش الجو الرمانى وكدا
اتفرجت ع الحسن والحسين بصراحه بقى مسلسل شكله هيبقى كويس جدا وطالما انا عارف ان دول ممثلين يبقى مافيش مشكله
المهم وانا قاعد بتفرج ومنسجم لقيت صنية فيها بتنجان
اه والله
ولقيت اللى بيقولى وانتا قاعد كدا يا كريم قمّع البتنجان ده (يعنى شيل أخر حته منه مش عارف ليه )
قلت :الله الله هو عشان رمضان وقاعد بتفرج بقى اعمل شغل البيت قلت ومالو وخلصت تقميع
وخصلت المسلسل ونزلت أشتريت لسان عصفور وعصير كدا بس عصير بيدوب ف المايه مانجه اهه (ابيض )
وبعد كدا دخلت خدت دش وقعدت ع المنتدى شويه
استنونى هرجعلكم تانى

اقتباس :: ولقيت اللى بيقولى وانتا قاعد كدا يا كريم قمّع البتنجان ده (يعنى شيل أخر حته منه مش عارف ليه )

ههههههههههههههههههههههههه

قمع يا عمنا ربنا معاك

اقتباس :: وخصلت المسلسل ونزلت أشتريت لسان عصفور

ودا اشتريته ازاى

جبت النبله بتاعتك واعدت تصطاد فى العصافير
وتقطع فى السان

[ندعوك للتسجيل في المنتدى أو التعريف بنفسك لمعاينة هذه الصورة]

ورجعتلكم تانى بعد الفطار:
طبعا بعد الكلام الكتير اللى فوق ده
اخيــــــــــــرا:المدفع ضرب وخلاص فاضل حاجات بسيطه ع الادان
قمت جبت العصير من التلاجه
عباره عن العصير اللى جبتو وبلح مبلول
وصبيت على أدنا
والمغرب خلاص بيدن اهه
شربت العصير
والبلح
وقمت صليت المغرب
وبعدها قعدنا عشان نفطر شربت شوربة لسان العصفور
وبعدين بدانا الاكل
الاكل كان عباره عن (رز وفاصوليا وسلطه ومخلل ولحمه بتلو )
بصراحه اللحمه كانت حلوه جدا بس عاوزه تستوى شويه
المهم ماتقلتش ف الاكل
وقمت وخلصت أكل
وقلت الحمد لله كمان
بعد الاكل : كان فى حلويات بس بصراحه مش قادر
شربت كوباية عصير تانى ودلوقتى مستنى معاكم صلاة العشا وبعدها نبقى نكمل
سلام

اقتباس :: بس عادى بابا قالى زمان لو أى مدافع ضربت ولا تتحرك ولا تعمل حاجه سواء مدفع الافطار أوعى تبتدى تاكل
او مدفع الامساك اوعى تبطل اكل

اقتباس :: مالقتش مكان بصراحه ودى عادة اول يوم وانا عارف بكرا هيقلو هيقلو لحد يوم 5 رمضان ولا حاجه بيبقى الامام واربع رجاله وراه

[ندعوك للتسجيل في المنتدى أو التعريف بنفسك لمعاينة هذه الصورة]

شكرا ليك ياكريم
بجد عملت جو حلو للموضوع
ويارب تقضى بقية ايامك فى رمضان كلها
على خير يارب

وحالا دلوقتى سيتم الاعلان عن العضو اللى هيكون
معانا فى تانى ايام شهر رمضان علشان
يحكيلنا يومه هيمشى ازاى ورمضان عامل معاه ايه

KAREM كتب:: ورجعتلكم تانى بعد الفطار:
طبعا بعد الكلام الكتير اللى فوق ده
اخيــــــــــــرا:المدفع ضرب وخلاص فاضل حاجات بسيطه ع الادان
قمت جبت العصير من التلاجه
عباره عن العصير اللى جبتو وبلح مبلول
وصبيت على أدنا
والمغرب خلاص بيدن اهه
شربت العصير
والبلح
وقمت صليت المغرب
وبعدها قعدنا عشان نفطر شربت شوربة لسان العصفور
وبعدين بدانا الاكل
الاكل كان عباره عن (رز وفاصوليا وسلطه ومخلل ولحمه بتلو )
بصراحه اللحمه كانت حلوه جدا بس عاوزه تستوى شويه
المهم ماتقلتش ف الاكل
وقمت وخلصت أكل
وقلت الحمد لله كمان
بعد الاكل : كان فى حلويات بس بصراحه مش قادر
شربت كوباية عصير تانى ودلوقتى مستنى معاكم صلاة العشا وبعدها نبقى نكمل
سلام

ثوووووووووووووانى وفين البدنجان اللى قمعته يا خرابي

تانى عضووووووووووو معانا فى تانى ايام
رمضان
هو

هو

هو

هو

هى

حـــــــــــــــــنــــــــــــــــــــيــــــــــــــــــــن

ماما خللتووووووووو يا بنتى

مجنون2

انا جامد على فكره

» الصفات الحميده فى شباب ....منتدى شباب العمار.
» منتدى شباب العمار
» منتدى شباب العمار من 30 سنه
» منتدى شباب العمار
» منتدى شباب العمار الى اين