تتـــــرات المسلسلات ...

تذكير بمساهمة فاتح الموضوع :

مساء الخير عليكم ورمضان كريم..

في البداية كده ،،

رمضان كل سنة بنشوف فيه كم مسلسلات رهيب بس رمضان ده عشان جاي بعد ثورة المسلسلات قليلة

وبيني وبينكم كده أحسن..انا كنت كل رمضان اتابع بالاتنين والتلاتة بأمانة..

بس رمضان ده المسلسلات مش مستهوياني نهائي مفيهاش حاجة تستفاد منها يعني ماتطلعش منها بحاجة..

بس عشان اكون صريحة مسلسل الريان انا متابعاه عشان عايزة اعرف قصة الراجل ده ايه...!

أحلي حاجة عجبتني بجد تترات المسلسلات...كلماتها تحس اني هي فيها قضية كده

بتتكلم علي لسان ناس كتير أوووي..كلام عايش جوانا وعايشين بيه..

مش عارفة اذا كنتم اخدتم بالكم ولا لأ...؟!

يعنى المطلوب اخش اقول متابع بتفرج على ايه

ولا ايه بالضبط

دهب كتب:

حلوه كل الكلمات وخصوصا مسلسل الريان
بس بصراحه مش متابعه غير ( عابد كرمان) بحب تمثيل تيم حسن جدا
وللاسف المسلسل موسيقى تصويريه بس
وبحب الاغنيه دى أووووى

اقتباس :: el - donia zy el - morgi7a

أى خودمه

دهب كتب:: حلوه كل الكلمات وخصوصا مسلسل الريان
بس بصراحه مش متابعه غير ( عابد كرمان) بحب تمثيل تيم حسن جدا
وللاسف المسلسل موسيقى تصويريه بس
وبحب الاغنيه دى أووووى

والله السنة اللي فاتت عملوا حرب الجواسيس بس كانت هندي خالص..

وبعدين الواحد زهق من متابعة المسلسلات اللي بتتكلم عن 73...

نورتي يادودو..

ممكن يكمل الموضوع ده مع الاستعانه بتترات مسلسلات قديمه ؟؟

ياترى تترات المسلسلات السنادى احلى
ولا
السنة اللى فاتتت احلى
انتوا شايفين ايه ؟؟

انا بحب تتر مسلسل العار

بحب الاغنيه بتاعته جدا

وكمان تتر مسلسل اهل كايرو

أكيد تتر مسلسل مع سبق الإصرار هايكون حلو أوي ،
عشان الست إليسا هي اللي هاتغنيه ..

،،

جربت ف مرة تقرب من إنسان مجروح ،
ضايع مهزوم محروم من طعم الفرح ..
ساعة ما إتألم إتكلم بحلاوة روح ،
راجع مجروح مش قادر يهرب م الجرح ..
إطمن حس بدفا ف إيديك ،
حبيته لاقيته ف حضنك طفل برئ ..
طيبت جراحو إديته عينيك ،
إديته مشاعرك .. مشيتو طريق ،
عرفته إزاي وكان الفرح ،
يسكن مطرح كل الأحزان ..

وزرعت أمان ولاقيت الطرح ،
فجأة بيدبل علي إيد إنسان ..
جربت يخونك ويسيبك ف السكة حزين ،
مش طايق حتي يحس بجرحك ..
جربت عيونك تناديله وتستنجد بيه ،
ولاقيته علي دمعك واقف يضحك ..

حنيت لمكان كان دايمآ يجمع بينكو ،
ولاقيته بيخونك فيه ..
جربت تواجه واحد بخيانته ،
هزمك جبروت ف عينيه ..
كان نفسك تصرخ ف العالم ،
مالقيتش ف قلبك صوت ..
ضحيت بحياتك والظالم ،
بيجرب فيك الموت ،
جربت تموت .. !

،، إليســا ،،
وتتر مسلسل مع سبق الإصرار ..
،،

محدش مرتاح ،
إزاي بندور ع الفرحة وإحنا بندور ف جراح ..
محدش مرتاح ،
بنعيش نتمني نروح سكة وسكك مختلفة بتتراح ..
يظهر عذاب الحب .. الله إستحلناه ،
ومفرقين روحنا في مليون إتجاه ..
واللي بيبكي علينا .. قصادنا ،
ومش شايفينه بعنينــا ..
وبنبكي علي اللي راح ..

كل الحاجات الضايعة ليه إتعلقنا بيها ،
مش كل حاجة نفسنا فيها نلقيها ،
بنهوي ليه نعذب روحنــا ..

والله فرق كبير ما بين بنحب حاجة ،
وبين حبة وجع بندمنو بسذاجة ،
مواقفنا ف مطرحنــا ..

،، حسين الجسمي ،،
وتتر مسلسل فيرتيجو ..
،،

أسيرة الأحلام كتب:: جربت ف مرة تقرب من إنسان مجروح ،
ضايع مهزوم محروم من طعم الفرح ..
ساعة ما إتألم إتكلم بحلاوة روح ،
راجع مجروح مش قادر يهرب م الجرح ..
إطمن حس بدفا ف إيديك ،
حبيته لاقيته ف حضنك طفل برئ ..
طيبت جراحو إديته عينيك ،
إديته مشاعرك .. مشيتو طريق ،
عرفته إزاي وكان الفرح ،
يسكن مطرح كل الأحزان ..

وزرعت أمان ولاقيت الطرح ،
فجأة بيدبل علي إيد إنسان ..
جربت يخونك ويسيبك ف السكة حزين ،
مش طايق حتي يحس بجرحك ..
جربت عيونك تناديله وتستنجد بيه ،
ولاقيته علي دمعك واقف يضحك ..

حنيت لمكان كان دايمآ يجمع بينكو ،
ولاقيته بيخونك فيه ..
جربت تواجه واحد بخيانته ،
هزمك جبروت ف عينيه ..
كان نفسك تصرخ ف العالم ،
مالقيتش ف قلبك صوت ..
ضحيت بحياتك والظالم ،
بيجرب فيك الموت ،
جربت تموت .. !

،، إليســا ،،
وتتر مسلسل مع سبق الإصرار ..
،،

،،

التتــر ده رهيب بجد ،،

مالوش وصف ..

،،

لو أن لي صلاحيات إلغاء التثبيت لألغيت تثبيت هذا الموضوع

،،

ياجماعة والنبي حد يلغي تثبيت الموضوع ده ،،

طالما تثبيته عامل أزمة للناس اوي كده ..

،،

تثبيت الموضوع او حذفه او تعديله
يرجع الى رغبة صاحب الموضوع
لو طلب ده ينفذ امره
مالم يضر محتوى الموضوع باحد او يسبب ضرر لاى عضو
من اعضاء المنتدى
مع احترام ارائك يااستاذنا ..

» ما حكم تجسيد للأنبياء بممثلين فى الافلام او المسلسلات