هل وجود المال يلغى عيوب الرجال .....للنقاش

انتى عاوزه الحق ولا ابن عمه؟؟

ف الزمن ده
المال بيعمل اى حاجه ش

والله هى مش هنقدر نحسبها كدا بس طبعا حتى لو معاه مال قارون هيجى يوم والست هتزهق من العيوب

بس مفيش مانع يعنى لو انا زعلانه يصلحنى بهديه حلوه

تمام بس

الراجل ميعيبهوش غير جيبه ,,

KAREM كتب:

تمام بس

الراجل ميعيبهوش غير جيبه ,,

هذه آفه حقاً لدى بعض الفتيات وهي من قديم الزمن وتم رصدها حتى من النواحي الأدبية

فقد قال بشار بن برد وهو أعمى في وصف النساء والمقصود الغالبية العظمى وليس التعميم فهناك من نحسبهن بخير

قال :

فإن تسألوني بالنساء فإنني عليم بأخبار النساء طبيبُ
يردن ثراء المال حيث علمنه , وشرخ الشباب عندهن عجيب

إذا شاب شعر المرء أو قل ماله , فليس له من ودهن نصيب

,,,,,,,,,,,,,,,,,,,

وجاء من بعده حاتم الطائي وكان جواداً وعندما أنفق امواله على الكرم والسخاء تركته زوجته ماوي

وقد انشد يقول لها :

أ ماواي إن المال غاد ورائح , ويبقى من الفرد الأحاديث والذكر


إلى قوله

وقد يعلم الأعراب لو أن حاتماً اراد ثراء المال كان له وفرُ


... مروراً بالمثل الشعبي يا واخد القرد على ماله ....إلى آخره


وهي سلبية ربما نجدها فى إزدياد هذه الأيام

وربما يتناولها المهندس باهر حكام كما عودنا في صح وغلط

واخيراً المال لا يلغي عيوب الرجال

اقتباس :

والله هى مش هنقدر نحسبها كدا بس طبعا حتى لو معاه مال قارون هيجى يوم والست هتزهق من العيوب

وده اللى بنقول عليه ونفسنا نناقشه بجد
هل تقدر البنت تستحمل عيوب ما عشان الفلوس؟
طيب ما هو هيجى يوم والمال يختفى وتفضل العيوب وبس
شكرا على المرور يا مدام مروه

اقتباس :

الراجل مايعيبهوش غير جيبه يا مدام مروه ,,

مش معاك خااااالص
فى حاجات كتير جدا تعيب الراجل إلا قله الفلوس أو الفقر مش ممكن يكونوا عيب فى شخصيته أبدا
ممكن جدا يكون معاه مليارات لكن..
مش جدع ..مش شهم..مش على خلق..تافهه..مش قدوه لآهل بيته..مش جرىء..مش شجاع
ديوس( لا يغار على أهل بيته)
كل دى صفات تعيبه حتى لو معاه مال قارون
شكرا على المرور يا أخ كريم

اقتباس :

اه الموضوع مادي بحت
ونادرا البنت الللي عندها استعداد انها تتعب مع زوجها شوية في بداية حياته

إنت قولت نادرا بس أكيد فى بنات بتستحمل
شكرا على المرور يا أخ محمود

اقتباس :

بيديها تحت عنيها

وكلوا بيطلع عليها

هههههههه....تمام ده اللى بيحصل فعلا

اقتباس :

هذه آفه حقاً لدى بعض الفتيات وهي من قديم الزمن وتم رصدها حتى من النواحي الأدبية

فقد قال بشار بن برد وهو أعمى في وصف النساء والمقصود الغالبية العظمى وليس التعميم فهناك من نحسبهن بخير

قال :

فإن تسألوني بالنساء فإنني عليم بأخبار النساء طبيبُ
يردن ثراء المال حيث علمنه , وشرخ الشباب عندهن عجيب

إذا شاب شعر المرء أو قل ماله , فليس له من ودهن نصيب

,,,,,,,,,,,,,,,,,,,

وجاء من بعده حاتم الطائي وكان جواداً وعندما أنفق امواله على الكرم والسخاء تركته زوجته ماوي

وقد انشد يقول لها :

أ ماواي إن المال غاد ورائح , ويبقى من الفرد الأحاديث والذكر


إلى قوله

وقد يعلم الأعراب لو أن حاتماً اراد ثراء المال كان له وفرُ


... مروراً بالمثل الشعبي يا واخد القرد على ماله ....إلى آخره


وهي سلبية ربما نجدها فى إزدياد هذه الأيام

وربما يتناولها المهندس باهر حكام كما عودنا في صح وغلط

واخيراً المال لا يلغي عيوب الرجال

شرفنى مرورك يا بشمهندس
وبجد الابيات اللى إستشهدت بيها جميله جدا جدا
وبتوضح وجهه نظر وفكر كتير من النساء فعلا وبرضو مش كلهم

اقتباس :

لا طبعاً عمر الفلوس مابتلغي العيوب الموجودة في الراجل ..

ايه يعني لما يبق حد غني اوي بس مش محترم ؟؟؟

تمام يا وعد

اقتباس :

قريت الموضوع والردود انتى وبشمهندس باهر عاملين شوية مواضيع ملهاش حل ،،

كنت لسا بفكر والله أنزل موضوع بكدا طبعا بنات كتير بتفكر كدا

ومش هكدب واقولك ان عنصر المال مش مهم عندى لا طبعا وكذابه الى تقولك غير كدا

بس مش لدرجة انى الغى العيوب علشان رجل غنى لا طبعا ومستحيل

لازم اكون مقتنعه بيه جدا واكيد مفيش حد كامل بس لازم يكون فيه توافق ،،

وغلطان الى يقول الراجل ميعبوش الى جيبه لا طبعا

الراجل شخصيه كيان ،، ومش هقول ان الفلوس مش مهمه لا مهمه بس

مش كل حاجه ،،

موضوع جميل جدا يا دهب والله

..
منوره الموضوع كالعاده يا أسماء
وكلامك كله تمام الفلوس طبعا مهمه محدش يقدر ينكر ده
لكن مش هى كل حاجه زى ما بتقولى
ومينفعش ألغى عيوب ممكن تكون قاتله عشان الغنى
تبقى صعبه أوى

اقتباس :

الموضوع حساس ولو هنتكلم بصراحة
هنقول ان المديات عنصر مهم ف مشروع الزواج قلت مشروع الانة شركة بين اتنين
طيب الشركة دى ليها اساسيات هى
المستوى التعليمى /والمستوىالمادى/ المستوى الدينى الاحترام والتفاهم
طيب لو توافر المستوى المادى بشكل كبير وكان الفرق دة بيقابل عجز فى المستوى التعليمى
ياترى هيقدروا يتحملو دة هيبقى فى لغة حوار اصلا
لان البنت دايما تحب ان شريك حيتها فى مكانة اعلى منها

لو المستوى المادى قابل عجز فى المستوى الدينى والاخلاقى

يعنى الاحترام!!
التفاهم !!ا
شخصيتك!!ا
احترامك انفسك لسة زى ماهو!!ا


التلخيص
المستوى المادى مهم لكن لو اختيارة هيسبب تقصير فى اولاويات
يبقى لازم وقفة
لان دة قناع هيجى يوم وهيقع

جامد جدا جدا الرد يا انين دريم عجبني جدا

بس موقف حصل احب احكيه

انا فمره قالولى البنت الفولانيه اتخطبت فبقول اتخطبت لمين؟؟؟ قالولي اتخطبت لواحد معاه 900 ألف جنيه فضحكت و قلتلهم ايوه يعني مين
قالوا هي قالت كده مخطوبه لواحد معاه 900 ألف جنيه ....ضحكت و قلت ألف مبروك ليها على الـ900 ألف جنيه