مسلـــــسل ..عريـــــــس و عروســــــــــــــــة

ان شاء الله بعد انتهاء شهر رمضان
هنعمل مسلسل اسمه عريس وعروسة
هنحكى فيه مواقف كتير بتحصل ايام الخطوبة
بين المخطوبين وهيكون المسلسل عبارة عن حلقات
وابطال الحلقات دى هكون اعضاء مننا
كل مرة هنختار عريس او عروسة من المنتدى
هيكون هو بطل الحلقة .وان شاء الله يبقى مسلسل
حلو ويعجبكوا .....وكل سنة وانتوا طيبين

انتظــــــــــرونا

ESLAM GODA كتب:: ان شاء الله بعد انتهاء شهر رمضان
هنعمل مسلسل اسمه عريس وعروسة
هنحكى فيه مواقف كتير بتحصل ايام الخطوبة
بين المخطوبين وهيكون المسلسل عبارة عن حلقات
وابطال الحلقات دى هكون اعضاء مننا
كل مرة هنختار عريس او عروسة من المنتدى
هيكون هو بطل الحلقة .وان شاء الله يبقى مسلسل
حلو ويعجبكوا .....وكل سنة وانتوا طيبين

انتظــــــــــرونا

هههههههههههههه

طب والله العظيم فكرة جامدة جداااا.. [ندعوك للتسجيل في المنتدى أو التعريف بنفسك لمعاينة هذه الصورة]

منتظرين يا اسلام..

الله على أفكارك الجديده ,,

منتظريين أول حلقة

جامدة مووووت الفكرة دي

وبالذات بقي لما يكون ايطال المسلسل نفسهم

من اعضاء المنتدي ...

وبيتغيروا كمان ..

بجد فكرة تحفة ..

waiting ..

منتظريين

ان شاء الله ستبدا اولى حلقات
مسلسل عريس وعروسة

[ندعوك للتسجيل في المنتدى أو التعريف بنفسك لمعاينة هذه الصورة]

يوم الثلاثاء القادم على قناة

[ندعوك للتسجيل في المنتدى أو التعريف بنفسك لمعاينة هذه الصورة]

هنحاول كل مرة نجيب عريس او عروسه من اعضاء المنتدى
ونخطبهم لشخصيات بعيد كل البعد عنهم .. يعنى كل عريس او عروسه
هندبسهم فى عريس او عروسه مختلفين تماما فى الطباع وهنشوف هيعملوا معاهم ايه...

وهيكون اول ضحية معانا قصدى اول عروسة

اسيـــــــــــــــرة الاحـــــــــــــــلام

ف الانتظار

طيب عرفنا مين اول عروسة ..

مبروك يا اسيرة ...

ادبستي [ندعوك للتسجيل في المنتدى أو التعريف بنفسك لمعاينة هذه الصورة]

ESLAM GODA كتب:: وهيكون اول ضحية معانا قصدى اول عروسة

[ندعوك للتسجيل في المنتدى أو التعريف بنفسك لمعاينة هذه الصورة] اسيـــــــــــــــرة الاحـــــــــــــــلام

يالهووووووووووووووووووووي ..

ده أنـــــــا .. [ندعوك للتسجيل في المنتدى أو التعريف بنفسك لمعاينة هذه الصورة]

خدتوني علي خوانة ياخونة..... [ندعوك للتسجيل في المنتدى أو التعريف بنفسك لمعاينة هذه الصورة]

KENZY كتب:: طيب عرفنا مين اول عروسة ..

مبروك يا اسيرة ...

ادبستي [ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههههههه

الله يبارك فيكِ ياكنزي .. عقبالك ياااااااااااارب..

[ندعوك للتسجيل في المنتدى أو التعريف بنفسك لمعاينة هذه الصورة]

ههههههه ،، أحلى عروسه Wink

اسف ياجماعة ان الحلقة مانزلتش يوم الثلاثاء لظروف معينة
وان شاء الله اولى حلقات المسلسل هتنزل انهردة باليل
انتظــــــــرونا

يـــــــاريت

بس عايزين نعرف مين العريس ولا اسيرة هتكمل لوحدها

.... ولا ايه

[ندعوك للتسجيل في المنتدى أو التعريف بنفسك لمعاينة هذه الصورة]

KENZY كتب:: يـــــــاريت

بس عايزين نعرف مين العريس ولا اسيرة هتكمل لوحدها

.... ولا ايه

[ندعوك للتسجيل في المنتدى أو التعريف بنفسك لمعاينة هذه الصورة]

ما احنا قولنا العريس هيبقى شخص بعيد كل البعد عن ارض الواقع
ومالوش اى علاقة بالمنتدى

تـــــمــــام

المهم ...

مــــبــــروك مـــقـــدما

هيكون العريــــــس

مازنجر مثلا

هههههههه

مبرووك يا اسيره فرحتلك و الله ياختى من قلبى
هههههه

كمل يا سلم اصلى و متابع معاك ان شاء الله

Waiting ya islam

أسيرة الأحلام كتب:: Waiting ya islam

الحلقه الاولى

العروسة اسيرة الاحلام

( اسيرة الاحلام ) وقع حظها السيى في عريس اتقدملها وقرأ الفاتحة مع أهلها تمهيداً للخطوبة , وهو شخص يتميز ببرود
اعصاب وكسل غير متناهى :\12\
ومفيش داعى للاستفاضة في وصف العريس أكثر من كده , لان احداث الحلقة هتعبر عنه دلوقتى ...

تعالوا نشوف الاخت اسيرة الاحلام صاحبة الرومانسية الحالمه والاحاسيس الجياشه والمشاعر المتدفقه صاحبه الكلمات الدافئه والاسلوب الراقى

هتعمل ايه مع راجل عكسها تماما..... يلا نبدا

اسيرة تجلس مع خطيبهاالكسول البارد في غرفة الصالة بمنزل أسرتها وهي في حالة غليان وزهق شديدة منه.

اسيرة (بغيظ) : الساعة دلوقتي داخلة على 12 بالليل , وانت مشرف عندنا من الساعة 9 الصبح .. يعني انت كده بقالك 15 ساعة كابس على نفسنا.

العريس (بتناحة) : ما احنا بقينا أهل خلاص.

اسيرة .. أهل إيه ونيلة إيه !! .. ده انت يا دوب قاري فاتحة من غير دبل ولا شبكة , وقاعد اليوم كله عندنا واكل شارب , أمال لو خطبتني حتعمل إيه ؟؟ .. حتلم عزالك انت وأهلك وتيجوا تقعدوا عندنا ؟؟

العريس (متجاهلاً الكلام) : على فكرة اللب اللي كنت بقزقز فيه خلص .. ما ألاقيش عندكم شوية لب كمان ؟؟

اسيرة : هو انت معدتك لسه فيها مكان للب !! .. ده انت النهاردة لاهف عندنا 3 طقات ومحلي ورا كل طقة غير المشاريب اللي في النص واللب والسوداني , والحاجة الساقعة والفاكهة ولسه عايز لب تاني !!!!

العريس : كل ده عشان طلبت منك شوية لب يا بخيلة ؟؟

اسيرة : يعني هي جت على اللب !!! .. ما انت عندنا من الصبح وكبستها على الفطار , وفي الغدا أكلت ومليت بطنك , وأديك لسه طافح في العشا .. ما تاخد بعضك وتروح بيتكم بقى يا أخي عايزين نقعد براحتنا شوية .. ده إيه الكسل والبرود اللي انت فيه ده !!

العريس : والله الواحد مكسل يقوم من على الكرسي المريح بتاعكم ده .. طب ما ينفعش اخوكى محمود اللى فى الجيش ده يوصلني بعربيته للبيت بدل ما أتعب في المواصلات ؟؟ وانتى عارفة المشوار من بنها للقاهرة متعب اد ايه

اسيرة : ده انت بني آدم معندكش دم يا أخي .. ناقص كمان نشيلك هيلا بيلا ونوصلك لحد سريرك.

العريس : ده انتي بتقري أفكاري .. على العموم أنا حمشي دلوقتي وأمري لله وأبقى أجيلكم بكرة.

اسيرة : وتيجي بكرة ليه بس وتتعب نفسك في المواصلات .. خد لك مني أجازة أسبوع ولا حتى شهر تريح روحك.

العريس : طب باي بقى .. وحبقى أديكي رنة عشان تكلميني.

اسيرة (وهي متغاظة قوووى ) : بالسلامة يلا.

ويخرج العريس البارد بطلوع الروح من منزل اسيرة الاحلام في الساعة 12 بعد منتصف الليل , ليشعر أفراد أسرة اسيرة الاحلام بالراحة والحرية بعد خروجه وبعد كده اتفرقوا وراحوا علشان يناموا بعد الشعور بالراحة .. ولكن لم يدم ذلك الشعور طويلاً.

ففي الساعة الثالثة صباحاً وفي عز النوم يفزع أفراد أسرة اسيرة الاحلام على صوت جرس الباب اللى بيرن بصوت عالى جداااا..ليفزع الجميع في حالة فزع نحو الباب لمعرفة من ذلك الزائر الذي جاء لهم في تلك الساعة ليجدوا عريس اسيرة الاحلام يقف على الباب وهو يبتسم بكل برود ..

العريس (وهو على الباب) : مفاجأة مش كده.

اسيرة (في حالة ذهول) : في إيه !! .. حصل إيه !! .. إيه اللي جابك الساعة المتأخرة دي ؟؟

العريس (بعد أن دخل من الباب) : أبداً يا حبيبتى .. أصلي أما روحت ما جاليش نوم فقلت أتفرج على فيلم فيديو عندنا يمكن أروح في النوم.

اسيرة : طب واحنا مالنا بالموضوع ده !! .. ما تتهبب تتفرج ولا ما تتفرجش مالنا احنا فهمني ؟؟

العريس : أصلي لقيت الفيديو بتاعنا بايظ مش شغال فقلت أروح بقى عند اسيرة الاحلام حبيبتي أتفرج في الفيديو بتاعهم وأكمل السهرة عندهم.

اسيرة الاحلام(بغضب شديد) : انت عارف لو مامشيتش من قدامي الساعة دي , حجيب مننفضة السجاد وأنزل بيها على دماغك.

العريس : مش فاهم انتي متضايقة من إيه ليه بس .. طب ده انا معايا فيلم هندي 4 ساعات على جزئين .. حيعجبك قوي.

فتمسك اسيرة بعصاية المقشة وترفعها في وش العريس البارد ...

اسيرة : انت عارف لو ما مشيتش روحت دلوقتي حالاً .. حفتح دماغك بالعصاية دي. :$:

العريس (بفزغ) : خلاص خلاص هدي نفسك .. طب ممكن أبيت عندكم على الكنبة هنا ؟؟

اسيرة : وتبيت عندنا ليه إن شاء الله ؟؟ .. هو بيتكم وقع ولا أهلك قرفوا منك وطردوك من البيت ؟؟

العريس : كنت بقول يعني بدل ما أروح متأخر كده وأنام ساعتين عشان أصحى من بدري وأنزل أجيلكم تاني .. ما نقصر السكة وأبيت هنا وخلاص.

اسيرة الاحلام (بفزع) : وهو انت ناوي تجيلنا بكره الصبح بدرى تاني ؟؟ ... لييييييييه ؟؟

العريس : أعملكم إيه يعنى .. ما هو انتم اللي بتفطروا بدري.

اسيرة (بتهديد) : انت حتمشي ولا أدب المقشة دى في عينك.

العريس : خلاص أنا ماشي ماشي .. أشوفك بكره بقى .

اسيرة : مش عايزينك بكرة ولا بعده .. خلينا نستريح منك بقى يا أخي.

ويخرج العريس الكسول من المنزل لتقفل اسيرة وراه باب الشقة بعنف وهي بتقول : داهية ما ترجعك يا شيخ.

وفي الساعة السابعة صباحاً يدق جرس المنزل ليوقظ أفراد الأسرة جميعهم من النوم , وتنظر اسيرة الاحلام في العين السحرية لتجد خطيبها البارد يقف أمام الباب فتقرر أن تتركه من غبر ما تفتح له.
ويفضل العريس أمام باب المنزل لمدة نصف ساعة يضرب الجرس بدون اى ملل .....

وبعد ان استمر العريس يدق الباب لمدة نصف ساعه متواصله , أصابه اليأس والملل فقرر أن يعود لبيته

وبعد أن اطمأنت اسيرة لرحيل خطيبها اتصلت بصديقتها (وردة بلادى) لتستشيرها في أمر ذلك العريس الكسول البارد, فاقترحت عليها وردة أن تجعل اللقاء بينها وبينه في مكان خارج البيت علشان تعرف تفك منه بسهولة دون أن تعرض نفسها وأهلها لبروده وكسله..

وبمجرد أنقفلت اسيرة السماعة مع وردة لقيت التليفون بيرن , ولما رفعت السماعة لقت خطيبها اللى ع التليفون

العريس (بعتاب) : بقى كده يا اسيرة أصحى بدري وأجيلكم عشان أفطر معاكم محدش يفتح لي.

اسيرة : معلهش بقى اصلنا كنا نايمين وما سمعناش الجرس.

العريس : طب خلاص أنا جاي دلوقتي ألحق الفطار معاكم.

اسيرة : إستنى عندك .. أنا قررت دلوقتي إننا نتقابل في مكان بره البيت أحسن.

العريس : الله حلو قوي .. نفسي أروح القناطر..

اسيرة : القناطر ؟؟؟ .. أهو أي حاجة بعيد عن البيت وخلاص.

العريس : بس ما تنسيش تعملي حسابك في الأكل بقى .

اسيرة : الأمر لله .. المهم نبعد عن البيت وخلاص.

وتتفق اسيرة مع عريسها البارد على أن يروحوا للقناطر في اليوم التانى
وبعد أن وصلوا للقناطر قعدوا مع بعض على النجيلة في وسط الحدائق , وبمجرد الجلوس راح العريس لاسيرة قائلاً:

العريس : ما تطلعي الأكل اللي معاكي بقى عشان ناكل.

اسيرة: هو ده اللي همك . .اتفضل الأكل أهوه.

ويخرج العريس سندوتش من شنطة الاكل ويبدأ في الاكل . وأثناء اكل العريس السندوتش جه دبور على ودن العريس من غير مايحس بوجوده.

فتصرخ اسيرة : إلحق إلحق .. في دبور كبير واقف على ودنك .. هشه قوام قبل ما يقرصك.

العريس (ببرود وبؤه ممتلئ بالاكل) : دبور !!! .. دبور نوعه إيه ؟؟

اسيرة (بهستيرية) : وانا إيشعرفني نوعه إيه , حد قالك إني بتاعة حشرات .. ما تتهبب تهشه قبل ما يقرصك.

العريس ( ببرود ) : طب هو الدبور واقف على أنهي ودن ؟؟ .. اليمين ولا الشمال ؟؟

اسيرة (بصراخ) : اليمين اليمين .. بسرعة قبل ما يقرصك.

العريس : انتي تقصدي يمينك انتي ولا يميني أنا .. أصل احنا الاثنين باصين لبعض ويمينك يبقى شمالي وشمالك يبقى يميني.

اسيرة (بهستيرية) : ودنك اليمين .. ودنك اليمين .. يمينك انت جتك داهية .. اتحرك بسرعة وهشه بقى.

العريس (بعتاب وبرود) : طب وانتي ما تهشيش الدبور من على ودني ليه ؟؟ .. هو انتي مش شايفاني مشغول في الأكل.

اسيرة : الدبور حيقرصك يا زفت .. ده إيه البرود اللي انت فيه ده !!

وفي تلك اللحظة يشعر العريس بألم شديد في ودنه ..

العريس : أي أي أي .. أنا حاسس بحاجة بتقرصني جامد في ودني .. يا ترى إيه اللي بيقرصني ده ؟؟

اسيرة : مستغرب قوي إن ودنك بتتقرص .. يعني مش عارف بتتقرص من إيه .. ما تهشه بقى الله يقرفك ؟؟

العريس (وهو لا يزال منهمك ف التهام الطعام) : خلاص خلاص القرصة انتهت والألم بدأ يروح.

اسيرة : بس الدبور لسه واقف على ودنك يا بارد يا سئيل .. ما تهشه بقى.

العريس : وأتعب نفسي وأهشه ليه بس !! .. ما خلاص قرصني واللي حصل حصل.

اسيرة : هو انت عاجبك منظرك والدبور واقف على ودنك ؟؟

العريس : هو باين عليه دبور لزقة ورخم مش عايز يسيبني.

اسيرة : والله مانا عارفة مين اللي لازق في مين .. الدبور اللي لازق فيك ولا انت اللي لازق في الدبور.

ويبدو أن المكان الذي كان يجلس فيه كل من اسيرة وعريسها ممتلئ بالحشرات .. فلم تعد تمر دقائق حتى تصرخ اسيرة مرة أخرى.

اسيرة : إلحق إلحق .. في عنكبوت كبير ماشي على عينك.

العريس (ولسه الدبور واقف على ودنه اليمين ) : يوووووووووه .. انتي مش مخلياني أعرف آكل بهدوء .

اسيرة : يا أخي بقولك عنكبوت ماشي على عينك .. إنت إيه ما بتحسش !!

العريس (ببرود) : أنهي عين فيهم ؟؟

اسيرة : الشمال الشمال .. إلحق هشه بسرعة أحسن ده بدأ يغزل البيت بتاعه على عينك.

العريس : تقصدي شمالك انتي ولا شمالي أنا .. أصل احنا الاثنين باصين لبعض ويمينك يبقى شمالي وشمالك يبقى يميني.

اسيرة (بهستيرية) : شمالك يا نيلة .. شمالك يا هباب .. عينك الشمال العنكبوت دلوقتي عامل عليها الشبكة بتاعته وانت سايبه وعمال تسأل أسئلة غبية.

العريس : أتاريني مش شايف بعيني الشمال كويس وحاسس إن عليها غيامة.

اسيرة : طب ما تشيل القرف اللي على عينك ده بقى يا أخي .. ده إيه البرود المتناهي ده !!

العريس : يعني عايزاني أسيب الأكل عشان أهش عنكبوت من على عيني .. يا ستي العنكبوت عموماً مش بيقرص إستريحي بقى.

اسيرة : يعني أنا حظي وبختي المهبب أقعد مع بني آدم دبور لازق في ودنه اليمين وعنكبوت معشش على عينه الشمال وهو مكسل يزيحهم عنه.

العريس : ما تاخديلك سندوتش تاكليه أحسن بدل ما انتي شاغله نفسك بحاجات هايفة.

اسيرة : آكل !!!! .. وهو اللي يشوف منظرك يجيله نفس ياكل .. حسبي الله ونعم الوكيل فيك يا شيخ.

ويأست اسيرة من عريسها فتركته منهمك في الأكل ولسه الدبور لازق فى ودنه اليمنى والعنكبوت بنى عشه واستقر تماماً على عينه اليسرى .. وبعد دقائق تصرخ اسيرة للمرة الثالثة.

اسيرة : يا مامااااااااااااا .. إلحق إلحق .. برص كبير ماشي على قفاك.

العريس (ببرود) : أنهي قفا فيهم ؟؟

اسيرة : وانت عندك كام قفا يا منيل ؟؟ .. يكونش عندك قفا للابراص وقفا تاني تنضرب عليه ؟؟

العريس : تلاقي البرص جاي عشان ياكل الدبور اللي لازق في ودني .. فرصة يخلصنا منه واحنا بناكل.

اسيرة : انت مش ممكن تكون بني آدم طبيعي .. أنا مش قادرة أستحمل أكثر من كده وحقوم امشي.

العريس : طب استني بس أما ناكل الحلو.

اسيرة : حتى البيتي فور اللي جايباه معايا النمل اتلم عليه .. ده احنا قعدنا في حتة منيلة ومليانة حشرات.

العريس : يا ستي نمل نمل مش مشكلة .. هاتيه وانا حاكله بالنمل.

اسيرة : يعني حتاكل النمل ؟؟

العريس (بغضب) : وانتي مالك خايفة عالنمل قوي كده ليه ؟؟ .. هو النمل ده أهم مني ؟؟

فتفقد اسيرة اعصابها ويجن جنونها .. فتقف على قدميها وتمسك بشنطة الاكل وتنهال بها ضرباً على رأس العريس طاخ طاخ طاخ.

العريس : آآآآآآآآآآي آآآآآآآآآآي آآآآآآآآي .. كفاية ضرب على راسي .. كفاية أحسن تطيري الدبور اللي لازق في ودني.

اسيرة (وهي تنهال بضرب هستيري على رأسه بالشنطة) : خد خد خد خد خد

العريس : آآآآآآآآآآي آآآآآآآآآآي آآآآآآآآي .. أديكي مشيتي العنكبوت اللي كان واقف على عيني .. عاجبك كده ؟؟

وفي النهاية تستدير اسيرة لتعود للبيت تاركةً عريسها البارد وحده ملقى على الأرض , فينادي العريس عليها.

العريس : طب استني عشان توصليني معاكى.. طب سيبيلي بقية الأكل اللي في الشنطة يا اسيرة

....اسيررررة ..اسسسسيرة :

وبكده تكون انتهت اولى حلقات مسلسل عريس وعروسة
انتظروا باقى الحلقات
انتظرونـــــــــــا

هههههههههههههههههههههههههههههههههههههههههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههههههههههههههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

ده إيه كمية البرووووووود اللي في الراجل ده ..

إنت عارف أنا لو وقعت في حد كده .. هاخد فيه إعدام من أول قاعدة .. [ندعوك للتسجيل في المنتدى أو التعريف بنفسك لمعاينة هذه الصورة]

حلقة دمها خفيف جداااااااااااا يا اسلام ..

حتي وانا متعصبة زي العسل ..

سبحان الله ..[ندعوك للتسجيل في المنتدى أو التعريف بنفسك لمعاينة هذه الصورة]

منتظرين الباقي .. [ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههه

يا عينى يا اسيــره

عريس ضايع من مجاميعــه

عنكبوت و دبور و برص

ناقص كان يبقى فى فيران كمـــان

مرزقه من يومك

هههههههههههه

عرييس اخر الاجــــــــــــه

أسيرة الأحلام كتب:: هههههههههههههههههههههههههههههههههههههههههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههههههههههههههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

ده إيه كمية البرووووووود اللي في الراجل ده ..

إنت عارف أنا لو وقعت في حد كده .. هاخد فيه إعدام من أول قاعدة .. [ندعوك للتسجيل في المنتدى أو التعريف بنفسك لمعاينة هذه الصورة]

حلقة دمها خفيف جداااااااااااا يا اسلام ..

حتي وانا متعصبة زي العسل ..

سبحان الله ..[ندعوك للتسجيل في المنتدى أو التعريف بنفسك لمعاينة هذه الصورة]

منتظرين الباقي .. [ندعوك للتسجيل في المنتدى أو التعريف بنفسك لمعاينة هذه الصورة]

انا كنت هاحطلك حاجات اكتر من كده بكتير
بس صعبتى عليا والله

RoMiO. كتب:: هههههههههههههه

يا عينى يا اسيــره

عريس ضايع من مجاميعــه

عنكبوت و دبور و برص

ناقص كان يبقى فى فيران كمـــان

مرزقه من يومك

هههههههههههه

عرييس اخر الاجــــــــــــه

هههههههه

الفيران فى الحلقة الجاية ان شاء الله ..
بس انتا ماقولتش يا سولم رايك ايه فى الحلقة

اقتباس :: العريس : الله حلو قوي .. نفسي أروح القناطر.. [ندعوك للتسجيل في المنتدى أو التعريف بنفسك لمعاينة هذه الصورة]

اسيرة : القناطر ؟؟؟ .. أهو أي حاجة بعيد عن البيت وخلاص.

اخر طموحاتك القناطر

ههههههههههههههههههه

حلقه جامدة يا اسلام تسلم ايدك

الف مبروك يا اسيره على الفرح الى باظ كدة كدة العريس بارد