المية والنور ولو مش عاجبك غوووووووووور

صباح الخيرات عليكم

انا فاكر ان الاستاذ مصطفى فتحي كان عمل حوار مع رئيس الوحدة المحلية بالعمار وتطرق لموضوعي المياخ والكهرباء وصرح رئيس الوحدة المحلية حينها باشياء كثيرة لم تحقق ومنها تشغيل محطة المياة الجديدة وزيادة محولات الكهرباء واشياء واشياء لم يتحقق منها اي شئ فقد شاهدت هذا الحوار مصورا من خلال المنتدى .

والان من الاحرى ان يواصل مصطفى فتحى فتح هذا الملف مرة اخرى مصورا مع رئيس الوحدة للوقوف على الاسباب الحقيقية للمشكلة وفهم الحلول وما هي الخطة الموضوعة للحل وما هي معوقات التنفيذ ؟ كل هذه امور لا يمكننا ان نخمن اجابتها ولكن لابد من معرفة ما يجري حقيقة من خلال شخص مسؤول وعلى علم بما يجري ألا وهو ــ على اقل تقدير ــ رئيس الوحده المحلية باعتباره اقرب المسؤولين الينا

اعلم انكم تكاتفتم اثناء مشكلة الغاز حت تم حلها فلما لا نتكاتف حتى تحل كل مشاكلنا الخدمية الاساسية والاهم في حياتنا الا وهي ( مشكلة مياه الشرب ) اعلم ان محطة التنقية بالعبادلة تم الانتهاء منها وهي شغالة بالفعل وتخدم بلدان مجاورة حاليا وليس معقولا ان يكون سب كل هذا التعطيل مجرد ماسورة من هناك الى هنا ( مجرد ماسورة ) .

شركة المانية ثم شركة مصرية ثم شركة المانية مرة اخرى عشان ماسورة عابرة للرياح التوفيقي .
دا لو جابوا عم فريحة برجالته بتوع دق الطلمبات اليدوية كان زمانه خلصها من زمان
يجب التوجه الى رئيس الوحدة ثم رئيس مجلس مدينة طوخ وصولا للمحافظ لتصل معاناتنا اليهم وتحريك الموضوع
فقد قرأت في الردود ان الماسورة سوف يتم حملها على الكوبري الجديد واعتقد ان هذا خاطئ لان الكوبري مصمم بشكل يمكن فتحة ولا يمكن فتح الكوبري وعليه تلك الماسورة ، وهنا نجد هناك تصوران اما ان ترفع الماسورة بارتفاع 5 امتار اعلى الكوبري واما تمر في قاع الرايح او اعمق قليلا ولكن ما اتصوره انه من غير المعقول ان مجرد عبور الماسورة سواء طائرة او عميقة يستغرق كل هذا الوقت وهذا التكاسل .

علم انكم تكاتفتم اثناء مشكلة الغاز حت تم حلها فلما لا نتكاتف حتى تحل كل مشاكلنا الخدمية الاساسية والاهم في حياتنا الا وهي ( مشكلة مياه الشرب ) اعلم ان محطة التنقية بالعبادلة تم الانتهاء منها وهي شغالة بالفعل وتخدم بلدان مجاورة حاليا وليس معقولا ان يكون سب كل هذا التعطيل مجرد ماسورة من هناك الى هنا ( مجرد ماسورة ) .

ــــــــــــــــــــــــــــــــــــــــــــــــــــــــــــــــــــ

أهى مجرد الماسورة دى عندهم عاملة زى "الشنكل " بتاع فؤاد المهندس

عاوزة لجنة واللجنة عاوزة لجنة واللجنة عاوزة لجنة تنقعد تانى

مع كل اللى بيحصل مياة العبادلة هى الحل الوحيد الآن

المشكلة إن أسرع وأفضل الحلول دلوقتى هيستغرق أكتر من شهر !!

المشكله ببساطه اننا سلبيين مابنعرفش غير اننا نتكلم وبس ووقت الفعل ماتلاقيش حد ولما اى انسان يتحرك ويحاول دايما نتريق عليه ومش عارف ليه طيب حد راح سأل هيا المشكله ايه والناس المعتصمه معتصمه ليه ولمين . طب حد راح ماكنه الميا وسألهم ايه السبب ولا مين من المسؤولين جه ومين راح والميا لما جت دلوقتى رغم انها ضعيفه جت ازاى وليه ماجتش قويه خالينا فى الكلام وكفايه علينا وياريت الاستاذ الى قال ان الى كانو معتصمين اطبطب عليهم وانضحك عليهم يبقى يروح هوا ومايخليش حد يطبطب عليه زيهم
ولا حول ولا قوة الا بالله

والله يا أحمد أنا قولت في نفسي أول ما بدأت أقرأ الموضوع أحمد بعتلى لينك لموضوع السلبيين ليه قبل ما أقرأ كلامك

يا أستاذ أحمد أنا قولت الكلام ده بعد ألغاء الوقفه ال كان مقرر لها رمضان الماضي قولت أن البيه ال جه واضح أنه هدى الشباب بكلمتين وقولت لابد من رد قاسي وقولت البلد أذدادت سوء بدرجه كبيره في المياه والكهرباء والطرق

وكان لا بد من رد فورى وسريع لاننا في مجتمع السلبيين كله بيتكلم وخلاص والكل بيدخل يترسم علشان يبان مش علشان يصلح ولا يعمل حاجه وهيقللوا من عزيمه واراده الشرفاء

أحنا هنتخذ الأجراء ال اتفقنا عليه اليوم وعندى يقين بأن العدد سيكون قليل يوم السبت نظرا لكثره السلبيين ساعتها هتكون خراب على كل السلبيين

أحنا هنظف البلد دى ومش عايزنها بايظه رغم أنف السلبيين

يا ريت تطمنونا يا اخوان ايه اللى تم انهارده

علمت منكم ان هناك اليوم اعتصام امام ماكينة المياه بالعمار

هل هناك من يطمئننا ما الذي تم من جراء الاعتصام

يعني في أمل فيهم ولا ما فيش فايدة ؟

انا سمعت من الاهل في مصر ان بكرة هيكون في حل هيرضي الجميع

بس يا ريت حد يخطرنا ما الذي تم وشكرا

سمعت هذا الخبر اليوم
وسمعت ايضا خلال اتصالي بالاهل في العمار ان المياه ايضا اصبحت صالحة للشرب
وهذا كلام كثير من الناس بالعمار
فهل بالفعل تم تغيير البئر غير الصالح للشرب ببئر اخر صالح للشرب ؟
ام ان هذا خبر غير موثوق به او غير صحيح ؟

وقد طلبت من الاهل بالفعل اخذ عينة من المياه وتحليلها للتأكد من صحة الخبر
فهل من بين حضراتكم من يفيدنا حول هذا الخبر ؟
وشكرا لتواصلكم .