هو انا عاوز أتجوز ليه؟؟

هو انا عاوز أتجوز ليه؟؟

----
...
طبعاً كل شاب عاوز يتجوز

طيب عاوز يتجوز ليه؟؟

♥ لأن الزواج هو أقصر الطرق لـ العفاف

أكبر فتنه بيتعرض لها الشاب هي المراه

فلما يحافظ علي نفسه ويتزوج من بدري بدري ربنا بيعفه وبيحفظه

وحياته وعاطفته بتستقر

وبلاش ننسي ان ربنا بيسر طريق طالب العفاف :)

♥ وكمــان ايه؟؟

لما يصحي من النوم يلاقي زوجته محضراله الطعام وقاعده تفطر معاه كده

وحياتهم وردي

^_^

ملناش دعوه احنا بالستات اللي بتنام وبتصحي متأخر :D

♥ وكمان ايه؟؟

لما يرجع من الشغل يلاقي زوجته مستنياه ومحضراله الاكل

اللي بيحبه وتقعد تاكل معاه وتفتح نفسه وتبتسم له

ملناش دعوه بقي بالستات الثرثاره اللي بتقعد توجع دماغ اجوازتهم بعد الرجوع من الشغل

♥ وكمان ايه؟؟

لما ربنا ينعم عليه بالذريه

واول لما يدخل البيت يلاقي الواد جري عليه واشتعلق فيه ويبوسه ويحبه

حتي ولو لسه مجبش سنتين

ويشبط فيه كل لما يجي ينزل ويقعد يعيط

يتمني الاب وقتها انه يرجع بسرعه من الشغل لان في البيت ناس بتحبه ومستنياه

♥ وكمان ايه؟؟

انك تحس انك راجل بكل ما تحمله الكلمه من معني

تحس انك مسئول عن زوجه واطفال وبيت كامل بكل احتياجاته ولوازمه

^_^

اكيد احساس حلو :D

♥ وكمان ايه؟؟

كمــان إحساس حلو أوي لما تاخد زوجتك والاولاد لرحله خلويه كده مع شويه اكل وطرمس الشاي

وترحوا نادي ولا حاجه

وتقعد انت والمدام وولادك حواليك بيتنططوا كده

احساس جميل

♥ احساس جميل

انك تستقر عاطفيا وتلاقي زوجه بتقولك احلي كلام تحب تسمعه وفي الحلال

جميل اوي انك تلاقي امراه عظيمه تشجعك لتحقيق طموحك

تسمع لشكواك

تشاركك اهتمامتك

وكمان تساعدك في تخطي مشاكل الشغل وتحاول تخفف عنك

------

♥ وكمان انا عاوز اتجوز علشان مبقاش وحيد :D

~

مفيش أحسن من الاسره المسلمه الجميله

اللي عارفه حقوقها وواجبتها كويس وبتتقي ربنا في شريك حياتها

اللي ربنا اصطفاه ليها

^_^


بقلم
مها قدري

مواضيعك اكثر من رائعه يانور تسلمى

شكرا ليكم جميعا ويجزيكم خير ان شاء الله

هههههههههههههههههههههههههه ماشي يا محمد خلاص وصلت

ربنا يكرمك ويجزيك ويرزقك بالزوجه الصالحه ان شاء الله