بص يابن الحلال
انا صبرى عليك طاااااااال
هو انت تقلان ولا منفض ولا ايه الاحوال؟؟
انا تعبت خلاص وصبرى نفذ ورمزى ونظمى نفذوا كمان
... هو انا يعنى مش ورايا شغلانة الا انت ..قاعده مستنياك..!!!
لا لا متفهمش غلط..انا عرسانى كتيييير ..بس انت اللى فى البال..
طول النهار اتسال نفس السؤال..
ها مفيش جديد؟؟لسه مجاش
اقولهم لسه ما آنش الأوان
مسافر كوكب زحل والاتوبيس بس عطلان
طب بص يا اسمك ايه..
هو انت إتأخرت ليه..
يعنى لسه بتكون نفسك!!! انا والله ما عاوزة حاجه
لا عاوزة شبكة ولا مال
كله اللى عوزاه ان ربنا يجمعنى بيك فى الحلال
مش عاوزة غير بيت صغنووووون مليان طاعة وحب للرحمن
مشتاقة لركعتين بلييل تكون فيها الإمام
مشتاقة لصيام يوم حر لرضا المنان
مشتاقة لصدقة نطلعها سوا بنوايا كلها تماام
نوايا ان ربنا يديم علينا رضاه
بشتاق اربى معاك اطفال ترجع عز زمااان
ولا تلاقيك قاعد مرتاح وكل ما يقولولك يلا نفرح بيك..
تقولهم لسه لسه بلا جواااز بلا بتاع..
حبسة وتأبيده ونكد ليل نهار..
:((
ما انت لسه متعرفنيش..
انا همشى على خطى أمهاتى..زوجات رسولى حبيبى..
عارفة ان زوجى جنتى وسبب رضا ربى عنى..
عمرى فى يوم مهزعلك ولا اخليك تنام غضبان
اوقات كتير بشتاق للكلام معاك..
بفضل بقى اكتب رسايل واعملها مراكب وارميها فى النيل يوصلهالك كمرسال..
يازوج المستقبل وحشتنى..
بس كلى رضا بأمر الرحمن..
لسه مآانش الاوان
بس اوعدك
محدش هيدخل قلبى قبلك..هحافظ على نفسى لغاية ما اسلمهالك
خلى بالك من نفسك واحرص على الرزق الحلال..
مش عاوزين نغضب ربنا ونربى العيال بمال حلال