ياللي ناوي تروح بنها أو طوخ خليك في العمار النهاردة لا تدوخ

خرجت الصبح و لسة راجع دلوقتي لا رحت يمين و لا شمال و قضيتها في الطريق زحمة و زنقة محدش يتخيلها و السبب ان أهالي كفر الحصة مولعين في كاوتش وواقفين بالسلاح قاطعين طريق مصر اسكندرية الزراعي علشان واحد كان بيعدي الطريق الصبح و عربية خبطته و طبعا كالعادة يقطعوا الطريق علشان الحكومة تعملهم كوبري
بس و عنينا ما تشوف إلا النور اللي راجع من مصر بيدخل من مزلقان طوخ على بلتان على بنها علشان يكمل طريقه و اللي رايح مصر بيدخل من بنها على بلتان على طوخ و في الحالتين طريقك مسدود مسدود يا ولدي و بتوع العمار محتارين في النص