khairy el khashab مشرف منتدي شبابيك
عدد الرسائل : 1242 العمر : 34 المكان : العمار الحالة : busy الهواية : pilot f_16 تاريخ التسجيل : 02/04/2010 التـقــييــم : 7
| موضوع: المنطق يا مرسى؟ الثلاثاء 01 نوفمبر 2011, 12:13 am | |
| تعرف ايه عن المنطق يا مرسى؟ [ندعوك للتسجيل في المنتدى أو التعريف بنفسك لمعاينة هذه الصورة]
اعرف ان لما واحد يضرب واحد يقع ما يحطش منطق هو دا المنطق ولا مش هو؟
هو ولا مش هو يا اساتذة يا متسقفين يا بتوع المدارس
طيب .. مرسى الزناتى كلنا عارفينه ما يعرفش حاجة فى البطاطس
وقال اجابة غلط تعرفوا انتوا ايه بقى عن المنطق
هل المنطق بتاعكوا ان الواحد يضيع من عمره 6 سنين فى ابتدائى وبعدين 3 فى اعدادى وبعدين 3 فى ثانوى من غير ما يتعلم فيهم اى حاجة (يتعلم بجد مش يصم ويطرش)
وبعدين يدخل كليه مكنش يتصور انه يدخلها خالص ويضيع 4 سنين من عمره تانى كل ده لو فى حاله انه مدبرلش ولا سنه وماشى فى التعليم الله ينور يعنى
اصل انتوا متعرفوش سنين العمر عندنا ملهاش اى لازمه ... مش فارقه معانا يعنى وطبعا انتوا عارفين ان الشئ المنطقى فى الموضوع ده كله انه هيتخرج من الكليه يا مولاى كما خلقتنى ( ابيض يا ورد )
[ندعوك للتسجيل في المنتدى أو التعريف بنفسك لمعاينة هذه الصورة] وفعلا ما يعرفش اى حاجة عن اى حاجة لا يملك من حطام حياته سوى شهادة تخرج يستطيع ان يذهب بها الى عم عزيز بتاع البراويز ليعلقها فى صالون المنزل ويفرح باباه ومامته بيه ويرفع راس عيلته قدام الجيران
بعد هذا يصبح متأهبا لمواجهة الحياة بعقل انضف من الصينى بعد غسيله
وقلب متهربد من علاقات الحب الفاشلة التى لم تخرج عن اطار الوقفة على كوبرى قصر النيل المكدس تماما ببنات واولاد واقفين يحبوا فى بعض
لن يتزوجوا لانهم اصلا مش لاقيين ياكلوا ولن يصلوا فى قصة حبهم الى ابعد من تلك التعليقة على الكوبرى ناهيك طبعا عن الجيوب الخاوية والكبد والطحال المهريين من كتر شرب الشاى والقهوة والشيشة اثناء لعب الجوكر والضمنه والطاولة على القهوة
هل هذا هو المنطق؟
طبعا واضح جدا ان عنينا فارغة بدال ما نحمد ربنا ونبوس ايدينا وش وضهر على مجانية التعليم (اللى لا هى مجانية ولا هى اصلا تعليم )
واضح كده اللى احنا بنتبطر على النعمة وفرص العمل الهائلة التى فوجىء بها الشباب تسقط على رؤوسهم (تقولش مطرة
اما بالنسبة لسقف الحرية المتاح للشباب والمناسب لتنمية ابداعهم وقدرتهم على الابتكار فحدث ولا حرج حيث تم توسيع هامش الديمقراطية
( اكتر ما هو اصلا واسع)
منطق ايه بس اللى بتتكلموا عنه؟
بلد غير منطقية يعيش بداخلها مجتمع غير منطقى تحكمه حكومة غير منطقية تتصرف تصرفات غير منطقية تحت اشراف رئيس وزراء غير منطقى بالمره وجايين تتشطروا على الواد الغلبان مرسى الزناتى وتقولو له تعرف ايه عن المنطق؟
بالله عليكم اللى يعرف اى حاجه عن المنطق ,, يدخل يقولنا [ندعوك للتسجيل في المنتدى أو التعريف بنفسك لمعاينة هذه الصورة]
| |
|