رباعيات

الشمس شرقت صبيه نايمه على كتفي

خدودها ورد ازار من نظره راح يكفي

يا خوفي من ليل كئيب ليخون ويحجبها

يا مصر نفسي احضنك تبكي وتتدفي



عيره يا توب السطل لابسينك الجدعان

كرست حجرين مزاج يا زينة الفرسان

وان نط صهيون وعشق في البلد وتناك

هتفوق ساعتها زليل فايته الأوان بأوان



زوق عروسة النيل وارميها في المالح

لا النيل هيفضل ولا الليله كما امبارح

والدور قرب على القناه والباقي يتفتت

نقعد نعيط على رأس الرجا الصالح



وحدي هشيلك يا بوبه وابنيكي مالأول

شكل الليلادي شتا ساقعه وهتطول

لكن مليش غير عنيكي والقمر واحد

الجوع فحضنك كرامه براكي دا تسول



قلب الصبابا ملايه غطت الأولاد

وفي الميدان وحدكم يلا زاد ولا زواد

شدوا الحبال فتلوها وارفعوا الأوتاد

وطن ومكتوب عليكم ; سجلوا الأمجاد



مين اللي رفع العلم من فوق شواشي النار

مين اللي قال دا وطن فحماية الجبار

ومين نوى يهرب ومين اللي واخدها هزار

وابن ابوه انتوى التار والا العار



عسكر جلالة الملك بيكلبشوا اديكي

عاوزينها عزبة أغا بيلعبوا بيكي

فوقي يا هبة النيل هو احنا زهر النرد

اه يا بلد نايمه حاميكي حراميكي