أحدث قصيده لهشام الجخ.....مكملين بالفيديو

وفيما يلى نص القصيدة

احنا نزلنا ليه ؟؟ مكملين

للى مش فاهمين نقول ..

للى مش فاهمين نزولنا ..

مكملين للى معاشوش ظلمنا ولا قهرنا

وحاسوش نزولنا ..

للى مداقوش مر جوعنا ..

اللى ماناموش فى الشوارع كالدبايح ..

كملوا بالليل عشاهم م الصفايح ..

للى مش فاهمين مهانة الرجال ..

قهر الرجال ..

للى بيقولوا علينا اننا حبة عيال ..

احنــا مش حبة عيال ..

[ندعوك للتسجيل في المنتدى أو التعريف بنفسك لمعاينة هذه الصورة]

احنا شوفنا النيل بينشف فى البيوت

واما يجرى

يتفرش حمام سباحة فى قصر باشا

مستكترين فيا الغضب ..

مانا كنت غرقان فى البشاشه

كنت راضى ببوق مايه واقول دى هانت

كنت ببكى فى القصايد ..

كنت بشتم فى القصايد..

تتقطع ايدى اما قولت حبيبتى ماتت

[ندعوك للتسجيل في المنتدى أو التعريف بنفسك لمعاينة هذه الصورة]

للى مش فهمين نزولنا فى الشوارع ..

احنا بندور على الحلم اللى ضايع ..

احنا جرينا النفس فى عروق عيالنــا

يكبروا فاهمين حاجات مافهمنهاش ..

اقبل انى اعيش عشان حلم وقضيه ..

بس ماقبلشى انى عمرى يضيع بلاش

مااحنا سيبنلكوا البلد مانصفتوهاش

[ندعوك للتسجيل في المنتدى أو التعريف بنفسك لمعاينة هذه الصورة]

ماتلوموش على اللى اتعجن فى المعجنه واللى اتظلم

واذا كنتوا فاكرينا غنم .. على رزقكم أنا جِدْى فاق

فاكرين زمان حذرتكم ..

مستنى ايه من طفل رَبُّوه بالزعاق

غير المشاكل والخناق ..

اذا كنتوا فاكرينا غنم ..

على رزقكم أنا جِدْى فاق ..

[ندعوك للتسجيل في المنتدى أو التعريف بنفسك لمعاينة هذه الصورة]

للى مش فاهمين نزولنا فى الشوارع ..

الحكومة نزلتنا فـ الشوارع ..

عودتنا على الشوارع

الحكومة بيتتنا فى الشوارع

سكرت على نفسها كل البيبان ..

خوفتنا من البيبان ..

فاترمينا كلنا فى حضن الشوارع

اكتر مكان لقيناه امان ..

اللى خايفين على البلد لحسن تموت

ماتخافووووش الموت سكوت ..

واحنا مش فى الخطه اصلا ..

إن بكرة يكون سكوت ..

[ندعوك للتسجيل في المنتدى أو التعريف بنفسك لمعاينة هذه الصورة]

احنا شايلين حملنا ومكملين ..

بكرة بيشاور علينا واحنا مش مستعجلين ..

ما احنا لينا كام سنه متقندلين ..

صابحين فى طين .. نايمين فى طين

احنا بنأسس بلد ..

تسمع شكاوى المظلومين ..

نشتغل نلقى عرقنا قصاد عنينا ..

مش فى جيب النصابين

نشتكى .. نلقى الودان ..

نلقى اللى يسمع شكوة الناس الغلابه الطيبين

احنا بنشكل بلد ..

لاهى خايفة من صوت الاذان ..

ولا خايفة من ان الكنائس تتبنى

احنا بنشكل وطن عافيان غنى ..

مش وطن يخدم 15 نفر ويبات جعان

احنا مش عاوزين وطن مهزوز مُهان

“المصرى مش لايقة عليه كلمة مُهان”

[ندعوك للتسجيل في المنتدى أو التعريف بنفسك لمعاينة هذه الصورة]

ويقولك احنا عملنا فوضى ..

طب احنا بردوا عملنا فوضى !!

احنا كنا بنتجلد ونعيش ونرضى

واحنا كنا بنتسرق ونعيش ونرضى

كانت الاسعار بتغلى وكنت برضى

والشرطة بتفتشنى عادى ..

فى اى وقت فى اى حته وبدون مناسبة

وكنت برضى ..

والانتخاب من سن كام لسن كام “معرفشى ليه” ؟

وكنت برضى ..

جاى النهاردة تقولى احنا عملنا فوضى

طب فوضى فوضى ..

[ندعوك للتسجيل في المنتدى أو التعريف بنفسك لمعاينة هذه الصورة]

ماسورة الغاز ..

ماسورة الغاز .. بتقفلها لصعيد بلدك .. وتل ابيب بتفتحها !!

مسورة الغاز .. بتقفلها على ولادك وللاعداء بتفتحها !!

وناس شقيانه طول اليوم عشان لقمه ..

وغالى ياخدها على الجاهز .. اللهى يارب يطفحها

وناس تسكن قصور بتدور .. وناس الجوع بيدبحها

وناس بتموت فى الميادين فدا الثوره ..

وناس خايفة على مشاعره لنجرحها !!

[ندعوك للتسجيل في المنتدى أو التعريف بنفسك لمعاينة هذه الصورة]

احنا هانكمل وهانزق البيبان ..

يارب انت المستعان ..

واللى بيقولوا علينا مغيبين ..

ومسطحين ومعفنين ومنتنين وبوابين ومأجورين

قولوا براحتهم .. احنا بردوا مؤدبين

ومسالمين ..

بس احنا بردوا .. مكملين

» التأشيرة لهشام الجخ
» ماذا تتوقعون لهشام الجخ ؟؟
» قصائد هشام الجخ ،، متجدد ،،
» الجخ ومكملين ..
» هجاء --- هشام الجخ