انتظرني

موضوع: انتظرني الثلاثاء 20 ديسمبر 2011, 3:49 pm

أنا تايه و انت تايه
و بردو حاير و انت حاير
كنا واقفين جنب بعض
كتفي كان دايما في كتفك
حلمي كان دايما في فكرك
إيدي كانت لامسة جرحك
قلبي كان يرقص لفرحك
فجأة لفينا في دواير
و أنا ثاير و انت ثاير
عقلي قاللي لابد نهدى لجل ما نحل القضية
و تنكشف كل الجرايم و تبان لنا الأيدي الخفية
قاللي فترة انتخاب
و بعدها يكون الحساب
قلتلي أصلك جبان
ليه هربت من الميدان
و ليه نسيت دم الشهيد
و قلبك اتحول حديد
غور يا خاين يا ابو إسلامية
كل همك في الكراسي و دعم قوات أجنبية
قلتلك الله يسامحك
و الله بنزف و قت جرحك
بس عقلي بيقوللي هانت
و الحقيقة هتبقى بانت
و الميدان مفتوح يا صاحبي
نرجعه إيدي في إيديك
انت جايز رؤيتك هي اللي صح
و أنا يمكن رؤيتي تبقى الأصح
لكن التخوين هيضعف من شوكتنا
و في العيون هتتبدل صورتنا
و يجي واحد مـ الغلابة
يقولها ده شوية ديابة
همهم تولع بلدنا
و يمَوتوا من الجوع و لادنا
حسني كان راجل حرامي بس كان عارف يصونها
مـ الديابة و مـ التعالب و كل اللي هيفكر يخونها
فوق يا صاحبي و انتظرني
قبل ما الغلبان يلومك أو يلومني
و الميدان أهو مش بعيد
واوعي تاني تكون عنيد
و اهو يا تتحل القضية
يا نرجعه إيدي في إيدك من جديد

موضوع: رد: انتظرني الثلاثاء 20 ديسمبر 2011, 4:58 pm

نص جميل يا عم اسلام

روح هادئة لطرح الفكرة - التي ربما يختلف أو يتفق معها البعض -

لكن نشيد بإرتقاء المستوى الأدبي والفني للنص

موضوع: رد: انتظرني الجمعة 24 فبراير 2012, 6:21 am

شكرا على مرورك العطر يا بشمهندس
و آسف على الرد المتأخر جدا

موضوع: رد: انتظرني الجمعة 24 فبراير 2012, 11:30 am

احبسونا وطلعوه....

موضوع: رد: انتظرني الجمعة 24 فبراير 2012, 3:18 pm

إسلام كتب:: أنا تايه و انت تايه
و بردو حاير و انت حاير
كنا واقفين جنب بعض
كتفي كان دايما في كتفك
حلمي كان دايما في فكرك
إيدي كانت لامسة جرحك
قلبي كان يرقص لفرحك
فجأة لفينا في دواير
و أنا ثاير و انت ثاير
عقلي قاللي لابد نهدى لجل ما نحل القضية
و تنكشف كل الجرايم و تبان لنا الأيدي الخفية
قاللي فترة انتخاب
و بعدها يكون الحساب
قلتلي أصلك جبان
ليه هربت من الميدان
و ليه نسيت دم الشهيد
و قلبك اتحول حديد
غور يا خاين يا ابو إسلامية
كل همك في الكراسي و دعم قوات أجنبية
قلتلك الله يسامحك
و الله بنزف و قت جرحك
بس عقلي بيقوللي هانت
و الحقيقة هتبقى بانت
و الميدان مفتوح يا صاحبي
نرجعه إيدي في إيديك
انت جايز رؤيتك هي اللي صح
و أنا يمكن رؤيتي تبقى الأصح
لكن التخوين هيضعف من شوكتنا
و في العيون هتتبدل صورتنا
و يجي واحد مـ الغلابة
يقولها ده شوية ديابة
همهم تولع بلدنا
و يمَوتوا من الجوع و لادنا
حسني كان راجل حرامي بس كان عارف يصونها
مـ الديابة و مـ التعالب و كل اللي هيفكر يخونها
فوق يا صاحبي و انتظرني
قبل ما الغلبان يلومك أو يلومني
و الميدان أهو مش بعيد
واوعي تاني تكون عنيد
و اهو يا تتحل القضية
يا نرجعه إيدي في إيدك من جديد

كلام حقيقي أكتر ماهو جميل ..

تحياتي ..